DERHKEN

LALHMINGLIANA . "Kal suh, khawngaih takin min kalsan suh" min dawm bet tlat a, . "I tanpuina ka mamawh tu in nge ti? I tanpuina ka dil che em ni?" ka ti a, thinrim em em in ka melh a, min vawnna kut chu phelh in ka theihtawpa chakin ka tlan ta vak a. . Min hmangaih ve niin ka lo hre thin a, mahse a rawngbawlna peng pakhat ang lekin ka nun siamthat a duh vang chauh in min lo ngaihsak a lo ni. Tlawm ka in ti a, mipa rin har ka tih tawhzia leh ka nun kawng siam that leh nana ka beih ve nasatzia a hria a, mahse amah ka rinna chu amah vekin vawilehkhatah a tichhe zo ta.  . BUNG 1 NA . Kan khua chu khaw lian lem lo tak a ni a, mahse khaw hmasawn tak leh thang chak tak a ni. Lehkha thiam an tam in kan khua chu thingtlang ah pawh a changkang ber pawl kan ni ve a ni. Ka nu leh pate an inthen hma em avangin ka nu lama ka pi leh pu bulah ka seilian a, naupang zakzum tak ka ni thin niin ka pi chuan min hrilh a. Ka pu hi middle sikul ah headmaster a ni a, a pension na

THE FIREMAN . "Pu Luaisiama  te in a kang a, vengchhung mipuite a thei apiang kang thelh turin i kal ang u" tiin kan veng information centre atang chuan an rawn puang dum dum a. . Inkhawm turin ka insiam mek a, ka u Mama chu hmanhmawh takin a inthlak sawk sawk a, ka rilru ah kal ve ka duh avangin Mama chu min nghak turin ka ti a hmanhmawh em em in kang thelh turin kan inphur chhuak nghal a. Kan va thlen chuan mi an lo tam tawh hle. Pu Lsa te in hi kawngpui atang tlem pen thlak angai a ni. Fire Department lam pawh an lo che leh nasa hman hle tawh a, kawngchhak atang chuan kan thlir thup a, kan dinna bula Pu Zuala te in a ni a. Pu Zuala nupui Pi Dini chuan min rawn ko lauh lauh a, ka va luh chuan Fire department thenkhat chu an lo awm a. Thingpuite lumin Pi Dini chu ka lo pui ve bawrh bawrh a, an zinga pakhat chuan min lo melh leh zauh thin a. Ka lai lek lek a, kan mit leh mit a intawn chiah chuan a nui sak a, rang takin ka hawisawn thung a. Turhverh atang chuan in kang la

NO GOOD IN GOODBYE . (Ka story reng reng hi ka phalna la hmasa lovin khawiah mah chhuah chhawn ka phal lo) . Ka fapa sikul kal tan tir buaipuiin ka hun tam zawk ka hmang a, thi lek leka ka hrin ka fapa Adria chu ka atchilh takmeuh a, chutiang bawkin ka nu leh pa bakah ka unauten an buaipui em em a. A pa duh loh leh hnawl ni mahse keini chhung tan chuan kan rohlu a ni. Ka hun kal tawh kha in bawhbuai tir ka duh lova, mahse ka fapa hmelah erawh ka hun kal tawh chu loh theih loh in alo lang thin thung. Andria school bang lam turin ka chhuak a, traffic jam avangin ka tum ai rei kawngah ka tang a, ka sana chu ka bih leh zauh thin a, ka tlai ang tih mawlh chu ka hlau ani. Vawiin ni ber khera scooty keng lova car ka keng chhuak chu mawl ka in ti hle a, awmzia lah chu a awm tawh der mai silo. Reiloteah ka bul lawkah bike a rawn tlan lut a, a inhnawh tawt em avangin kal ngaihna hre lovin a ding ve reng a, kan hmaa kawg awm dan en tuma ka dakchhuah chiah chu ka thisen kal lai hi an tawp ma