IF I DON'T HAVE YOU

IF I DON'T HAVE YOU
-Mami Lalhmangaihzuali Chawngthu



"Lo ding teh"
.
Chutiang tawngkam chu ka ngainat loh ber ani hial ang, thupe taka min tawngkhum hi ka ngaithei lova, mihring leh mihring inkarah hian in zah tawnna a awm tur ani ka ti thin. Ka kal tlang a, ka banah min rawn phih lawp a, "Mi chapo tak hi ka ngaithei lem lo viau ania. Ka hnuaia hnathawk i ni a, min zah ve tur ani dawn lawm ni?"a hmela chapo leh min hneh niaa inhriatna chuan ka luak a ti chhuak ngawih ngawih. Ka hnathawhna hmunah chuan ka pu ani ngei alawm, mahse ka hna thil nilo ah hi chuan midang nen thuhmun reng an ni. Ka chawhmeh lei chu ka khai bawr hle a, chutih laia ani nena helaia inhmuh hi ka chak viau lo. Harbourfront avenue a ka apartment lam panin min chhuahpui a, duh lo in hnual eng ang mah ila a sawt lo. Ngawi rengin a car changkang ah chuan ka chuang a, phone a hman reng avangin kan inbe lo, ka duhdan tak zawk pawh ani. Car atanga ka chhuak chu a kawngkhar na zetin ka khar a, a ner sawk a, "Lawmthu sawina chang pawh hre lo"a ti sap a,"Ka duh lo chung min chuan tir vangin ka lawm e"ka ti a. A in her a, chak zetin a tlan lehnghal a.
.
Ka Master degree neihna tura ka beih lai mekin ka pa in cancer avangin min boralsan , ui tak chungin ka zirna chawlhsan in kan chhungkua ka enkawl a ngai a, ka nu kum upa lam tawh leh ka nau Jamie kum 15 mi te nena kan ei khawp thawh chhuah tum chu thil hautak ve tak ni mahse ka hmangaih em em te an nih avangin hrehawm ka ti ngai lo. Ka pa hi French pachal ani a, luhlul leh tumruh zet mai ani. Vanneihthlak takin ka chhun fuh hlauh a, ka tih tawh lamah chuan hlawhtlin ngei ngei tumin ka bei thin. Tuna ka thawhna company pawh hi harsatna hrang hrang karah ka thawk ve thei hram a. Paris khawpuia seilian tan erawh Singapore-a hringnun bul han tan that leh chu a hautak ve viau thung. Paris ah kha chuan kan hotu pa Mr.Ezra Jacques kha mi tha tawpkhawk ani a, helai hmun enkawltu a fapa Martin Jacques ve thung erawh mi khirh leh chimawm zet, retheihna tem ve lo mi harsatna hrethiam ngai lo ani thung. Thlahnih ka thawk ve chauh a, a hnathawkte a hmuh dan chu ka hrechiang thawkhat viau. Mi tupawhin an hlau em em a, tihsual neih chu an hlauh ber ani. Ka thawh hnuah sumdawnna thilah a zin chhuak reng a, kan la inhrawn tam lem lo.
.
"Thla hmasaa kan sumdawn pui turte meeting ka neihpuina minute bu kha ka cabin ah ka mamawh"a coat siam that mawlh mawlh pah chuan a ti a.
.
"Ka thawh hma thil a va nih hmel ve sir, engtinnge hma ka lak ang?"ka han ti a.
.
A ner sawk a, "Mr.Parker nen ka office ah min rawn hmu ru"tih pahin a kalsawn nghal a.
.
A office ah chuan Minute 20 dawn kan ding tawh a, phone ah mi a biak reng avangin chutia lo nghah ngawt ngawt bak tihtheih kan nei lo. Mr.Parker chu ka va melh zeuh a, nin hmel takin alo tum bar a, ka han kiai sak a. A tawp atawpah a be zo ve ta aniang, kan lam hawi zawngina cgair chu a han her a, ka hna tur min hrilh teuh a, Mr.Parker hnenah chuan ka thil hriat loh zawng zawng min zirtir turin a han ti bawk a. Ani hi Martin-a pa thachhangdawltu ani a, helai hmunah a fapa pui turin a tir a ni. Lehkha eng engemaw a phawrh a, in lama lo in en turin min han hrilh zui bawk a. A mitmeng thip ram leh khawngaihna tel miah lo chuan min han melh kawk a, ka hna ka thawh that loh chuan ban theih reng ka nih thu min hrilh zui bawk a. A office atanga ka chhuah chuan thawk ka han la hak hak a, engvanga he hmun hi pan duh nge ka lo nih kher tih chu ka inzawt hial a. Ka lehkha ken zozai chu ka en a, ka hne nghal ngawih ngawih. Sumdawnna kawngah chuan tawnhriat ka ngah ve viau tawh a, nuam pawh ka ti. Tuna kan hna pawh hi nuam ti taka ka thawh avangin hmasawnna pawh ka hmu mawlh mawlh a, chuvanga kan pu pawh khan min ring tawk taka helai hmuna min dah hi a ni. Chutiang anih laia a fapa in min ring tawk lo leh experience nei lo ang maia min ngai hi ka duh lo takzet a ni.
.
Weekend ah hi chuan ina awm tawp hi ka duh thin a, rilru leh taksa a hahdam thei ang bera awmtir hi ka tihdan ve reng a ni. Han buaipui vul chuk tur ngaihzawng ka nei lova, tin, helai hmun hi rei ka la awm loh avangin ka la bel lo bawk nen, movie en chu ka hna ani deuh mai. Paris ah khan bialpa hun rei tak lo kawp ve tawh chu ka nei a, Jake ani. Lam zirna lian tak leh lar tak neitupa ani a, tlangval chhelo leh hot zet ani. Ka hna bansan a innei mai turin min nawr ve reng thin a, kei lah chu ka pa ang maia luhlul leh hmasawn duh mi ka lo ni bawk si. Ka hnaah ka tui a, dinhmun sang tak thlen ka tum laia housewife satliah tawp nih kha ka lo duh bik der lo a. Kan inthathen ta ringawt mai ani. Kan inkawp chhung khan amah ah sawisel tur ka nei hran lova, ka nu leh ka nau pawh a ngaihtuah ve hle tih ka hria. Ka awm loh hnu pawh hian alo va tlawh a, ka nu damdawi tur te pawh alo ngaihtuah vek tih ka hria a, mipa smart tak ani. Kei nen erawh inkawp zui zai kan rel ta chuang lova, model chhelo tak nen an inzui tih thawm ka hriat chu a chanchin ka hriat hnuhnun ber ani.
.
"Soph..."
.
Lift a chuan tumin ka nghak mek a, kan thawhpui Daniel-a chu ka lam panin arawn kal a, a rawn nui sang a, ani hi kan department a kan hotu ber ani. Ani pawh hi Paris ah ka thawh hma daih in alo thawk thin a, helai hmuna branch hawn anih hnua a thiamna pholang tura kan pu in a dah ani. A kaihhruaina hnuaiah hmasawnna tam tak hmuh tur a awm reng bawk a, mi rintlak mahni hnaa tui mi ani. Kan hmasawnna tur sawiin kan titi dun bawrh bawrh a, lift atanga kan chhuak chiah chu Martin-a kan room pana a kal ka va hmu hman a. Kar tir bul tan nana ani hmachhawn chu ka chak lo.
.
"Miss Marceau, naktukah ka ruala Hawaii a kal turin lo inbuatsaih ang che. Kan documents mamawh tur kha Danny nang in lo buaipui la, ka office ah in pahnih in min rawn hmu dawn nia"a ti a. A chhuak zui nghal a.
.
Ani nena zin chhuah chu hna thil vang pawh nise ka chak lo ani. A office a kan han hmuh chuan Daniel chu  kal ve turin alo ti hlauh a, ka lawm ru ngei mai. Ka mamawh tur paper vel ka buaipui a, mamawh ka ngah avangn office atanga ka haw chuan a lo tlai ruih tawh. Taxi ka chang a, a vang phian lehnghal, ka bulah car sen duk ka hmuh fo tawh chu a rawn ding a. A glass chu a han ti thla a, Martin ani, "Ka lo thlah ang che"a ti a. Nidang ang chu nise ka hnial ngei ang, mahse insiam tur ka la ngah avangin ihe lovin ka lut a, chutia hnial lova ka awm chu mk ati zawk ani ang, a nui hak a, a tlan chhuak nghal a. Hn thilah ka zin chhuak fo tawh a,Hawaii ber kher chu ka suangtuah phak loh hmun ani, ka phur takzet. Chutiang ka ngaihtuah lai chuan ka in kan lo thleng der a, "Naktuk zing dar 6 kha kan flight anih kha, Mr.Parker ka rawn lam tir ang che"a ti a, a kal leh nghal a.
.
Airport ah darkar khat chuang kan tangkhang a, khaw dur nasa lutuk avangin kan flight pawh cancel a ngai maithei tih anih avangin nghah chiah kan tih theih awmchhun a ni. Martin chu hahdam hmel tak hian a thu thluang duai a, a ipad a khawih danah a awm mai mai lo tih ka hria, hna a thawk mek tih a hmelah chuan a lang a. A chang chuan han haw viau mah ila hausa tura a beihna hi ka hrechiang ve a, a phu hliah hliah ka ti bawk. A rawn hawi chhuak a,ka lo melh reng tih min rawn hmuh chuan a nui sak a, rang takin ka hawisan nghal thuai a. Ka hawi leh chuan a thutna atang alo tho chhuak tawh a, airport a thawkte nen an inbe mawlh mawlh tih ka va hmu a, a rawn let leh chuan tun atanga darkar chanve ah kan chhuah theih tur thu a rawn sawi a. Ka thaw huai mai, a chhan chu Hawaii kalna hun remchang ka neihchhun pawh ani maithei.
.
HAWAII ~ KAHALA HOTEL & RESORT
.
Ka room tukverh ah chuan dakchhuak in kan thlenna hotel changkang lutuk chu ka hmuh theih chin zawng chu ka han enkual vel a. Beach bula  awm anih avangin beach a mi che vel pawh a hmuh theih a. Tute pawh chu an hlim in he hmun hi nuam an ti ve hle niin ka hria. He hotel chanchin hi chu k hriatna pawh a rei tawh a, mi lar tak takten nuam an lo chenna hmun ani a, inneihna hmun ah te an hmang a, chhungkuaa intihhlimna neihna atan te pawh an hman nasat em em ani. Ka pa hnenah khan kal ka chakzia ka sawi thin a, kan la kal ngei tur thu min heilh thin. Mahse khang lai khan a hautak zia ka hre ngai lova, keini ang rual tana thlenna chi kha alo ni hauh si lo.
.
"Miss Marceau"
.
Kawngkhar ka hawng vat a, Martin chu a coat suit nen alo in duang leh zaih tawh a, "Daniel nen kan chhuak dawn a, nang chu tikhan lo awm hahdam phawt la, zanah naktuk programme kan duang dawn nia"a ti a. Keipawh chutia ka tel angaih loh chuan beach vela kal chu ka chak reng reng alawm. Mahni chauha mi che vel thlira ka thut lai chuan tlangval lian tha zet mai hi ka bulah a rawn kal a, ka bula thut min rawn dil chuan thu turin ka lo ti a, ka en chiang lem lo. A hmung te min hrilh a, ka lo ngaihven lutuk loh avangin a hming a sawi pawh ka theihnghilh zui mai a. Ka hming ka sawi ve a, ka hmelhriat loh ka nel loh thin em avangin ani pawh chu ka ngaihven lo kha ani a, a lehkhabu a keu a, min chhiarsan zui ve mai a. Hotel lama let leh tumin ka han tho a, ka bula thu pa chu ka han enchiang a, hmel chhe lo tak mai alo ni a. Min rawn melh hho deuh ha a, a ner zawnga a mit han zim san leh pa zeta a han nui chuan ka taksa pum hi a fan chhuak nghal in ka hria. A lo ding ve vat a, "Miss Marceau." "Sophie tia min koh ka duh zawk e"ka lo ti vat a. A dar chu a han san ak a, "Pawi i tih loh chuan le...  Naktuk ah hunawl i nei angem?"a ti a, ka sawi mai theih loh thu ka sawi chuan a lehkhabu kar atangin business card a rawn phawrh a, "I neih tak thut chuan khawngaihin hetah hian min rawn be dawn nia"a ti a. Ka kal san ta a. Ka khumah thu in ka kuta business card chu ka melh reng a, Jim Caldwell, kan sumdawn pui tur Samiarah & Donero Inc. a an CEO alo ni. Paris a ka thawhpuite khan Jim Caldwell chhiat lohzia an sawi kha chu ka hre tawh ngei alawm, mahse ka ngaihven zawng anih loh avangin ka lo hre ve ngai lo. Ka thawmhnaw huh hnuang chu phelhin shower ah ka inphur tir seng seng a, he hmun nuam lutuk ah hian ka chhungte han tel ve se tih ka ngaihtuah a, ka nu leh ka nau ngaih vangin ka mittui a rawn hnam sawk a. Ka phone ri ral ral chuan ka ngaihtiahna atang min hruai peng a. Bathrope chu ka ban a, ka khum bula phone chu ka han la kang a. Daniel chuan Conference hall ah min nghah thu a sawi a, hmanhmawh zetin ka thawmhnaw ka thlak a, conference hall lam pan chuan ka tlanchhuak nghal a. A tirah khan min mamawh dawn loh thu a sawi reng sia, tunah hmanhnawh lutuk in min ko leh chu ani si a. Martin lakah chuan ka lungawi lo ru kher mai. Hall chhung ka luh lai chuan Martin chuan presentation alo pe mek a,min hmuh chuan a nui sak a, lei chhuahkhum hrep chu ka chak, ka file ken chu hawngin a chhunga paper chu Daniel nen chuan kan sem a. Businessman zahawm tak tak hmachhawn chu ngai ah ka nei hlei thei lo, ka kun deuh avangin an hmel pawh ka hmu hlawm lo. A tawp bera ka pek pa chuan zawite in min lo ko a, ka han hawi chhuah chuan Jim Caldwell kha lo ni. Ka hdia ani tih lantir nan ka lu chu ka han buk khum zauh a, ka thutna tura Daniel-an min kawhhmuh ah chuan ka thu a. Kan boss chuan fiah fai takin kan hmalak tumdan a sawi a, he mihring hian mi hneh theihna riau anei tih hi phat rual ani lo. Naupang te ni si in a kutah hna lian leh hautak em em te a awm a, engpawh hreh leh huphurh a nei ngai lo. A zawng zawngah chuan a hlawhtling bik lova, mahse a tumruhna leh a beihna hian fak a phu hlein ka hria.
.
Meeting zawh chuan kan sulhnu chu ka han chingfel a, pawn ka chhuah chuan Jim leh Martin chu an lo la inbe mawlh mawlh a. Kal pelh ka tum lai takin Jim chuan min lo ko a, Martin bulah chuan dinner ei pui min duh thu chu a han sawi nghal a. Martin-a hmela mak tihna lo lang chhuak zawk chu ka lo hmuh hmaih lo, "Miss Marceau thu thu aniang chu"a ti ve mai a. Sumdawnna kawnga ka la biak fo tur anih avangin innel nan pawh tha ve in ka hria a, ka lo hnial bik lem lo. Catering office ah kan duh tur chu a han order a, pawn lam boruak lan theih na atang chuan khua chu kan chuan vel a, he hmun hi a mawi ani!
.
"Miss Marceau"
"Sophie emaw Soph tiin min ko zawk ta che"nui sangin a vawihnihna atan ka lo ti a.
"Dinner ka kilpui theih dawn che avangin ka lawm hle mai"ka mitah chuan min nelh ralh a. Mipa tam tak ka lo hmachhawn ve tawh a, ka hna vangin, hepa anga mi hipna ngah hi chu an tam kher lo ang. Kan dinner tur pawh alo thleng a, ngawi rengin kan ei a, a khat tawkin min rawn melh leh zauh thin a, tlemin nuam lo ka ti ve deuh. Kan ei zawh chuan hotel kawtah kan chhuak thla a, thla chu a eng mawi hle lehnghal, hotel lah chu eng zawng zawng an vuah emaw tih mai turin a eng ut bawk a, Martin chuan ka kut chu a rawn vuan a, phawk fe hian ka melh zawk a, “Soph…”a aw tham mawi tak chuan thinlung a fan raih theiin ka hria, “Ka ngainat zawng tak I ni”a han tih zawm a. Ka lo nui mai a, ka kut a han hmer salh a, “Hmuh nawn fo che ka duh ang, hre reng rawh aw”ati a, awmze nei fe hian a nui hak a. Hnathawh tur ka la neih avangin lift bul thleng min thlah a, thachuan kan in mangtha ta a. Ka room ah luh tlang mai ka han tum a, mahse ka rin loh deuhin ka room luh hmaa waiting room lian vak lo awmah chuan Martin chu inngaihtuah muk zet hian alo thu run a, min hmuh chuan a thaw huai a. A bula dawhkanah chuan lehkha chhah zet hi a theh thla a, “Naktuk atan lo in enlawk ang che, helai hmunah hian hmangaihna chen tura kal kan nilo tih hrereng ang che”a ti a. A kal nghal a, a tawng dan kher kher chu ka huat tawk a tling leh viau, a hnung lam atang chuan lei ka chhuah khum zeuh a, ka room ah ka lut nghal a.
