DERHKEN

SENORITA (The Girl of My Dreams)   Part I -Mami Lalhmangaihzuali Chawngt . “John, min kal pah deuh mah mah lo maw?” . Ka bul a rawn thlen chuan a thinrim zia ka hai lo, a mitmeng thim mukte chu ka hlauh a ring a ni maithei. . “I hnenah kumkhuain ka awm ang ka ti hleinem”ka lo ti sam et a. . “Tenawmpa… thlawk bo nghal rawh”tih pahin ka kawrah chuan min tham a. . “Duhtak, duhtawk rawh. John, nangpawh I rui tawh anih kha, han mu rawh” Juliet chuan a lo ti a. . Ka no chu ka han dawm a, ka han tlak leh pap a, rum zeta Donny min lo en chu hre lo ang hmakin ka kalsan a, ni e, nidang ai chuan ka rui tih ka hai lo. . Ka khumah chuan ka bawk thlawp a, ka muhil zui nghal mai a. Zanlaiah chuan ka tui hal lutuk chuan min tiharh a, ka khum bula tui chu ka in bawrh bawrh a, ka harh hawkin ka hria. Helai hmunah hian kum thum chhung zet chu ka lo tal ve ta reng mai a. Ka tan chuan Donny te nupa hi ka nu leh pa ang mai an ni, he hmun ka thlen hlim khan an ni hian min ring lo

PART IV -Mami Lalhmangaihzuali Chawngthu Delhi lamah khawhar takin ni ka chhiar ve bek bek a, khua a harin Zotei ngaih a na thin kher mai. Ka ei leh in ai mah chuan Zotei biak nana topup ka thun kha a tam zawk ngei ang. Ani pawh a khua a harin min ngai thei em em a, ka chhuk thlak hlim phei kha chuan tap chungin kan inthlah ve nge nge thin. Kan dam anih chuan kumhnih bak a ngai dawn lo alawm tiin ka hnem ve mawlh mawlh thin a, a hnemtu zawk pawh hi eng ka ang chuang lo, tunlai angina whatsapp te a la awm lem lo bawk nen sms hmang khan kan inbe tluk tluk thin. * Hruai, thil pawimawh lutuk ah ka be duh che, class ban veleh min lo be rawh * Zotei message chu class ah chuan ka chhiar a, eng thil pawimawh tak chu ni dawn maw? Ka lehkhabu chu ka khung sawk sawk a, ka inluah lam chu ka pan ta nal nal a. Hei hi Delhi ka chhuk atanga thlahnihnaah chiah a ni. In ka thlen veleh chuan Zotei chu ka be nghal a, a tap titih ta mai a, ka mangang hman hle. “Hruai, engtinnge kan tih an

SOME BROKEN HEARTS NEVER MEND  PART- III -Mami Lalhmangaihzuali Chawngthu Ka graduate ve takah chuan hmachhawp hrang hrangte ka han nei ve bawk a, keimah maia thutlukna han siam erawh ka thiam chiah lo. Ka pa chuan Delhi lamah hawi zau paha MA kal turin min duh thu a sawi a, ka nu erawh chuan hmundanga awm hi a remti lutuk lo thung. Kan unau pahnih chauh kan nih avang hian han awmbo hi a ti vak thin lo a, chutihrual chuan ka pa thu erawh a hnial duh lo. In lama hna ka thawh zawh hnu chuan Zotei dawr lam pan chuan ka inkhalh chhuak a, ka buai ve deuh avangin ka kal hman loh chang a tam ve ta a, zan lamah pawh ka lut tam lo. Chhunah a hah ve tih ka hriat avangin zan lama rei tak han men leh chu amah ka khawngaih a, ka inthiarfihlim deuh a ni. A dawr ka va thlen chuan costomer an lo nei nual a, amah pawh a lo awl bik lo. Min hmuh chuan min lo nuih sak a, a seat awlah chuan thu turin min ti a, keipawh engmah sawi lo in ka thu ve mai a. Ka phone chu phawrhin ka online san a, nidang