MAMPUI

MAMPUI

Ka school naupangte nen kan school groundah football kan pet laih laih a, naupang zinga awm hi nuam ka tiin ka hlimpuiem em thin reng a. Chawlh lawk a zo va, dar a rik leh takah chuan mahni classtheuh an pan a, kei erawh class ka neih dawn loh avangin office lam ka pan a,lut mai lovin barel bulah dingin ka hmai te chu ka han phih a, veranda ahthlifim dawng pahin ka hmai chu ka hru mawlh mawlh a. Nursery class hi kanoffice ep chiah ah a awm a, ka va hawi phei pah a, hmeichhe pakhat hian min loen reng a, ka hawi phei veleh a hawisawn lehnghal a. keipawh rei awm lovinoffice ah ka lut a, ka class lak leh tur chu ka bih zui nghal a. Mahse mak takmaiin kha hmeichhia kha ka mitthlaah a cham ta reng mai.

Ka hming chu Zosangmuana a ni a, Vala tiinmin ko hlauh thung. Naupanlai atang ze zawi leh tawng tam lo tak ka ni a,lehkha chhiar hi ka tui em em a, thian kawm ai chuan lehkhabu chhiar a hun hmanchu nuam ka ti zawk thin. Unau pathum zingah a upa ber ka ni a, mipa awmchhunka ni bawk a, min thlamuanpui ve hle a ni. Ka pa hi Synod hnuaiah Pastor a nia, hmun hrang hrang ah kan awm kual hnuah Agartala ah kana wm leh a, tah chuanpawl sawm thleng ka zir a, chumi hnuah ka pa in M.Th a zirna Bangalore lamah kakal zawm a, Mizorama ka pa a let leh hnuah pawh kei chu awm chhunzawm zelin kanaupanlai atanga nih ka chak Computer Engineer nih ve ngei tumin UniversityVisvesvaraya College of Engineer ah ka in ziak lut ve a ni. Ka pa hian ahnungzui tura min duh em em laiin kei erawh chuan ka thiamna te hi sum tam takthawhchhuah nan ka duh zawk a, ka duhthlanna erawh min zahsak a, min nawrluingai lo. Ka nu hi nu a zawnga awmnem ber mai chi ani a, ka pa rawngbawlna hi atuipui em em a, kan unau min enkawlna kawngah pawh hian sawiselna tur ka hrelo. Nu mawl te, lehkha pawh zir sang lo ni mahse kan unau hian kan zah em emvek a, ka pa thleng hian kan mawina ber a ni. Tunah hian ka pa chu ATC lecturerniin Aizawl lamah kan inbengbel ve ta a, keipawh B.E ka zir zova, result nghahpahin private school pakhatah ka inhlawh a ni.

Thlakhat dawn chu nitin naupang zirtir hnaka thawk ve a, naupang te ngainat ka hlawh vat a, keipawhin nuam ka ti. Helaihmun ngei hi ani hmeichhe ngawichawi hmel tak, ze zawi tak mai kha ka hmuh a,hmuh nawn leh tuma nitin ka mit ka len thinna hmun chu. Kan result a chhuahchuan first ah ka passed ve hlauh a, Accenture Service Pvt.Ltd, Pune ahtraining tura ka kal nghal vat a ngai dawn a, chutiang tur chuan ka rilru pawh kasiamfel nghal a ni. Ka thawhna school te chuan min ui der ve hle a, a tawp nan nikhatkal leh turin min ngen a, naupangte mangtha pah chu ka duh avangin ka va kalleh nge nge a. Class tinah ka kal a, lunch break dawnah chuan office lam ka pana, ka thlen hma deuh hian class v naupang ho hian min lo ko rual thap a, paperah hian “Sir Vala, We’ll miss u dearly” tih hi an lo keng fur hlawm a, ka hnukchu a ulh zawk a, Nursery room kawt atang chuan nu thenkhat ho an lo hawi pheibawk a, tum loh deuhin ka hmeichhe zawn thin pawh a lo meng fiah leh kak a,chiang takin min rawn melh a, thinlung lawm bawk si chuan ka va melh ve ta renga. Rei vaklo chu min melh hnuah a mit a la sawn a, ka lasawn duh lo, ka melhreng a, a rawn hawi leh a, ka lo la melh reng avang chuan zah hmel takin hnuailam a bih a, a kut tin chu a khal niap niap a. Chawhnu class an tan leh tawh a,keipawh school compound pawnah ka bike bulah chuan ka ding a. khati tak maia kanuna thusawitu hmeichhia kha biak ngei ka tum a ni. Minute 10 hnu velah chuanka mi nghah pawh mipa naupang chum biang nen an rawn inkai hnak hnak a, a samthlah hniang kara min rawn melh chuan ka hriat hnu ngei niin ka hria a ni.Khawiah emaw, khawilai hmunah emaw chuan ani nen hian kan in hre tawh ngei angtih ka ring.

Chiang taka hriatchhuah ka nei, Agartalakan awmlaiin Synod compound bulah hmeichhe naupang form pawnfen huh hnuang fenga lo ding, mittui hru kawi niai, thlabar taka gate nghenga lo ding kha ani tihka hrechhuak ta. Khami tlai khan thli nasa takin a tleh a, ruah a sur reng bawka, keipawh nidang aiin ka haw tlai phah reng kha a nia. Chutia kan in bul lawkahmeichhia nihliap kul chhe deuh vek tawh khum chunga lo ding ka hmuh chuan kaphu deuh zuk a, kan in lama hruai ka tum laiin kan bulah motor a rawn ding data, nu pakhat hi alo chhuak a, ka bula hmeichhe ding chu a rawn kai a, motor chhungahan lut zui nghal a. Mak ti taka ka melh reng avang chu ani ang, a rawn hruaitunu chu alo chhuak leh a, "Mama, ka fanu hi khatianga a awm i hmuh lehchuan hei hi ka phone number ani a, min rawn bia ang che" tiin lehkha themmin pe a. Ka lo ak ve mai a, an ni pawh an tlan liam ta nghal a. Mak tak maiinchumi zan chuan lehkha zir reng reng ka rilru ah a lang lo, khanu kha engvangakhatianga awm nge anih ang tih ringawt chu ka rilru ah a awm a. Tin, a hmelpawisawi lo leh dang dap mai, engemaw hlauh ruk nei ni awm tak a mitmeng phelhdeuh nak te chu ka mitthlaah a cham ta reng a. Hmuh leh ngei chakna in ka khatani ber. Hun remchang erawh ka hmu ta mai lova, khi ni thlen atanga thla thumnaah ka hmu leh ta chauh a ni.

Exam zawh kan chawlh lai anih avangin kathianpa Anggu nen football khelh tumin field lam kan pan a. Field ah chuan rinai takin inkhel an lo tam a, luhna kan la chan ve loh avangin field kotlangahkan thu a, rei pawh kan thut hma in kan piah lawka dawr chhung atang chuanhmeichhe pakhat hi ei tur tam tawk tak khai chungin alo chhuak a, hmuh tuma kamit ka len fo thin, kha nu ngei kha ani tih ka hria. Ka ding hluai a , Angguchuan mak tih hmel takin min en a, chu nu lam chu ka kawk ta ringawt a. Kakawra min pawh thut pah chuan,"Mi ang lo anih saw" zawi deuh fiah taksi chuan a ti a. Ka awih lo kher mai, ka thianpa in ka ner sak a hmuh chuan anui ve a, "Ka ui asin, a hmelthat tehreng nen Mizo ve tho an ni alawm, apa saw police ania, miin an chhaih nawmnah ngam lo mai mai alawm" a la tideuh deuh a. Ka tho tha leh a, ka va umzui hlawk hlawk a, a kal pah chuanlungte hi a chhir phei zel a, zui tu a nei tih a hria ani ang, a ding a,muangchangin a rawn hawi a, ka lo nuih a, a nui ve lo. A bulah ka va kal a,"Am.... I dam em?" Ka ti a, chutah ding meuhin min han melh a,"Tinge min zui ruk?" Ka phu zawk, a tawng thei lo turah ka lo dahngawt a,"Englo, ih...." ka ngawi leh ta daih a. Amah vek chuan,"Midang ang bawk hian mi ang lo emaw min ti ve tho ang chu tiraw? Enteh,ka pa hi police ania, min zui ruk leh chuan ka man tir tawh ang che" a tia. Rum zet hian min melh a, a kal ta nal nal a.

Vawi tamtak ka ngaihtuah a, engvanga mi ang lo tia sawi nge an nih tih leh ama tawngkamfel thlup si te chuan ka thluak hi a tibuai takzet a ni. Kei hi engvangachungte ngaihtuah kual vak vak nge ka nih, ka ngaizawng tihna ani thei maiangem? Ni lo, pawl sawm chauh ka la zir a, chutiang ngaihtuah hun ka la ni lo.Ka lu chu ka han thing a, ka lehkhabu phawrh chhuakin ka zirlai lam chu ka bihta zawk a. Ka zanmu laite hi ka harh hlawl a, chiang em em in kha hmeichhia khaka hmu thin a, ka mang a ang tan viau bawk. Exam a hnai ve telh telh bawk nen,keipawh theihtawpin ka zirlai chu ka zir a, class kan kal tawh loh avangin inahka inkhung a, pawnlamah ka chhuak ngai lo. Tlai khat kan chaweikham chu pawnahthlifim ka dawng a, rei vaklo ka din hnuah inchhunga luh ka tum a, mahsecompound pawn atang chuan chiang tak hian ka hminga min ko ri ka hria a, kahriatsual anih ringin ka han ngaihthla deuh a, ka pa chuan, “Mama tunge ko luahluah che chu” a tih takah chuan ka va chhuak phei a, kha hmeichhia bawk kha aloni. Engtinnge ka hming te chu a lo hriat ka ti rilru neuh neuh a, tin, a hmaamin biakdan avang khan ka lungawi chiah lo bawk nen ka in ti nelawm duh lo a. ahma zawnah tak ka ding a, “Enge I duh?” ka ti chang rat a, hnuai lam bih ngarchung chuan, “Hmanni avang khan ngaihdam dil che ka duh a” a ti a, a kut tinchu a khal niap niap a. Ka lung chu a la awi chiah lo, “I pa police ani bawk a,ka lo ngaihdam theih mai che I ring tihna ani maw?” ka ti a, engvanga ngeiawmtaka chutia tawng nge ka nih ka in hre lo. Chutah luhlul hmel tak hian min rawnmelh chho a, “Ka tihpalh thu sawi tur hian karhnih chhung hmuh che tum hian kalo chang thin che a, min ngaidam thei lo anih chuan ka kal mai ang” a ti a, akal tur chu a banah ka lo vuan a, “Anih leh I ngaihdam dilna chu ka pawm e” ka ti a. chutia ka tih chuan a nuita ver ver a, a hmel chu a tha takzet a ni. A hming chu Lalrosangi alo ni a,Mampui tiin chhungte chuan an ko thin a, midang chuan Asang tiin an ko thin tihte a sawi a, apa hi Inspector of Police niin unau panga zinga a naupang berdawttu a ni. La inkawm chu chak viau mahila lehkha zir ka ngaih avangin nidangala inkawm turin kan inthlah liam midang a an lohna chu ka hmu lo mai ni lovin ahmel chu tha ka ti takzet a ni.