.
Darkar thum dawn chu kan meeting tawh, Hawaii lama kan partner tur te chuan kan offer chu an duh khawp lo a, rei tak chumi chungchang chu kan chai a, a tawp a tawpah min phut ang zat chuan kan inremsiam thei ta hram a. Chawl miah lovin Jim –a te company nen meeting kan neih chhunzawm a, ka hna pawh tha takin ka ti zo a, Martin pawh chuan lungawi hmel takin min lo nuih ve sak a, ka hna ah kher hi chuan ka rintlak ve ani tih chu a la hmu chho zel ang.  Kan duhdan leh kalphung te kan sawi v eve hnuah Martin leh Jim chuan agreement an sign a, a lawmnan dinner kan ei ho leh nghal a. Jim chuan min ta chei nghal ngawt pek a, kawng engkimah min care a, hetiang hi ka dawn lohna a rei ve ta bawk a, nuam pawh ka ti. Kan eizawh a lenkual puia min sawm erawh ka hnial a, Martin-a thusawi vang kha nilo vin ka induh tawk ve na chu tihlan hram ka duh vang zawk ani. Ka room ah Martin leh Daniel nen kan pathum in champagne kan dawm a, kan pathuma kan thawhho hnua hna lian tham kan thawh hmasak ber tur ani bawk a kan phur tlang hle ani. Ka khumah ka thu a, Daniel leh Martin chu sofa ah an thu a, an titi tui khawp lehnghal, keipawh ka nu leh ka nau biak tumin ka phone ka lek kang a, signal pakhatmah ka lo nei lo. Martin chuan min lo en reng a, a phone chu phawrh chhuakin hmang turin min ti a, ka han duh lo dawn a mahse be lova mut tawp ka hreh avangin ka hman sak ta nge nge a. Ka room thlangah hian khaw hawi nan veranda zimte a awm a, chhuakin ka nu te chu ka bia a, kan inbe zo ka hawi let chu tukverh ngheng hian Martin chu alo ding to a. A mitmengah chuan a thil in chu a thawk tih ka hre mai, “Mr.Caldwell nen khan in lo in hre sa tawh em ni?”a ti a. Ka vawikhat hmuhna a ni tih ka sawi chuan alo thle bak a, “Hmelhriat ngai loh khati taka I nel theih”min bia pawh ani chiah lo. Ka kal pel a, khumah ka thu leh a, Daniel chu alo awm tawh hauh lo,”Naktukah zingah kan chhuak ang”a aw chu a nelawm loh mah mah,”Tlaiah I ti si a..”min melh kawk a, “Paris ah I nute tlawh I duh lo em ni?”ka meng bial kawk a. A hmel chu uluk takin ka han en leh ngat a, a fiamthu hauh lo tih ka hriat chu ka lawm lutuk chu khumah ka zuang vak vak a, chutianga atthlak taka ka che a hmuh chuan a nui ve ta var var a.
.
PARIS- THE FAMOUS CITY OF PASSIONATE LOVE
.
Mahni in ngeia han mut leh vang vang chu a hahdamthlak bik hliah hliah, ka room parda chu ka nu in a rawn keu a, ni chuan ka hmai tak a rawn chhun a, “Ka nu….””Soph.. a hma tawh lo ania”a kut vawt thler chuan ka hmaiah a rawn khawih a. Vawiin nileng hun ka nei a, naktukah chuan Singapore ah ka in luah te tak ah keimah in ka awm leh dawn tih ka hriat chuan ka inperh tho a, am taka ka chhungte nen hun hman chu ka duh ani. Lunch kan ei lai chuan ka phone a rawn ri a, Martin alo ni, tlaiah mi hmuh tur pawimawh tak kan neih thu a sawi a, dar 4 ah chhuak thei tura lo inpeih hman turin min hrilh a, chawlh hun ka neih nikhat lek pawh kan hna in min tibuai chu ka thin a ur ve lek lek. Mahse ka eizawnna ani a, ka peih loh chu a thiang si lo.
Tlai dar 4:30 ah chuan Hotel Balzac kawtah Martin nen kan ding ran tawh a, he hmunah hian Martin-a hmuh duh em em Japanese sumdawng hausa a thleng a. He thu hi Martin hian engtinnge a hriat tih ka hre hauh lo, hmuh tumin thlahnih chuang abei tawh a, a la hlawhtling thei lo ani. Tunah hun remchang lutuk mai a hmu a, hlawhchham chu a tum loh hmel hle bawk. Mipa pakhat hian lehkha them engemawni hi a rawn pe zeuh a, Martin chuan uluk takin a han chhiar a, a hmelah chuan hlim hmel ka hmu nghal a, boruak a fuh chho dawn niin ka ngai. Darkar chanve dang a liam leh chuan Mr.Ryo room ah Martin leh Mr.Ryo chuan meeting pawimawh zet an nei a, ngawi rengin ka lo thu a, a chang changin Martin chu ka lo pui zeuh zeuh a, Japan a a let leh hunah agreement sign turin an in be fel a, ka lo hlim ve takzet ani.
.
Mr.Ryo kan hmuh hnu chuan Martin chuan min thlah a, hotel a a hmel hlim sarh kha a awm leh tawh lo, muk takin thil a ngaihtuah leh tawh a, be mah ila a hre leh chuang lovang. Kan in bul kan thlen chuan Martin chu a rawn chhuk ve a, a car kawngkhar ngheng chuan a ding a, “Hna I thawk tha in I thawk hnem hman hle mai, I chungah ka lawm e. Tunkar chhung chu lungchim taka hmangaihna an chen thinna khawpuiah  hian chawlh I hmang thei ang”a ti a. Ka awih thei lo zawk, ka hnathawh chhe ve te chu min hriatsak a, chu mai ni lovin karkhat chhung chawlh min pe zui bawk a, inchhung ka lut chu ka au chel chul a. Ka hlim takzet ani, ka hmuh tirh phata ka huat leh ngei em em Martin chu misual tak aloni bik lo anih hi.
.
Nihnih chhung chu kan hna thil avangin helai hmuna kan office ah hna ka thawk tawh a, chawl hahdam tur ka ni emaw ka tih laiin chawlh hahdamna hun pawh ka nei thei lo.
.
“Soph…”
Ka hawi let vat a, kan office building bul lawkah Jim chu a lo ding vang a, min rawn pan hnai a, “Hetah I la cham khawtlai tih nizanah ka lo hria a, engvanginnge dinner kan kil dun loh ang?”a han ti zui a, a car kawngka chu a hawng zau a, ka lu ka buk khum zauh a, ka thu lut ve nghal a. Kan hnathawh dan tur te chu a tlangpui min hrilh a, kumkhat chhung atan inremna kha kan nei a, thla tin review  meeting a awm dawn tih te min hrilh a. A thusawi pah chuan min rawn melh leh zauh thin a, a hmui chunglam vei lam sira khuavang awm chu a inhmeh hle a, a sam kir deuh chiat te chu inhmeh bik tura Khuanun a lo duan anih ka ring hial. Dinner kan kildun zawh chuan kan in lam panin kan chhuak leh nghal a, kan in thlen hman deuh ah hian park a awm a, Jim chuan a motor chu a khalh lut zel a. A thutna atang chhuakin kawngka min hawnsak a, ka taksaa ka chhuan ve ber, ka bawp sei thlarh chu ka han pen chhuak a, pawn lam boruak chu a lo vawt deuh var lehnghal. Car kawngkhar chu ka ngheng ar ar a, Jim chu motor chhungah a va lut leh a, shawl pan deuh hlek hi a rawn lek chhuak a, ka hmaah dingin min han bah tir a, “Soph…”kan mit leh mit a in tawn chuan ka tek sawkin ka hria,”Ka ngaina in ka duh takzet che”zawi sap chuan a ti a. Min rawn hnaih leh deuh a, “Ka hmuh hmasak ber atanga ka ngaihven zui nghal hmeichhe awmchhun I ni”a ti a. Ka kut chu la in a han hmer a, “Ka bialnu I ni thei angem?”a han tihzawm nghal a, “Jim, keipawhin ka ngaina takzet che. Chuan ka mipa duhzawng tak pawh I ni alawm”ka ti a, ka saw leh tur chu nghahhlelh hmel fe hian a lo ngaithla a,”Chuan i bialnu nih chu ka duh e”ka ti a. Min rawn pawm nawlh a, “Ka lawm e, ka lawm lutuk”a ti a. Zei lutuk tak mai hian a hmui sexy zet chuan min rawn fawp a, ka lo chhang rang kher mai.
.
Darthlalang hmaah ka ding a, ka hmui chu ka han khawih a, ka then sak a. Jake nen kan inthen hnu khan mipa hi ka ngaihsak ta lo hle kha ani a, Jim ka hmuh khan mipa ka dream khat tawh zia ka hrechhuak a, ani aia thlan tur hi an awm chuang lovang. Ka mu a, ka phone rawn vibrate cher cher chu ka han en a, Jim alo ni. Reife kan inbia a, zandang zawng aiin ka mut a tui dawn chiang alawm.
.
Jim nen nitin kan chhuak a, shopping mall ah min hruai a, ka duh lo chung thawmhnaw min leisak a, diamond thi nalh zet mai hi a tel a, nalh tiin lawm viau mah ila chutiang thil to lutuk tuna dawn nghal chu nuam ka til lo. Lungawi lo lek lek hmel a pu a, engdangvang nilovin chu thil chu ka dawn theih loh thu ka hrilh vang ani. A kawngah chuan ka han kuah a, “Jim, engtikah emaw chuan ka la dawn sak em em ang che, mahse tunah chuan kan inkawp tan ve chiah a, I hausakna hi duh lutuk ka ang dawn asin. Chuvang chuan tunah chuan ka dawng thei lo alawm”ka ti a. Ka hnarah chuan a piai zeuh a, “I la hre khawp ang”tih pah chuan a nui sak a. Kan inah dinner ei turin ka sawm a, ka chhungte nen inhmelhriattirna neih chu ka duh reng reng bawk ani. Ka nu leh Jamie te chuan tha takin an lo dawngsawng a, hlim takin an titi ho bawrh bawrh a, Jamie pawh a lo danglam ve takzet tawh ani. Jake nen kan inkawp lai kha chuan a zakzum em em a, Jake mang ti ang khawp khan a awm fo thin. Tunah erawh Jim-an a biakna te pawh puitling tak vekin a chhang a, min ti lawm ve hle. Dinner kan ei zawh hnu chuan balcony ah wine kan dawm dun a, “Jim..”ral lehlam thlir pah chuan ka han ko a, ”Enge ni duhtak”a lo ti var a. Ka thil in lai chu ka han lem khalh a, “Ka holiday a zo dawn tawh, naktuk zanlaiah chuan Singapore a ka apartment ah khawhar takin ka awm tawh dawn ania”ka ti a. Ka ngaihtuahna chu min hriatthiam hmel takin min melh a, “Duhtak, ka rawn kal ve vat dawn alawm, lo lungngai mah ta che”a ti a, a thutna atang a tho a, ka bulah thu in min kuah ta hle hle a, “Martin hi hnaih suh ang che”a ti a. Ka nui a, min kuahna atanga talchhuakin ka han en a, alo thutak run a, “Ka boss ani a, hna chungchang anih loh chuan kan inbe ngai lo. I thil sawi chu ka zawm theih zawng tak ani ang”ka ti a. Kan thutna chu pahnih tana siam ani hauh lova, mahse kan leng tawk viau thung. Kan hmui chu a chawl meuh lo, kan in fawp leh vawng vawng thin. Thla eng paw riai in min rawn chhun eng tih loh chu light ka off vek a, kan awmna chu hmun romantic tak hi ani ringawt. A kut in ka awmbawr a rawn thlen chuan ka lo dang vat a, “Catholic hmeichhe ham strict deuh I nih kha ka ring reng a”a ti a, a nui hak a, ka thi awrh chu ka han khawih a, “I hmeichhe kawp thin te nen danglamna tam tak kan nei ang”ka ti a, ka tho hluai a, min pawt thu vat a, “Nunhlui sawi lovang, tun hun hi alawm pawimawh zawk, duhtak”a ti a. Thlamuang takin a tangah chuan ka bei ta hle hle a, ni e, ka thla chu a muang takzet ani.
.
AGAIN IN SINGAPORE
.
Singapore ka thlen atang karkhat a tling leh tawh a, Martin chu a hmaa ka hriat thin Martin bawk kha alo ni leh tawh. A hmaa min fakna te kha ka awih lo hial zawk, hria ang pawhin a awm leh tawh lo. Nitin tha zawka thawk turin min beisei a, tupawh a hlawh phu tawka thawk lo chu ban theih an nih thu chu a sawi tam leh pek hle. Tlangval la upa lo tak, hausa leh hmeltha tak ani a, ngaihzawng a nei ngai lo nge ka hre lo. Hmeichhe hming emaw an hmel emaw vawiin ni thleng hian hmuh tur an la awm lo hi mak ka ti thin. Achang phei chuan gay ani tal ang ti tein ka ngaihtuah a, keimahin ka nui leh a, hriatthiam har Martin Jacqeus kha ala ni reng!
.
“Miss Marceau..” ka office a ka awmlai chu kawngka pawh kik lovin Martin chu a rawn lut a, “Mi pangngai I nih chuan kawngka kik hmasak kha a finthlak viau ka ring”ka ti a. A ngai pawimawh lem lo, ka dawhkanah lehkha hi a rawn thehthla a, “Mr.Ryo nen kan meeting kha top confidential ani, lo puangzartu hi nangmah I ni tiraw?”a mitmengah chuan thinrimna hlir ka hmu. A lehkha rawn thehthlak chu ka han en a, ka mengbial kawk a, “Ka ni hauh lo mai”ka ti chuai raih a. A hmui chu ahan seh a, “Nang leh kei chauh kha lai hmunah khan kan kal si a”a  ti a, ni e, kan pahnih chauh chu kan ni ngei lawm. MAhse kha thu kha ka hnen atanga put chhuak ani silo. Ka thutna atang ka tho a, boruak thianghlim ka mamawh ani, tukverh ah ka dak chhuak a, Martin chuan min rawn zui zel a, “I chinfel theih loh chuan I hna hi I chan a ngai dawn niin a lang, pawi ka ti lutuk”a ti a, ka room atang a chhuak zui nghal a. Ka hah hluah hluah, mahni tihsual ni miah lo ah ka tuar a ngai maithei a, engtinnge ka chinfel tak ang? Ka lehkha kenlai chu ka han pharh leh a, kan elpui ber company hian engtinnge kan kan hnathawh hi an lo hriat, Mr.Ryo hian a ngaihdan a thlak leh anih vaih chuan Martin hian he hmun atang hian min petchhuak duh tak tak ang.
.
Martin office ah Daniel nen kan thu ran a, Martin chuan a phone in tuemaw a be mawlh mawlh a, min rawn melh leh zawk thin chuan ka awm a ti nuam lo. Ka phone rawn vibrate cher cher chu ka han bih a, Jim alo ni, tunah tak hi chuan ka be thei lo. Ka hawi chhuah leh chuan Marrin chu a thutthlengah alo thu thluang duai a, a ngaihtuahna chu a seng hnem tih a hmelah a lang reng, "He thil hi ka chinfel huna in lo inhnamhnawih anih vaih chuan ka lak atang hian khawngaihna hmuh in beisei suh ang che u. In hna va thawk tawh rawh u"a ti a. Daniel chu ka hmaah a kal a, "Miss Marceau, lo ding lawk teh"a tih huan ka ding chawt a, "A bika ka lo enthl che anih pawhin i private life tihbuai tum angah min lo ngai suh ang che. He thil hi nangmah nena inkungkaih tjil anih avangin ka buaina tur ani tlat. Fimkhur ang che"a ti hmuk a. Ka chhuak nghal a, ka tawt up up in ka hria. Ka tihsual ni miah lo ah ka tal awk thei tlat mai a, hma lak dan tur ka ngaihtuah angai. Hetianga thil lo thleng thei ka lo thlir ringawt chuan ka tal buai thei tak tak ang.
.
