KA THLANG TAWH CHE
KA THLANG TAWH CHE-I
(Tute emaw hringnun, a tak behchhana ziah a ni e.)
Ka whatsapp tone chu alo ri a, rang takin ka en a,
“Meeting meka, mak ltk k gyhtuah reng ce mo le he2”
A mak a ni hepa zet hi min ti a thei tak ngial dawn in ka hre thin nia! Rei tak in hre tawh ang maiin kan inpawh em em a, kan duhzawng leh kan ngainat zawng kan inhriatsak thei hle a, mak tak maiin kan in duh hle lehnghal a!
“Hmmmm….. mn gaihtuah chu enge mak I tih viau a?”
Chhanna awm lo a reh leh ta vang vang mai. A insawi fel leh vek dawn tih a hre khawp anih hi ti rilru chungin hna ka thawh chhunzawm mawlh mawlh a. Ka ring sual lo ve,
“Mak k tih zok cu tiang m2 a ilo gyhom hi mwle,,,”
Nui var var chungin phone ka dah a, reply dan tur mai ka hriat loh avangin ka chhanglet ta lem lo. Tiang reng reng chuan nitin hlim angreng tak, pawm ngam lutuk silo in hun ka hmang liam ve zel a. Naupang chhia tak in ka tih tauh khum fo thin, a thin a rim ve theilo emaw tih tur khawpin a awm thei a , a dawhthei a, ka tan a in huam thuk em em tih hi nitin ka hriatbelh zel bawk a.
KTP in hla kan zir rei lutuk chu ka thin a rim hlur a, Hruaitea message ka dawng miah lo vei nen. Kan ban veleh chuan hmanhmawh em em in ka inkhalh haw a, dar 9 a pel a, dar 10 a rik pawh chuan min la rawn be chuang lo. Thinrim tun in khumah ka inthawlh a, ka mut lah chu a chhuak der silo. Ka sana ka bih sek a, dar 11:30 a ri chiah tih in message ka dawng a, ka nghahhlelh tak chu alo ni ngei e, thinur ru tak, phur tak siin ka hawng a.
“Min lo mutsan th m?” Reife ka inngaihtuah hnuah,
"Aih" tih chauh chu ka thawn let a,
“Megrei ve” a rawn tih chuan ka lung a awi thei ngang lova,
“Nia engmah chnchin hrilh lovin k om a, ege I th, tih te poh hriattir k nilo bok” ka han ti ve ngat a.
Chhanna awm lo, a reh zui ta vang vang a.
Khua a tha duh mang silo a, scooty ken ai chuan bus chan tha zawka ka hriat avang chuan zan lam avanga mood off tak chungin bus ka chang a. ka thu chauh tihin Hruaitea chu a motor in a rawn tlana, min hmuh veleh a ding a,
“Hawh lo chuang rawh” melh pawh ka melh duhlo, ka hua tih hria se ka duh a ni.
Chutih lai tak chuan kan thawhpui pakhat hi alo tlan meka, ka lo phar a, ka chuang ta daih a, Hruaitea hmel chu luh pahin kan en kher a, a hrilhai hmel chu hmuhnuam tak a ni; a palzut mai mai tur ka ni lo tlat!
Chawhma zet chu ka thutna atang ka thochhuak hman reng reng lo, ka hna ka dah pawimawh bawk a, ka mimal buaina hi ka hnaah sengluh ka duh ngai lo. Chhun thingpui alo hun chuan muangchangin canteen lam ka pana, ka thlen hma chuan mi pakhat hian ka banah min rawn pawt thut a, ka phu chiang kher mai. Thinur takin ka han hawilet a, Hruaitea alo ni a,
“Min rawn zui rawh. Vat in” ngenna pawh a ni lo, order a ni.
Lungawi vak lo chuan ka zui a, mi min hmuh theihlohna lai kan thlen chuan dam thlap in,
”Thil awmzia hre hmasa lovin thinrim ngawt tur a ni ngailo, naupang chhia pawh I nih tawh loh hi” a ti a, chhan ka tum lo tih a hriat chuan amah vek chuan,
“Nizan chungchang avang in ngaihdam ka dil hmasa a che. Phone a sawi ai chuan hmaichhana hrilh che ka duh zawk vang in nizan khan ka sawi ta lo lawm” tiin office ban hnu ah emergency meeting an neih dan chu tawikim takin a sawi zung zung a, ka rilru pawh dam veleh thei ta mai a, hun kan ngah lo tih kan hria, ka hmuiah min fawh zauh pah chuan,
“Kan haw rual dawn nia, ka rawn phone ang che” a ti a.
Kan hmaah hlimna tam takin min hmuak niin ka hre thin a, ka khawvel chu dintharin a awm a, ka hmangaiha angchhungah chuan ka him in ka hre thin..
KA THLANG TAWH CHE- II
Ka tan chuan ka hnathawh na, ka eizawnna hmuna kan hotu ani a, chutiang tak chuan ka en reng bawk thin. Ka chungah chauh a tha a ni lova, a hnuaia thawkte tan hrawn nuam tak a ni Eng karin nge kan inngainatna chu inngaihzawnnaah a lo inleh ka hre chiah lo, ani pawn a hre lo ang.Kan room ah pawimawh lo ah alo lut ngai lova, a rawn luh chhun erawh chuan min be lo ngailo ve thung. Mipa ka lo suangtuah thin zawng zawng chu a mah ah hian a awm kim vek a, sang tha tak, 5’9 a sang, hmel zahawm tak, nelawm loh phah silo a nihna te hian ka ngaihtuahna a ti buai lek lek zawk thin.
Officers meeting a ni a, kan room pawh meeting na atana pawimawh buaipuiin kan buai ve hle a, file engemaw zat pawm bawr in conference room lam ka pan a, Pu Hruaitea pawh a room atang a lo chhuak chiaha, min hmuh veleh rang takin alo tlan phei a,
“I va bawr ve, khawi ka lo chhawk ang che”
nui sangin alo ti a, min melh ringawt pawh chu ka zam phah thei hial nia!
Darkar khat chuang meeting tan atangin a ni tawh a, an la zawh loh hmel hle lehnghal. Pawn bathlar lamah chhuak pheiin khua chu ka chuan vel a, ka maimitchhing diar diar a, hnunglam atang chuan,
“I va ning tawh dawn ve nangpawh chu” a rawn ti a,
ka han en chuan Pu Hruaitea a lo ni. Ka chhan hma in amah bawk chuan,
“Thil hrilh tur che ka nei a, tlaiah min lo nghak la, kan haw rual dawn nia” a ti a, a lut leh ta daih a.
Engtak chu niang maw, ka lungphu te chu a in thum rawn dawt dawt a, ka hnathawh danah a mit a tlung lo a ni ngei ang le.
Huphurh takin office tualah ka thu a, thawhpui te pawh an haw deuh vek tawh tih ah chuan Pu Hruaitea chu muangchang in a rawn kal a, min hmuh veleh a nui sak a,
“Lo chuang rawh ka laklawh lutuk a ka lo tlai deuh a” a han tih chuan a mitah tak chuan en in ,
“Keipawh ka awmna la rei hleinem” ka lo ti vat a.