Tum aiahmaah Asangi nen chuan kan inhmu leh thei hlauh a, kan ina leng turin ka sawma, hreh deuh hlek chung chuan min zui a. Inah ka nu alo awm a, a hmaa achanchin ka lo hrilh tawh avangin ka nu chuan alo be nghal mawlh mawlh a, reivaklo hnuah chuan pangngai takin a awm ve a. Ka nu chu choka lamah a phei vata, sitting room ah kan pahnih chuan inhmatawnin kan thu a, “Val, ka tibuai loche maw?” a ti a. Ka lo nui ringawt a, a hmai chu a sen leh pap pap a,“Engvanginnge min tihbuai ngawt anga?” ka ti a, “Ka nu tih loh ah chuan ka mirin ber I ni a, chuan thian anga ka en ve hmasa ber I ni bawk” a ti a. A kuttinchu a khal leh niap niap a, a zah deuh chuan heti hian a ti thin anih dawn hika ti rilru a, amah vek chuan,”Val, ka awt che e”a han ti leh a, “Engvang chuanmaw?” ka ti a, “I pa pastor ani bik a” “Nangpawh I pa police officer ani a, anuam ngawt ang chu” ka lo ti a. A lu a thing a, “Aih, a nuam lo, pastor fa nihve hi ka chak asin” a ti a, thildang sawi a hun tih ka hria. Sawi tur kangaihtuah a, ka hre mai lo, “ Engtik thleng nge hetah in awm ang le?” amah zawkchuan a rawn ti leh a, “Kumin bak hi kan awm ka ring lova, ka pa hian zir zawmleh a tum a” ka ti a. Banga thlalak in tar vel chu a en kual a, engemawti takhian khawngaihthla a la riau lehnghal. A rukin ka mitmei reng a, kan chhungkawthlalak a enlai chuan a mittui a tla tih ka hria, engvanga mak taka khawsa thinnge maw nih chu le!

Ka nu inthingpui a rawn chawi phei a, kan in a, ka nu chuan zawhna harsa lo tete a zawtpah a, a hma ai chuan nuam a tih ve hmel deuh a, a haw a hun tawh a tih sawizui nghal bawk a. Pawn thleng ka thlah a,”Val, in exam zawh hma chu ka lo hmutawh lo ang che, in exam zawh ah inkawm leh ang aw?” a ti a, a hmai tai hlar ahchuan ka piai zeuh a, “Tehreng mai, lo inenkawl tha la, kan inhmu leh vat dawnnia” ka ti a. A kal liam thleng chuan ka thlir zui a, ban a rawn vai lauh lauha, ka lo vai let ve a, hmeichhe dang ang mai chuan ka en thei hauh lo tih chu kachiang ani. Exam kan tan a, theihtawpin ka zir a, Asangi nena inkawm leh hlanmawlh chu ka nghakhlel a ni. Thlakhat tlinglo deuh kan exam a, ka chhang tha vethawkhat chuan ka inhria. . Kan exam zawh tlaiah chuan ka thianpa Anggu chuAsangi min hmuhpui turin ka sawm a, ka ngaihvenzia min hriatpuitu ani bawk a,phur takin kan inzui hnak hnak a, an awmna kan va thlen chuan Vai chhungkua anlo awm a, kan hai anih ringin kan han enchiang leh a, mahse Asangi te chhungkuareng reng hmuh tur an awm lo. Rilru hnual takin kan let a, kan classmate Asangite inbul lawka awm chu bike hian a rawn tlan a, Anggu chuan alo phar ding a,Asangi te chanchin chu a han zawt a, kar hmasa lawk khan a pa an transfer a,hetah an awm tawh loh thu in a chhang a, ka zawi vek. An sawn dawn te chuanengvanga min hrilh ve lo nge anih tihte ka ngaihtuah a, ka thin a rim hlurringawt a. Exam zawh ka nghahhlelh chhan ani ve asin mawle, phone numbertakngial pawh kan in pe silo. Engtikahmah ka hmuh leh ka ring tawh lo. Hmeichhemaksak tak zawng ani ngei anih hi, mak takin arawn lang a, mak takin a bo lehringawt bawk a.

Khanghun te kha ka chhui let neuh neuh a, tunah chuan tlangval puitling tia sawitheih ka ni ve der tawh a. Agartala kan awmlai atanga chhiar phei chuan kum 7lai a liam ve tawh a, thil hrang hrang kan tawng hnem hman bawk a, Lalrosangikha ka lo theihnghilh hman thelh alo ni. Mahse a taka a hmel ka han hmuh lehmeuh chuan ka lo la hai bik lo,"Mampui" zawi sap hian ka ti a, amittui a tling pam a, min rawn kuah thlawrh a, "I ni chiang lutuk, Valakha i ni" a then sak a, "Vawikhat tal ka hmuh leh che hi ka inringreng ani" a ti a. A dar ah ka vuan a, "Engvanginnge ngawi rengin ikalbo?" ka ti a, chutah hriatchhuah nei thut ni awm tak hian ka lak atanga in hrang a, a nau hruai chu a pawm a, "Val, nidangah kan inhmu leh theiangem?" a ti a, thlah ka tum a mahse a duh lo.

In kathlen chuan ka khumah ka mu thlawp a, ka hun tawn mek chu ka ngaihtuah a,Asangi hian ka nunah hian thuneihna mak tak mai a nei ani tih hi ka pha thei lo.Khang hun liam taah khan ngaihzawng chu ka nei ve fova, mahse ka hlimpui tak katawng lo. Tunah phei chuan a hming takmeuh in ka nei a, ka zirpui hnamdang miani nghe nghe. Ka duh tak tak lo tih a inhre chung hian min then thei bik siloa, tihian ka then bik lova, ka awm dan ang ang hian min enliam tawp a ni.Zanriah ei dawnah ka nu in min rawn ko a, ka lo mut avangin a dan pangngaiin kapang a rawn dep a, "I damlo em ni Bawiha?" A ti a, "Nu..Vawiinah Asangi kha ka hmu a" ka ti a, ka sawi chu a hre mai lo tih ahmelah ka hriaa, "Agartala kan awmlai mi kha" ka tih chuan ahrechhuak ve ani ang,"Ehe! Hmuh ve a va chakawm ve,a dam maw?" A tia. Kan inhmuh thuak thu leh nidangah kan inhmuh leh dawn thu ka hrilh a, ka nulakah hian engmah zep ka nei ngai lo. A fapa hi min hrechiang bawk a, kumkhatchhung zet beidawng lova hmuh tuma ka beihdan pawh kha a hre ve bawk a,thinlung takin a lawm ve tih ka hria. Mahse ka lawm ve chiah em ka inhre lo,kha naupang a rawn hruai kha a fapa a ni thei mai angem? Thawk ka han la hak a,chawei turin ka kal ve ta nghal a.

Ka nau te pahnih nen music kan play a,music tui chhungkua kan nih avang hian kan inah pawh music instrument hollowguitar, bass guitar leh keyboard hi kan kawl a, ka naute pawh hmeichhia nimahse zai theih tawk chuan an play thiam ve mai bawk ani. Hmundangah te kan loawm darh ta bawk nen tui tak maia unauzaa music kan play chu kan tui tlang a,nuam kan ti hle ani. Ka phone rawn rik avang chuan ka guitar perh lai chu kahan chawl a, ka bialnu Anita alo ni. Rei vak lo kan inbiaa, ka chhuk hun turmin rawn zawt a, thu tam duah min sawi pui thei lo tih a hria a, hriat ngaichin bak min zawt lovin kan inbiakna kan titawp a. Ka naute chuan min lo chhaiha, tin, hnamdang ka ngaizawng hi an lawm lutuk lo bawk nen kan naupang ber pheichuan min sawt na thei hle a ni. Thinlung taka ka kawp loh avang hian engamahka ngai hran lova, mahse boruak tihtawp chu a hun tawh tih erawh ka hai bik lo.Mahse hetianga thutlukna ka siam dawn apiang hian engemaw min mawlh tu a awm a,ka sawichhuak lo leh thin. Anita te hi Ludhiana lam chhuak an ni a, mahseBangalore ah an khawsa tam zawk a, mi hausa tak chhungkua an ni, sum leh paiavanga ngaizawng chu ni ila nuam pawh ka ti viau maithei. Mahse mipa mahniinduhtawk ve tak, hmeichhe zara nun tum ngai lo ka nih avang hian an hausaknazar hi zo ka tum ngai lo. A chang chuan chapo min ti lek lek tih ka hria, mahseka tal awk laklawh a nih chuan ka chhuak tawh lovang tih ka hrechiang a, ka tumlo a ni. Hmeichhe hleitling leh hmeltha, Ludhiana ah pawh hausa ber pawl ami inkei ve mai min atchilh a min buaipui hi thilmak ani hial zawk.

Ka chhuk hmaa Asangi chu hmuh leh ngei kaduh a, hmuh tumin nithum chhung sikulah ka va kal a, mahse a rawn lang lehchuang lo. Beidawng taka min siam ziah mai hi a mak tih bakin sawi ngaihna pawhka hre lo. In tawnglo tur hi a lo awm theih tak tak anih dawn hi tiin rilrupawh ka siam hman hial a. Friday a chhuak turin ka flight ticket engkim katifel a, zing chaw ka eilaiin kan doorbell alo ri a, ka nau in ava hawn chuanAsangi chu alo lut leh heu a! Ka chaw bar chu ka phuh chhuak lo chauh ani, kathleng ka seng a, sitting room ah chuan ka phei vat a, a bul ka va thlen chuana lo nui sen sen a. Ka hmelah chuan ka lawm vak lo tih a hria ani ngei ang,”Kadamlo char char a, inhmuh leh vat kha ka tiam che a, ka thutiam ka bawhchhiatleh ka hlau a, in awmna ka lo zawng a, hmuh a har lo khawp mai” a ti a. ka chilchu ka han lem khalh a. “ Vawiinah Pune lamah chhuk leh ka lo tum a, min rawnhmu hman lo teuh khawp mai” ka ti a. Min rawn melh deuh kawk a, chutah thawk ahan la a, “Ani maw…. Ka rawn hmu hman lo leh tep che anih tak chu” a kuttin chua khal leh niap niap a, ka hum sak vat a,”Mampui..” a mittui tling pam chu kahmuh hmaih lo, “Val, kum 7 chhung zawng khan hmuh leh che tum hian ka bei asin,tunah kan inhmu chauh a, I kal leh daih dawn si” beidawng zet chuan a ti a. Kachhungten chaw an eikham ve takah chuan kan titi lai pawh kan tawp a. Ka nuchuan zawhna a ngah tih ka hria, mahse engmah zawt lo turin ka mitmei a, karoom lamah ka hruai chho a, ka pa chuan engtin tak ngai ang maw? Ka nu in alohrilhfiah leh thlap em ang chu!