"Surprise..." kan office hma ah Jim chu alo ding reng a, ka mamawh lai taka a hmel ka hmu chu ka lawm kher mai. Ka tlan phei a, ka va kuah thlawp a, "Ka naute, min lo ngai hman viau tawh ani maw?" Dam diai hian a ti a, ka lu chu ka bu nghat a, ka chalah a rawn fawp zeuh a. A car ah chuan min luh tir a, kan tlan chhuak ta nghal a. Ka apartment lamah kal ta lo chuan a thlenna Grand Hyatt Hotel lamah min hruai a, "Dinner chu ka kiangah i ei ang"a ti a, "Mahse Jim, inthlak phawt ka duh asin"ka tih chuan alo nui mai a. Hotel kan thlen chuan a room ah min hruai nghal a, ka zam tih a hriat chuan ka kawng ah min rawn kuah a, "Ka khawih chhe dawn lo che ka tih kha duhtak, hahdam rawh"ka beng bulah chuan arawn ti a. Ka hmai chu a sa hat hat a, engtik lai pawha hlauthawnga min ngai chu ka duh li tih lan tir nan ka han ner a, alo nui hak duh chauh thung. A suitcase atang chuan joker pant leh t-shirt a rawn phawrh a, "Duh leh va inbual harh la, hei i ha dawn nia"a ti a. A room thlang lamah khawi hawi na remchang zet hi a awm a, a chhuak a, keipawh bathroom lamah ka lut ve nghal a. Shower a ka han in phuh tir ser ser chuam ka harh hawkin ka hria. Rin loh deuh a Jim-a hmel ka hmu chu ka lawm bawk a, mak ka ti bawk si. A thawmhnaw min pek chu ka han ha a, kekawr chu ka ha tawk fu a, t-shirt erawh alian deuh hlek a, min ha zawk lam mah ani. Ka sam huh hnuang chu towel a hru chungin bathroom atang ka chhuak a, Jim chu khumah alo thu a, laptop a lo khawih a, min hmuh chuan a au hlut a, "Engpawh i inhmeh anih hi duhtak"a tho a, min rawn kuah a, "Hetiang tak hian ka rilru zawng zawng hi i luah ang tih ka ring phak ngai lo"a ti a. A hmuiah chuan ka fawp zauh a, ka hawisawn tur chu phal lovin a aia uar in min han fawp a, ka khi suk a, duhawm zet hian min melh a, uar fe hian ka lo chhanglet a. A phur hmel khawp ta khawp mai, khumah min kuai thlu a, nidang anf bawkin ka harh kim leh kak tawh. A in thunun theihna a hloh mai dawn tih ka hria, a awmah ka nem a, "Duhtak...ka ta ni rawh"a ti sap a. Ka awmah bawk theihtawpin ka han nem leh a, a tang lui ta nik lo. A in let thawk a, a maimitchhing tlat a, ka biak pawh chuan min chhang duh lo. Mipa dang ang bawka sex vang chauh a min kawp anih chuan a tihsual ang. Ka tho a, dressing table hmaah ka thu a, ka mit chu a sen leh ram tawh. Ka rosarry awrh lai chu ka han hum vang vang a, ka naupan tet atanga ka nu leh pa min zirtirna kha tuemaw avanga theihnghilh ka duh lo. Ka thawmhnaw ka la a, ka hak lai chu thlak ka tum a ni. Ka hnung lam atang Jim chuan min rawn kuah a, "Soph bawihte... ka tihpalh aw. I duhdan chu ka zawmsak in ka zah sak zel ang che. Ka tihpalh lutuk"a ti a. Ka hawi let a, chhang lovin a hmuiah ka han fawp zeuh a, tunah chuan ka hlim leh ta.
.
Hotel atanga kan chhuah chuan zan dar 9 alo ri reng tawh a, ka apartment lam panin kan chhuak zui nghal a, weekend hmandun theih inbeiseia helai hmuna lokal anih thu Jim chuan a sawi niap niap a. Ka chak takzet ani, mahse ka buaina neihlai mek lai nen Martin hian min chhui zel si a, engemaw hlauhthawn ka nei ru deuh bawk si. A tuka inhmu keh ngei tura intiamin kan in vai liam ta. Ka chahbi ka han phawrh mai dawn a, ka hmu leh pek lo, ka bag chu ka bun chhuak vek a, ka hmu chuang lo. Beidawng zeta ka han hawi chhuah leh chuan ka kawngkhar ngheng a Martin lo ding reng chu ka han hmu a, ka phu nasa hle. A ipte atang chahbi hi a phawrh a, a rawn thehthla a, "Tun ang thleng thlenga pawn lama hun hman chu a hrisel viau in ka ring lo. Nge nang hian min lo phiarru tak tak zawk?"ngeiawm fe hian a han ti a. Ka chahbi chu ka la a, kawngka chu ka hawng a, luh mai chu ka tum a, ka banah min pawtlet dawrh a, "Thudik min hrilh rawh" "Enge sawi tura min duh? I duh duha i puh kual a, i duh dan ang anga awm tur hian tunge i nih?"ka thinrim chu ka tawng pawh a sehchilh nawk nawk a. Ka bul chetah arawn ding a, a san em avangin ka chhoh en ha a, a rim tui leh pa zet chu ka hip ru mawlh mawlh a, "Tunah khan engmaw i sawi? Ka duh ka ti thei lo ang maw? Ka company humhim nan ka duh chu ka ti thei alawm, ani lawm ni?"a ti a. Min vawnna chu phelh in room ah ka lut a, ka mittui a rawn tla ringawt.  Ka hmai chu ka phih a, Jim nen rei vaklo kan inbiak hnuah khumah ka hnathawh tur tlem ka la phei a, ka thawk mawlh mawlh a. Thil pakhat hriatchhuah ka nei, vawiin tlaiah Sixth Avenue a ka mi hmuh kha Mr.Ryo kan hmuh dawn țum a min rawn kotu kha ani tih ka hrechhuak a, a mi biakpa kha a hnunglam zawng khan Daniel ang ka ti tlat anih tak kha mawle! Jim chu ka be nghal vat a, thil awmdan chu ka hrilh a, rilru hah lo turin min ti a. Engkim a buaipui vek ang tih min tiam a, thlamuang takin ka mu ta siai siai a.
.
Weekend ah ka chhuah ngai lova, mamawh leia ka chhuah tih loh chu pawn lamah hun ka hmang ngai lo. Jim rawn zin lai anih avangin ka teihawi hnem ve hle a, hmun ka la hmuh ngailoh pawh ka hmuh nual phah. Nilengin kan lengkual a, Harbourfront Avenue a restaurant lian leh changkang ah lunch kan ei a, dinner erawh ka ina ei kan tum a ni. Dinner ei chiah kan hmabak tawh bawk a, shopping turin kan in phur chhuak leh a. Ka rilru pakhatah chuan Daniel hmuh chu ka in ring deuh tlat a, Jim-a bulah erawh ka sawilang lem lo. Hma lak dan turah amah ring ngam turin min ti tawh a, han sawichhuah leh pawh ka duh chiah bik lo. Car tukverh  atang  huan ka dak chhuak a, pawn boruak thiang tak chu ka hip vang vang a, "A tawp ka thleng tep tawh"ka va hawi chuan Jim chuan a hma lam chu a lo melh run a, min bia pawh a ang lo,"Sawi i nei mi?"inthlahrung tak hian ka han ti a, arawn hawi a, a nui sak a, "I buaina chinfel ani lek lek tawh, lo lungngai reng reng suh"a ti a. Ka thaw hawk a, he buaina atanga chhuah hi ka duh, hna tam tak thawh tur ka nei a, hmasawnna tam tak neih belh ka ngai ani.
.
Ka apartment lian fahran lo ah chuan sofa pathum ka dah a, tv leh fridge a awm a, mutna pindan a hran em em pawh awm lovin khum ka hung a, choka lamah pawh dawhkan mahni hman tawk leh eirawngbawlna gas leh bungbel fel takin a in rem a. A lian lo na a a felfao thlap thung. Sofa ah chuan thu mu pahin tv kan en a, Jim chu ka ngheng a, a khat tawkin kan hmui leh hmui chu a insi reng a, kan inthlah phal lo ani ber. Doorbell a rawn rik chuan muanghangin ka tho a, ka kawr chu ka han pawt mar tha a, tun ang huna ka ina rawn kal chu tu tak ni ang maw ti rilru chungin kawngkhar chu ka hawng a, suit dum hlanga inthuam in Martin chu alo ding a. Ka hmuh huan ka phu zuk a, "Enge i rawn tih dawn?"nelawm lo takin ka han ti a, "I lo thleng thei maw? Duhtak, Mr.Jacques kha ka sawm anih kha, lut turin lo ti ta che"Ka hnung atang Jim chuan arawn ti a. Engemaw a hriat a helai hmuna kal tura alo tih chu le? Kawngka chu ka han hawng zau deuh a, min melh nawn miah lovin Martin chu alo lut a. Kan thutna ep chiah ah Martin chu a thu a, Jim chuan a phone a hmet mawlh mawlh a, in tur buatsaih turin ka tho a. Hemi te pahnih hi an hna chungchanga inhmu an nih ka ring. Theitui chawi chungin ka let leh a, "Engtinnge anih theih? Ka awih thei lo, kha chen kha ka pa bulah hun ahmang a, rinhlelh tura a awm ka la hre miah lo asin"Martin chuan a ti a, a in dawm kun raih a. Jim-a bulah chuan ka thu a, a phone a thil awm chu ka han melh ve a, Daniel ngei hi a ni Martin lo phiarru tu chu! Ringhlel tho mah ila a taka a thlen chuan mak ka la ti tho, Mr.Ezra khan a ring tawk em em a, afapa thachhangdawltu ah a ruat ngam ani a, chutichunga hetiamga a awm thei hi a mak ka ti. Martin chu a ding uaih a, "Ka kalsan phawt ang che u, chinfelctur tam tak ka nei si a"a ti a. Jim chu alo ding ve nghal a, "Dinner min kil pui turah ka lo ngai ngawt che a..?" "Min lo hrethiam mai dawn em ni ang Mr. Caldwell, i thawhrimna ah lawmthu ka hrilh a che"Jim zawk chu be mahse Marrin chuan keimah min melh daih thung a. A chhuah hnu chuan sofaah chuan ka thu hnawk a, nidanga ka hmuh ngai loh Martin-a mitmengah khan engemaw hmuh ka nei tlat ani.
.
Martin office ah Daniel nen bawk kan inhmu leh a, Martin-a P.A in min koh luh atang darkar chanve a liam tawh, ani lah hmuh tur ala awm miah bawk silo. Atawp atawpah hmanhamwh takin Martin chu a rawn lut a, nidang ang lo takin a pawr pheng a, coat a ha lova, kamis leh tie erawh a inbel thung. A sam dum hlap chu a khuih pial phawk a, mipa samah chuan ka ngainat loh ber ani, mahse a inhmeh em em lawi si. Ka ngaihtuahna chu ka duh lo, ka lu ka han thing nawk nawk a, a chair ah chuan a thu chawrh a. Daniel chuan a ngaihna hrelo zet hian min melh leh thin, "Daniel, Mr.Ryo nen kan thawh dunna chungchangah hian enge hriat i neih?"a mitmeng chu  ram hmak a. Min khawih mai duh hmel a pu bawk, Daniel chu a ding a, "Sir,engmah hriat ka nei lo" aw pangngai tak chuan a ti a. Martin chu a thutna atang arawn tho a, lehkha hi kan awmna lamah chuan a rawn keng phei a, "Hei hi i hmuh hnu chuan i thusawi chu a dang tawh maithei ani"a ti a. Lehkha hlai angreng tak hi Daniel chu  pe a,a ni chuan a han en chuan a khur ta mai a, "Sir, ka tihpalh ani khawngaih takin min ngaidam rawh. Chance min pe leh hram rawh"a ti chul a. Martin chuan min rawn melh a, "I duh dan ang angin hremna pe rawh. Ban tura min duh pawhin ka ban mai ang. Engkim hi i hming vekin alo kaltir a, chuvanga keipawhin ringhlel che ka ni"a ti a.  Lehkha chu ka han en ve a, Agreement paper alo ni a, ka hming sign lem te pawh alo tel ve nghe nghe. Daniel chu ka melh a, hlauthawng takin min lo en a,"Hetiang mi hi i nih ka lo ring miah lo asin, Dan, i va lo mak ve"ka ti a. Ka thinrim lutuk chu ka kut ka hum ruh a, kutthlak pawp lawp chu ka chak ber. Ka in hum ruh a, mangan hmel tak hian min melh a, “Soph…” “Hey!!! Ka hming kha lam ri tlak pawh I ni lo, ka hmu peih lo che”Martin room atang chuan ka chhuak nghal a. Ka room ka thlen pawh chuan ka la pangngai thei lo, ka dawhkana ka phone kalsan chu ka han ban a, Jim-a miscall a lo intlar put a, hmanhmawh takin ka han call back a, a thlawk chhuak tawh ani ngei ang.
.
“Ka tihpalh takzet ani, nang kha ringhlel tur che ka ni lo asin”Martin chuan a ti a, “I thiam loh pawh ani lem love, min rinna tlem I tlachham tih mai loh chu”ka han ti ve sak a. A thutna atang a tho a, a coat chuar lai chu a han pawtmar sawk sawk a, “Naktukah Daniel-a pawh ka thawn haw ang. Zanin ah I hnenah thupha aka chawi nan dinner kan ei dun dawn nia. Office banah haw lovin garage ah min lo nghak angche”a ti a, “Chutiang a ngai lo, ka duh lo. Tikhan thudik I hre tawh a, a tawk ani mai”ka ti a. Min melh chhuk run a, “I bialpa a haw tawh tho a, zanin chu min hnial lo mai rawh”a ti a. A inher a, a kal chhuak nghal a, hnunglam atang pawhin hepa hi chu a chhelo thlawt a ni. Nidang zawng aiin ka hna a laklawh a, ka bang tlai deuh a, ka room atanga ka chhuah chuan midang chu an lo haw deuh vek tawh. Hmahmawh takin ka kal hlawk hlawk a, taxi ka chan laiin Martin chu ka zawnah a rawn ding a, “Vawiin khan ka hrilh chiang viau che in ka hre sia”a ti a, “Ka duh lo ka tih kha, Mr.Jacques”taxi lo tlan mek chu ka phar ding a, ka chuang lut nghal a. Ka apartment ka thlen chuan Martin chu a motor atang a lo chhuak mek a, ka pa ang maia luhlul anih dawn hi ka ti rilru a, “I inah pawh kan ei thei tho alawm..”nui sak chung chuan a han ti a. Tihngaihna tak pawh ka hre lo ve, tum bar in inchhungah kan lut a, reife ka inthlak a, ka va chhuah chuan sofa ah alo thu awn duai a, a thawkrim bawk nen a chau ve aniang, a maimitchhing tlat a. Ka en vang vang a, hetiang tak hian a hmeltha tih hi ka lo hre ngai hauh lo, “Khatia min en reng te chuan ka zak ve anga sin”meng chuang hauh lo chuan a rawn ti a. ka hmai chu a sa leh ta hat hat mai, rawngbawl turin ka pheisan daih a. Jim-a nen pawn lama kan ei deuh reng avangin chawhmeh lei sa pawh ka lo nei lo, enge he mihring pa hi ka ei pui ang? “Pawn lamah eichhuak mai ang, chawhmeh lei sa pawh I nei lo anih kha”Martin-a chuan a ti a. Ka hnial peih tawh bik lo, kan inphur chhuak ta nge nge a. Awm hmun thuamhnaw ka inbel a, Martin lah chu a smart zaih bawk si, mi chuan min en duh hle tih ka hria, ka bialpa pawh ani lova chutiang ka ngaihsak peih lo! Kan eikham fel hnu chuan ka inah min dah leh mai dawn emaw ka tia, mahse hmundang ah min kalpui tih ka hria, “Khawnge kan kal dawn Mr..” “Martin mawle, ka ngaina zawk e”a lo ti sap a, ka va melh chuan min lo melh khiau a, ka zam ru leh tlat tawh. Car chu a glass ka down a, khawpui mawi fahrana eng phe uarh chuan min ti hlim hle , ka nu leh ka nau ka hrechhuak vawng vawng a, ka inkhawl deuh hunah in lian tha zawk ka luah anga, ka nu leh ka nau pawh ka chah chho ang ka ti ve reng a, mahse tunah chuan ka in hi mahni pawhin ka chep lek lek ani si a. ka ngaihtuahan te chu hria ni awm takin Martin chuan, “I in luah chu a tem ah mah ani, I luah tur ka lo ngaihtuah ang. Pawi I tih loh chuan ka awmna bul pawh ka ti ruak thei tho a..” “A ngai lovang, mahnia luah atan chuan a tawk chiah lawm”ka lo tih khalh a. Za lo zet hian a nui hak a, “Min hnial hi nuam I ti ve reng reng anih hi. Engpawh chu lo nise harsatna I tawh chuan a ruak thei reng tih ka’n sawi nawn leh ange”a ti a, “Ka lawm e”ka ti a. A chang hi chuan mi tha tak te pawh hi a ang ve thin, mahse a mize lanchhuahna tam zawk hi chu a tha tlat lo mai pawh a! Dilkamah a motor chu a ti ding a, khua chu a vawt lam lek lek ani, motor ngheng chuan kan ding a, rei vaklo hnuah Martin chu dil lam pan chuan a phei a, ka lo thlir reng a. A nunah hian harsatna a tawh ve hi ka ring ngai lo, mahse zanin chu a mizia a dang tlat a, helai hmun kan thlen dawn phei kha chuan nasa takin a hmel a inthlak a ni. Ka kut te chu a vawt zo vek tawh a, car chhunga thut daih chu ka chak a, mahse chahbi a keng daih si. Inthiam loh hmel tak hian a rawn let a, “Ka ngaihtuahna ka lo kawm nasa lutuk a, ak tihpalh aw”a ti a. Ka kut chu a rawn dek a, “A vawt vek anih hi”tih leh a coat hak lai phelh chu a rual a, min hak tir a, car ah chuan min thut luh tir ta nghal a, amah pawh a rawn lut a, “Sophia… “ka mitah chuan min melh ran a, “Vawiin hi ka nu thih cham ani a”hma lam chu a lo melh leh daih tawh, “Pawi ka ti lutuk, ka lo hre miah lova, Martin..”ka ti a, “Inthiam lo duh suh, hriat reng theih ani lo alawm. Vawiin chu ka ngai ve takzet ani, a suangtuahna a taka ka thlen chhoh tir mek lai te hi han hmu ve se ka ti ani””Mahse van atang alo thlir reng dawn che alawm, a hlim ve ngawtin ka ring”ka ti a, min en a, “Jim nen hian inneih in tum em?”kan thusawi in tuha lo lutuk chu ka nui chhuak hak a. Ka va en chuan thutak fe hian min lo en reng a, “Neih te pawh la innei ve mahna, hun in a hril ang chu”ka ti a, “I hmangaih em?”a tih chuan kal tawh turin ka lo ti thung a. Thuawih  takin a motor chu a start a, a tlanchhuak nghal a, kawngtluangin kan inbe tawh lo. In ka thlen chuan min mangtha a, a tlan liam thleng ka thlir zui a, Jim ka hrechhuak thut a, engvangin nge Martin vang hian ka Jim-a hi ka theihnghilh fo ni? Inchhungah ka lut a, Jim chu ka han be ta nghal a, a lo lungawi lo viau nghe nghe. Ka kalna min zawt lo hlauh chu ka lawm hle a, chu nilo se dawt ka hrilh thei dawn der silo, Martin hlat tura min hrilh kha ka la hrereng a, dinner kan ei dun tih hria se a lawm hauh lo ang.