Engvang chiah nge pawh ka hre chiang lo; ka en rei ngam tlat lo. Ani chu sawi duh nei tih hriat takin a ang zuau a, sawi mai tur a haihchham ve a niang a ngawi leh daih a. ngawi reng in kan tlan zel a, ka awm dan chu a nuam lo in kalai ru deuh teuh a. Kan veng lam kan thleng der tawh a, a tawng dawn lo emaw tih tawh ah lamah Pu Hruaitea chuan,
“Ka awm dan atang hian I hai bikin ka ring lo.. Mapui, ka duh che a ni” a titawl a, mak ka tih leh ka hamhaih em avang chuan pawn lam ka thlir ringawt a, thu a khuh thiam vak bik lo chu anih dawn hi ka ti rilru a, amah vek chuan,
“Lo in ngaihtuah ve la ka duh a, midang pawh ilo nei maithei a, zep lovin engkim min hrilh dawn nia” a tih chuan kan kawt kan thleng chiah a,
“Ni e, ka lo in ngaituah dawn nia. Kan in thleng min thlah avangin ka lawm lutuk.. chaw ei tui mai le” tih pah chuan ka chhuak a.
A motor chu herin a tlan liam thleng chuan ka thlir zui ta reng a. Ka hun tawn mek chu awih har ka ti in mak ka ti a, kan inhmuh apianga kan inkara engemaw awma ka lo hriat thin chu ka hre sual lo ve, mahse a ni officer leh kei staff satliah chu thil ni thei turah ka ruat ngai lo. A mak tih mai loh chu sawi tur ka hre lo.
Karkhat a liam a, chhanna ka la nei chuang lo, min nawr miah lo chung in nitin in min duh a ni tih chu a ti lang reng a, a tawp a tawp ah chuan ka chhang ve ta a. Zan tin inkhawm zan tih loh ah chuan a rawn leng ziah a, kan hna chungchang te sawiin kan hlim thei hle a, midang kan ngai lo takzet a ni.
KA THLANG TAWH CHE-III
“Sir, thingpui I duh em ?” ka tih chuan a phu zuk a,
“Chimawm viau lo teh” tih pah chuan min pawt thu a, ka mitah tak chuan min en a,
“Ka hmangaih che” a ti a.
Rinhlelh rual loh a mitmeng chuan chiang takin min en a, ka zam kher mai. Ka thinlung chu a hlim a, mah se thil tam tak ka ngaihtuah a ni, ti mai hi ka ni a, chhuan tur engmah ka neilo, a ni chu MCS officer, mi zah kai leh nula tam tak ngaihzawn rawn a ni a. ka rilru ti na tu mai pawh a ni lo ang tih a sawi theih loh. Chutiang ka ngaihtuah lai chuan dim te in ka darah min rawn kuah a,
“I ngaihtuah chu ka hria lawm, Mapui, ka chanchin hi chiang takin I la hre lo tih ka hria. Thingtlang naupang satliah ve mai ka ni asin, lehkha thiam chak em avanga khawpuia mi ina awm chunga lehkha zir thin ka ni. Ka kawng hi a awlsam lova, hmeichhia ngaituah turin hun ka ngah tawk lo. Ka tum ber chu kan chhungkua retheihna khur atanga khaichhuah hi a ni chuvang chuan min lo duh der ve tu te pawh ka ngaihven zui ngailo. Ka in zir chhuak a ngaihzawng chu pakhat chu ka nei ve a hmingin mah se keiman ka duh pawh ani lo, nang hi ka hmangaih hmasak ber I ni tih ka sawi ngam” a ti a.
A hun kal tawh a ngaihtuah a ni tih hriat takin a maimitchhing vang vang a. He pa hi ka hmangaih lutuk tlat.
Kan in ngaizawng tih hria chuan inhmeh min ti ve thei em em a, nuam kan ti ve thei hle thin. Office ah erawh mi mit ti khama awm kan duh ngailo thung. Tlangval officer chu an lo luck bawk a, vawi tam thikthuchhiat luat vangin ka lungawi loh khum thin, mahse vawikhatmah ka chungah a thinrim ngai lo. A mak ka ti thin kei ai tha an tam tehlul nen kei min thlang tlat hi. A chang chuan min duat lutuk hi awm ngaihna hrelo min ti thin a, a ni reng bawk a, hmeichhia hi zawng enkawl kan lo har deuh pawh a ni mahna le!
Khaw lum karah Hruaitea nen bazar lam panin kan chhuak a, sumo counter ah thil thawn ka dah chhungin motor ah min lo nghak a, ka chhoh leh chuan hmeichhe pakhat hian Hruaitea chu a lo pawt deuh tauh tauh a, ka kal hnai zel a, chu nu chuan Hruaitea ban a vawn reng avang chuan ka va pawh lawk ngam mai lo. Mahse Hruaitea chuan min hmuh veleh motor ah alut a, ka bulah chuan a rawn ding a, ngawi rengin ka lut a, zawh tur tam tak ka nei a, mahse ka zawt thei tlat lo. Kha nu kha tunge ni huangtau taka Hruaitea lo betu kha tih chu ka ngaihtuah neuh neuh a,
"I va tawng duh lo ve” a rawn tih chuan,
“Sawi tur pawh ka hrelo” ka lo ti teh hmuk a.
In kan thlen chuan Hruaitea chu motor ah a la chuang tih ka hmuh chuan vin angreng takin,
”Enge I tih reng a rawn chhuk ta che” ka ti a, hlauthawn hmel taka min en in a rawn chhuk vat a.
Ka thin rim chuan a buai vek zel tih ka hria, mahse ka insum rei lutuk chuan ka puahkeh ka hlau zawk. Room ah rei tawk tak ka inthlak san hnu chuan ka chhuak phei a, engmah hrechiang loa thinrim vak cu tha in ka hre leh ta lova, a bulah ka thut chuan dam deuh hlek hian,
“Chaw ei ve mai rawh, ka nu te an zin tho I tan rawng va bawl leh a buaithlak “ ka ti a.
Ka thinrim lo a ahriat hnu chuan hlim hmel takin a awm leh thei chuah a ni.
Mipa ka hriat tawh ah chuan a ni tluka tha ka hmu lo maipawh ni lo in an awm lo. Ama sawidan pawh a ni reng a, ka thinrim chuan a hlim thei ngai lova, rilru nuam lo takin a awm thin. A hunah a ri khap a, ka ti lui ngam ngailo. Kan in zah tawn a, kan in ngaipawimawh bawk.
Chaw kan eikham chuan committee turin a chhuak a, a phone erawh kan inah a charge a, dar 7 velah chuan a phone chu a rawn ri a, number hlang anih avang chuan ka lo pickup a,
“Hello”
“Tunge ka biak a?”
“Aw... Hruaitea thiannu ka nia, a committee a”
“Tu a thiannu maw? Engvangin nge a phone chu khatah a awm”
A tawngkam chu ka ngei zawng tak mai hi a ni a, mahse ka insum hram hram a ni,
“A battery a low a.. tunge aw, alo haw veleh kal lo hrilh dawn nia”
“A bialnu kumhlun ka nih hi”
Ka thinrim lutuk chu ka puakkeh lo chauh!
“A ni maw, ava mak ve. Ka lo hrilh dawn nia”
“A rawn haw hunah vawiina in hmuh a nupui hual duhtakin ka be duh tih lo hrilh rawh” tih pah chuan a nui lehnghal.
Ka thinrim lutuk chu ka tah a chhuak ngut ngut a, ka room ah ka lut a, ka chhuak leh a, ka vei tawn sek a.
Dar8:30 vel chuan Hruaitea pawh a rawn lut a, a hmel ka hmu chu ka insum hman lo.