Kan pahnih chauh a kan awm takah chuan sawimai tur hrelo in kan ngawi dun a, rei vaklo kan ngawih hnu chuan ka aw ka hanthian a, “I chanchin min hrilh rawh, engtinnge hun khang kum 7 chhung khan hunI lo hman ve thin? Min lo hreve reng thin tak tak em? “ ka ti a. A lu a bunghat nghat a, “Ka theihnghilh ngai lo che, Agartala atanga kan insawn dawn tumkhan hmuh che tumin ka rawn kal a, mahse ka chang chhuak ta lo che a, in inarawn luh tawp kha ka hreh tawh bawk si a, mangtha tih tal kha I hnenah sawi turka ni asin. Mahse chu pawh ka ti thei lova, hreawm ka ti ngawih ngawih thin.Hun harsa tak tak ka paltlang ve a, ka pa hi ka pa tak ani lo tih kahriatchhuah ni te khan ka rawn hrechhuak hmasa ber che asin” a chawl dat a,“Engmaw?” ka lo ti vat a, “Ka naupanlai atanga en hrang bik nia ka lo inhriatrukna te kha a tak tak tih han hriatchhuah chuan e, a na ve duh asin” a ti a. Akun a, a hmui chu a liak huh a, “ Mahse hei leh chen hi min enkawl a, lawm turchu ka ni alawm” a ti leh a, “Anih leh sikula naupang I rawn hruai kha?”hlauthawng ru tak chuan ka han ti a, “Ka u Mama fa anih kha, ka rawn hruai fothin a, ka hmuh tirh che khan ka thinlung hian Vala kha I ni tih min hrilh a,mahse ka awih thei lo. Hmuh leh che hi in beisei mah ila khatiang zawng khachuan ka lo ring lo ani” a ti a. Ka sana ka bih zauh a, insiam tur tlem ka lanei a, mahse Asangi nena inkawm chu ka la thlahlel bawk si, ka rilru chu a hahru tawh hle a. Ka cheziaah chuan a lo man ani chek ang, a tho a,”Ka haw a huntlat, nangpawh vawiinah I kal dawn si a, I tlai phah ang” a ti a. A banah ka lovuan a,”Inbiak zel dan a awm ang tiraw?” ka ti a, dawhkana ka phone chu a la a,number a type mawlh mawlh a, a call a, “Ka lo save ang, lo save ve la” a ti a, kabu nghat a. A chalah chuan ka fawp a, a maimitchhing diar a, a hmui sen vam harfawh chak awm em em mai chu fawh leh tumin ka han hnaih a, a rawn meng a, “Het,I foul tep” a ti a. Kan nui dun var var a, inhnuai lamah kan inzui ta nghal a.

Tunah chuan keipawh ka awmna tur hmun lamka thleng thla leh tawh a, nitin Asangi nen chuan chanchin inhrilh in kan inbethin a, kan naupanlai a a chunga thilthleng te chu hriat ka chak thei em em a,mahse aman min hrilh anih loh chuan zawh chu ka duh bik chiah si lo a ni. Hetihlai hian Anita nen pawh kan la inkawp reng a, ka thlen thlak tirh khan kaninkar tihtawp ka tum a, mahse tap zawih zawih chungin then lo turin min ngen a,tin, a pu an han chan leh bawk nen, rilru pangkhang zetin ka awm ta a ni ber.Ka thinlunga awm hi chu a chiang reng mai a, mahse Asangi min endan hihriathiam har ka ti, a thiantha ber ang hian min en niin ka hria a, minthlamuanpui ve hle tih ka hre bawk. Nikhat chu han atanga ka haw ka inluah kathlen chuan pawnah Anita chu alo ding reng a, a lokal thu pawh sawi lova chutiaka hmu chu mak ka ti a, “Happy birthday” tih paha min rawn kuah  chuan ka piancham ka lo theihnghilh der tihka hrechhuak a. Ka han kuah let ve a, lawmthu ka sawi nghal bawk a. Inchhungahkan inzui lut a, ka phone a rawn ri nghal a, ka nu in ka birthday min rawn wisha, zing atanga min biak a tum tawh thu leh min biak theih loh thu te min hrilha, ka pa nen kan inbe bawk a, ka naute nen kan inbiak kim vek hnuah kaninbiakna kan titawp a. Hlim hmel zet hian Anita chuan min lo nuih sen sen renga, a hmel hi chu a tha thlawt a ni. Ka pan phei a, duhthawh tak hian a hmuifawh cho taka pawrh tarh ah chuan ka va fawp vawng vawng a, min lo chhanglettha kher mai. Ei tur a rawn ken te chu phur tak hian a siam a, ka birthday lawmtura rawn kal hranpa ngat ani tih ka hriat phei chuan ka ngaihlu lehzual a,hlim taka awmtir ve chu ka duh a ni.  

Zanhnih lai Anita chu ka hnenah a cham a, ahaw dawn zanah chuan rei tak thleng kan meng a, “Val, tinge midang ang lo takasex hi min hmanpui I tum ve miah loh?” a ti a, “Anita, tu hmeichhia mah hi kanupui an nih hma chuan khawihchhiat hi ka tum lo ani” ka ti a, ka kut zung u azungbun chu ka han lek kang a, “Hei hi enteh, high sikul ka kal tirha ka pahnen atanga ka dawn anih hi, nupui ka neih hma loh chuan sex ka hmang lo angtiin ka lo intiam tawh a, tihhlawhtlin ngei pawh hi ka tum ani” ka ti a. Chutahhlim hmel tak hian min en a, “Keimah hi ka lo insit hman hial asin, I lakahhian itawmna leh duhawmna nei loang maiin ka lo inhre hman a, hrehawm ka tithin. Mahse ka ngaisang che, ka duhna che hi a zual zel ani Val” a ti a, kaawmah a hmai a phum a, “Mahse maw kan inneih theih hi ka ring silo” a ti a. Ahnungah chuan zawi te in ka han beng a, :Anita, hmalam hun ngaihtuah vanga indawm kun tur ani hleinem, tuna kan hlimna hi a pawimawh zawk” ka ti a. Ka rilruah Asangi a rawn lang zawk a, Anita awmchhung zawng ka be miah lo tih chu kahrechhuak a, eng em a lo ti lovang chu tiin ka han inthiam chawp a.

Ka training pawh ka zo ve lek lek tawh a,zankhat chu Asangi hnen atang call ka dawng a, ka thinlung tina vawng vawngthil min rawn hrilh a, pasal a neih dawn thu leh kal ve ngei tura min duh thuchu a ni. A ruk hian na ka lo ngawih ngawih a, hre awm angin a awm der mai bawksilo. Kal ngei tura min beisei thu bawk chuan a tawp a khar leh a, ka aw liamta vel mai mai a. Khumah chuan ka in let chhen a, ka thinlung neitu hi ka chankumkhua dawn a ang ka ti. Ka tho thut a, ka phone ka la a, a ring quit lek lektawh tih ah tho phang aw zet hian lehlam atang,”Aw Val, naktukah kan inbe theimai lo mi?” a rawn ti a, “Thei lo, Asang, pasal chu nei suh” ka aw te chu achhuak zo lo ang tih hlau in ka au ani ber, rei vak lo a reh hnuah a rawn rirak a,”Engmaw I sawi, engvanginnge ka neih loh ngawt ang?’ a ti a. chutah kahuaisenna zawng zawng sawmkhawm in, “Mampui, min lo nghak rawh, ka rawn hawang, midang tan ka phallo che, a chiang tawk em?” ka ti a. Insut ri hraih kahriat chhunzawm a, “I ti tak tak em ni Val?” a rawn ti a, “Fiamthu na chi pawhanih loh hi, tunah mai nilovin kum 7 kalta atang tawh khan nang hi ka hmeichheduh tak I ni reng tawh alawm” ka ti a. Lungchhe insum tih hriat takin a nui haka,”Ka hmangaih che Val, nang ang a ka thinlung a awm mipa tumah hi ka la tawnglo. Khang hun liam ta zawng zawng a ka lo zawn thin, ka nghah thin chu nangchauh hi I ni. Mahse ka chhungte thu hi ka awih lo ngam dawn em ni? Hnial ngamtur pawh ka ni dawn en mi?” a ti a. Min lo nghak phawt tur chuan ka ti a, kanin mangtha ta a, ka haw theih dan tur ngaihtuah in chumi zan chu ka muhil lochiang kher mai.

Ka hma hun ka lo suangtuah ve thin te tipuitling lova haw ringawt chu thil tih chi ber ani bawk silo. Lehlamah Asangika chan ang tih ka hlau bawk si, awmdan tur thiam a har kher mai. Ka nu kahrilh chuan Pathian hnena inhlan tam turin min ti a, keipawh nidang zawng aiinka tawngtai phah a, kawng ka zawhdan tur ah a hruaina ka dil a ni. Ka harsatnaleh haw mai ka theih loh thu pawh Asangi chu ka hrilh a, chanchinthar aneihchuan min hrilh zel turin ka ti bawk a, tun maiah chuan a chhungte pawhin annawr rih lo niin a lang. Zankhat kan inbia erawh a inngaihtuah lungchhe ve deuha, a rawn tap hliam hliam a, ka khawngaih reuh ngei mai. A naupanlai chanchinmin hrilh a, a pa in ngaihzawng aneih a phalloh avanga mi ang zan lo anga alosawi thin thute chu min hrilh a, khang hun lai daih tawh atang khan apa hiannula hmeltha tak ala ni dawn tih hi hre lawkin ama hamthatna ngaihtuah ran inalo enkawl niin ka hria a, ka thin a rim a, ka haw bawk. A saltanna atangachhanchhuah hi ka bat nia ka ngaihna alian telh telh bawk a, ka huaisen sawthian ka inhre bawk ani.