.
Martin nen dinner kan ei hnu atang chuan a mizia a mak leh tawh em em a, office ah thil pawimawh a awm anih loh chuan min hria angina a awm duh leh ta miah lova. Chu chu pawi ka ti lem lo, mahse a thinchhia leh a staff te hnehsawh lutuk a a ti thin chu ka ngai thei bau lo. A hmaa hmeichhia ngaihsak pawha lang ngai lo kha nula a phur lai ka hmu ta fo a, office a rawn kal tawk lah an bang lo. A mizia tak tak a lang tan ah ka ngai a, a ruka ka lo ngaihsan ve na te pawh a bo leh vek tawh. Nikhat chu thil hmanhmawh thlak tak a awm avangin amah ngei biak ka mamawh a, office ah a rawn lang thei lova, ka call lahin a phone switchoff a intlat bawk si. Driver ka ko a, a in ah a awm mial takin tiin a in lam chu ka pan tawp a,
.
.
Ka tan duhthlan tur dang a awm lo, Martin-a flat ruak chu ka luah ta nge nge a, remchang hmasa bera insawn chhuah leh chu ka tum tho. Engdang vang anilo, mi hian thil sawi an chak em em tih ka hria a, Martin nen mawi lo taka min sawi ka hlau ani. Jim te pawh an lokal dawn tawh a, keimahni lamah chuan engkim peihfel vek ani tawh. A mimal tak pawhin ka phur tawh viau a, a chhanchu ka theihtawp chhuah a ka hna ka thawh ve vang ani pakhat a, tin, Jim nen inhmuhna hun tha kan neih dawn avang pawhin ka lawm. Tlai khat office atanga ka haw chu Martin-a a in atanga a rawn chhuak chiah nen kan intawk a, tun ang hunah a hmel hmuh tur a awm ngai lo. Chu aia mak zawk chu a hnung chiaha nula pakhat hian a rawn zui chhuak a, mak tia meng phar lo turin ka inthunun hram hram a, min hmuh hman hlau takin bang kilah ka tawm chawt a, ka thin lah chu a phu zeih zeih bawk si. Kei hi eng ka ti ta nge, Martin midang nen ka hmuh apianga hetianga ka awm tak fo ni? Ka thik ka tih dawn chuan ka thinlung hian a pawm zan silo. Inchhunga ka luh chuan ka thawmhnaw pawh thlak lovin ka thu vel mai mai a, ka mood a fuh lo zo vek a ni ber.
.
Conference hall pana ka kal lai chuan ka zam ve lek lek a, tun hi ka vawikhatna ani hauh lo, mahse ka bialpa hmaa hna kaihhnawih a ka inlan tur chuan min ti zam ve tih ka hai lo. Kawngkhar bulah Martin a lo ding a, min hmuh chuan a lo nui sak a, “Tha deuh in aw, Miss Marceau”a ti a, chu chuan tlemin confidence min pe deuhin ka hria. Presentation ka pek chhung zawng chuan Martin chuan mitt la lo lekin min lo melh a, ka bahlah ka hlauh avangin ka melh tha duh lo. Mahse min hiptu awm ang mai hian ka lo ve en leh thin a, Jim erawh chuan uluk tak leh ngaihtuahna seng hnem tih hriat zet hian min lo en ve thung a. Ka zawh fel chuan kut an beng dar dar a, ka thaw halh halh a, ka rin ai daihin ka ti tha in ka inhria. Martin leh Jim te pawn an company kalhmang leh hmalakna atana ruahmanna an lo siam te chu an han pharh ve ve a, fashion industry lama tan lak an tumnaah Martin chuan theihtawp a lo chhuahpui dawn ani. Model thlan chungchang kan khel lai chuan rawtna mak tak tak an rawn chhawpchhuak a, Jim chuan kei hi model atan hman min duh thu a sawi chuan ka meng kawk a, ka lu chu thing in ka lo nui mai a. An sawi chho zel a an thu tak telh telh mai si, min chhan beiseiin Martin chu ka va melh a, a mit chu alo meng zim san a, thil tam tak a ngaituah tih ka hre mai. Jim chuan a rawtna chu pawm beisei takin Martin chu a melh a, Martin chu a han ding chhuak a, “Engpawhnise hei hi chu mimal tak a Miss Marceau ka biak phawt angai ang”a ti a. Ka beisei ruk reng chutia a rawn ti chu ka lo lawm hle a, ka hnial theih ka in rin vang ani. Meeting kan zawh meuh chuan khua alo tlai hle tawh a, a tuk leh lama tih tur hmabak neiin kan tin a, Martin nen erawh kan la thu khawmuang a. Midang zawng an haw hnu chuan ka thutna bulah a rawn insawn phei a, “Sophia.. I ngaihdan dik tak min han hrilh ta che”dam dap hian a ti a. A mitmeng thuk raih mi hneh theihna riau awm khan min melh leh ran tawh, “Martin, ka tui zawng ani lo, tin, hetiang thil pui tham leh hautak lutuk ah chuan model lar tak tak an tam alawm”ka ti a. A ngawih reng avang chuan ka thusawi chu a pawm ah ka ngai a, “Mahse enteh, nang aia tha hi an tam kher lo ang”min fiam ah ngai in ka nui hak a, ka va melh chuan thutak fe hian min lo en a, “KA awih loh tluk zetin nangpawhin I awih lo”ka ti a, ka thin a rim letling zawk. A thutna atang a tho a, “Heta I hlawh pangngai chu I hlawh tho dawn alawm, chu mai nilovin model atanga I hlawh pawh kan company bakah Mr.Caldwell te hnen atang I dawng bawk anga, I hlawh hnem tur zia I hrelo mi?”a ti charh charh a. Ka tah a chhuak zawk, pawisa tam tak thawh chhuah te chu tupawhin kan duh alawm, mahse modeling lam kher chu ka tih chi ani lo. Ka bulah bawk chuan Martin chu a rawn thu leh a, “Soph…Paris ah I hun tam zawk I hmang thei anga, I nu leh I nau bulah hun I hmang thei dawn asin”tiin min han thlem leh a. Ka nu leh naute a rawn sawi rik chuan tlemin ka thawpik chu a reh deuhin ka hria, “Ka lo inngaihtuah ang, tunah mai chuan thutlukna ka siam thei lo”ka ti ta nge nge a.
.
Ka muhil thei lo, Martin nen kan inbiakna chu ka ngaihtuah let neuh neuh a, ka tlin leh loh tur thil ah ka inhnamhnawih anga, ka hna pangngai pawh ka chan a ngai hial ang tih chu ka hlau ani. Ka nu number chu ka han hmetchhuak a, ka be ta ngawt a, ka buaina zawng zawng ka thlen hnu chuan ka thawl hawkin ka hria, “Bawihi, engkawng pawh zawh dan la kei chuan ka ring tawk che. I pa fanu I ni alawm le, mahse I duhthlanna a pawimawh ber”a ti a. Ni e, kawng thar leh thil dang deuh han zawh te pawh chona ani a, ka theihtawp ka chhuah anga, ka hlawhtling ve maithei asin! Rilrua chona thar hmachhawn tum chuan ka muhil ve ta siai siai a.
.
Meeting kan zawh chuan Jim chuan min rawn pan a, min rawn kuah a, ka biangah chuan a fawp zeuh a, “Ka chhuang lutuk che duhtak… I hna thar tan turin kartirah ka rualin Paris ah I rawn kal ang”a ti a, ka then sak a, ka chak lutuk tlat.
.
.
Paris khawpuia duh ang tawka hna ka han thawk thei tur chu ka lawm leh hnuhnawh viau mai, ka hmelah alo langchhuak pawh ani maithei, ka thawhpuiten min fiam danah. Jim te haw atanga karhnihnaah Martin nen Paris lam pan chuan kan thlawk dun leh ta vang vang a. Ka phur lutuk chu ka chezia ah a langchhuak viau ang tih hlau in ka in sangmar teuh a. Airport ah ka nu leh ka nau in min lo hmuak a, kan han inhmu chu kan hlim tlang hle. Martin chu a kal mai tura ka ngaih laiin kan bulah chuan a rawn ding ve tlat a, “Motor in hmang tawm mai ila”ka bengbulah chuan a rawn ti sur sur a. Mak tih hmel takin ka han melh a, “Surprise tur che kan nei a”ka nu chuan hlim sarh hian a ti a, k abo lehzual. Taxi ah chuan kan pali in kan chuang a, driver hnenah chuan kan awmna hmun sawi tumin ka han ang zuau a, Martin chuan, “31 Avenue  George V”a ti a, ka meng phar awk a, min nuih suk a. Ka bengah earphone hnawhin ka maimitchhing ta daih a. Engtiarei nge kan tlan ka hre lo, ka lo muhil chu niin, ka han harh leh chuan kan company bul ah hian kan lo ding reng tawh a. Ka nu leh ka nau chuan ka luggage chu an lo chawi chhuak mek a, “Nu, Jamie, enge awmzia?”ka ti thawt a. Martin chuan taxi fare alo pe mek thung a, “Hetah kan insawn tawh alawm”ka nu chuan hmel hlim sarhin min lo chhang a. Ka chhuak a, thil awmzia chu ka hre lo takzet ani, “Company mi leh sa te tan ka pa in flat engemawzat a sak kha I hre tawh lo mi? I tan hnaa kal a awlsam zawk nan leh I nu leh I nau tan pawh khaw daifema awm ai chuan a that ka ring a, hetah insawn turin ka ti alawm”a ti a. Ka nu leh ka nau chu ka va en a, an lo then thaw a, hetiangte ka laka han zep theih chu tiin ka lungawi lo takzet ani.
.
Darthlalang hmaah ka han in thlek vang vang a, pawnfen chhing ka khup chung chiah vel chu ka han feng a, hetiang hian ka la inchei ngai hauh lo. Ka pheikhawk lah chu a sang tha em em mai bawk si, ka duhthlanna chu ni ngat se zawng hetiang hi ka bun lo ang. Kan hmalakna hmasa ber tur Fashion industry tih hmasawnna tur atana kan programme huaihawt tan zan ani a. Keipawh kan company model ka nih angina zei taka ka in lan a ngai ani. Ka thawmhnaw hak tur zawng zawng pawh Martin-a thlan vek ani nghe nghe. In atanga ka chhuah chuan pawnah Martin chu a motor bulah a lo ding reng tawh a. Nidang ang bawkin suit nalh takin a in duang leh zaih a, mahse a tih ngai miah loh danin a dum hlangin a in thuam a, zanin angah chuan a inchei duh dan chu ka rilrem zawng ani lo. Hall kawtah Jim leh a P.A an lo ding a, min hmuh chuan a rawn kal vat a, car kawngkhar chu min lo hawnsakin min fawp zauh a, “I nalh lutuk tlat”zawite hian a ti a. Ka lo nuih sak a, “I mit hmuha mawi ringawt pawh kha thlakhlelh tham ani alawm”ka han ti let ve a. Inchhung lamah kan in zui lut ta dial a. Programme tan ani a, kan kalphung leh kan hmalakna tur kawng hrang hrang Martin leh Jim chuan an han puangzar a, media la hmachhawn ngai lo ka ni bawk a, ka khur ru der der thei ! Ka role tur an puan lai chuan ka lamah thlalakna a de chuai chuai reng reng a, nuam ka tih zawng pawh ani lo. Mi hriat loh leh langsar lo taka hna thawh duh thin mi ka nihte chu ka ngaihtuah chhuak a, tuna ka thutlukna hi ka inchhir leh mai ang tih chu ka hlau ani. Jim nen no kan lo dawn dun lai chuan Martin chu a rawn kal a, “Miss Marceau, kan haw tawh dawn em niang?”a ti a, “Pawi I tih loh chuan ka rawn thlah haw mai ang chu Mr.Jacques?” Jim chuan nui sang hian alo ti a. Martin chuan min melh deuh hrawk a, “Ka hnuai thawk anih angin a himna hi ka kut ani a…””Martin, min ngaihtuah suh, Jim-a ka rawn inthlah tir mai ang”ka lo tihkhalh a. A hmel ka han en chuan thinrimna ka hmu in ka hria, a inher a, rawn hawilet tawh miah lovin a kal ta nal nal a. Ka sawithiam chiah lo, Martin a awm loh hnu chuan a ruak huaiin ka hria. Keipawh rei awm lovin jim chuan min thlah vat a, inchhunga lut mai lo chuan kawtah kan ding reng a, arsi lo phe zeuh zeuh chu ka en a, a mak lutuk ka bulah Jim awm reng siin Martin chu ka mitthlaah a rawn lang chiang em em a. KA inthiam lo leh tihngaihna hre lo chuan Jim-a chu ka sik vak a, a lamah min pawt hnai a, kan in fawp ta vawng vawng a. Inchhunga lut hmasa tur in min ti a, kal hmasa turin ka ti vet hung a, a tawpah a motor a ti nung a, a tlan ta a, a tlan liam thleng ka thlir a. Rilru khingbai zetin inchhungah ka lut a, ka nu chuan ka that leh that loh chu min lo zawt a, ka hmel chu a dik zan lo ani maithei, ka chauh chhuanlam in room ah ka lut vat a.
.