“I hmel kha ka haw lutuk” ka lo ti tawl mai a, ka nau nen chuan mak ti in an ka hau a, ka nau pawh chu ka zah zo tawh lo,
“Tu maw I nupui hual chu?” ka ti a. Mak tih hmel zetin min melh kawk a,
“Min rawn zui nghal rawh” tih pahin veranda lamah ka kal nghal a. A phone chu ka pe a,
“He nu hi phone nghal rawh” tih leh phone hum tir chu ka rual a. Hmeichhe in la no lutuk aw ngei chuan,
“Dear, tunge I phone lo la tu kha” a tih ri ka hriat ruala ka awm dan chu I suangtuah thiam mai ang…
KA THLANG TAWH CHE-IV
Ka mittui luang karah chuan a hmel chu ka han hmu phe ruai a, a heh a pet fan fan a, theih se kan awm dan hi hetiang hi ni lo se a ti ngawih ngawih a ni tih chu a lang reng a. Ka lamah rawn thle pheiin,
“Ka tihpalh lutuk” a ngawi dat a,
“Ka hmangaih em che a ni.. ka thiam loh ni mah se ka chan phal lo che a, ka hmangaih tawn hmasak ber..” a tih chuan lo pawt chat in,
“Midang nei chungin maw.. I ropui hle mai” elsen takin ka lo tihkhalh a.
A rilru chu a na a ni tih ka hria, mahse ka hai der lui tlata.
Ka awmdan pawh ka hrechiang lo, room ah ka lut a, ka insum hman lo ka mittui hi a luangchhuak zawih zawih ni ber. A hmuh laia tah ka duh ngailo, mahse ka thei ngang lo ani. Ka lo tap muhil ka harh chuan zing lam dar 1 alo pel tawh a, puan te chu min lo sin that tir a, ka han hawi chhuah chuan Hruaitea chu ka room bul veranda ah chuan a lo thu reng tih ka hmuh chuan mak ka ti hle a. Ka va chhuak a, ka thawm a hriat velah a lo ding a, kei chuan,
“Haw rawh, ka hua che” ka lo ti tuar a, a ding khawng reng a.
A hmel ka hmuh chuan khawngaih hle mah ila ka insum theilo,
“kan inkar hi tihtawp I tum mi?”
aw tham chal hian a ti a, a aw ri chu a zawi em avang chuan ka hre pha tawk tawk a ni. Ka mittui chuan ka mit a ti huh lehnghal vek a, ka tawng thei lo, min rawn kuah chawt a,
“Bawihte..ka thei lo, ka theilo ang. I duh duhin min ti rawh mahse ka then thei lo che” a ti a.
A mittui pawh a zahpui tawh bik lo. A awm ah chuan ka chum chawrh chawrh a,
“Min kalsan rawh” ka ti a, min thlah a tum lo kher mai.
Darkar chanve vel chu tumah tawng tum chuang lo chuan kan thu ngawi reng a, chutah Hruaitea chuan ka mit ah tak chuan min en a,
“Bum che ka duh lo, mahse Mapui I hnena inpuang tur hian ka huaisen tawk lo em a ni” a ngawi dat a,
“Mahse chu mi vang chuan hrilh loh che ka tum tihna ni chuang lo ania. Ka pa in ka tan nupui hual a lo nei tawh a, hmangaih ka la neih loh avangin ka hrethiam lo, a hlutna pawh ka lo hre ve ngai lo, ka tawng che a ka hre ve ta chauh a nih hi, mahse thil awmdan chu ka hrilh vek tawh, ka nei dawn lo”, ka lo chek tlat2 a.
“Mi bumhmang, mi tenawm tak I ni” ka lo tih avang chuan mangang takin min en a,
“Mahse ka hmangaih che alawm”
“Chu thu chu ngaihthlak ka peih lo” ka lo tihkhalh a.
Beidawng takin a kun reng a,
“Kha chen kha thudik min hrilh lo a, tuna taka ka rin na chhan tur che ka hre lo a ni, min hrethiam dawn nia, I nupui hual duhtak chu va nei mawlh ang che” ka ti a.
Ka khup ah a kut a nghat a, a thingthi rawp a,
“Ka hmangaih hmasak ber I ni, a tawp na pawh I ni tih hi dawt a ni lo” a tih chuan a kut chu ka thing thla a, room ah ka luhsan ta daih a.
KA THLANG TAWH CHE-V
Office pawh kal peih lo in ka room ah nilengin hun ka hmang a, vawi 30 chuang Hruaitea phone call ka dawng hman a, ka switchoff ta ringawt a . Ka ngaihtuah ringawt pawhin ka thin a ur a ni, theihnghilh vang vang chakin ka maimitchhing a, mahse Hruaitea hmel ngainatawm em em kha a lo lang zel si. Ka mu theilo a, chaw ka ei thei hek lo. Karkhat dawn chu office pawh ka kal peih lo a, ka chhungte mang pawh ka ti ang narawh e; mi rilru na ve te..
Karkhat zet a liam a, chawlh reng theih a ni si lova, peih lo leh huphurh zetin ka inkhalh chhuak a, ka thianten thil awmdan hi hria se ka zah dan tur leh min hmuh dan tur thlengin ka ngaihtuahnaah a rawn lang a. Office ka thlen chuan kan boruak hre hauh lo chuan thiante lah chuan min lo fiam bawk bawk a, Hruaitea chu meeting in alo zin chhuak daih hi a lo ni a, chumi lunglen vanga kal lo ah mi an chhuah a, an hlimpui ta phian a. Ka rilru erawh a hah nghulh thung. Ka kal loh chhunga ka file khawih loh ho chu ka chingfel a, ka buai hle a, kan room kawngka a rawn in hawng a, ka buai em avang chuan tunge lo lut pawh ka lo en hran lo. Ka bulah chuan ding an awm avangin ka han hawi zawk a, Hruaitea chu a lo ding reng a, ka hawisawn nghal vat a.
"Min lo zui lawk teh"
A thusawi chu hre lo ang hmak chuan ka awm a, ka hnathawh lai chu ka thawh zawm mawlh mawlh a, chutah a aia fiah leh chang zawk chuan,
"Ka kaih chhuah kher che i duh zawk em ni? Engmah pawi tih ka nei lo, mi zawng zawng hmuh ah chu thil chu ka ti duh tak tak ang" a han ti leh a.
Ka hlauh vang pawh ni lovin mualpho ka duh loh vangin rum zeta melh pah chuan ka ding a, ka thiante chu an buai hlawm em avangin kan boruak chu hre awm pawh in tumah an lang lo. Muangchangin ka kal a, ka zui zel a, a room ah a lut a, ka zui lut ve mai a, kawngka chu a kalh nghal hmiah a. A hmel chu ka han melh a, a pawr deuh fap a, a mu tam lo hle a nih ka ring. Tukverh chu hawngin pawn lam chu a han melh vang vang a,
"Engtinnge awm ila i duh?"
A aw chu a zawi hle a, a vawt raih bawk a,
"Inthen ang"
Mak tih hmel takin min melh a, ka mit chu la sawni pawi tih loh hmel ka pu lui hram hram a. Nupui hual nei chunga ani kawp chu tlawmthlak ka ti a, ka duh lo a ni. Ka bulah chuan a rawn thu phei a,
"Chu chu i duh takzet maw?"
"Aw... ka thutlukna chu a ni alawm"
"Mapui... ka hmangaih che, chu chu dawt a ni lo. Mahse i lakah hian ka inthlahrung ve ngawih ngawih a, min kalsan lo tur hian ngen pawh ka ngen ngam lo che. Hmangaih loh neih ai chuan tunah chuan nupui nei lova awm pawh ka thlang tawk zawk. Ka pa pawh ka hrilh tawh, tunah a rilru la hmin chiah lo mah ila ka la hmin ngei ang"
A han chawl dat a, ngun takin min en a, hnuai lam ka lo bih vat a,
"I thutlukna chu a la pangngai tho em?" a han ti a.