Ka chhungten chawhmeh leh eng ilo fahranmin rawn thawn te hian engemaw tak hi min rawn thawn tel ngei ngei a, a hlimawmduh ve hle. Ka nu nen hian an inpawh a, inzawmna neisa ang ami hian an inngainaa ni. Ka pa erawh pa ngawichawi ve tak mai, tul bik thil anih loh chuan tawngzen zen lo ani bawk a, mi nel hi a hlawh ngai lem lo. Ka nu bawk hi ka fak vethin, ka pa hi a kep hneh hle a, inleng lo dawnsawn kawngah pawh kan innghahnaber ani. Ka ngaihzawng te reng reng hriat loh anei lova, kan ina ka hruai tawhka nu ngaina zui lo an awm ngai lo. chutiang nu chu ka nei a, Asangi pawhin angaina a, a khawhar chang pawhin a lo han leng chho ve mai thin.

Ka tana sawi nuam lo tak pakhat awm erawhchu Anita nen kan inkar hi ani. Inthen ka sawi apiangin a ngaithla duh lova,min be lo hmak a, a tukah pangngai takin morning wish alo dah a, a bak chu biaktheihin a awm duh ngai lo. Ka then tawh tho alawm tia thawveng taka awm dawninmin then ve lo tih a rawn tilang a, tha taka sawipui theih a ni bawk silo hianmin ti luhai takzet ani. Kartawp chawlh ka neih veleh hmaichhana hmuh a sawipuichu ka tum a ni. Ka tum angin hun thawl ka nei thei lawk lo lehnghal a, minrawn tlawh a tum thu a rawn sawi a, lo hnial ka tum lo, sawidun tur kan ngahtlat a. A rawn kal hun tur min hrilh ni chuan nilengin ka rilruah ka thusawitur ka ngaihtuah a, a hmel pawisawi lo zet khan min thunun leh ang tih chu kahlau a ni. Asangi biak tumin ka phone ka han ti nung a, zan lama ka lochargemumal loh avangin a battery alo low a, a lothi hmak chu niin, ka han charge lehzet a, Asangi miscall alo tam khawp mai. Biak let leh tumin a number chu ka handial a, mahse a tlang thei tlat lo. Tlai ka ban hnu thleng pawhin ka be tlangthei lova, hlauhthawn ruk na hian min rawn man a, ka han thaw leh halh thin.

Rilru kim lo zetin in ka thleng a, Anitachuan rawng alo bawl a, a lokal dawn avangin chahbi ka dahsa a, chuvanga lutthei chu a ni. Ka thawm a hriat veleh a lo hawi a, hlim hmel put hram tih kahria, ka thawmhnaw ka thlak sawk sawk a, ka phone phawrh chhuakin Asangi chubiak ka han tum leh a, a tlang thei chuang lo. Anita ka hrechhuak zawk a, roomatang ka chhuak a, thuthlengah chuan alo thu ngui bar a, “Val, naktuk zingah kathlawk haw leh nghal ang, helaia ka lokal hi ka tisual let der ani. Ka hnenalet tur a beiseina nung ka lo nei tlat te hi ka va han mawl tak em!” a ti a, amittui chu a tla zawih zawih a. Ka han ngaihtuah a, keimah vang mai maia amittui a seng chu phu ka in ti lo takzet a ni. Abulah ka thu phei a, ka kuah a,ka awmah chuan a tap ta hlawp hlawp a, “Anita, inkawp tur kan ni ve lo atin ni,kei aia tha hi I hmu teuh tih ka hria alawm, nangmah tihlim thei tu tur zawk hiI hmaah duhthlan tur an in tlar thup tih hi ka hria ani” ka ti a. Min chum pahchuan ka kuahna atang a talchhuak a,”Engvanginnge nang kher hi ka lo hmangaihche tiin ka inzawt ve fo reng asin, min hmangaih let ve hauh lo tu lehnghal” ati a. a mittui tla chu ka hruksak a, “Hlimna thar I chhar dawn alawm, keimahang mai mai nilo, I hlimna thlensak ngei tur che I tawng dawn nia” ka ti a. Athen sak a, “I mi duhsakna chu a takin thleng ngei se ka ti hle mai”  a ti sap a. Min ngheng a, ka kut chu a la a,a hmer vang vang a, nikhat chauh I kiangah hian hun min phalsak rawh, kaninkawp chhung zawnga ka tana I thiltih hlu berah ka ngaihsak ang che” a ti a. Lungdamtaka kan inthlah theihna tur anih dawn chuan tiin keipawh chuan ka remti a,lawm hmel takin melh vang vang a.

A tukah chuan chawhma chhung ka buai em ema, phone takngial pawh ka bih hman lo. lunch ka ei hman tawk a, ka phone ka hanbih zawk a, Anita miscall alo awm a, call back ta lo chuan ka thiltih lai ka chhunzawmleh a, ka haw hman meuh chuan khua alo tlai ruih tawh. Hmanhmawh ru takin kahaw a, in ka thlen chuan Anita chuan min lo welcome vat a, mahse kan inchhungalo awm chuan ka lungphu te chu an chawlhtir thuap thei zuk nia!

Mak ti em ema min lo melh rengtu chu tudangnilovin Asangi ngei ani, Anita nen chuan min melh tawn zak zak a, “Mizorama Ithiannu niin a insawi a, ka lo luhtir mai asin” Anita chuan a ti a, ka harhchhuak zawk a, “Mampui” ka aw chu a tial ruai in ka hria, a bulah ka kal a, akut tin chu a khal niap niap a, a mittui tling pam chu ka hmuh hmaih lo. Hnuailam a melh tlat a, Anita chu mitmeiin a fala biak ka duh tih ka hrilh a,hrethiam takin a chhuak a. Anita a inthiarfihlim fel chiah tih ah Asangi chuchhuak em em hian a rawn tap a, khawih ka tum a, a duh lo, “Hetiang hian animaw hmuh phaklohna ah chuan I lo khawsak?” a sawi hleithei lo, a tap leh a,“Nilo, I hmuh ang hian engthilmah a thleng lo” ka ti a. A tho hluai a, a bagchu a ban a, “Khawnge I kal dawn?” ka ti a, “Ka haw dawn” a ti bung hmak a. Abag chu ka laksak lui a, “Thil awmzia hre hmasa lovin an thinrim ngawt ngailo,rngkim ka hrilhfiah thei che, Anita pawh khan a hrilhfiah thei khawp ang che.Mahse chumi hma in engtinnge I rawn thlen thlak, ka awmna te hi I hriat maitheih?” ka ti a. Rilru bet zan lo chuan a han thu leh a, “Ka rawn tlanbo”“Engmaw?” thil danga min chhang ta lo chuan, “Nang lah chu kawppui neiin hun Ilo hmang chu a nih hmel si a” a tawp lam chu rilru natna nei tih hriat takin athawp ral sap a.

Karkhat vel chu Asangi lo thlen thlak atanga liam tawh a, a chhungte hnen atang haw vat tura hriattirna a dawng ngun malhmalh khawp mai. Mi luhlul ve tak ani tih ka hriatna pawh hetatang hian ani nghenghe. Ka bulah chen chu a duh lo viau a, mahse duhthlan tur dang nei hek lo, akhawsa ve ta naw naw a. ka chhungte bulah chuan ka chanchin kimchang ka hrilhduh hran lova, kan hma zelah enge thleng ang tih ka hre lova, hmachhawn dan turlo ngaihtuah lawk ngaihna pawh ka hre lo a ni.

Inrinni tlai hna atanga ka bang chu inahtumah an lo awm lova, tlai deuh tak thleng pawh chuan Asangi chu a lo la hawlova. Phone a chhang thei bawk silova ka mangang a viau mai. Pawnah chhuakinalo haw na tur lam nia ka rin te chu ka han thlir thin a, a rawn lang thei rengreng lo. Khua a thim tawh a, thuthlengah thu in engtia han tih tur nge tih hremai bawk silo chuan ka ngiahtuahna ka seng a, chutihlai chuan kawngka a rawn rirak a. Asangi chu inthlahrun hmel tak hian a rawn lut ta dak dak a. Ka insumhman lo ka pan a, a darah chuan ka sawi ta nghek a, “Khawnge I kal? Engvangangawi renga chhuak nge I nih? Ka mangan dan te hi  I ngaihtuah thleng phak miah nange?” ka ti a.inthiam loh hmel tak hian min en kal a, “Val, naktukah ka insawn chhuak ang” ati a, “Maw?” ka t tuar a, a dar ka vawnna chu ka thlah a, “Min va lo ning awmem em ve a” ka ti hrawk a, “Nilo, chutiang zawng chuan ngai suh. I tan a mawiloh mai bakah thil pawi a thleng thei tih ka hria, risk ka la ngam lo ani minhrethiam rawh” a ti a. A thusawi awmzia hi ka hrethiam lo, ka bula awm a duhtawh lo a, a insawn chhuak dawn, chu zawng chu ka hriat a ni. Room ah ka lut a,hmuh pawh ka hmu duh lo, min rawn zui tih ka hria, “Val, ngaih loh lamah ngailo la ka duh ani” a ti leh a, “Ngai lo e, I thutlukna siam ang chuan awm ta che.I hlim phawt chuan chu bak bak..” tiel deuh tak chuan ka han nui a, “Lungawitaka chhuah ka duh ani, khatiang chung kha chuan nuam ka ti lo” a ti a. Tlemchuan ka khawngaih ve deuh a, mahse amah maia thutlukna alo siam hi ka hua ani.Kapum ri rak ah chuan chaw ka la ei lo tih ka hrechhuak a, ngawi rengin chaw eika siam a, min hlauh hmel tak hian Asangi chuan min lo en deuh dai a, in sum ahun tih ka hria, “Mampui” ka theihtawpa dam chuan ka han ti a, lawm hmel deuhhian min nuih a, ka kohdan khan awmzia anei miau a, “Ka ngaihtuah che ani,hmeichhia lehnghal mahnia awm te chu, engtinnge ei pawh I zawn theih ang?” kati a. Ka bul chair ah chuan a rawn thu a,”Hna ka hmu alawm, restaurant ahnaktuk atang ka kal dawn, in pawh chu ka hnathawhna tur bul lawk ah ania, anuam reuh lutuk a to bawk silo” a ti a. Ka melh vang vang a, ka melh tih ahriat chuan a titi lai chu a tawp chawt a,”Tihsual ka nei mi? “ a dar san akpah chuan a ti a. Ka lu ka thing a, chaw chu ka ei chhunzawm a.