Mahni tawka ka buai ve hle a, ka duh ang thlapa thil a kal loh ka hlauh avangin zan pawh ka mu mang lo. Office ah ka hun tam zawk ka hmang a, ka tana chona thar hmachhawn chu thil namai lo tak ani. Kan photographer Michael(Mike) nen karleh maia kan hna bul tan dan tur kan sawi dun a. Ka duh dan ka sawi hnuah a duh dan tak a sawi veleh a, kan inhnial zeuh zeuh bawk a. Mike hi ka duh ang taka khirh leh thil ti mai mai lo ani a, a tha ber duh zel mi a ni. Tlai dar 5 a rik chuan haw zai kan rel ve thei hram a, lehkha tihfel ngai tlem ka la neih avangin ka la awm a,Mike erawh ka room atang a chhuak tawh. Ka room kawngka chu an rawn kik karh karh a, ka rindan chuan kan office enkawltute an nih ka ring a, lut tura ka tih chuan Martin zawk alo ni. Ka dawhkana lehkha ka lo chhehdarh nuaih a hmuh chuan a ner sak a, "Vawikhata thawh zawh nghal vek i tum em ni?"a ti a, ka lo nui mai a. Ka thutna piaha inleng thutna atana ka hun sofa ah chuan bawpkhawkherhin a thu a, ka va en chuan min lo en reng a. Ka awm ati nuam chiah lo,"I duh chuan i haw thei ania, mahnia thawh ka la duh a"ka han ti a. A chechang eih lo, a thuthmun chu a han rem tha sauh a, melh loh hram ka duh. Ka inrem fel chuan khua pawh alo thim ruih tawh a, Martin ka va en chuan tui em em hian alo muhil a. Paris kan thlen hnu hian mutmu ala tuah tha meuh lo anih ka ring. Ka kaithi dawn nge dawn lo tih ngaihtuahin ka ding deuh reng a, ngawi renga kalsan tawp chu thaa ka hriat loh avangin a banah chuan ka gan sawi nawk nawk a, "Martin.... ka haw tawh dawn ania harh teh"ka ti a. Ka banah chuan alo chelh thut a, meng cuang lo hian abulah min pawt thu nawk a, min kuah nghal a, talchhuah ka tum chuan ka sam karah a hmai arawn phum a, "Soph...khawngaih takin heti hian reilote awm ka duh"a ti ta sap a. Ka che ngam lo, ka thinphu te chu a hre phak ang tih hlau in ka thaw tha ngam lova, ka buai zo vek. Rei vak lo hnuah a rawn che tual tual a, chu chu remchangah la in ka lo tho chuak vat a, ka kawngka rawn ri rakin Jim chu a rawn lut nawlh a. Chulai hmuna kan pathuma inhmuh chu kan beisei lo tlang ani ang, kan inmelh kual ta ralh ralh hlawm a. Ka sam pawr deuh phang chu ka han tuai mam puat a, Jim-a hmelah chuan ngaihthat lohna hmuh tur a awm nghal. A meng de zawr a, "Mike khan nangmaha i awm thu min hrilh a, in ruahmanna te chu a kaltlang em tih hriat ka duh"nidang a a tawngkam a ang lo, a chang mah mah ani. File pakhat ka phawrh a, ka pe chu ala duh ta tlat lo, "Official thil ani a, i ruahmanna te chu ka lo ngaithla zawk ange"chair ah a thu a. A awmdan chu ka hriatthiam avangin insawifiah ka duh ani, mahse Martin a awm ve reng si a, ka file chu ka han hawng a, mahse Martin chuan file chu a rawn pawtthla thut a, "Tun hi office hour a ni tawh lo. Hriat duh i nei anih chuan naktukah meeting kan nei dawn a, iduh ang chu i zawt dawn nia"Jim-a melh run chung chuan a han ti a. Jim chuan chutianga tih chu a ngaithei lo tih hriat zet hian a thutna atang a per tho at a, "Anih leh ka bialnu anigna angin thil zawh ka duh a, chu em chu i rem ti ang chu tiraw?....Mr.Jacques"ka banah min kai dawr dawr a, lift ah min nawr lut nawk a, ka khur ru der der mai. Ground floor ah min hruia a, chutatang chuan hnunglama motor dahna hmunah min kai phei zel a, a motir ah min nawrbet bawk a, "Engthil nge khapa nen khan in lo tih?"a mitmeng chu a alh puat ni ber hian ka hria,"I ngaihdan ang khan engmah athleng lo"ka ti a. A motor chu a chum ta bur bur a, "Khatiang hunah,khatiang hmynah hmuh dun cheu ka inbeisei lo. Lo ngaithla rawh Miss Sophia Marceau, Mr.Jacques nena sumdawnna kalpui hi ka chak reng reng lo. Dream i nei a,chung i dream te chu a hlawhtlin ka duh vang chauh a ani hi sumdawn pui ka ni. Ka duh loh thil a thleng anih chuan ka titawp vek ang, i hria em?"a seh chilh nawk nawk a. Ka lu chu ka lo bu nghut ringawt a, hetianga Jim-a thinrim hi ka vawikhat hmuhna anih avangin ka hlau takzet ani.
.
.
In ka thlen hnu pawh chuan ka khur ala reh thei lo, ka room ah ka inkhung chawt a. Martin- chuan min rawn biak tumin a rawn call reng a, ka switchoff ta ringawt a. A tira ka phur ve na te chu vawiina ka thil tawn chuan min pawt buai vek in ka hria. Ka lo muhil sek ani ang, ka nu huan min rawn kaitho a, phelh phangin ka han tho a, inleng ka neih thu arawn sawi chuan Martin bawk anih ka ring a. Inkawmna pindana ka va luh chuan Jim zawk hi alo thu a, min hmuh chuan a kiai sak a, min lo kuah a, tlaia kan boruak nen a in ang lo hle. Duat tak hian min kuah a, "Ka tihpalh lutuk duhtak.. Ka tum reng vang ani lo, ka insum hman lova,pawi ka ti takzet ani"aw dam diai hian a ti a. Ka lung a ti chhe zawk, ka insut faih a, "Midang tan ka phal lo che, engkim hi i tan chuan ka huam vek tih min hriatsak la ka duh ani. Ka tana ka hauh nat luatah che mawi lo takin ka che a,ka inthiam lo ani"a ti a. Ka nuih sak a, ka chhang thei lo, a hmuiah chuan ka han fawp zeuh a, duat takin min pawm ta hle hle a.
.
Kan programme pawh a kaltluang hle a, keipawh mahni inringtawk takin Camera hmaah pawh ka in lan ve thei tawh. Internet lamah pawh ka chanchin chu an khel ve nasa hle a, ka rin phak bakin min ngainatu ka nei ve ta nual a. Ka pian hi a nalh ve tak tak aniang tih tur khawpin fakna pawh ka dawng a, mahse hmasawnna tur ka la ngah zia ka hre thung. Kawng engkimah Jim chuan min tawiawm a, Martin erawh Singapore lamah a let leh rih a, hna tam tak thawh tur aneih avangin a zawng zawng chuan helamah a awm ve hman dawn lo. Thla khat chuang Paris a hun ka hman hnu chuan Martin chuan min rawn chah a, karkhat vel amah tawiawm turin Singapore lam ka pan leh ta. A hma ang khan Martin hian min pawh tawh lo hle in ka hriaa, tul bik thilah lo chuan min be ngai lo. Zankhat chu pawnah thu in Jim nen kan inbia a, kawngpui lam chu ka thlir pah a, Martin-a motor rawn tlan lut mek pawh ka hmu. Motor kawngka a rawn inhawng a, Martin chu arawn pen chhuak zan zan a, chutah kawngkhar lehlam chu ava hawng leh a, ka rin loh deuh in nula a rawn pen chhuak ve ta thung a. Martin chuan a kawngah a kuah a, chu nu chu a hmel a hlim sar a, inchhung lama an inzui lut chu ka thlir ta reng a.
.
Ka hnaa ka buai tehreng nen ka thawk sawt lo riau lehnghal,engkim chu a buai chuar ani berin ka hria. Hawaii a kan thawpui tur ten thawhho kan tumna am rawn sut leh tih ka hriat phei chuan ka thin a sa zak a, Martin chungah pawh ka lawm lo hle nghe nghe. A intiamna anga thil kalpui lova thildang a buaipui hnem lutuk chu ka duh lova, tuna kan buaina tawh chhan ah pawh hian ka puh lo thei lo. A room a kal tura min rawn koh chuan ankhum hrep tumin ka in humruh a, a room chhungah chuan alo vei sek a, min hmuh chuan a thaw halh a, a dawhkana paper in hung thliah thliah chu a kawk a, "Buaina chinfel loha a awm hi ka duh lo tih ka hrilh tawh che khan ka hre si a"a buainaah hian min mawhpuh a tum leh ani ngat mai. Thutna min kawhhmuh ah pawh chuan ka thu duh lova, "Ka kuta thil awm reng reng chinfel loh ka neih ka hre ngai lo, Mr.Jacques.."ka zam duh bik lo. Ka bulah arawn kal a, min rawn dinchilh ran a, "Hawai atanga kan let hnu khan heng hi i kutah ka dah vek lo em ni? I chingfel thei dawn lo anih chuan a tirah khan i theih loh thu sawi mai ta che. Engkim hi i ti thei emaw i inti em ni?"a mize sual tak kha a chhuak leh ani ber. Ka ngawi reng a, ka kut chu ka humruh sak a, "Modelling lamah i kal fuh avang in business dang hi i ngaihthah vek tur tihna ani lo"paper chu a laa, ka hmaiah a vawm darh ta chuai a, "Ka sum hloh zat hi hmu let leh vek rawh. Anih loh chuan i banna rawn thehlut rawh"a thuthlengah a thu chawrh a. Ka puakkeh dawnin ka hria, ka hna hi bansan phallo turah min ngai a maw? Pawisa ka mamawh viau in a ngai a maw? Ni e, kan nun khawchhuahna tur atan chuan ka mamawh takmeuh e, mahse hetiang em ema in tham lohna hnuai ah chuan ni lul tawh lo e. Office atang ka tlan haw nghal a, ka thawmhnaw ka rem mawlh mawlh a, ka tha te chu a khur der der in ka hria. Sixth Avenue lamah ka in suan chhuak a, ka resignation letter pawh ka ziak vek a, Martin-a letter box ah ka dah a, ka chhuahsan ta nghal.
.
Flight ticket ka tihfel hnuah ka thlakhlelh em em ka nu leh ka nau te nena khawsa tlang turin Paris ka pan leh ta. A hma in ka nu ka hrilh lawk vek tawh avangin kan in lamah an lo suan chhuak tawh a, hna ka hmuh leh hmaa kan eikhawp chu ka khawl ve alawm. Nunthar nena bultan chu rin ai a hautak a, mahse ka chhungte bula hun ka hman theihna anih avangin nuam ti takin ka awm thei thung. Hna lian ve tak atanga coffee dawrah bawk han thawh leh chu ngaia neih a har ve deuh dawn a ang ka ti. Nikhat hna atanga ka haw  chu inchhungah Jim leh ka nu chu an lo inkawm mawlh mawlh a. Ka hmu chu ka phu ve deuh zuk a, Paris a ka kir hnuah ka be pawp ta lo hrim hrim kha ani a, ka chungah a thinrim viau pawhin ka ring. Min hmuh chuan a lo nui sak a, ka nu in thu tura min tih chuan ka thu ve tawp a, sawi tur pawh ka hre lo. Ka nu chuan min kalsan a, Jim nen chuan inhma tawnin kan thu ran a, ka melh tha ngam lo. Ka bulah a rawn insawi hnai a, “Ka hnenah chuan engkim I sawi thei si a, tinge engmah min hrilh loh?”dam dap hian a ti a, “Ka mimal buaina ah lehzel chuan ka pawt buai duh lo che alawm”ka ti a, ka kut chu la in a hum vang vang a, “Mr.Jacques nena kan thawhhona titawp turin naktuk hian Singapore ka pan dawn”vawt raih hian a ti a. Engnge tuna Jim-a thusawi zawh chiah kha? “Nilo, Jim, chutiang chu ti suh”ka au deuh thawt a, mak tih hmel takin min en a, “Engvangin nge ka tih loh ang?”zawhna hlirin a khat tih ka hria. Ni e engvanga dang nge maw ka nih le? Tun hi ka tan phuba lakna remchang tak ani zawk asin, Soph ngaihtuah chiang rawh tiin ka han in fuih a, mahse Martin-an ka kianga a sawi kha ka hrechhuak zel si. A nu thi tawh tana a thiltih ropui ve bera a ngaih chuti maia a thamral leh tur chu ka ngaingam lo ani. Tin, Mr.Ezra, ka tana mi tha tak kha a fapa vang maia chutianga lo  tihchhiat chu ka duh lova, ka ngam hek lo. Ka theihtawpin Jim pawh hi ka dang zawk tur ani.
.
Kan dawra rawn chawl lut te coffee siamsak in ka buai hle a, ka phone ri pawh ka chhang hman lo. Ka buai loh lai chuhin ka phone chu ka han en a, Jim-an min rawn biak a tum a lo ni. Ka han call back a, “Duhtak, zanin ah programme pawimawh lutuk kan nei, dar 7 ah ka rawn lam ang che”a ti a, phone chu a dah nghal daih a. Ka bangbo hle, eng ang chiaha pawimawh nge maw a nih le? Hah hnepin in ka thleng a, ka inbual sawk sawk a, dar 7 rik nan darkar khat dawn ala awm a, khumah chuan ka tluzal a, ka lo muhil deuh a ni ang ka nu hian min rawn sawi harh a. Ka sana ka en chuan dar 7 a lo ri tep tawh, Jim-an min nghah thu a sawi chuan hmanhmawh takin ka inthlak sawk sawk a, khawi hmunah nge kan kal dawn tih ka zawh chuan Jim chuan minchhanglova, ka mitah chiang zet hian min en a, rei min en lovin a hmazawn kawng lam chu a thlir leh ta zawk a. Chhun lamah ka chauh deuh avangin ka lo muhil leh pek a, ka harh chuan Jim chuan min lo thlir dauh dauh a, “I chau hle si a, zanin a chhuahpui lo tur che ka ni asin le”a ti sap a. Khaawi hmunah tak nge kan awm tih chu ka la hre thei chuang lo, motor atang kan chhuak a, Avenue De Suffren ah kan awm tih ka hre zui nghal a, kan hawi chian chuan kan piah lawka Eiffel Tower ding to luah pawh ka va hmu thei a, eng tak chu ti dawn maw? Motor chhungah min luh tir leh a, motor chu ti nungin Hotel Le Bailli de Suffren kawtah a motor chu a ti ding a, zangkhai takin a penchhuak a, kawngkhar min hawnsak hnuah ka chhuak ve a, ka bangbo tulh tulh mai. Ka kawngah min kuah a, inchhung kan luh chuan ka rin loh lutuk in Martin-a chu reception guest room ah a lo thu a, min hmuh chuan a lo ding vat a, ka hmuh veleh keipawh ka ke pen chu a tawp ta chat a!
.
Jim chuan ka banah min vuan a, Martin chu awm pho lah hian a ding a, ka chunga a khawsak danah khan inthiam lohna pakhatmah a neilo tih ka hria, chu chuan amah ka huatna chu a ti zual sauh a. A kekawr  ipte atang chuan lehkha a phawrh chhuak a, “Miss Marceau, kan inremna bawhchhiaa I tlanchhiat avangin ka khing thei che tih I hria em?”a tawngkamah chuan khawngaihna pakhatmah hriat tur a awm lo. Ka kut chu a khur der der a, hlauh vang nilovin thinrim vang a ni zawk, “Court ah in lan I duh kher chu ka ring lo a, karleha Paris fashion week lo awm tur atan inbuatsaihna zanin atang tan ang che”a ti a. A sawi chhung zawng chuan ka mitah tak fiah zet hian min melh a, min melh zam a tum niin a lang. Ka din dan chu ka han insiam rem a, ka thinrim ka insum theih loh ka hlauh vangin ka kuangkuah a, “Duh lo ta ila?” “Pawisa tam tak chawi ai chuan thawhchhuah zel chu I duh zawk ka lo ring a”hnehsawh zet chuan a ti a. Ka tawngchhuah leh hma chuan Jim chu rawn inrawlhin kan boruak tang tha zet chu a rawn ti dai ta hlauh a. Ka ngaihtuah ringawt pawhin Martin nen han han thawh tlan leh chu ka chak lo takmeuh a ni. Mahse duhthlan tur dang ka nei si lo, kha contract paper kha lo ru chhuak tel ni ila ka zalen ni a ni mai tur hi ani a, chutiang ka lo ngaihtuah thleng pha der mai silo.
.
“I tana tha tur zawk anih ka ring, dik tak chuan coffee dawr a I thawh vang khan ka ngai hniam che in ka hmusit hauh lo che. Mahse I nihna tak tak phochhuah ani lo tur ringawt kha chu ka duh lo ani”Jim chuan a ti a. Martin-a bulah ni lo se chuan ka chak em em ang, ani nen hi chuan kan in mil thei hian ka ring lo a ni. Kan in kan thlen chuan a lo thim thap tawh a, kawtah motor vei vak erawh a la awm reng a, Jim chu motor atang chhukin ka chhuah nan kawng min hawnsak a. inchhung ka luh dawn chuan min pawt letin duhthawh tak hian min fawp bawrh bawrh a, hun rei tak inhmu lo leh inthlahlel dun kan ni bawk a, kan am dun hle. A tawp atawpah Jim-a kuahna atang ka tal chhuak thei hram a, “Duhtak, hun rei tak ka nghak thei tawh lo ang che tih hi ka hlau ani. I hlawhtlin huna I hlim tur zia hi ngaihtuah pui lo che ila chuan zanin hian ka hruai haw tawh ngei ang che”a ti sap a. Ka dingdihlip a, a hmuiah chuan ka fawp zeuh a, “Hnathawh tur I la ngah si a, va haw tawh rawh le, naktukah kan inhmu leh dawn nia”ka ti a. A nui sak a, a motor chu her tir in a tlan ta nghal a, a tlan liam thleng ka thlir a. Engtinnge hetiang mipa chhelo lutuk hian kei hi min buaipui peih tih hi ka inzawt nawn fo dawn a nih hi. Inchhung ka luh hma chuan kan kawt a motor nalh tak tak in hung chu ka en a, engtikahemaw chuan kan kawtah ngei hian ka nu tan motor nalh ve tawk tak chu ka la hung ve dawn ani. Chu ka suangtuahna chu motor pakhat ka hmuh than tak chuan a rawn ti khawlo zo a, Martin khan hetiang car chiah chiah hi a nei a, engtikawngmah in a ta erawh a ni lovang. Engvanga chu mihring chu hrechhuak kher nge maw ka nih? Ka lu chu ka han thing nawk nawk a, inchhung lamah ka lut ta nghal a.