Ka chhanna nghahhlelh hmel fahranin min en kal a,
"Ka thutlukna chu ala pangngai reng, chuan engmah sawi dun tur kan nei tawh lovin ka hria" tih pah chuan ka ding a, kal mai ka tum a. Kawngka ka thlen chuan,
"Ka kalsan ve thei lo che, min ngaidam dawn nia. I rilru dam hun chu ka lo nghak zawk ange" a ti a.
Hawi let tawh lovin ka kal nghal a, ka rilru chu a fim lo hle tih ka hria. Ka thutlukna siam chuan min vaw na ngei in ka ring a, chutichung chuan ka kaltlangpui tho a ngai si.
KA THLANG TAWH CHE- VI
Kan chanchin chu sawi chhuak lo mah ila nitina thawkho ta reng chu thiante pawhin rin dan tawk chu an lo nei lo thei lova. Ka huphurh lawk ang ngeiin zawhna pawh ka dawng nual reng a ni. A zawng zawng ka hrilh theih lo avangin zep nei run in ka awm a, kan office boruak pawh chu hahthlak ka ti takzet a ni.
Kan hnaah zin chhuah a ngai a, nidangah zin ka huphurh thin nen tun tum ah erawh ka lawm viau thung. Karkhat kan thang a, kan haw tlaiah chuan ka thiannu ve ber Siamtei chu a rawn leng a, Hruaitea nen kan chanchin hre bertu pawh a ni. Hmeichhe pakhat leh Hruaitea chu a hmuh dun fo thu a sawi a, chu nu chu a nupui hual a nih ngei a rin thu a sawi tel a. Ka rilru chu a na ve zawk a, ka hmuh phak ah awm lo se ka duh ngawih ngawih a ni.
Ni thum lai chu ka hel tawh a, office hmunkhat na na na chu pumpelh reng theih erawh a ni bik lo. Ka inhmuh chang chuan pangngai takin min bia a, chhan loh ngawt a theih bik loh avangin phur lo takin ka chhang ve hram hram thin. Nikhat chu chawlh a nih avangin bazar lamah ka chhuak ve a, ka thiannu Siamtei chu ka tlawh khat deuh bawk nen tlawh ka rilruk a, an dawr awmna Millenium Centre lam chu ka pan a. Ka thlen chuan an dawr nghaktu chiah alo awm a, Siamtei chu dawr bungrua laa a zinbo avangin alo awm lo a ni. Ka lo fon hmasa lo chu ka inchhir hnuhnawh hle a, rei awm lovin ka chhuak leh mai a, ground floor ka thleng thla chiah chu ka thil hmuh duh loh tawp thil ka hmu ta tlat a. Hruaitea leh hmeichhe pakhat(a nupui hual? ) chu an rawn in zui lut chiah a, hmeichhia chuan Hruaitea ban ah chuan a kai a, ka sawi thiam lo, a tak ngeia han hmuh chuan a na ngawih ngawih tih bak sawifiah dan ka hre lo. Ka en reng lai chuan Hruaitea chu a rawn hawi kual a, min rawn hmuh veleh chuan a kalpui nu ban chu a paihthla a, rang takin chu hmub chu chhuahsan ka tum ve thung a. Ka rilru chu a buai deuh nuaih a ni ber, ka scooty dahna chu ka thleng thuai a, tlanchhuah ka tum lai takin ka banah min rawn hmer sawk a, Hruaitea ngei a ni.
"Inbia ang"
"Sawidun turkan nei lo" ka kut min hmer na chu phelhna ka tum a, chutih lai tak chuan a kalpui hmeichhia chu a rawn thleng chawpchilh ve nghal mai a. Min hmu awm ang pawhin a lang duh lo,
"Enge i tih a, ka nghak reng che alawm" a rawn ti a. Hruaitea chuan min vawnna chu a thlah a, chu veleh rang zetin scooty ka ti nung a, ka tlan chhuak nghal a. Side glass atang ka han melh thuak a, an inhnial ni ngeiin ka va hmu a. In ka thleng chu ka mittui atla zawih zawih a, ka rilru a na a, ka zak bawk si.
Ka inkhawm bang chu hla ka zir peih tak loh avangin keimahin ka haw a, kan in thlen hma deuh kawng kawiah hian motor alo ding a, Hruaitea motor ang ka ti hle a, ka kal pelh dawn lai tak chuan min rawn ko a, amah ngei a lo ni. Ka bul a rawn thleng chawpchilh nghal a, kal leh nghal ka tum chu ka anah a rawn vuan a,
"Mapui, khawngaih takin ka thusawi hi ngaithla rawh, inbe lawk ang" a ti a.
"Engmah sawi tur ka nei tawh lo, min hrethiam la min kal tur zawk rawh" ka ti a. Motor kawngkhar chu a hawng a, mun namlut rawk rawk a, ka tal chiam a, ka hneh lo kher mai. Ka thinrim lutuk chu ka khur deuh hlawk hlawk a, motor a ti nung a, a tlan nghal a,
"Hetianga min ti tur hian tunge nia i inhriat? Ding rawh, ka haw dawn" ka ti a, ka fon chu ka phawrh chhuak a. Rang takin alo la a, a ngawi ran a, a tlan ngaiin a la tlan reng bawk a. A in luahna lam kan pan mek tih ka hre thei a. A in kawt kan thlen chuan a chhuk a, kawngkhar chu a hawng a, chhuah pawh tum lo chuan ka thu reng thung a,
"I lo chhuk dawn nge ka pawm chhuak zawk dawn che?" rum zetin ka melh a. A thil sawi chu a ti leh duh sawn ngei tih ka hria a, ka chhuk ta nge nge a. Inchhungah min hruai lut a, kawngka a kalh hmak a, ka hlauthawn ru hman hle.
"Ti hian kan in ru ani mai"
Ka va melh kawk a, uluk zetin min lo en reng a,
"Ka duh lo" ka tih chuan ngaih pawimawh loh hmel zetin a nui sak a,
"Ka haw dawn" tih pahin kawngka chu hawn ka tum a, ka banah a lo chelh tlat thung a.
"Mapui, ka hmangaihna che hi haider tum tawh suh, i duh dan dan in min ti la hremna pawh min pe la pawi ka ti lo. Mahse min kalsan suh" ka kasngah a kuah a, a lamah min kuai her a, chiang zetin kan in melh a,
"Mi innei tur tibuaitu nih ka duh hleinem" ka hmui chu a hup vat a, ka mittui tling pam chu a kutin a hru a, duat takin min fawp vawng vawng a.
"Lucy pawh engkim ka hrilh tawh, hun tlem pe ila a tuar thiam ve mai ang, hun reilote chu min pe thei angem?" A ti a.
Ka lu chu ka lo bu nghat a, a nui sak a,
"Ka hmuh hmasak ber che atang daih tawh khan nang hi kumkhuaa ka kawppui ni turin KA THLANG TAWH CHE. Nang chauh hi ka hmangaih che" a ti a. Kan hmaah enge kan tawh dawn tih lam kan ngaihtuah lo, kan inhmangaih chhung chuan kan paltlang thei ang tih erawh kan hria a, harsatna lo thleng thei te dah tha in kan hmalam hun chu kan thlir dun ta zawk a......
(Mi chanchin ziah hi thil harsa tak a ni tih ka hre tawh a, ka hriatbelh leh ta! Mahni duhdan ang anga her rem a chakawm thei khawp mai. Comments leh like min pe a min fuih kal thin tute, ka tan hian in hlu takzet, ka lom e.
Hemi thleng hi an chanchin a ni a, engtinnge an awm zel dawn tih chu hunin ala hril ve zel ang chu.. kei chuan an inhmangaihna hi tihpuitlinin awm ngei sela tih hi ka duhsak a ni e.)