Asangi awm hran atang thla khat aliam a,keipawh ka training ka zo dawn tawh a, ka zawh nan karkhat vel chiah a awmtawh. Hetih lai hian awl mang kan nei lova, Asangi nen pawh kan inhmu thei manglo. Sunday tlai a ni a, ka hmu khat emai tiin hmuh tumin ka chhuak a, a inluahka va thlen chuan alo in kalh a, a inkhawm anih ring in ka sana chu ka bih a.Mahse ban a hun tawh si, kawtah chuan ka thu a, phone chu phawrh in a numberchu ka han dial a, mahse switchoff a in ti tlat bawk si, beidawng zetin ka hawleh ta a. Zanah pawh chuan ka be tlang thei chuang lova, msg hnutchhiah in minbe vat tur chuan ka ti ringawt a. A tuk thleng pawh chuan chanchin ka hre tachuang lo, harsatna a neih chuan min hrilh chu ka han ring a, hna atanga ka hawah a hanthawhna ah va tlawh chu ka tum ta ni. Nilengin ka mood a fuh thei lova,Pune ah rei ka awm tawh dawn lova, Asangi nena kan hma hun tur pawh pangngaitakin ka ngaihtuah ngam ve tawh ang. Chutiang ngaihtuaha ka neihlai chuanlehkhathawn ka dawng nawlh a, ka han en nak chuan Asangi hnen atang alo ni. Kahawng vat a, ka chhiar chuan ka thu khawng ta reng a, a chhungah he thu hi aloinziak a-

“Duhtak Vala,

A hmasa in hrilh hmasa lo chea a vawihnihnaatana ka kalsan che hi pawi ka ti a, khawngaihin min ngaidam leh dawn nia.

Val, ka hmuh hmasak ber atang che khan kathinlung hian a zawm tlat che a, ka thlamuanpui em em che a, I thian nih kha kathlahlel ngawih ngawih thin. Mahse reiloteah ka thian anga en che kha harsa kati a, mipa dang laka ka la neih ngai loh hmel duhna chu a lo awm vat a, khatihlai atang tawh khan ka tan pasal hual ka chhungten an nei tawh tih hi ka hresavek tawh a, mahse chutichung chuan I laka ka rilru put kha ka thlak danglamthei chuang lo ani.

Kum 7 lai aliam hnu kha chuan hmuh leh cheka inbeiseina te kha a reh ve tial tial a, ka pasal tura an tih pawh chuthuawih taka neih ka tum ve ta a, mahse ka beisei loh lutuk in ka nunah I lolang leh a, Val, ka hmangaih che a ni tih kha phat rual anilo. I laka dawt kasawi avang erawh chuan ngaihdam ka dil mawlh mawlh che. Min hmangaih ve ani tihmin hrilh zan khan lawm avangin ka mu theilova, mahse midang ta tur ka ni tihka hrechhuak chawpchilh bawk a, ka mang kha ava ang tehreng em!

I hriat angin keichu fahrah mai ka ni a, kachhungten hei chen hi min lo enkawl a, an thuawih a an duh anga awm kha tha kati a, mahse ka hmangaih berin min lo hmangaih ve reng tih ka hriat khan kainsum zo lova, dawt nena pawlhin I hnen ka rawn thleng thla ta ani. Mipa fairtak I ni tih ka hriaa, I bulah pawh thlamuang takin ka khawsa ve anih kha,mahse maw Val, a hmaa ka lo beisei ang kha I lakah ka hmu ta miah lo a, minhmangaih tih I sawi ve pawh kha ka hriatsual palh ah ka ngai a, I awmdan ahhmana ka tana thian tha ang chauh bak kha hmuh ka nei ta lo. A rukin ka mangangtan a, vawikhat chauh tal kha i hmangaih anga min en ve ni la chuan ka lawm emem tur a ni a, mahse I tana hnawksak ka chang thei tih inhria in I lak atang kainsawn chhuak ta ani. min ngaihsak a min rawn tlawh te kha ka la beisei taktawk tawk a, ka van mawl tak em!

Tunah chuan Mizoram lamah ka haw ta a, minhan ngaihtuah suh ang che. Hlim takin awm reng la tih hi ka duhsak ngawihngawih che a, a tha ber zel ka duhsak bawk che ani. Kan la inhmu leh anih ngaichuan hmana hmeichhe khawngaihthlak hmuh a I hmuh ang khan min hmu leh la, I hmelhriatang chuan min en leh hram ang che. Mangtha le Val, mangtha fo le.

Lalrosangi(Mampuii )”

“Min va ti beidawng ngun ve Mampui” tiin kaphun chhuak sap a, heti zawng hian boruak a kal angtih ka lo ngaihtuah phak lo.Ngaihtha tak khan ka lo awm ve chu ani si a, ka va lo mawl tak em! Ni e, tupawhnise Asangi rilru ang hi an pu vek ang, ka insum theih loh ka hlauh luatah alakah khan daidanna bang ka lo sa reng alo ani. Ka laka a awmdanah te khanengtinnge ka lo hriat loh, mahni inhuatna in ka khat a. Ka phone ka phawrhchhuak a, biak chu ka han tum leh a, ka be thei chuang lo.

Lengpui airport ah ka nau in min lo hmuaka, lungawi vak lo chuan min lo dawngsawng a, ka awmdan teh thut chuan kachhungte a ti lungawi lo tih ka hria, mahse duhthlan tur dang nei miau hek lole, ka hna chu ka chan a ngai anih pawhin ka chan mai aniang chu. In ka thlenchuan englaipawha ka lama tang thin ka nu chuan duat takin min lo hmuak a, kapa erawh a la bang lova, hmuh chu ka huphurh ru viau mai. Ka room lamah ka in dahfel a, ka nau in inbualna tur min siamsak hnuah ka inbual a, ka room ah bawklutin ka hmalak dan tur chu ka ngaihtuah neuh neuh a. Hemi tlaia kan zanriahkil chu kan boruak a tang ru at a, ka pa chuan min hau se ka tih tehlul nenengmah a sawi mang bawk silo, awm a ti nuam lo tawk vel chiah a ni.Ka nu chu kamelh a, I pa hi be rawh tih melh in min lo melh a, sawi tur ka hre bawk silo, ahrehawm’ duh ngei mai. A tawp ah a mah zawk a rawn tawng a, “Engtia awm tum innge I rawn haw?” a ti a, “Nupui te kan nei ve tawh ang chu” an vai chuan minmelh rual thawt a, “Engin nge I chawm ang?” ka pa chuan a tarmit kar atanga minrawn melh pah chuan a ti a, “Khulamah ka chhuk leh angchu, rem I tih chuan” kathaw deuh hak a, tumah an tawng lo. Ka chawei pawh chu a tui lo zo vek,”Palaikal vat angai dawn anih chu, I pute ka han be dawn nia” ka nu ho bawk chuan makti in ka pa chu kan melh a, “Aw…awle,, ka lawm e ka pa” tih pahin ka thleng kaseng a, ka in ti fai sawk sawk a, ka room ah lut in vawi thum vel ka han zuang a,au vak chu ka duh hial,a rem chiah lo mai pawh a!

Ka bike duat leh khalh hlawh lo zet chu kahan ti nung a, rei tawk fang ka tih nun hnuah ka duhna hmun lam chu min panpuithei ta hram a. Asangi te veng ka thlen chuan an in awmna ka hre lo tih kahrechhuak leh hnuhnawh a, ka bula dawrah chuan ka han zawt a, ka lo hrelo hnaikhawp mai, a bul chiah a concrete in lian zet chu alo ni reng a, dawr nghaktuchuan,”Chaweikham kuhva a rawn la tep taw hang” atih avang leh han chuan luhmai ka hreh bawk avang chuan dawrah ka lo nghak ve ta ngawt a. Minute  10 hnu velah chuan Asangi chu a rawn lut tazan zan mai, chutia ka lo thu reng min rawn hmu thut chu a meng bial kawk a, kading a pan ka han tum chuan mipa pakhat a rawn lut ve a, dawr nghaktu chuan alochhaih dun zui a, Asangi nen chuan kan in melh reng a, a pasal hual chu anihngei dawn hi. Ka chhuak a, ka awmdan chiah chu ka sawithiam lo, ka bike bulahka ding a,rei vak lo ka inngaihtuah hnuah lo nghah chu ka tum a ni. An rawnchhuak a, ka lo en reng a, in chhung an luh dawn chuan a rawn hawi let a, belova haw leh chu ka tum lo bur. Rei vaklo hnuah chuan a rawn chhuak ta a, ahmelah chuan a rilru tur awm ang ka hre thei lo, “Enge I rawn tih dawn?” a tibul hmuk a, “Nei tur che in ka lo haw” “I confi mah mah lo maw?” chu thu chu karun ngei mai, “Hah! Confi loh chhan tur ka nei em ni?” ka ti a, a ngawi reng a.An veranda light chuan min rawn chhun pha chiah chiah a, eng in a chhun ahchuan a mittui tla chu ka hmu a, “Mampui, tin a tur che in ka lokal lo, ka hmangaihnache hi a taka lantir turin ka lokal ani” ka ni a, tahchuan a insum zo lo, tahrik hlau tak siin a heh chu a pet a, a khur dat dat a, kuah vawng vawng chu kachak, mahse a rem silo. A aw chu a han thian a, “Val, I tlaiin ka hria” “Aihtuman an nei dawn lo che, I hria em?” ka ti hrawk a, chutah a aia aw dam zawkchuan, “Ka tihpalh aw, I laka ka tihtur ka hlen loh zawng zawngah khan, kasiamtha vek ang” ka ti a. A mittui chu a han hru a, a nui sak a, “Naktukah kaninhmu thei angem?” a ti a, “Khawiah nge ni ang?” ka tih chuan phone hmanga minrawn hrilh tur thu a sawi a, rei inbiakna hun anih loh avangin a thuawih maichu a ngai a, a biangah ka fawp zeuh a, ka hawsan ta a. Zanah chuan muhil theilovin ka in let sek a, engtiang taka thukin nge a chhungte chu an lo chet tawhtih chu hriat ka duh a, ka hlauthawng bawk a, engpawhnise chiang taka hriat kaneih chu Asangi hi ka hmangaih takzet ani.