.
Ka dawhkana lehkha in tung hnawk urh chu ka rem fel a, hun engemawchen hnua ka hna pangngai ka zawm leh chu ka tui zawng tak hna anih vang hrim hrim chuan nuam ka ti a. Chhun chawlh pawh ka lo mangnghilh der chu niin, “Lunch ah hman nghal chu I tum anih loh hram ka beisei”ka hnunglam atang Martin ngei chuan a rawn ti a. A ni nena inhnial nan hun ka neilo, ka hre lo der a, ka hna ngai chu ka thawk mawp mawp a. Ke pen chuan min rawn hnaih zel a, “Enteh nang nen hian hna thil bak engmah sawi dun ka peih miah lo ania”a ke pen chu a tawp chawt a, “Mr.Jacques, ka sawi nawn leh ang, ka hnaa ka rawn let leh vang hian I duh duh a min tih a, min tawngkhum na tawrh reng hi ka remti dawn lo tih hria ang che. Lunch ka ei emaw, ka ei lo emaw, I lo inrawlh a tul lo”ka ti a, ka thutna atang ka tho nghal a. REilote chhung chu Martin-a mitah hamhaihna a lang ve a, a rei lo kher thung. Ka banah na zet hian a hmer a, “Ka thei lo maw? Ka thei lo ang maw?”a tawng zawi hle na a a thinrimzia chu hai theih a ni lo. Min vawnna chu thin thlak ka tum a, a aia nghetin min hmer a, “Ana ania Martin…”rang zet hian min thlah nghal a, “Tihpalh.. Tihnat che ka tum lo”a hma lawka thinrim em em kha pawi tih hmel takin a awm a, “Min ngaithei lo leh ka kianga hna thawh I chak lo anga I awm hian min tin a”a ti ta a. mak tih hmel takin ka melh tlawk tlawk a, ka mitah chiang zetin min melh a, “Soph… ka na takzet asin.. ka…..”a ngawi ta daih a. Kan hma lam chu a melh ngur a, ka va hawi ve chuan Jim chu kan awmna lam panin a rawn kal mek a lo ni. Martin chu ka han melh zawk a, “Hun nuam tak hmang rawh u”tih leh in her a rual a, a chhuak ta daih a. Jim nen chuan lunch ei turin kan chhuak dun a, ka rilru erawh Martin lamah a awm thung. Ka hnenah khan sawi duh ala nei chiang ani. Jim kha rawn lang lo ta se enge sawi a tum khan i anga, kei hian ka ti na ve thei takzet ang maw? Zawhna hlir chuan ka khat a, chhanna pawh amah Martin chiah in min pe thei ang. Jim chuan dimte hian ka kut a rawn khawih a, ka lo phu zawk a, “I hna ringawt I ngaihtuah leh tawh ani maw? Ka bula I awm lai hi chuan hahdam ve em em la..”a ti a, ka lo nui ringawt a, sawi tur ka hre mai lo. Office ka let leh hnu chuan Martin chu ka zawng rilru deuh a, hmuh tur erawh a awm lo. Engvanga chutianga ngaihven leh viau si nge maw ka nih ziah le??
.
Fashion week atana kan inbuatsaihna pawh a zo thawkhat a, kan designer thlanchhuah pawhin a theihna sang ber a hmang a, rim takin a bei a, fashion lama kan rahbi hmasa ber tur chu kan tan chho mek zel a ni. Martin pawh interview a nei chho mawlh mawlh a, hetianga idea danglam tak an neih chhoh danah hian Jim nen fak an hlawh a, a risk hi a sang viau a, mi nazawngin an tih ngam loh thil a ni. Mahse huaisen takin tlangval la naupang leh fing tak pahnih in sul an su a, an tih fuh chuan mi tam tak tan pawh hna an pe chhuak thei dawn a ni. French Fashion Federation nen tangkawp in hma an han la chho tak tak a, New York lamah pawh tawngkaa sawmna chu an hmu reng tawh a. Engtin chiah nge company in an hlawk pui tih a chian hunah inbiakna neih pui chauh an tum thung.
.
99 Rue de Rivoli hmuna Carrousel du Louvre hi fashion ngaina tute tan chuan a hming hi a lar viau anga, khualzinte a hip zia pawh an hre ngei ang. He mall ah hian vawi tam lo lut ve tawh thin ma hila ka nuna a vawikhat nan a chhungah model angin ka ke ka pen ve dawn ta, ka huphurhzia leh tawpsan mai ka duh zia chu ka nu in min hriatpui a, mahse zam lova kaltlang ngei turin min fuih sauh sauh a. Model nalh tak tak te ka hmuh phei chuan engvanga lo tel ve duh kher nge ka nih tih zawhna ka in zawt bang thei lo. Ka ke pen engkim chu ka lo inzir lawk dan ang ngawt khan ka control thei tlat lova, tlu lova kal chhuah chu ka rilru lian ber a ni tawp. Martin leh Jim chu langsar takah an thu a, Jim chuan nui sangin min lo en a, Martin erawh a nui lova, tak ralh hian min lo en thung. Ka kut chu a thlan dap a, engtin tin emaw ka tlingtla thei ve ta hram a. Ka mualpho chhe vek ni ta berin ka hria a, lunghnur zeta ka thut lai chuan Martin chu a rawn lang hlawl a, “Khati hni hne a tel tur khan ka lo beisei hauh lo che”ka thutna atang ka tho a, “Ka vawikhat tihna ah chuan ti tha ka lo in ti ve viau asin”ka ti ve ngat a. mahni maha hrehawm lo tih tawh nen chutianga theihtawp chhuah lo ang maia min dah chu ka duh lo a ni. A han thaw hak a, “Sophie, ka sawi apiang hi thinrim in la zel suh, ka tawngkam alo vin deuh anih chuan ngaihdam ka dil a che. Mahse khatiang a perform lo khan nangmaha a tha ber ka hmu duh, nangmaha engemaw in phum ru kha haichhuak turin ka duh che a ni”a ti dam ta diai a. Chu tawngkam chuan ka thinrimna chu a hanwtbo hneh kher mai, Martin thusawi tawh zawng zawngah min la hneh ber tum ani hial ang.
.
Hringnun ah hian damkhawchhuah tumin harsatna hrang hrang pawh ka lo su ve tawh a, tunah pawh hian ka theihtawp ka chhuah tur a ni. Ka theihtawp ka chhuah hnua ka hlawhtling lo anih chuan hlawhtling ngei turin a ai nasa in ka bei leh mai ang. Chutianga rilru ka put hnu chuan hmuh theih khawpin keimah ah hmasawnna a rawn lang a. Martin leh Jim pawh an phur zual a, thawhhona tha tak kan neih phah hial ani. Vogue magazine a ka thlalak rawn lang ve ta chuai chuai te chuan engkim hi tum chuan kawng alo awm ani tih min hriattir a, chutih rual chuan nitin hian Martin nen kan inhnaih telh telh a, ka rilru nasa takin a la peng a, chu chu ka hlauh leh kaduh loh ber a ni. Singapore lamah a thlawk dawn tih ka hriat chuan ka lawm ru hle a, hmuh tam loh hi ka mamawh a ni. Kan hlawhtlin lawm nan Jim-a te company nen chuan party kan nei dawn a, chung vel avang chuan Martin-a pawh ala cham a. Hmun nuam leh changkang, kal ka chak em em thin na hmun Les Bains hotel chu party na hmun tur atan ka thlang a, kan phur tlang hle. Kan company lam atanga kan model te pahnih pawh an rawn tel ve a, in tur an dawm sap sap lai chu ka thlir reng a, Jim chuan in tur min rawn pe in ka bulah chuan a rawn thu ve nghal a. K an piah deuh ah kan model pakhat zawk Marilyn leh Martin te chu an thu tlang bawk a, engemaw sawiin an nui duh leh hak hak thin a, tul lo zetin ka lo thik ngawt a! Jim chuan lam puiah min sawm a, min kaih chhuah mek lai chuan Martin te pawh an lo inkai chhuak chiah a, ka kiangah Jim chu awm reng mahse ka piah a mipa chuan min hip tlat si. Ka lam pawh a tui lova, ka lu nawm loh chhuanlam in kan thutna lam ka pan a, Jim erawh midang nen an lam chhunzawm a. In tur chu ka ban a, ka lem zo thuai a, adang ka la leh a, chu erawh muangchangin ka in a, “Pawi I tih loh chuan ka rawn zawm ve thei che angem?”ka bul ah Martin chu a lo ding run a, ka thutna chu siamrem in Martin-a chu thutna ka lo kian a, in tur chu a han ban ve a. Inbe lova kan ngawih reng hnu chuan amah zawk chu a rawn tawng chhuak a,”Soph.. Theihtawp I chhuah avangin ka lawm e, I theihna tam tak haichhuah tur la awm pawh kha haichhuak zel la ka duh ani”a ti a. Ka lo nui sak ringawt a, tunhnaiah hian hepa bula ka awm reng rengin sawi tur ka hre lova, ka zam em em mai zel a ni. A no chu a han bih a, chutah muangchangin a thlitbelh a, “Ka hnenah hian engmah sawi tur I hre hlawl lo em ni? Enteh, I duh leh min ankhum rawh, hetia I ngawih reng hian chan mai tur ang che in ka in ngai ania”a ti a, engatinge ani pawh hi mak tak taka  a tawngchhuah leh thin. Ka in tur ken chu ka han lem khalh a, “Martin, min rintawk avangin ka lawm e”ka ti chhuak thei hram a. A mita ka en chuan min lo en ve chiah a, ka hawisawn vat a, ka kut a rawn khawih chuan ka lo phu zawk a, min en kan in Jim-a te lam chu a en daih a. Keipawh chutia Martin-an a melh tlat avang chuan ka va hawi ve a, Jim-a chuan Marilyn chu alo lam pui mek a, an zeiin an inhmeh dun kher mai. Ka en reng a, ka duh ai chuan an in chul mah mah in ka lo hria a, mahse ka thil in vang chu ani mahna ngaihsamna ka nei ve tlat a, “I thik miah lo em ni?”ka bengbulah chuan a rawn ti sa sa a, ka lu chu ka thing a, “Thik tur a awm em ni?”ka tih chuan a nui hak a, “Ka lam pui khan I thik sia, ia bialpa zawk I thik leh silo chu a mak ngawt mai”a ti khauh a. Sawi tur hre lovin ka ang phuau a, chutianga ka rilru alo hrechhuak chu ka zak ru em em a, “I hresual a nih chu”tih pahin ka tho tharh a, “Ka fiamthu mai mai anih kha thu leh rawh, tih thinrim che ka tum lo”a ti a. MAhse ka awm a nuam lo, “Restroom ah ka va kal lawk ange”ka ti a, ka kalsawn ta nghal a. Ka hmai te chu ka han phih a, rei vaklo thawk lak ka mamawh tih hria in ka han awm khawmuang a, rei tak awmna chi anih lem loh avangin ka thutna lam chu ka pan leh ta a. Martin chu alo thu tawh lova, Jim te pawh hmuh tur an awm lo, ka thutna ngaiah ka thu leh a, rei vaklo hnuah Martin chu a rawn kal a, “Ka thlah ang che”a ti hul hak a. Ka chhan loh avangin a aia ring chuan a han sawi nawn leh a, “Jim-a ka inthlah tir mai ang”ka tih chuan min phih tho dawrh a, “A thlah hauh lovang che”a tih chuan a hmel chu a insehruh teuh tih ka hria a, ka bag ka la a, ka zui ta nge nge a. Pawn kan chhuah chuan motor dahna bul thim laiah hian Jim chu ka hmu a, pan mai tum a ka awm lai chuan Marilyn-I nen an lo khawsa dun hi alo ni a. Mak ka tihna leh rapthlak ka tihna avangin che thei lovin ka ding khawng reng a, Martin chuan min kuah bet a, ka en chu a phal lo. A rum hak a, a motor lam min pan pui a, che tur ka awm lo. Ka melh ngai chu ka melh tlawk tlawk a, ka na a ni. Pawn lam chu ka melh tlat a, ka mittui chu a tlak loh nan ka in sum tang tang a, kan in kan thlen chuan ngawi rengin motor atang kan chhuak a, “Soph… stay strong”a kutzungpui chu a han ti pir va a, ka lo nui lui hram hram a. Gate ka luh dawn chuan min rawn pawt ding a, “Hmu lo tur khan ka chhuahpui thei tho si che a..”a ti a, “Mahse bum a awm ai chuan ala tha fe zawk tho alawm”ka ti a. Martin-a hmaa mualpho chu ka duh lo a ni, ka lut nghal vat a, inchhung ka luh rual chiah chuan ka mittui chu a rawn far ta zawih zawih a.
.
Ka phone rawn ri char char chuan min ti harh hlawl a, nizan lama ka tap kha ka lo tap muhil daih a lo ni. Jim-a call tih ka hmuh rual chuan thil thleng chu ka hrechhuak a, ka reject nghal a, vawi tam a rawn tih leh hnuah ka phone chu ka switchoff ta hmak a. Hnaa kal angaih avangin ka tho a, zan lama ka thil in vang chuan ka lu a nuam lo churh bawk nen, engtih mah ka phur lo. Office ka thlen chuan Martin-a car ka hmu nghal a, Singapore lama a kir hun ani si a, chutia a motor ka hmu leh si chu a ngaihna ka hre lo hle. Ka room ka thlen chuan Jim chuan coffee alo in mek a, min hmuh chuan a lo tho vat a, “Morning duhtak, ka phone I pickup thei silo a”a ti a. A hmel ka hmuh chuan ka luak a ti chhuak ngawih ngawih, “Min rawn biak a ngai tawh lovang, chuan min rawn hmuh pawh a ngai tawh lo bawk”ka ti a. ka fiamthuah a ngai ani ngei ang, a nui a, “Nizan vang kha em ni I thinrim? Martin-an ka thlah dawn a tih vang che ania ka lo haw daih”a ti a, “Khalai motor dahna hmun thim laia duhtawka nawmchen kha maw haw daih?”ka in sum thei tawh lo. Min melh bial kawk a, “Zankhat thil thuah kei min theihnghilh in midang Io khawsak pui thei a, engang mihring nge ilo nih Jim?”ka au tawn tawn a, min rawn khawih a tum chuan a kut chu ka lo thingthla a. Min kuah chu a tum lui a, keiin ka lo duh lo a, “Soph…ka sawifiah ang, chance min pe rawh”a ti a. Ka in rin loh lai chuh in min rawn kuah thut a, min pawm bet tlat a, kawngka a rawn in hawng rak a, chu veleh rang zet hian ka hmuiah min fawp a. Kawngka bula Martin-a ding chu ka hmu a, mahse Jim-an min kuah ngheh em avangin ka talchhuak thei lo. Thaw chham lek leka ka awm hnuah min thlah a, ka thinrim lutuk chuan Jim-a hmaiah ka beng a, “I lungawina tur anih chuan min beng zel rawh. Mahse nang hi ka thlah lovang che”a ti a.
.
.
“Martin hian I lakah eng rilru nge a put tih hi hre lo tur khawp a mawl ka ni lo. Kan business buaipui mek hi engang taka a tana pawimawh nge tih chu I hriat kha, nang hian min kalsan lui anih chuan kan in sumdawn tawnna hi ka titawp ang. Thutlukna chu I thu thu ani e”a ti a, ka room atang chuan a chhuak ta nghal a. Ka thutthlengah chuan ka thu chawrh a, Jim hian engtinnge hetiang hi a tih theih ka hrethiam lo. Ka laka rinawm lo leh thil tisual zawk chu amah ani a, engvanga Martin hi tuar tir tum kher nge maw anih le?
.