(Tute emaw hringnun, a tak behchhana ziah a ni e.)
Ka whatsapp tone chu alo ri a, rang takin ka en a,
“Meeting meka, mak ltk k gyhtuah reng ce mo le he2”
A mak a ni hepa zet hi min ti a thei tak ngial dawn in ka hre thin nia! Rei tak in hre tawh ang maiin kan inpawh em em a, kan duhzawng leh kan ngainat zawng kan inhriatsak thei hle a, mak tak maiin kan in duh hle lehnghal a!
“Hmmmm….. mn gaihtuah chu enge mak I tih viau a?”
Chhanna awm lo a reh leh ta vang vang mai. A insawi fel leh vek dawn tih a hre khawp anih hi ti rilru chungin hna ka thawh chhunzawm mawlh mawlh a. Ka ring sual lo ve,
“Mak k tih zok cu tiang m2 a ilo gyhom hi mwle,,,”
Nui var var chungin phone ka dah a, reply dan tur mai ka hriat loh avangin ka chhanglet ta lem lo. Tiang reng reng chuan nitin hlim angreng tak, pawm ngam lutuk silo in hun ka hmang liam ve zel a. Naupang chhia tak in ka tih tauh khum fo thin, a thin a rim ve theilo emaw tih tur khawpin a awm thei a , a dawhthei a, ka tan a in huam thuk em em tih hi nitin ka hriatbelh zel bawk a.
KTP in hla kan zir rei lutuk chu ka thin a rim hlur a, Hruaitea message ka dawng miah lo vei nen. Kan ban veleh chuan hmanhmawh em em in ka inkhalh haw a, dar 9 a pel a, dar 10 a rik pawh chuan min la rawn be chuang lo. Thinrim tun in khumah ka inthawlh a, ka mut lah chu a chhuak der silo. Ka sana ka bih sek a, dar 11:30 a ri chiah tih in message ka dawng a, ka nghahhlelh tak chu alo ni ngei e, thinur ru tak, phur tak siin ka hawng a.
“Min lo mutsan th m?” Reife ka inngaihtuah hnuah,
"Aih" tih chauh chu ka thawn let a,
“Megrei ve” a rawn tih chuan ka lung a awi thei ngang lova,
“Nia engmah chnchin hrilh lovin k om a, ege I th, tih te poh hriattir k nilo bok” ka han ti ve ngat a.
Chhanna awm lo, a reh zui ta vang vang a.
Khua a tha duh mang silo a, scooty ken ai chuan bus chan tha zawka ka hriat avang chuan zan lam avanga mood off tak chungin bus ka chang a. ka thu chauh tihin Hruaitea chu a motor in a rawn tlana, min hmuh veleh a ding a,
“Hawh lo chuang rawh” melh pawh ka melh duhlo, ka hua tih hria se ka duh a ni.
Chutih lai tak chuan kan thawhpui pakhat hi alo tlan meka, ka lo phar a, ka chuang ta daih a, Hruaitea hmel chu luh pahin kan en kher a, a hrilhai hmel chu hmuhnuam tak a ni; a palzut mai mai tur ka ni lo tlat!
Chawhma zet chu ka thutna atang ka thochhuak hman reng reng lo, ka hna ka dah pawimawh bawk a, ka mimal buaina hi ka hnaah sengluh ka duh ngai lo. Chhun thingpui alo hun chuan muangchangin canteen lam ka pana, ka thlen hma chuan mi pakhat hian ka banah min rawn pawt thut a, ka phu chiang kher mai. Thinur takin ka han hawilet a, Hruaitea alo ni a,
“Min rawn zui rawh. Vat in” ngenna pawh a ni lo, order a ni.
Lungawi vak lo chuan ka zui a, mi min hmuh theihlohna lai kan thlen chuan dam thlap in,
”Thil awmzia hre hmasa lovin thinrim ngawt tur a ni ngailo, naupang chhia pawh I nih tawh loh hi” a ti a, chhan ka tum lo tih a hriat chuan amah vek chuan,
“Nizan chungchang avang in ngaihdam ka dil hmasa a che. Phone a sawi ai chuan hmaichhana hrilh che ka duh zawk vang in nizan khan ka sawi ta lo lawm” tiin office ban hnu ah emergency meeting an neih dan chu tawikim takin a sawi zung zung a, ka rilru pawh dam veleh thei ta mai a, hun kan ngah lo tih kan hria, ka hmuiah min fawh zauh pah chuan,
“Kan haw rual dawn nia, ka rawn phone ang che” a ti a.
Kan hmaah hlimna tam takin min hmuak niin ka hre thin a, ka khawvel chu dintharin a awm a, ka hmangaiha angchhungah chuan ka him in ka hre thin..
KA THLANG TAWH CHE- II
Ka tan chuan ka hnathawh na, ka eizawnna hmuna kan hotu ani a, chutiang tak chuan ka en reng bawk thin. Ka chungah chauh a tha a ni lova, a hnuaia thawkte tan hrawn nuam tak a ni Eng karin nge kan inngainatna chu inngaihzawnnaah a lo inleh ka hre chiah lo, ani pawn a hre lo ang.Kan room ah pawimawh lo ah alo lut ngai lova, a rawn luh chhun erawh chuan min be lo ngailo ve thung. Mipa ka lo suangtuah thin zawng zawng chu a mah ah hian a awm kim vek a, sang tha tak, 5’9 a sang, hmel zahawm tak, nelawm loh phah silo a nihna te hian ka ngaihtuahna a ti buai lek lek zawk thin.
Officers meeting a ni a, kan room pawh meeting na atana pawimawh buaipuiin kan buai ve hle a, file engemaw zat pawm bawr in conference room lam ka pan a, Pu Hruaitea pawh a room atang a lo chhuak chiaha, min hmuh veleh rang takin alo tlan phei a,
“I va bawr ve, khawi ka lo chhawk ang che”
nui sangin alo ti a, min melh ringawt pawh chu ka zam phah thei hial nia!
Darkar khat chuang meeting tan atangin a ni tawh a, an la zawh loh hmel hle lehnghal. Pawn bathlar lamah chhuak pheiin khua chu ka chuan vel a, ka maimitchhing diar diar a, hnunglam atang chuan,
“I va ning tawh dawn ve nangpawh chu” a rawn ti a,
ka han en chuan Pu Hruaitea a lo ni. Ka chhan hma in amah bawk chuan,
“Thil hrilh tur che ka nei a, tlaiah min lo nghak la, kan haw rual dawn nia” a ti a, a lut leh ta daih a.
Engtak chu niang maw, ka lungphu te chu a in thum rawn dawt dawt a, ka hnathawh danah a mit a tlung lo a ni ngei ang le.
Huphurh takin office tualah ka thu a, thawhpui te pawh an haw deuh vek tawh tih ah chuan Pu Hruaitea chu muangchang in a rawn kal a, min hmuh veleh a nui sak a,
“Lo chuang rawh ka laklawh lutuk a ka lo tlai deuh a” a han tih chuan a mitah tak chuan en in ,
“Keipawh ka awmna la rei hleinem” ka lo ti vat a.