A tukah chuan kan inah a rawn kal tur thu arawn sawi a, hruai ka tum erawh min hnial a, scooty a a rawn kal tur thu a sawia, pawnah Asangi chu nghakhlel takin ka lo hmuak a, a lo thlen hma deuh chuanka nu chu bazaar turin a chhuak fel chiah a. A liam hnu lawkah Asangi pawh alothleng a, a hmelah chuan hlimna leh lungngaihna inpawlh deuh riai chu ka hmu a.Inchhungah kan inzui lut a, ka room ah kan awm a, ka thlakhlelh em em a hmuisen no chek chu ka fawp vawng vawng a, ani pawhin thlahlel takin min lochhanglet ve a. Engdangmah kan sawi thei lo, kan hmui hmang chuan kaninhmangaihna te, kan inthlakhlelhna te chu kan lantir ani ber. A mitah takchuan ka en reng a, “Min en reng zel suh” tih pah chuan ka nakah a sik hlawk a,“En reng mai che hi ka duh ani” ka ti a, hlim hmel takin a nui sen sen a, mahsereiloteah a hmel chu a rawn inthlak a, “Val, ka mangang emai” a ti phawng a,“Engkim sawi rawh, hmalak dan tur ka hre duh ani” ka ti a. rilru hah takina hanthaw hak hak a, “Palai em chu an la rawn kal lo a, mahse a thu chuan thil antifel riau mai a, Lalsama(a pasal atana an lo hual) hi a zir zo tep a, kuminkumtawp hian a rawn zo dawn a, chumi zawh ruala innei tur angin ka pa in ka nubula a sawi ka hria a” a ti a. A kut chu ka vuan a, “Mampui..palai hi ka rawntir chhin ve reng reng dawn em niang? Ka chhungte chu ka dil vek tawh a” ka tia. Awih loh hmel deuh hian min melh a, ka lo thutak viau mai si a, “Ka hre lole, kei chu hmun hla deuha tlanbo daih mai hi ka duh” a ti a. “Nilo e,engpawhnise palai te rawn kal ve reng reng se” “Lo rem lo ta se” a lo ti khauha, “Kawng dang kan zawng mai aniang chu” ka ti a. Ni e, ka rilru tak tak pawhani, ka piantirh ata nupui ruk hi ka tum ngai lo a, mahse kawng awmchhun anihmiau chuan zawh hun te pawh a awm angai maithei. Sawi leh mai tur hre lovin kanngawi dun reng a, “kan chhungkaw boruak azirin palai chu kan sawi tha dawn nia, a remlo tih chiangsa deuh kha chu I chhungte ka hmaizah ani” a rawn ti chhuaka, kan hmalam hun ngaihtuah chuan ka han maimitchhing vang vang a. Ka men chuanASangi chuan ding chung hian min lo en reng a, ka lamah ka pawt a, a lo inringvak lo chu niin tluk pah chuan min rawn delh a, ka thawchham lek lek min hmuhchuan a nuih a za em em a, mittui tla phungin a nui a, hlim taka a han nui chuhmuhnawm ti em em in ka lo thlir thung a. Thingpui te kan in hnu chuan a nipawh haw zai a rel a, chanchin inhrilh zung zung tur leh inhmu leh vat turchuan kan inthlah ta a.

Kan theih dan ang ang chuan kan inhmu vethin a, an inah erawh ka la leng lut miah lo. Zankhat erawh len luh ve hrimhrim ka duh avangin ka kal a, a chhungte an lo awm kim hle a, a nu chu nu fel takanih ka ring. Min lo be ve bawrh bawrh a, a pa erawh chuan TV a en a,vawikhatmah min melh lo. Asangi chuan nuam a ti lo tih ka hre mai a, rei pawhawm lovin ka haw a, an chhungkaw khawsak phung chu ka hmu duh ve reng reng a,chuvanga kal pawh ka ni. Chhungkaw inpawh tlang tak an nilo tih ka hria, mahnitul tih dan danin an khawsa ve tawp a nih hmel. An pa ber erawh an hlau tlangtih a hriat a, Asangi chu an inchhungah a ngampa lo hle tih ka hmu bawk. Gatethleng min thlah a, inthlahrun hmel takin min melh a, “Mampui..” min enna mitahtak chuan ka han en ve a, “Um..”zawi sap hian a ti a, “Hrehawm lo ti suh aw, Iti rei tawh lo ang” ka ti a, a lu chu a bu nghat nghat a, a chalah ka fawp zeuha, kan in mangtha a, ka haw kawngtluan chuan Asangi ka neih dan tur chu ka ngaihtuahchar char a. Ka mu a, ka muhil thei lo, engtikawngmahin a chhhungte remtihnachuan kan innei dawn lo tih ka hrechiang a, lehlamah ka dinhmun chu a khirh ruphian bawk a!

Ka nu in kan kawmthlang ah huan zau vak loa siam a, lei lai turin tuthlawh nen ka zui a, chawhma kan thawh hnu chuan kanzo ve thawkhat a, keipawh inah thingpui in turin ka chho a, inchhung ka luhdawn lai chuan kan in lam pana motor rawn tlan atang chuan min rawn ko lauhlauh a, tunge tih ka hre mai lo, ka lo ding a, motor atanga a rawn chhuah chuanka thianpa Anggu kha a lo ni. A ni nen hian kan inhmu zeuh zeuh a, Bangalore kaawmlai khan a bialnu tlawhin Delhi atang a rawn kal zeuh zeuh a, min rawn tlawhngei ngei thin. Tun hnai kumhnih vela tang erawh kan inhmu ngai lova, phonehmang chuan kan la inbe pawp reng tho a ni. Kan han inhmu chu kan inkuah thlawpa, kan ri chul a, thian tia koh tur ka neihchhun ve ngawih ngawih a ni. Aizawlah ngat phei chuan kan awm hnuah awmlai ka la nei ve mang lova, ATC zirlai hohi ka kawm ve nawk nawk ani mai a, thian bik tia han sawi theih ka nei lo.Inchhungah kan inzui lut a, hun rei taka inhmu lo kan ni bawk a, sawi tur kanngah hle. State Bank of India hnuaiah Assistant ah alo tling ve a, Aizawlah alo awm dawn hi alo ni a, ka lawmpui takzet a, ka tan tak pawh ka lawm hle a ni.Asangi chungchang chu phone hmanga ka hrilh ve thin avangin a bangbo lo tawkchuan kan chanchin a hria a, ka hmalak dan turah pawh tangkaina a ngah dawn tihka hria a, ka thla a muang sawt bawk a. Chawei nghal turin ka ti a, nidang angbawkin min hnial lovin a aw leh hmiah a, hunthawl tak hnuaiah duhtawka kanchanchin chu hrilh ka duh a ni.

Ka room ah Anggu nen chuan kan thu ran a,ngaihtuahna hrang hrang kan hmang dun a, a tawpa kan thutlukna chu Asangi rukchu ani, duhthlan tur dang awm se ka ti ngawt mai! Remchang hmasa berah Asangihmu a, sawipui turin min ti a, ka lo tumdan sa ani reng bawk a. Hmalak zel dantur chu nidanga sawi that leh ah kan dah a, min hawsan ta a. Ka phone ka phawrhchhuak a, Asangi chu ka han call a, inhmuh vat kan ngaih thu ka hrilh a, atawng danah chuan venthawn a nei tih ka hre mai a, thu tam sawi lovin keipawhchuan kan inbiakna chu ka titawp ta a.

Karkhat lai a liam leh tawh a, Asangi nenchuan inhmuhna hun remchang mai kan nei thei lo. Ka pa lah chuan chanchin minzawt ve deuh reng bawk si, chhan ngaihna ka hre lutuk lo bawk nen, ka awmnalama kal leh rih mai turte chuan min han ti bawk a. Ka thil tum hi hria sechuan min dan theih dan apianga min dan a tum ngei ang. Chuvang tak chuan kaawmdanah tum ka nei ani tih a hriat loh a ngai a, a hautak lai ber chu ka nulaka zep neih hi a ni. Ka pa paper present tur vel buaipuiin inah ka awm a, kanu leh ka nau nen kan pathumin kan awm a, rin loh deuhin Asangi chu a rawn luthlawl a, sitting room lamah chuan ka lo ko vat a, ka nu nen rei vaklo an inbiaa, a rawn kal zui nghal a. A hmel chu a phelh deuh phang a, ka bulah chuan kathuttir a, “In ina rawn kal fo pawh hi nuam ka ti lo, ka be tlang thei bawksilo che a” a ti a. ka phone chu ka han en a, signal reng reng ka lo neilo,“Enge thil thleng thar a awm em ni?” ka ti a, “Sam-an nizanah min rawn bia a,thla leh ah a lo haw dawn thu leh a lo haw laia inneih chu a chhungte duhdananih thu vel a sawi a, engtinnge kan tih ang?” mangan hmel zet hian a ti a. Kachhungte chu ka va melh a, min rawn ngaihven lo tih ka hria,”TLan thut theiturin lo inring reng rawh” ka ti a, min en zauh a, chutah a lu chu a han bunghat a,”Kawng dang awm se ka van ti tak em!” a ti a, a kun deuh lap a, kei takpawh hian kawng dang awm se ka ti a ni. Kan ngawi dun vang vang a, “Thu an tihtluk hma ngei ngei a kan chet hi a ngai a ni” ka ti a. A hrethiam tih hriattakin min melh a, “Ka pa hian hlawkna a chan tur hi a hre ran a, Sama pathiltihtheihna zar hi zo a tum ruh ve khawp a, a duhloh dana ka awm chuan a chena viau ang tih pawh hriatsa a nia” a ti a, “Ka bulah I awm vat dawn alawm, ahrethiam ve  mai ang” ka ti a. A kut ahum tlat chu ka la a, ka hmer vawng vawng a, kan hma hun khirh ru tak chuan mintibuai a ni.

Chakkhai lam in bazaar ah ka chhuak a, aremchang em a tih pahin Anggu chu ka tlawh a, tlangval luck tih takah hmeichheinleng a lo nei a. A room lamah ka inthiarfihlimsan daih a, mahse rei vak lohnuah room ah a rawn lut a,”Thiana, lo awm rawh ka va thlah lawk ange” a ti a,an chhuak zui nghal a. Laptop ka on a, Triau Tracxk ho hla thar “I tello in”tih chu ka han ngaithla a, a zaitu nu Ruatfeli hi a la naupang viau na in athiam zek a, vawihnih vawithum lai ka ngaihtla nawn a, nidanga ka ngiahthlakaiin a thu ah ka cheng a,

“Ka tellovin engtinnge a hringnun a hmantak ang le?

Ruah pui lo surin, thlipui lo tlehin,chhumpui zingin ni a hliah hunin

Ka tellovin engtinnge a awm tak ang le?”