Ka room tukverh ah dak chhuak in kan office piaha coffee dawr a mi che tla vel chu ka thlir a, Martin kha engatinge hetah ala awm? Jim khan ani nen kan inkar ka titawp anih chuan Martin nena an business chu tihtawp ah min vau kha ani a, engthilnge ka tih tak ang? Ka bag ka la a, Martin-a office lam pan chun ak chhuak a. A secretary chuan a office ah a awm loh thu leh in lama a haw thu a lo sawi a, chutia a sawi lai mek chuan a rawn lang hlawl a, a secretary chu ka han melh a, a dar a lo san ak a. Ngawi rengin a room chhunga a lut chu ka zui a, a dawhkan bula ka ding a, ka awm ve tih chu hria ang pawhin a awm lo. A dawhkana file ho chu a enkual a, “Enge I duh?”nelawmna tel hauh lo chuan a ti a. Ka kal chhan ber hre lovin ka lut tawp kha a ni a, “Singapore lama I let tum ni kha niin ka hre sia” “I lo ngaihven thar ta em em tihna em ni Miss Marceau?”ka mitah chuan min melh kuau a. Ka sam chu ka zut ka zut a, “Enteh I mimal buainaa ka lo inrawlh ve kha thil tul lo tak ani. Anihna takah chuan nang hi ka staff I ni a, I rilru a nat te chu ka lo hlau ve viau a, mahse ka lo rin ai daih in nang hi I sihhnip ani”a ti ta fak mai a. Ka lu chu a hai muai muai a, a dawhkan tlang chu ka vuan a, min puhna chu na ka ti ani. Engmah a hnenah hian sawifiah tul ka ti lo, ka in her a, chhuah tumin kawngkhar chu ka dawm a, “Zaninah ka inah dinner kil pui che ka lo tum deuh a, kan boruak hian a zir hmel chiah loh”ka va hawi a, a hmui chu a lo ti pawrh a, min tiel tih ka hria, rum zeta melhin ka chhuak vang vang a.
.
Ka room ah ka let leh a, Martin hian tawngkam thinkhei tak tak bak hi a phuhchhuak thiam lo ani ngei ang. Ka hna piah lamah a nu duhthusam te kah tihpuitlinin awm se ka duh a, chuvanga Jim-a min vau na pawh kha palzam thei lo ka ni si a, chung ka ngaihtuah chuan a tana lo tawrh ve pawh chu ka duh lo zawk hial a ni. Mahse engemaw tak hian min nawr tlat si a, Martin-a n alai hmel hmuh chu ka hreh ngawih ngawih tlat ani. Tlai banah chuan kan office kawtah Jim-a chuan min lo nghak reng a, a hmel hmuh hi ka kham hluah hluah, “Duhtak, dinner kilpui tur mi pawimawh tak kan nei a, kan kal nghal mai loh chuan min lo nghak rei lutuk ang”a ti a. Ka chhang buai peih lo, car kawngkhar chu ka hawng a, ka lut nghal a, parking lot atanga Martin lo tlan chhuak chiah chu ka hmu a, Jim chuan a motor chu ti nung in a tlan chhuak ve ta nghal a. Chhun lama ka boruak tawn chuan min ti chau hluah hluah a, ka lo chhing sek ni ngei tur a ni, ka harh chuan Jim chuan uluk fe hian min lo en reng a, ka thu tha vat a, “I chau anih kha, kan haw har lovang” tiin a nui sak a. Motor atang chhuakin hotel chhungah kan lut a, dinner kil pui tur mi pawimawh te chu tute nge ni ang tih chu ka ngaihtuah neuh neuh a. Chutiang ngaihtuah chung chuan Jim chu ka zui ve zel a, lift kan chuan dawn lai tak chuan Martin leh hmeichhe pakhat hi an rawn lang ve hlawl a, chulai hmunah chuan hmuh pawh ka lo inring lo. Lift ah chuan min rawn zui lut ve zel a, Jim chuan min kuah a, min be bawrh bawrh a, ka chhan dan pawh chiangkuangin ka hrelo. Martin-a nula hruai chuan a banah a vuan tlat a, hmuh nuam ka ti lo nge ka hre lo, “Mr.Jacques, i programme pawimawh thulh a ngaih phah chu pawi ka tih pui khawp mai che, mahse tun bak hi Mr.Jonas hi meeting kan neih pui thei awm silo a”a ti a. Martin chuan a dar chu a ha san a ak a, “Business ah chuan laklawh a  awm tur ani hleinem, engkim hi a tha vek e”a ti nghut a. Dinner kan ei chhung zawng chuan Martin-a chuan min en a, Jim leh Mr.Jonas chuan sumdawnna chungchang an sawi mawlh mawlh a, a khat tawkin alo sawi ve zeuh tih loh chu a tawng tam ve lo. Ka thil ei chu a tui leh tui loh pawh ka hre mumal lo, Jim-an min rawn kheuh zeuh chuan ka lo phu zawk a, ka hawi kual a, min lo en thap hlawm a, “Kan inneih tur chungchang kha Mr.Jonas chu ka lo hrilh a”a tih chuan ka meng bial kawk a, ka ke chu a rawn khawng zauh a, “Tuna kan hna kal lai a zawh hunah hian inneih kan tum a ni, ani lawm ni duhtak?”min nuih sang a. Ka lu chu ka bu nghat ringawt a, ka hrawk chu a tawt vek a, sawi tur pawh ka hre lo. Martin chu ka melh vat a, hnuai lam alo bih ngar a, ka duh ai Jim hian boruak a ngam sang tan riau.
.
“Kan pahnih thuruk ni rawh se, Mr.Jonas khan a sumdawnna kawngah mipa puitling tak chiah thawhpui a duh a, tlangval hi a ngaina lem lo. Chuvang chuan nangmah rawn hmasa lo in tikhan ka ti ta mai anih kha, kan vaia that tlanna leh kan company tan vek ania, tisual tam lutuk ah chuan ka in ngai lo”a ti a. ka chhang buai peih lo, ka hma zawn chu ka melh reng a, engmah hi ka hrethiam tawh lo. In ka thlen chuan ka chhungte an lo mu tui tawh hle a, keipawh mut ve nghal mai chu ka tum a. Ka phone rawn ri thut chuan min ti phu nasa kher mai, min rawn call tu ka han en chuan Martin alo ni. Tun ang hunah enge min rawn biak a duh chhan ni ang tih pah chuan ka han pick up a, “In kawtah ka awm, lo chhuak rawh, tunah”a phone chu a dah nghal daih a. ka kal ang nge kal lo ang tih ka inngaihtuah fe hnuah ka chhuak ta nge nge a. A motor nghengin a lo ding a, a bulah dingin ka aw ka han thian a, a ipte atang chuan lehkha pakhat hi a rawn phawrh chhuak a, “Ka tihnat che avangin pawi ka ti, ka chhunzawm thei tawh lo, ka tihpalh”tih pahin lehkha phek chu min pe a. Engthilnge hriat tuma ka han en chuan kan contract paper kha alo ni. Thil awmzia chu ka hrethiam lo, “Enge ni leh ta?”ka han ti a, “I duh duh dana awm turin zalenna I nei tih hrilh tur che in ka lokal a ni. A hmaa paper kha ka siamchawp ani a, ka chelh theih dan che kawng awmchhun anih avangin ka hmang ta mai a ni”a ti a, a thaw halh a. Ka han ngaihtuah let a, ka contract sign kha chu ka hmang zo tawh a, min bum in a hnuaiah min thawh tir a lo ni. Chumi hrereng chung chuan ka haw thei tlat chuang lo. Ka in her a, kal ka tum chuan nghet tak hian ka banah a lo vuan a, “Engemaw tal sawi rawh, min hau la, min ankhum rawh”a ti zuai raih a. Min vawnna kut chu ka thingthla a, “Engmah sawi tur ka nei lo”ka ti a, “Engmah I nei lo maw? KA chunga I thinrimna te kha au chhuahpui la, I duh duh sawi rawh. Ngawi reng chuan kal suh”a ti a. Martin hi ka duh takzet ani tih ka inhre tawh, chuvang chuan ka rilru puthmang hi ka thup thei lo ang tih ka hlau ani. A suangtuah thin te kha keimah vanga a hlawhchham vaih chuan ka in ngaidam thei tawh ngai lovang. A bula ka awm apiangin ka duhna hi a zual zel si a, hei hi tihtawp ka duh a ni. Jim hi ka neih pawh ngai se ka nei mai tur ani, chu chu Martin-a tana ka tihtheih hlu ber tur chu a ni.
.
Ka khumah ka bawk thlawp a, ka mittui chu a sur zung zung a, gate a ka lut tur Martin-an ka hnunglam atang min rawn kuah a, “Sophie… ka rilru ang hi I pu ve tih ka hria, min hel tum tawh lo mai rawh. Jim hi I thlah theih nan ka pui ang che, khawngaihin chance min pe rawh”a ti a, a thaw lum ham ham chuan ka taksa pum hi a fan chhuak vek a. Hetiang tak hian ka taksa ti danglam thei ka la tawng ngai lo, “Martin, va haw tawh rawh. Mut tam ka mamawh”tiin min kuahna atang ka talchhuak a, “Naktukah Singapore lam panin ka thlawk chhuak dawn, airport ah dar 11 thleng ka lo nghak ang che. I rawn kal lo anih chuan I lakah hian ka beidawng ve tawh ang”a ti a. Hawilet miah lovin inchhungah ka lut ta kha ani a, ka mamawh chu Martin hi a ni tih ka hrechiang ta hle bawk. Vawikhat chiah chance min pe a, ka bawhpelh chuan chance ka hmu nawn leh tawh lovang tih pawh ka hrechiang.
.
Tukverh ah chuan ka dak reng a, engmah tih chakna ka nei lo. Pawnah chhuakin phul ah chuan ka thu a, ka sana bun lai chu ka han melh zawk a, dar 11 alo pelf el chiah a, van sang lam ka hawi chuan thlawhna thlawk chu ka hmu a, “Martin… mangtha aw, hlawhtlinna chang ang che”tiin ka phun chhuak sap a, ka in rin hma in ka mittui chu a rawn luang ngiai a. Hnaah kal chakna ka nei lo reng reng a, mahse karleh mai a kan programme neih tur atana inbuatsaih a ngai si a. Tuna kan programme hi a zawh hun chuan Martin-a leh a company hi kumkhua atan ka chhuahsan tawh dawn ani. Chuvang chuan ka hun hnuhnung hi a tha thei ang bera hman ka duh a, keimaha ka theihna sang ber hi phochhuah ka duh a ni. Darkar tam fe thawmhnaw chungchanga kan thu inhmu fuh lo ah kan designer nen kan inhnial a. Ka mood fuh lo sa nen thinrim urh in ka haw a, egmah ka thawk tui thei lo. Ka phone chu ka bih leh thin a, Martin-a call chu dawn ka inbeisei ru tih ka hria. Mahse a mizia hrechiang em em tu hian chutiang thil chu a ti dawn lo tih ka hria a, ka inbual fai a, ka mu ta daih a.
.
Ka theihtawp ka chhuah bawk a, rin aiin kan show chu a hlawhtling a, magazine ah ka thlalak pawh a lang ve ta chuai chuai a. Company tam takin an product tih lar nan min sawm bawk a, ka nuna nuam ka tih lai ber ka hmang chho ve mek a ni. Jim nen chuan pawnlang takin kan la inzui reng a, Martin nen an sumdawnna a tawp hma ngeia min neih chu a tum tih ka hria, chumi hnuah chuan kei hian ka neih duh a in ring lo a ni. Chu chu chiang takin min hrilh tawh a, mahse chute maia pasal neih erawh ka tum lova, ka carrier tichhe tur phei chuan ka duh lo lehzual.
.
Ka office ka thlen chuan magazine ka han ban hmasa ber a, a phek hmasa bera thlalak rawn lang leh a heading chuan ka thisen kal lai te chu a ti tawp vek ni ber hian ka hria. Martin Jacques chuan hun rei taka lo kawp tawh model lar leh chhelo Julieta chu inneih pui ah a sawm a, karleh hian Paris-a a inah inhualna ropuia taka neih an tum tih chu a rawn chuang kuau a. Ka tha chu a khur dawt dawt a, Julieta chu ka hrechiang khawp mai, vawikhat chu Singapore ah Martin-a inah ka hmu tawh nghe nghe. Ngaihtuahna mumal pawh ka pu thei lo, nula chhelo lutuk leh khawvela hmeichhe nalh zinga tel phak nen an lo inkawp tih reng reng ka lo hre lo. Hetiang tak hian inthup takin an inkawp thei a, lehlamah chuan ka ngaisang ru viau bawk a, mahse ka thikzia erawh ka thup zo lo. Ka nunah nghawng neihtir loh chu ka tum hram hram a, Jim-a lah chu thu thar chuan a ti hlim sarh hian ka hria a. In thleng min thlah a, kawngtluanin Julieta leh Martin chanchin a sawi a, a sawi erawh hriat mumal ka nei lo. Inchhung ka lut tur chu Jim chuan min pawt let dawrh a, “Sophie, ka lak atanga zalen taah I lo inngai ange, nang hi awlsam tak chuan ka kaltir dawn lo reng reng che nia”a ti a. Chu chu ka hnenah a sawi ka ring sa reng a, chhanlet pawh ka tum lo. Ka muhil theilo chu ka in let sek a, Martin khan min lo duh ve nia ka lo ngai hman kha atthlak ka tiin ka zak thar em em a. A rual khan Singapore lo  pan hman phei ila chuan ka zahna tam tur zia te chu ka ngaihtuah a, thutlukna ka lo siam sual lo chu ka lawm em em zawk a ni.
.
Ka hnaa ka kal tawp berna tur ani a, Martin rawn let leh chuan boruak a nei lian a, office ah pawh hmuh tur a awm mang lo. A rawn in lan hmasak ber ni chuan min hre ngai lo ang maiin a awm a, a hnathawk pakhat satliah angina min en a, chu chu a tih tur dik tak ani tih ka hria. Mahse ka rilru chu a na ru tlat a, midangte nena angkhat a en chu ka lo la na deuh pawh ani mahna! Ka bungrua chingfel in ka buai hle a, Martin-a secretary hnen atang call ka dawng a, Martin-an a office ah min hmuh a duh thu min rawn hrilh a. Hmanhmawh lo takin ka chhuak a, Martin chuan phone alo hmang mawlh mawlh a, thutna tur min kawhhmuh ah chuan ka thu a. A phone hman zawh chuan ka lam chu rawn hawiin chiang tak hian min melh a, “Miss Marceau, kan company a thawh chhunzawm chu I tum lo em ni?”a ti a. A hma atanga thutlukna ka lo siam tawh avangin ka chhunzawm dawn loh thu chu ka hrilh tlang nghal tawp a. A thaw hak a, “Kan company tana thahnemngai taka I thawh tawhnaah lawmthu ka hrilh duh che a, I lo kir duh anih chuan I hnena lawmthu ka sawi nan ka lo welcome reng ang che. Chuan a tira kan inremsiamna ang khan hei hi I bonus dawn tur a ni a”tih pahin cheque hi a rawn phawrh a. Ka hmaah chuan a rawn dah a, “Ka kal tawh ange”ka thutna tang ka tho chhuak a, cheque chu ka la a, “Mr.Caldwell nen chuan nupa hlim tak in nih ka beisei, ka duhsakna ka hlan bawk che u” a ti a. Ka va en chuan chiang deuh hian min lo en ve kalh a,”Nangni pawh nupa hlawhtling tak in nih ka beisei”tih pahin ka nui lui sak a, hawilet lovin ka chhuak ta nghal a. Ka room ka thlen chuan ka awm chu ka dawm vang vang a, hetiang reng reng hian insanmar ngaiin tumah hi ka la hmachhawn ngai lo a ni.
.