Engvang chiah nge pawh ka hre chiang lo; ka en rei ngam tlat lo. Ani chu sawi duh nei tih hriat takin a ang zuau a, sawi mai tur a haihchham ve a niang a ngawi leh daih a. ngawi reng in kan tlan zel a, ka awm dan chu a nuam lo in kalai ru deuh teuh a. Kan veng lam kan thleng der tawh a, a tawng dawn lo emaw tih tawh ah lamah Pu Hruaitea chuan,
“Ka awm dan atang hian I hai bikin ka ring lo.. Mapui, ka duh che a ni” a titawl a, mak ka tih leh ka hamhaih em avang chuan pawn lam ka thlir ringawt a, thu a khuh thiam vak bik lo chu anih dawn hi ka ti rilru a, amah vek chuan,
“Lo in ngaihtuah ve la ka duh a, midang pawh ilo nei maithei a, zep lovin engkim min hrilh dawn nia” a tih chuan kan kawt kan thleng chiah a,
“Ni e, ka lo in ngaituah dawn nia. Kan in thleng min thlah avangin ka lawm lutuk.. chaw ei tui mai le” tih pah chuan ka chhuak a.
A motor chu herin a tlan liam thleng chuan ka thlir zui ta reng a. Ka hun tawn mek chu awih har ka ti in mak ka ti a, kan inhmuh apianga kan inkara engemaw awma ka lo hriat thin chu ka hre sual lo ve, mahse a ni officer leh kei staff satliah chu thil ni thei turah ka ruat ngai lo. A mak tih mai loh chu sawi tur ka hre lo.
Karkhat a liam a, chhanna ka la nei chuang lo, min nawr miah lo chung in nitin in min duh a ni tih chu a ti lang reng a, a tawp a tawp ah chuan ka chhang ve ta a. Zan tin inkhawm zan tih loh ah chuan a rawn leng ziah a, kan hna chungchang te sawiin kan hlim thei hle a, midang kan ngai lo takzet a ni.
KA THLANG TAWH CHE-III
“Sir, thingpui I duh em ?” ka tih chuan a phu zuk a,
“Chimawm viau lo teh” tih pah chuan min pawt thu a, ka mitah tak chuan min en a,
“Ka hmangaih che” a ti a.
Rinhlelh rual loh a mitmeng chuan chiang takin min en a, ka zam kher mai. Ka thinlung chu a hlim a, mah se thil tam tak ka ngaihtuah a ni, ti mai hi ka ni a, chhuan tur engmah ka neilo, a ni chu MCS officer, mi zah kai leh nula tam tak ngaihzawn rawn a ni a. ka rilru ti na tu mai pawh a ni lo ang tih a sawi theih loh. Chutiang ka ngaihtuah lai chuan dim te in ka darah min rawn kuah a,
“I ngaihtuah chu ka hria lawm, Mapui, ka chanchin hi chiang takin I la hre lo tih ka hria. Thingtlang naupang satliah ve mai ka ni asin, lehkha thiam chak em avanga khawpuia mi ina awm chunga lehkha zir thin ka ni. Ka kawng hi a awlsam lova, hmeichhia ngaituah turin hun ka ngah tawk lo. Ka tum ber chu kan chhungkua retheihna khur atanga khaichhuah hi a ni chuvang chuan min lo duh der ve tu te pawh ka ngaihven zui ngailo. Ka in zir chhuak a ngaihzawng chu pakhat chu ka nei ve a hmingin mah se keiman ka duh pawh ani lo, nang hi ka hmangaih hmasak ber I ni tih ka sawi ngam” a ti a.
A hun kal tawh a ngaihtuah a ni tih hriat takin a maimitchhing vang vang a. He pa hi ka hmangaih lutuk tlat.
Kan in ngaizawng tih hria chuan inhmeh min ti ve thei em em a, nuam kan ti ve thei hle thin. Office ah erawh mi mit ti khama awm kan duh ngailo thung. Tlangval officer chu an lo luck bawk a, vawi tam thikthuchhiat luat vangin ka lungawi loh khum thin, mahse vawikhatmah ka chungah a thinrim ngai lo. A mak ka ti thin kei ai tha an tam tehlul nen kei min thlang tlat hi. A chang chuan min duat lutuk hi awm ngaihna hrelo min ti thin a, a ni reng bawk a, hmeichhia hi zawng enkawl kan lo har deuh pawh a ni mahna le!
Khaw lum karah Hruaitea nen bazar lam panin kan chhuak a, sumo counter ah thil thawn ka dah chhungin motor ah min lo nghak a, ka chhoh leh chuan hmeichhe pakhat hian Hruaitea chu a lo pawt deuh tauh tauh a, ka kal hnai zel a, chu nu chuan Hruaitea ban a vawn reng avang chuan ka va pawh lawk ngam mai lo. Mahse Hruaitea chuan min hmuh veleh motor ah alut a, ka bulah chuan a rawn ding a, ngawi rengin ka lut a, zawh tur tam tak ka nei a, mahse ka zawt thei tlat lo. Kha nu kha tunge ni huangtau taka Hruaitea lo betu kha tih chu ka ngaihtuah neuh neuh a,
"I va tawng duh lo ve” a rawn tih chuan,
“Sawi tur pawh ka hrelo” ka lo ti teh hmuk a.
In kan thlen chuan Hruaitea chu motor ah a la chuang tih ka hmuh chuan vin angreng takin,
”Enge I tih reng a rawn chhuk ta che” ka ti a, hlauthawn hmel taka min en in a rawn chhuk vat a.
Ka thin rim chuan a buai vek zel tih ka hria, mahse ka insum rei lutuk chuan ka puahkeh ka hlau zawk. Room ah rei tawk tak ka inthlak san hnu chuan ka chhuak phei a, engmah hrechiang loa thinrim vak cu tha in ka hre leh ta lova, a bulah ka thut chuan dam deuh hlek hian,
“Chaw ei ve mai rawh, ka nu te an zin tho I tan rawng va bawl leh a buaithlak “ ka ti a.
Ka thinrim lo a ahriat hnu chuan hlim hmel takin a awm leh thei chuah a ni.
Mipa ka hriat tawh ah chuan a ni tluka tha ka hmu lo maipawh ni lo in an awm lo. Ama sawidan pawh a ni reng a, ka thinrim chuan a hlim thei ngai lova, rilru nuam lo takin a awm thin. A hunah a ri khap a, ka ti lui ngam ngailo. Kan in zah tawn a, kan in ngaipawimawh bawk.
Chaw kan eikham chuan committee turin a chhuak a, a phone erawh kan inah a charge a, dar 7 velah chuan a phone chu a rawn ri a, number hlang anih avang chuan ka lo pickup a,
“Hello”
“Tunge ka biak a?”
“Aw... Hruaitea thiannu ka nia, a committee a”
“Tu a thiannu maw? Engvangin nge a phone chu khatah a awm”
A tawngkam chu ka ngei zawng tak mai hi a ni a, mahse ka insum hram hram a ni,
“A battery a low a.. tunge aw, alo haw veleh kal lo hrilh dawn nia”
“A bialnu kumhlun ka nih hi”
Ka thinrim lutuk chu ka puakkeh lo chauh!
“A ni maw, ava mak ve. Ka lo hrilh dawn nia”
“A rawn haw hunah vawiina in hmuh a nupui hual duhtakin ka be duh tih lo hrilh rawh” tih pah chuan a nui lehnghal.
Ka thinrim lutuk chu ka tah a chhuak ngut ngut a, ka room ah ka lut a, ka chhuak leh a, ka vei tawn sek a.
Dar8:30 vel chuan Hruaitea pawh a rawn lut a, a hmel ka hmu chu ka insum hman lo.