Kawngkhar lam chu ka han hawi a, uluk fehian Anggu chuan min lo en reng a,a lo then tha bawk a, ka headphone vuahlaichu ka han la thla a, ka mood a rawn ti khawlo lek lek a ni. Ka bulah chuan arawn let thla tawp a, “Engtinnge in chanchin chu ni ta zel?’ a ti a, “Chu takchu alawm ka rawn kal chhan” ka ti a. A in nem kang a, “Kan ru chhuak dawn tami?” a ti a, a sawi dan teh tawp chu ka nuih a za a, ka lo khi suk a, “Lo inring reng la ni mai, a ni thut maithei ania” ka ti a. Asangi thil min rwn hrilhte chu ka han hrilh chhawng veleh a, “Chet lak vat chu a ngai dawn anih chu.Mahse pastor-a chu a lawm hauh lo ang mawle” a ti a, a chek tlak tlak a. Ni e,lawm hauh lo ang, mahse min pawm pui ve mai ka beisei a ni.

Ka hna chungchangah call ka dawng thut a,an hna min offer ka chhan let loh kha an rawn reverify leh hi alo ni a. Keichuan chan vek tawh ah ka in ngai kha a ni a, ka ngaihtuahna a buai ta map mai.Ka zawm duh dawn anih chuan karkhat chhung hun min pe a, chumi chhunga ka zawmlo anih chuan theihtawp chhuah a hna dang ka zawn a ngai tawh ang. Zanah chuanAsangi nen chuan kan inbia a, ka chungchang pawh ka hrilh a, thtlukna siamdantur ka hriat lohzia pawh ka hrilh tel a, mahse ani chuan zawm ngei turin mintit hung. Reife kan chai a, a tawpah kan thutluknaah chuan ka zawm fel phawtang a, ka zawm fel hnuah haw chho leh in Asangi chu ka hruai anga, kan boruak azirin ka hnathawhna lamah ka hruai zui nghal ang tiin kan reldun ta a. Kathutlukna siamfel vek hnuah ka chhungte chu ka hrilh ve chauh a, a rang lamatifel turin ka pa chuan min ti a, ka tum dan sa reng a ni.

Delhi ka thlen thlakna pawh kar a tling lehreng tawh a, ka vanneih a siamin ka hna ka zawm atang karhnih insingsak fel nanchawlh ka hmu nghal pang a, haw turin ka in ruahman zui nghal a. mahse ka tumdan ang chuan ka awm leh thei tlat lo. Ka nutei chu damlohna avangin Delhi anrawn pan a, kei lo awm ve ta cheng chuan ka buaipui a ngai leh si a, hun hi akal duak duak ni berin ka hria. Ni li lai ka buapui hnuah an pa a rawn kal vethei hlauh a, a nihna ah chuan buaipui zui tur pawh ka ni, mahse hmachhawp lianve tak ka lo nei si a, inthiam lo ru tak chung chuan Mizoram lam panin kahawsan ta a, rilru nuam tak chuan ka haw lo chiang hle. Airport ah Anggu chuanmin lo hmuak a, ka han hawi kual vel chuan Asangi ang deuh hmu in ka inhria a,surprise ka duh avangin ka haw thu hi ka hrilh lo a ni. Anggu bulah chuanAsangi ang deuh ka hmuh thu chu ka han hrilh a, a a hawi nghal vut vut a, a hmuve ta ani ang, “Im…nih chu anih ngei saw, mahse enge a tih ang a?”a ti a, “Kahre bik lo” tih pah chuan ka han bihchiang deuh a, ka hre nghal mai. An in buldawra rawn zui tu, a pasal ni mai tura in ngai Sama kha a ni. Hlim hmel takhian a then reng a, Asangi erawh a hmel hriatthiam har tak ang kha a pu a,motor lam an pan mek a, chechang lo lek in ka thianpa nen kan thlir reng a.motor a luh dawn chuan a rawn hawi chhuak a, an hma zawna ding kan nih avangchuan min rawn hmu chiang ta khawp mai, phawk fe hian min rawn melh reng a,mitkhap lek lovin ka lo melh ve reng a.

Lungawi lo ru teuh chung chuan kan haw a,ka phone chu ka bih sek a, insawifiah nana min rawn call te chu ka han ring a,mahse ka ring sual a ni. Zan thleng pawh chuan engmah a rawn sawi lova, mahniin lungawi lo takin ka in sawh nghawng nghawng a, a twpah chuan a tlawm zawkahtangin ka han call a, a pickup dawn lo emaw ka tih hnuah mipa in a rawn chhanga, lungawi loh sa nen ka sa deuh pup in ka hria. Asangi ka biak duh thu chu kahan sawi tho a, nghak lawk turin min ti a, rei vaklo hnuah Asangi chuan minrawn chhang a, “Min rawn biak I tum miah loh em ni?”ka ti vin nghal tuar a, “Irawn haw tur thu min hrilh bik em ni?”dam dap hian a ti a, “Khang te chuthudang daih ani, surprise che ka duh vang chauh ani asin. Nang khan engthilngeI tih? Airport ah mipa dang I lo hmuak a, min hmu lo ang hmakin I awm a, minbiak tumna pakhatmah ila nei lo zui”ka ti a, min chhanglo, ka tha te hial achhuakin ka hria. A ngawi reng chuan ka thin a ti rim zual sauh a, “I duh duhdan chuan awm mawlh ang che, ka rawn tibuai lo ang che” tih pah chuan ka phonechu ka off a, tlawm ka va in ti teh lul em!

Nihnih chhung inah ka awm tawh a, Asangichuan vawihnih vel chu min rawn biak a tum a, mahse ka chhang duh lo. Tunahchuan ka thinrim zual pui pawh a reh tawh a, mahse a call engmah ka dawng tawhlo. Biak hmasak chu ka tlawmngai hlur tawh si a, ka chhuk a hun leh mai dawntawh bawk nen boruak chu a hahthlak takzet a ni. Ka pa in thu a sawi dawnavangin keipawh chawlhni zan chuan inkhawm turin ka insiam mawlh mawlh a, Angguphone call ka dawn chu ka han chhang a, “Thiana, ASangi ka inah a awm ania,rawn kal teh” a ti a. Rang zetin ka thawmhnaw chu ka thlak leh sawk sawk a, kachhungte chu an lo chhuak dial tawh. Bike chahbi ka la a, hmanhmawh takin Angguin lam pan chuan ka inkhalh chhuak nghal a. Ka thlen chuan ASangi chu inthlarunhmel deuh hian a lo thu a, Anggu chuan ka chabi chu alo la vat a, “Nula ka varim ve lawk ange” tih leh chhuah chu a rual a. Kawngka chu ka han kalh tha a, Asangibulah chuan ka thu a, a hmelah chuan rilru hahna engemaw tak anei anih ak ring,ka chhuksan hma ai khan a lo cher deuh bawk a, “I dam em?”ka ti a, aw tih nan alu chu a bu zeuh a, “Tihpalh aw”a ti a, ka kuah a, ka awmah chuan a bei hle hlea, “Keipawh ka thiam lo ve tho alawm, khatia thinrim vak tur kha ka ni lo asin”ka ti a. Reife ngawi rengin kan inkuah a,”Engtinnge kan awm dawn?”a ti a,”Tihian haw tawh lo mai la”ka ti a, “Tunah chuan a chi rih lo ang, ka cousintanpuinaa lokal chhuak ka nia, ka haw loh chuan ka cousin in a tuar dawn a, kaduh lo ani” a ti a. Ruahmanna fel taka kan siam vat chu a ngai tawh ani,”Enge Ichhungten thu thar an nei reng reng em?”ka ti a, “Palai chu rawn kal an tumreng tawh a, mahse Sama patea kha nimin ah a thi a, chu chuan min la dang chauhani tawh” a ti a. Chutiang chu thil awmdan anih chuan keini pawh kan chet vatchu a ngai dawn ani. Thawhlehni ah Anggu inah hian kan tlan ve phawt ang tiinka han rel a, harsatna lian tham kan tawk anih chuan a rang lama inhrilh vattur chuan kan ti bawk a. A cousin chuan a rawn bia a, pawnah alo nghak rengtawh hi alo ni. Inthlahlel tak chung chuan min hawsan a, a tir kha chuan kakhawngaih em em a, mahse tunah hian ka hmangaih ani tih ka hria, a tan chuanengkim ka huam ani tawp.

Anggu inah darkar khat aia rei mah ka awmtawh a, Asangi nena kan hun tiam a ni tawh, biak ka tum a, ka betlang thei lo.A hmel a rawn in lan mai bawk silo, ka thlir reng a, harsatna nei nise min rawnhrilh ka ring bawk si. Inchhungah chuan ka vei tawn sek a, ka sana chu ka bihleh thin, Anggu office kal pawh a rawn haw tawh a, keimah chauha ka lo la awmavang chuan mak ti hmel takin a rawn lut a, “Alo la thleng miah lo ania,harsatna a tawk te hi ani lo maw le?” ka ti a, “Rei vak lo han ngaichang lehila, an in vel ka zuk thlithlai mai mai dawn nia” a ti a. A sawi zo chiah chukawngka a  rawn ri rak a, Asangi chu baglian angreng deuh nen hian alo lut a, Anggu chu alo then tha a, “Ka chhungtechhuah hun ka nghak a” a rawn ti lut bawrh bawrh a, a bag ah lai chu kalakthlak sak a, “Min zawng nghal vat dawn nia ka chhungten, engtinnge kan awm dawn?’a ti a, ka lo la ngaihtuah chiang miah lo, kan inah haw nghal dawn ila an rawnhriat vat ka ring bawk si, Anggu inah pawh hian rei awmna chi chu ani dawn lo.Rawng chu kan bawl vat a, engpawhnise zanin chu hetah kana awm ve phawt anga,zing khawvar rualin ka putea te hnen Sihphir lam kan pan phawt mai ang tiinthutlukna ka siam a. Ka muhil thei lo chu ka tho leh a, room lam veranda ahchuan ka chhuak a, meizial chu ka pak khu vang vang a. Ka naupan tet atangavawiin ni thlengin ka nu leh pa min enkawlna te chu ka chhut let neuh neuh a,an beisei loh dan taka ka awm tur chu hrehawm ka ti a. Mahse kan hun tawngin azir miau bawk silo, ka han thaw hak a, ka hnunglam atang chuan Asangi chuan minrawn kuah a, a kut chu ka lo hmer vawng vawng a,”I muhil thei bik nange?”ka tia, “Um…”a ti a, ka bulah chuan a rawn thu ve a,”Val..” “Enge ni?” “I inchhirem?” a tih chuan “Engvang chuan?”ka lo ti vat a, “Keimah vangin I duh loh danin I awm tih ka hria alawm” a ti a, “Duhloh danin a awm theih ngai em ni?”ka tia, min chhang lo, “Mampui..” “Um” min en chuanglo chuan a a ti a, “Nangmah zawkhi I inchhir ang tih ka hlau ani. Harsatna kan la tawk fe maithei ania”ka ti a.Ka awmah chuan a rawn bei a, a sam chu ka hul heuh heuh a,”Thu tiam nei ang” ati a, “Enge thu tiam nge kan neih ang?” ka tih chuan hmai zangthal ha hian minthlek a, “Engpawh kan chungah lo thleng se, thihna in min then hma chuan,inphatsan lo turin”a ti a. A hmui fawh chakwm deuh ah chuan ka han fawp phawta, a duh ang tak chuan thu chu kan tiam dun ta a.