Ka hna thar ka zawmna pawh thla a lo tling leh der tawh a, advertisement atanga ka sum hmuh pawh a tam ve sawt hle a. A hmaa ka dinhmun ngaihtuah chuan nuamsa tak chu kan ni ve tawh. Ka nu tan car ka leisak a, ka nau Jamie pawh a duh leh luh chakna ber college ah a lut bawk a. Ka eizawnna chu hahthlak ve thin mahse ka chhungte hlim hmel chu ka chakna a ni a, nuam ti takin hun ka hmang thin. Jim chuan min la tibuai reng a, mahse inneih erawh a sawi ri leh tawh rih lo a, ka hnaah ka duhtawka ka inpek chu rem a tih thu min hrilh thung. Martin chanchin ka hre khat ringawt pawh ka hahdam a, ka ngaihven duh lo lui ve reng reng bawk a. Julieta nen an inzui na thlalak erawh ka hmu veleh nawlh thin thung. Office atang ka haw tur chu taxi ka chang a, rin loh deuhin Jim chu a rawn lang hlawl a, in lama haw lovin hmun dangah min hruai a. Kan kalna tur ka zawh chuan min chhang lovin a nui mai a, a tawpah a in bul kanthleng tih ka hria, “Ka nu leh pa in vawiin khan min rawn tlawh thut a, naktukah an haw leh nghal dawn si a, chuvang chuan chawpchilh deuh mahse hmuh ngei che an duh si a engmah hrilh lawk lo che in ka rawn hruai tawp che nih hi”a ti a. Chutianga sawi lawk pawh awm lova a nu leh pa han hmachhawn chu ka huphurh em em a, inngaizawng tak tak pawh ni lova chutia awm chu a hrehawm tawk tawh tehlul nen a nu leh apa hmuh chu ka huphurh takmeuh a ni. Ka hmuh tum loh dan deuhin Jim-a nu leh pa chu ka hmu a, upa lam deuh ni turin ka lo ngai a, mahse an la thalai dun hle. Dining table ah chuan ei tur tuihnai tak tak kan inchhawp a, Jim-a nu chu a tawng siam siam reng a, kan vawikhat inhmuhna ni mahse a nelawm hle. A pa erawh pa tawng tlem tak anih ka ring, “Kan naua hian dawt a sawi em lo ang chu maw”a han ti nghut a, a ngaihna hre lova ka hawi kual lai chuan amah vek chuan,”Nupui nei tur hian ka tur reng tawh a, dik tak chuan a nupui tur hi ka hualsak tawh a. Mahse chu ai chuan a thlang miau si che a nih hi”a ti a. An nu chuan alo khak hlak a, “Sophie, a pa hi chu a ri leh tawl thin a, ngaihdan I lo thiam mai dawn nia. Kan Jim-a hi nia tlangval ringawt hi a tum a, tute pawh kan hmu chak ve tawh bawk ani”a lo ti zung zung a. Ngawi rengin kan ei tawh dawn emaw ka tih lai chuan a pa bawk chu a rawn tawngchhuak a, “Ka company hi a rochun dawn tih thu hi ala awm lo reng reng, nupui a nei lawk lo anih chuan a tan hian engmah dah ka tum reng reng lo. Naupan lai atang ka thu a awih hi ka la hre lo, ka sumdawnna a tlakhniam pawh ka remti hek lo. Ka thu a awih loh avanga sum ka hmuh tur hi ka hloh anih chuan ka ngawi mai mai tawh lovang”a ti a, a tho ta daih a. Kan boruak chu a hahthlak in a tang ru hle a, kan thil ei lai chu tuman tui tihna kan neih pawh a rinawm lo.
.
Jim nen chuan an kawtah kan ding dun a, thla chu a eng paw riai a, Martin nen Hawaii-a kan thlir dun tum kha min hriatchhuahtir a, ka lung chu a leng takzet a ni. Ka dara min rawn kuah chuan ka lo phu deuh zuk a, “Tinge ka khawih apiang che hian I phut zuk zel a? min hlau em ni?”a ti ta nge nge a, ka lu chu ka lo thing ringawt a, “Soph…  ka pa thusawi kha chu engahmah ngai suh, a thu thu awm hi ka tum tawh lo. Tuna inneih I duh loh pawhin kha chu pawi tihna ka nei lo ania”a ti a, “Jim, innei tur khawp chuan nang nen hian kan rilru a inpeih lo ve ve in ka hria. Hmangaihna tello a inneihna chu a hlawhtling dawn chuang lo, chuvang chuan kan lemchan hi duhtawk ang”ka ti a. Hmun hla tak chu a thlir vang vang a, “Ni e hmangaihna chu a tello maithei, mahse chan che pawh ka duh chuang lo. Kan inhmangaih chho ve mai ang tih I beisei ve lo em ni?”a ti a, “Kan kawng ve ve hi I zawh tawh zawk ang, hahdam taka nun hman ve hi ka chak ani”ka ti a. Rei tak kan ngawi dun vang vang a, “A hma pawh khan nangnen hian hmangaihna nilovin induhna satliah chauh anih kha kan inkarah awm, I thil tihsual kha ka ngaidam ngai dawn bawk hek lo che. A tir atanga inlaichinna hlawhchham saa bul tan chu ka duh lo ani”ka ti leh a. Min rawn kuah thut a, min rawn fawp a, ka lo tang deuh tung a, “Khawngaihin tunah hi chuan lem min chanpui rawh”a ti sa sa a, ka mitsir chuan kan piah lawka a pa lo ding chu ka hmu a, phur lo zetin ka lo chhanglet ve a.
.
“Inneihna chu a rang thei ang berin buatsaih ang che u, thil tihfel ngai a awm chuan naktuk atang hma la tan nghal ang che u”tiin Jim-a pa chuan motor bul thleng min thlah a. Ka lo nuih sak a, a hmel nelawm lo lutuk leh mahni thu duh lutuk chu ka ngaina hlawl lo. “Kar lo awm tur khian Mr.Jonas nen agreement kan sign dawn a, nangmah vanga a flop loh hram ka beisei. Naktukah zungbun ka rawn lei anga, inhualna nei angin kan awm a ngai dawn ani”a hmelah chuan khawngaihna a lang leh tawh miah lo. A duhdan chu zawm lo ta ila engthil pawh a ti duh leh dawn tih ka hrechiang, chuvang chuan a tawp nan ka pui leh anga, a lak atang ka inthiarfihlim hlen tawh ang.
.
Hotel de Suffron pindan chungnung berah chuan mi pawimawh tak tak te nen no kan dawm thap a, Martin pawh a tel ve a, a kiangah a nupui hual Julieta a awm bawk. An inhmehzia chu a takin ka hmu leh ta, ka hriat loh laiin ka lo melh leh thin a, min rawn hmu fuh loh hlauh chu ka lawm a ni. Mr.Jonas chuan lam puiah min sawm a, Jim chu ka mitin ka han rawn a, remtih nan alu alo bu nghat a, ka ding chhuak ve ta a. Kan lam rei telh telh a, a kut chu a hlei tial tial a, ka kawng atang ka mawngbawr lamah a kut chu a dah tan a, ka lo vai thla a, “Jim hi I lakah a rinawm bik lo tih ka hria ani Miss Marceau, zanin chauh hun min hmanpui rawh, I duh duh ka tihsak thei che ania”ka bengbulah chuan a rawn ti sap a. A zu rim nam leh a mitmeng de sawr chuan ka luak a ti chhuak ngawih ngawih, “Martin leh Jim saw an tluchhe lai I hmuh chak ka ring lo a ni”then sak chuan a han ti leh a. Kalsawn tumin ka inher a, hneh zet hian min lo pawt let a, “Ka uang miah lo ania, tuna an sum thehchhuah hi engmah lo ah ka chan tir thei nge thei lo I fiah duh kher anih chuan I thu thu ani mai”ka kut a vawn chu a thlah a. Rang takin ka tlanchhuak a, restroom ka pan a, ka mittui chu a tla zung zung a. Ka eizawnna ah hlawhtlinna ka chang chho ve tan a, mahse keimah hmangin midangten hlawkna an chang reng tur chu a fair ka ti bik lo ani.
.
Ka hmai ka phih zo ka lut leh a, Jim leh Mr.Jonas an lo inbe mek chu ka hmu a, min hmuh chuan an titi lai chu a tawp hmak a, Jim-a bulah chuan haw ka duh thu ka sawi a. Ka thusawi chu hria ang pawhin a awm lo,  no dawm lai chu a han tlak a, “Rei vaklo hnuah ka thlah dawn che nia”a ti a. A sawi atang minute 20 a liam leh tawh a, ka tho a, keimaha haw mai chu ka tum a ni. Hotel kawtah chuan taxi ka chang a, vawilehkhatah Jim chu ka hmaah a rawn lang thut a, min zui tih ka hre lo reng reng. A thil in vang chuan a mitmeng a sen ram a, a thinchhiat hmel hle, “Ka remtih hunah chauh I haw ang, I hria em?”vin zet hian a ti a. Ka in sum zo tawh lo, tute emaw duh dan dan a ka nun hi hman ka tum tawh lo. Kalsawn tumin ka in her a, min theh leng pawp a, “Min va cho sawt ve Miss Marceau, I lar tawk tawh viau ah I in ngai aniang maw?”a ti a, “Tu thu hnuaiah mah ka kun dawn lo. Ka nun hi ka duhdan in ka hmang ve tawh ang”ka ti a. Ka hmai chu a ri sawk a, ka pai chawn chawn a, mipa in kut min thlak vawikhatna a ni a, ka tuar thiam lo hle. Mahse ka ding ngil a, zam ka tum lo, “Vawikhat pawh kut min han thlak leh teh, ka ngawi mai mai lovang”ka ti a. Chutia ka chhan vang chuan a thin a rim zual sauh a, “Eng maw I sawi?”tih pahin min thing nawk nawk a, “Hmeichhe chunga khatianga chet kha I zak miah lo em ni?”chu aw lo chhuahna lam chu kan hawi rual thawt a, Martin chu a lo ding reng a. Jim chuan min vawnna chu a thlah a, Martin-a lam chu a pan a, “Ka hmeichhia anih hi, ilo inrawlhna tur a awm lo”a ti a. Martin chuan a dar chu a san ak a, “Ka ring chiah lo, a duh lo chung chelhbeh tum I ang ka ti”alo ti khauh a. Chutia a chhan veleh chuan Jim chu a che buan buan a, Martin chu khawih a tum a, mahse a khawih fuh lem lo. Min rawn pan thut a, min hnuk a, “Nang hmeichhia hi ka hmanrua mai I nih hi I hria em? Ka neih I lo inbeisei tak tak anih chuan neih che hi ka tum ngai lo, business thil pakhat angah chiah ka ngai che”sehchilh tak hian a ti nawk nawk a, chutah zet chuan Martin pawh a insum zo tawh lo, lei ah chuan a hnek thal ta tawp a. Hlauthawng taka ka lo ding khur zawih zawih chu min kai a, a motor ah min hruai a, ka thu fel chiah tih ah chuan Julieta chu hlauthawng takin a rawn tlan a. Ka sam pawr phang leh ka hmui sir thi a hmuh chuan a rak that a, “Sophie kha lo buaipui rawh, chinfel law law ka duh”tih leh kal a rual a. Julieta chuan ka hmui kak ah chuan damdawi min hnawihsak a, a zawhfel hnuah thil awmzia chu min zawt a. Ka hrilh ta vek a, min lainat hmel ve takzet a ni. Jim leh Martin chu an indinchilh ran a, Mr.Jonas pawh kha an bulah a lo ding reng tawh. An inhnial ni ngeiin a lang a, Martin leh Jim phei chu an in kawk deuh titih hial a, keimah vang niin ka hria a, hrehawm ka ti em em a. Rei vak lo hnuah Martin chu a rawn kal a, a hmelah chuan a thinrimzia a lang a, Julieta nen chuan biak pawh kan be ngam lo. Kan in bul kan thlen chuan rang takin ka chhuk a, Martin chuan min rawn zui nghal a, mahse min umphak hma in gate ah ka tlan lut a, ka hmachhawn ngam ngang lo a ni.
.
Zan lam boruak avangin ka taksa leh ka rilru chu a na a, nilengin ka mu a, ka room chu ka chhuahsan lo. Tlai ah ka nu in inleng ka neih thu min rawn hrilh a, ka hmuh peih loh thu ka sawi chuan a kal mai ka ring a. Ka nu bulah chuan tunge anih pawh ka zawt chuang lo, tumah ka hmu chak lo ani ber. Ka room kawngkhar chu a rawn in hawng a, ka nu bawk anih ka ring a, mahse Martin zawk alo ni. Ka mutna atang ka kang zawk a, “Mi phalna lovin a nroom ah I lut ngawt thei lovang”ka lo ti that a, a nui mai a, sofa ah chuan thu in a bawp sei nalh thlarh chu a khawkherh a, “Enge I rawn tih dawn?”ka han ti leh a. Min melh reng a, chutih chhung chuan ka thaw chu alo chham lo chauh thung,”I that leh that loh hriat tumin ka rawn kal anih hi”a ti hmuk a. A duh hun hunah a mood hi a thlak thei tih ka hre tawh a, ka la hrechiang khawp mai. A thutna atang chuan tho in ka mutna bul tukverh ah chuan a han dak vang vang a, “Jim nen kan inzawmna kha ka pawt chat vek””Eng a?”ka lo au deuh thawt a. Min rawn melh zawk a, “Engkim ka hre tawh alawm, I tuar angaih ve avang khan pawi ka ti takzet ani”a ti a. Ka bulah chuan a rawn thu a,”Soph… min ngaidam rawh aw?” “Engvang chuan maw?” “Ka tana I tawrhna vang khan… engmah ka hriat loh vang khan nang hi ka lo haw thin che a, ka inchhir ani”a ti a. Ka kut chu ngam leh ngam lo hian a rawn ban a, “Ka chhiat I hlauh vangin I duhdan pawhin I nung lova, chutih laiin kei ve thung chuan nangmah dem ngawih ngawih chungin nitin hun ka lo hmang ve thung si..”a kun a, “Martin… engmah ani hleinem. I pa khan thil ropui tak min tihsak a, ka rulh let ve theih dan nia hria in ka ti ta mai alawm”ka ti a. A lamah min kuai her a, min fawp ta vawng vawng a, duhthawh takin ka lo chhanglet ve a, mahse a kuta zungbun ka khawih fuh chuan ka harh chhuak ta zawk a, ka nemsawn a, “Nupui nei tur I nih ka lo theihnghilh hman tep alawm”ka ti a. A ner sawk a, a coat chuar chu a han pawt mar a,”Soph… nang lo chu tumah neih ka la tum chhin ngai lo”a ti a, ka va melh chuan min lo siai sak a, “Julieta kha…” “Sumdawnna chi khat chauh ani”a lo ti vat a. Ka hrethiam lo tih a hriat chuan a then sak a, ka khumah chuan a rawn inthawlh ve nghal a, min nem tlu a, min kuah bet thlap a, “Soph bawihte… Nang hi ka neih loh che chuan nun hi awmzia a awm lo lutuk anga sin. I tellova Singapore ka let leh kha ka pian a hnu lama hrehawm ka la tih ber dawttu aniang, ka nu thih hnu khan tiang reng renga hrehawm tih kha ka nei ngai lo. Nitin min rawn biak mial ringin ka phone leh ka mail ka check ziah a, mahse ka hriat chhun erawh Jim nen inneih in tum thu chauh a ni ta si. Ka hnaah ka rilru ka pe thei lova, I tel ve lohna hmunah khan engmah hi ka ti thei lo asin. Business thil takmeuh in Julieta nen khan kan inkawm ve thin a, khatia thuthang a rawn darh chiam pawh kha thu belhchiandawl lo mai ani. Hmuh che chak viau mah ila mi nupui ni mai tur I nih kha ka hrechhuak thin a, hrehawm ka ti thin asin. Jim nen ka hmuh tlan leh cheu khan nangmaha beiseina ka neih tawh loh kha beiseina nung ka nei thar leh a, a chhanchu Jim nen in awmtlan hian nangmahah phurna pakhatmah ka hmu lo a ni. Mahse awlsam tak chuan hun remchang ka hmu ta bik lo a, nizana Mr.Jonas leh Jim an inbiakna ka hriat atang phei kha chuan ka taah ka ngai nghet nghal hmak che a ni. Kan thawhhona ka tihtawp chuan sum tam tak ka chan anga, ka chhiat pui ve rawih maithei tih pawh ka hria. Mahse chung chu hnar phal lovin  ka hlawhtlinna chu umzui ta ila, NANG HI KA NEIH THEIH SI LOH CHE CHUAN, hlawhtling ah ka in chhiar thei ngai lovang. Ka tan engkim  I huam ang khan keipawh hian I tan engkim ka huam tih hi min hriatsak rawh aw”a ti ta a. Chhan ngaihna pawh ka hre lo, lawm avangin ka biangah mittui alo luang a, duat takin min hruk sak a, “KA ta chauh I ni anga, I ni reng bawk ang”a ti a, lungchim takin kan infawp vawng vawng a. Ka taksa a dehna lai apiang chu a sa ham ham a, midang laka ka tawn ngai loh kha Martin-a lakah chuan ka tawng zel chu anih hi. Ka kawr bah phelh a tum chuan rang tak hian ka tlawh a, khum sirah chuan  a tla hlawm ta reng a, “Nupui kungfu thiam neih chu ava hautak dawn ve”a ti a,a nui ve ta var var a.
.
Hun rei tak hrehawm leh rilru in hriat sak lova mahni in hrem ve ve a hun kan hman liam hnuah hmangaihna chuan min suihzawm leh ta a. Harsatna leh manganna lo thlen chang pawha ka nghen theih tur chu chung lama mi khian min lo ruatsak reng a, thihna in min then hma chuan hmangaihna hrui khat vuan turin Sophie Marceau ni thin kha ka hming tawpah Jacques tih alo ni ve ta.