“I hmel kha ka haw lutuk” ka lo ti tawl mai a, ka nau nen chuan mak ti in an ka hau a, ka nau pawh chu ka zah zo tawh lo,
“Tu maw I nupui hual chu?” ka ti a. Mak tih hmel zetin min melh kawk a,
“Min rawn zui nghal rawh” tih pahin veranda lamah ka kal nghal a. A phone chu ka pe a,
“He nu hi phone nghal rawh” tih leh phone hum tir chu ka rual a. Hmeichhe in la no lutuk aw ngei chuan,
“Dear, tunge I phone lo la tu kha” a tih ri ka hriat ruala ka awm dan chu I suangtuah thiam mai ang…
KA THLANG TAWH CHE-IV
Ka mittui luang karah chuan a hmel chu ka han hmu phe ruai a, a heh a pet fan fan a, theih se kan awm dan hi hetiang hi ni lo se a ti ngawih ngawih a ni tih chu a lang reng a. Ka lamah rawn thle pheiin,
“Ka tihpalh lutuk” a ngawi dat a,
“Ka hmangaih em che a ni.. ka thiam loh ni mah se ka chan phal lo che a, ka hmangaih tawn hmasak ber..” a tih chuan lo pawt chat in,
“Midang nei chungin maw.. I ropui hle mai” elsen takin ka lo tihkhalh a.
A rilru chu a na a ni tih ka hria, mahse ka hai der lui tlata.
Ka awmdan pawh ka hrechiang lo, room ah ka lut a, ka insum hman lo ka mittui hi a luangchhuak zawih zawih ni ber. A hmuh laia tah ka duh ngailo, mahse ka thei ngang lo ani. Ka lo tap muhil ka harh chuan zing lam dar 1 alo pel tawh a, puan te chu min lo sin that tir a, ka han hawi chhuah chuan Hruaitea chu ka room bul veranda ah chuan a lo thu reng tih ka hmuh chuan mak ka ti hle a. Ka va chhuak a, ka thawm a hriat velah a lo ding a, kei chuan,
“Haw rawh, ka hua che” ka lo ti tuar a, a ding khawng reng a.
A hmel ka hmuh chuan khawngaih hle mah ila ka insum theilo,
“kan inkar hi tihtawp I tum mi?”
aw tham chal hian a ti a, a aw ri chu a zawi em avang chuan ka hre pha tawk tawk a ni. Ka mittui chuan ka mit a ti huh lehnghal vek a, ka tawng thei lo, min rawn kuah chawt a,
“Bawihte..ka thei lo, ka theilo ang. I duh duhin min ti rawh mahse ka then thei lo che” a ti a.
A mittui pawh a zahpui tawh bik lo. A awm ah chuan ka chum chawrh chawrh a,
“Min kalsan rawh” ka ti a, min thlah a tum lo kher mai.
Darkar chanve vel chu tumah tawng tum chuang lo chuan kan thu ngawi reng a, chutah Hruaitea chuan ka mit ah tak chuan min en a,
“Bum che ka duh lo, mahse Mapui I hnena inpuang tur hian ka huaisen tawk lo em a ni” a ngawi dat a,
“Mahse chu mi vang chuan hrilh loh che ka tum tihna ni chuang lo ania. Ka pa in ka tan nupui hual a lo nei tawh a, hmangaih ka la neih loh avangin ka hrethiam lo, a hlutna pawh ka lo hre ve ngai lo, ka tawng che a ka hre ve ta chauh a nih hi, mahse thil awmdan chu ka hrilh vek tawh, ka nei dawn lo”, ka lo chek tlat2 a.
“Mi bumhmang, mi tenawm tak I ni” ka lo tih avang chuan mangang takin min en a,
“Mahse ka hmangaih che alawm”
“Chu thu chu ngaihthlak ka peih lo” ka lo tihkhalh a.
Beidawng takin a kun reng a,
“Kha chen kha thudik min hrilh lo a, tuna taka ka rin na chhan tur che ka hre lo a ni, min hrethiam dawn nia, I nupui hual duhtak chu va nei mawlh ang che” ka ti a.
Ka khup ah a kut a nghat a, a thingthi rawp a,
“Ka hmangaih hmasak ber I ni, a tawp na pawh I ni tih hi dawt a ni lo” a tih chuan a kut chu ka thing thla a, room ah ka luhsan ta daih a.
KA THLANG TAWH CHE-V
Office pawh kal peih lo in ka room ah nilengin hun ka hmang a, vawi 30 chuang Hruaitea phone call ka dawng hman a, ka switchoff ta ringawt a . Ka ngaihtuah ringawt pawhin ka thin a ur a ni, theihnghilh vang vang chakin ka maimitchhing a, mahse Hruaitea hmel ngainatawm em em kha a lo lang zel si. Ka mu theilo a, chaw ka ei thei hek lo. Karkhat dawn chu office pawh ka kal peih lo a, ka chhungte mang pawh ka ti ang narawh e; mi rilru na ve te..
Karkhat zet a liam a, chawlh reng theih a ni si lova, peih lo leh huphurh zetin ka inkhalh chhuak a, ka thianten thil awmdan hi hria se ka zah dan tur leh min hmuh dan tur thlengin ka ngaihtuahnaah a rawn lang a. Office ka thlen chuan kan boruak hre hauh lo chuan thiante lah chuan min lo fiam bawk bawk a, Hruaitea chu meeting in alo zin chhuak daih hi a lo ni a, chumi lunglen vanga kal lo ah mi an chhuah a, an hlimpui ta phian a. Ka rilru erawh a hah nghulh thung. Ka kal loh chhunga ka file khawih loh ho chu ka chingfel a, ka buai hle a, kan room kawngka a rawn in hawng a, ka buai em avang chuan tunge lo lut pawh ka lo en hran lo. Ka bulah chuan ding an awm avangin ka han hawi zawk a, Hruaitea chu a lo ding reng a, ka hawisawn nghal vat a.
"Min lo zui lawk teh"
A thusawi chu hre lo ang hmak chuan ka awm a, ka hnathawh lai chu ka thawh zawm mawlh mawlh a, chutah a aia fiah leh chang zawk chuan,
"Ka kaih chhuah kher che i duh zawk em ni? Engmah pawi tih ka nei lo, mi zawng zawng hmuh ah chu thil chu ka ti duh tak tak ang" a han ti leh a.
Ka hlauh vang pawh ni lovin mualpho ka duh loh vangin rum zeta melh pah chuan ka ding a, ka thiante chu an buai hlawm em avangin kan boruak chu hre awm pawh in tumah an lang lo. Muangchangin ka kal a, ka zui zel a, a room ah a lut a, ka zui lut ve mai a, kawngka chu a kalh nghal hmiah a. A hmel chu ka han melh a, a pawr deuh fap a, a mu tam lo hle a nih ka ring. Tukverh chu hawngin pawn lam chu a han melh vang vang a,
"Engtinnge awm ila i duh?"
A aw chu a zawi hle a, a vawt raih bawk a,
"Inthen ang"
Mak tih hmel takin min melh a, ka mit chu la sawni pawi tih loh hmel ka pu lui hram hram a. Nupui hual nei chunga ani kawp chu tlawmthlak ka ti a, ka duh lo a ni. Ka bulah chuan a rawn thu phei a,
"Chu chu i duh takzet maw?"
"Aw... ka thutlukna chu a ni alawm"
"Mapui... ka hmangaih che, chu chu dawt a ni lo. Mahse i lakah hian ka inthlahrung ve ngawih ngawih a, min kalsan lo tur hian ngen pawh ka ngen ngam lo che. Hmangaih loh neih ai chuan tunah chuan nupui nei lova awm pawh ka thlang tawk zawk. Ka pa pawh ka hrilh tawh, tunah a rilru la hmin chiah lo mah ila ka la hmin ngei ang"
A han chawl dat a, ngun takin min en a, hnuai lam ka lo bih vat a,
"I thutlukna chu a la pangngai tho em?" a han ti a.
Ka chhanna nghahhlelh hmel fahranin min en kal a,
"Ka thutlukna chu ala pangngai reng, chuan engmah sawi dun tur kan nei tawh lovin ka hria" tih pah chuan ka ding a, kal mai ka tum a. Kawngka ka thlen chuan,
"Ka kalsan ve thei lo che, min ngaidam dawn nia. I rilru dam hun chu ka lo nghak zawk ange" a ti a.
Hawi let tawh lovin ka kal nghal a, ka rilru chu a fim lo hle tih ka hria. Ka thutlukna siam chuan min vaw na ngei in ka ring a, chutichung chuan ka kaltlangpui tho a ngai si.
KA THLANG TAWH CHE- VI
Kan chanchin chu sawi chhuak lo mah ila nitina thawkho ta reng chu thiante pawhin rin dan tawk chu an lo nei lo thei lova. Ka huphurh lawk ang ngeiin zawhna pawh ka dawng nual reng a ni. A zawng zawng ka hrilh theih lo avangin zep nei run in ka awm a, kan office boruak pawh chu hahthlak ka ti takzet a ni.
Kan hnaah zin chhuah a ngai a, nidangah zin ka huphurh thin nen tun tum ah erawh ka lawm viau thung. Karkhat kan thang a, kan haw tlaiah chuan ka thiannu ve ber Siamtei chu a rawn leng a, Hruaitea nen kan chanchin hre bertu pawh a ni. Hmeichhe pakhat leh Hruaitea chu a hmuh dun fo thu a sawi a, chu nu chu a nupui hual a nih ngei a rin thu a sawi tel a. Ka rilru chu a na ve zawk a, ka hmuh phak ah awm lo se ka duh ngawih ngawih a ni.
Ni thum lai chu ka hel tawh a, office hmunkhat na na na chu pumpelh reng theih erawh a ni bik lo. Ka inhmuh chang chuan pangngai takin min bia a, chhan loh ngawt a theih bik loh avangin phur lo takin ka chhang ve hram hram thin. Nikhat chu chawlh a nih avangin bazar lamah ka chhuak ve a, ka thiannu Siamtei chu ka tlawh khat deuh bawk nen tlawh ka rilruk a, an dawr awmna Millenium Centre lam chu ka pan a. Ka thlen chuan an dawr nghaktu chiah alo awm a, Siamtei chu dawr bungrua laa a zinbo avangin alo awm lo a ni. Ka lo fon hmasa lo chu ka inchhir hnuhnawh hle a, rei awm lovin ka chhuak leh mai a, ground floor ka thleng thla chiah chu ka thil hmuh duh loh tawp thil ka hmu ta tlat a. Hruaitea leh hmeichhe pakhat(a nupui hual? ) chu an rawn in zui lut chiah a, hmeichhia chuan Hruaitea ban ah chuan a kai a, ka sawi thiam lo, a tak ngeia han hmuh chuan a na ngawih ngawih tih bak sawifiah dan ka hre lo. Ka en reng lai chuan Hruaitea chu a rawn hawi kual a, min rawn hmuh veleh chuan a kalpui nu ban chu a paihthla a, rang takin chu hmub chu chhuahsan ka tum ve thung a. Ka rilru chu a buai deuh nuaih a ni ber, ka scooty dahna chu ka thleng thuai a, tlanchhuah ka tum lai takin ka banah min rawn hmer sawk a, Hruaitea ngei a ni.
"Inbia ang"
"Sawidun turkan nei lo" ka kut min hmer na chu phelhna ka tum a, chutih lai tak chuan a kalpui hmeichhia chu a rawn thleng chawpchilh ve nghal mai a. Min hmu awm ang pawhin a lang duh lo,
"Enge i tih a, ka nghak reng che alawm" a rawn ti a. Hruaitea chuan min vawnna chu a thlah a, chu veleh rang zetin scooty ka ti nung a, ka tlan chhuak nghal a. Side glass atang ka han melh thuak a, an inhnial ni ngeiin ka va hmu a. In ka thleng chu ka mittui atla zawih zawih a, ka rilru a na a, ka zak bawk si.
Ka inkhawm bang chu hla ka zir peih tak loh avangin keimahin ka haw a, kan in thlen hma deuh kawng kawiah hian motor alo ding a, Hruaitea motor ang ka ti hle a, ka kal pelh dawn lai tak chuan min rawn ko a, amah ngei a lo ni. Ka bul a rawn thleng chawpchilh nghal a, kal leh nghal ka tum chu ka anah a rawn vuan a,
"Mapui, khawngaih takin ka thusawi hi ngaithla rawh, inbe lawk ang" a ti a.
"Engmah sawi tur ka nei tawh lo, min hrethiam la min kal tur zawk rawh" ka ti a. Motor kawngkhar chu a hawng a, mun namlut rawk rawk a, ka tal chiam a, ka hneh lo kher mai. Ka thinrim lutuk chu ka khur deuh hlawk hlawk a, motor a ti nung a, a tlan nghal a,
"Hetianga min ti tur hian tunge nia i inhriat? Ding rawh, ka haw dawn" ka ti a, ka fon chu ka phawrh chhuak a. Rang takin alo la a, a ngawi ran a, a tlan ngaiin a la tlan reng bawk a. A in luahna lam kan pan mek tih ka hre thei a. A in kawt kan thlen chuan a chhuk a, kawngkhar chu a hawng a, chhuah pawh tum lo chuan ka thu reng thung a,
"I lo chhuk dawn nge ka pawm chhuak zawk dawn che?" rum zetin ka melh a. A thil sawi chu a ti leh duh sawn ngei tih ka hria a, ka chhuk ta nge nge a. Inchhungah min hruai lut a, kawngka a kalh hmak a, ka hlauthawn ru hman hle.
"Ti hian kan in ru ani mai"
Ka va melh kawk a, uluk zetin min lo en reng a,
"Ka duh lo" ka tih chuan ngaih pawimawh loh hmel zetin a nui sak a,
"Ka haw dawn" tih pahin kawngka chu hawn ka tum a, ka banah a lo chelh tlat thung a.
"Mapui, ka hmangaihna che hi haider tum tawh suh, i duh dan dan in min ti la hremna pawh min pe la pawi ka ti lo. Mahse min kalsan suh" ka kasngah a kuah a, a lamah min kuai her a, chiang zetin kan in melh a,
"Mi innei tur tibuaitu nih ka duh hleinem" ka hmui chu a hup vat a, ka mittui tling pam chu a kutin a hru a, duat takin min fawp vawng vawng a.
"Lucy pawh engkim ka hrilh tawh, hun tlem pe ila a tuar thiam ve mai ang, hun reilote chu min pe thei angem?" A ti a.
Ka lu chu ka lo bu nghat a, a nui sak a,
"Ka hmuh hmasak ber che atang daih tawh khan nang hi kumkhuaa ka kawppui ni turin KA THLANG TAWH CHE. Nang chauh hi ka hmangaih che" a ti a. Kan hmaah enge kan tawh dawn tih lam kan ngaihtuah lo, kan inhmangaih chhung chuan kan paltlang thei ang tih erawh kan hria a, harsatna lo thleng thei te dah tha in kan hmalam hun chu kan thlir dun ta zawk a......
(Mi chanchin ziah hi thil harsa tak a ni tih ka hre tawh a, ka hriatbelh leh ta! Mahni duhdan ang anga her rem a chakawm thei khawp mai. Comments leh like min pe a min fuih kal thin tute, ka tan hian in hlu takzet, ka lom e.
Hemi thleng hi an chanchin a ni a, engtinnge an awm zel dawn tih chu hunin ala hril ve zel ang chu.. kei chuan an inhmangaihna hi tihpuitlinin awm ngei sela tih hi ka duhsak a ni e.)
🖤🖤🖤
ReplyDelete