Khaw var hmaa ka putea te in thlen chu thaka ti a, Sihphir lam pan chuan kan inkhalh chhuak zui nghal a. Thlasik a in tantawh bawk a, khua chu a vawt viau mai. Kan in peng kan thlen chuan ka va hawiphei a, “KA nu, ka pa, ka tihpalh” tiin ka phun sap a, ka tlan leh nghal a. Kaputea te in kan thlen chuan khua chu a var chiang tan tawh a. Kawngka ka hankik a, ka pitei  chuan min raw hawnsak a,chutia hmeichhia nen min rawn hmu chu mak tih hmel takin min melh kawk a,inchhungah kan inzui lut a. Ka putea a kaitho a, thil awmzia chu an hrethiam vemai a, mak an I tih chu an hmelah a lang reng. Ka pa hnung chu zui em lo mahila hetiang a ka awm hi tuman rin ngaihna an hre lo ang. Ka nu leh pa chu kaputean phone atang a bia a, ngawi rengin ka pitei ho in kan lo ngaichang a, kalo ngaihtuah danah chuan hetah awm ka lo rilruk a, mahse chu chu thil kalhmangalo nilo tih pawh ka hre lo. Reife an inbiak hnu chuan an inbiakna chu a titawpa, Asangi nen chuan min melh tawn sek a,”In laklawh viau tawh em ni?” a ti a.Asangi nen chuan,”Aih” kan ti rual thawt a, “Chutiang ni si engvanga inru khernge in nih? I pa phei chuan palai tirh pawh ka remti vek ati si a, a lung chu aawi lo khawp mai” a ti a. Chu chu ka hmu lawk vek a, chuvanga haw nghal ngam lopawh ka ni reng a, “Pute, kan duhdan ani bik lo sin, mahse kawngdang kan neingang lo ani” ka ti a. Thil awmdan tlangpui chu ka han sawi thuakthuak a,“Engpawhnise in rawn thleng tawh a, hetah zanin riak ula, naktukah in haw thladawn nia” a ti a.

Zanriah eikham chuan tihtur a awm lem lobawk a, kan riahna tur inhnuai lam chu kan pan a, ka putea fapa upa ber room ani a, ani hi hmundanga lehkha zira a awm avangin a room hi kan luah thei dawn ani. Tukverh chu ka nem hawng a, boruak thiang kak chu ka han hip vang vang a,“Val” Asangi chu khum ah alo mu dawn chiah a, “Engtinnge I mut ve ang?” a ti a,“Ele ! I bulah khan ka mu ve ang chu, ka nupui I nih tawh hi” nui chung chuanka han ti a, a hmai chu a sen deuh ap ap a,”Ka duh lo e a” a ti a, rizai chuana in lukhuh nghal hmak a. Ka phei a, ka va mu ve a, rizai chu ka pawt hawng a,“Ka duh lo ania” a lo ti a, “Hlau mah t ache Mampui, engtinmah ka tina dawnhleinem che, I inpeih hun chu ka nghak thei em em ang” ka ti a, a in sangmartung pawh a reh zui nghal a. Ka putea te nupa chu fel a tihzia a sawi siam siama, kan titi laklawh lai chuan inching lam thawm chuan min ti phu zawk a, ka thonghal uaih a, Asangi chu thawm nei lo turin ka han ti bawk a, Asangi chhungtethawm ani tih hai rual ani lo, kan bag chu ka ak a, kawngthlang lam hnim lampan chuan Asangi chu ka kai ta dawr dawr a, thim pik lai kan thlen chuan in lamchu ka han hawi chho a, kan mutna lam panin mi pali vel hi an kal a, ka en renga, an luh hnu rei vak lo ah an chhuak leh a, han haw chhoh leh mai na chi anihloh avangin che lovin kan tawmna hmunah chuan kan thu ta tlawk tlawk a. Darkarkhat dawn aliam hnu chuan room atang chuan light hi ka putean a rawn chhun engva va a, a him thawkhatah ngaiin kan let chho leh a,  mahse kan tisual chiang hle. Rei kan thut hmain Asangi pa leh mipa pathum chuan an rawn lang thut am insasengna hun a awmtawh lo. Asangi chu a kek lawp a, min rawn kawk bawk a, “Man I ni e nang kha” ati a, a mi hruai te chuan handcuff min bun tir nghal mawlh mawlh a,“Engvanginnge khatia in man ngawt a”ka pitei chuan a ti a. Ka putea pawh chuana ngaihna a hrelo, ASangi pa chuan motor a min nem luh pah chuan,”Ka fanukidnap thubuaiah in nau hi ka man e” a ti a, Asangi chu a tap zawih zawih a, apa chuan anmahni motor ah a nem lut a, ka putea chuan,”Bawiha lo lungngai suh,kan rawn kal ve nghal ang” a ti a. Kan tlan liam ta nghal a, mi puhdan chu karilru a na a, ka thin a rim bawk si. Ka nu leh pate ka rilruah an lo lang a, kathil tawn mek chuan a thawng hle ang tih ka ring.

Darkar thum vel chu lockup ah min hrengtawh a, Asangi emaw a pa emaw chu hmuh tur an awm lo. Ka chhungte hmuh mai chuka inbeisei bawk a, mahse an hmel pawh ala reh vang vang a, a khawharthlaktakzet a ni. Ka putea leh ka pa chu an rawn lang ve ta hlawl a, ka pa hmel chua dur deuh khup a, ka zah ngei mai, “I tette atang kawng dik lo in zawh hlau inI nu nen  kan enkawl thin cheu a, kan thulo a I kal veleh I buai ta anih hi” a han ti sap a, “Engpawhnise I u Tea alokal mek a, bail na che a rawn tifel ang” a ti a. Chu chu kan nghak ta ran a,rei vak lo hnuah U Tea(Ka ni fapa ukil a ni) chu a rawn thleng a, tihfel ngaite chu a tifel zung zung a, min lachhuak ta nghal a. Police station kawtahchuan ka han ding vang vang a, ka chunga Asangi pa chetdan chuan ka thin a tirim a, ka puakkeh lo chauh a ni. Kan in kan thlen chuan ka chhungte an lo awmnual a, ka nu chuan lainat hmel takin min lo kuah a, ka pa chuan tawngtainatawite a hmang a, ka room lamah ka luhsan ta a. Ka phone  chu ka phawrhchhuak a, Asangi chu ka han calldawn a, mahse swithchoff a in ti a, ka be theilo. Ka rilru ah a awm reng a,engtinnge a chungah a chhungte chu an chet anga, an ti na angem? Ka ngaihtuahtakzet zet a ni.

Ni hnih chhung chu pawn pawh chhuak lovinka awm tawh a, Asangi chanchin chu hriat ka duh a, hriat ngaihna a awm bawksilo. Ka chhungte tupawh an thin a rim a, a hming takngial pawh ka sawichhuakngam si lo. Anggu chuan min rawn tlawh a, Asangi pa chetdan chuan a thin a tiur ve hle a, ngaihsak zui lo turin min ti nghe nghe a, mahse chu chu ka theilo. A tihsual pakhatmah a awm lova, a chunga an chetdan tur mawlh chuan mintibuai a, ka khawngaih a ni. Ka thianpa bulah chuan a theih dan ang anga Asangichanchin min ngaihvensak zawk tur chuan ka ngen a, ka thianpa anih angin kangenna min tihhlawhtlinsak chu a tum ve a ni.

Ka muhil lai chu ka harh hlawl a, ka thinchu a phu hlawp hlawp a, mumang hlauhawm ka nei pawh ani silo, mak ka ti hle.Ka awm chu ka han dawm vang vang a, ka sana chu ka han bih a, zing lam dar 4alo ri dawn chiah a, ka tho a, ka lung chu a rawn leng vawng vawng a, Asangichu ka ngai a ni. Meizial ka zu a, kawlkil rawn eng tan chu ka thlir a, ni tharlo chhuak tur chuan engthil chiah nge ka tan rawn herchhuahpui ve dawn ni maw?Ka mu thei tawh lo chu pawnah ka chhuak a, ka nu pangpar mawi mawi tak tak kahmuh chuan min ti harh sawng sawngin ka hria, “Bawiha, I muhil thei nange?” kanu chu a lo chhuak ve mek a, “Thei e, ka harh a, ka tho ta mai anih hi,thingpui kan lum ange” ka ti a. Thingpui chu ka chhuang a, ka nu pawh a lo lutleh vat a, “Nu, awmdan thiam har ka ti” ka han ti a, “Bawiha.. ka hrethiamalawm, kei chu I lamah ka tang reng tih I hriat kha. Mahse I pa hi a lungawi lohle ani tih I hriat hi a ngai ania”a ti a, “I case hi a tawp nghal mai dawn loa tia, I chet ngaia I chet leh phei chuan a aia na in a ti duh ngei ngei angata, nizan pawh a mu lo, zing lamah a chhing ve chauh ani” a ti a. Ngawi renginthingpui kan in a, thil kaldan vel thlir hian ka pa sawi chu a dik in ka hria,Asangi pa chet duh dan hian pawisak aneih lohzia a tilang a, a aia na pawhin ache zel duh ang. Rilru ka siam fel a, ka chan loh turah dah a ka hma hun kangaihtuah hi angai a ni.

Delhi ah ka hna zawmin ka awm tawh a,thlathar tirah court ah in lan tura tih ka ni a, haw na tur pawh ka tifel vektawh a, haw erawh ka chak lo kher mai. Ka nun chu a tleu laklawh ang tih ka nuchuan a hlau hle a, a hlauh ang chu a thleng mek reng bawk a. Rilru hah thinluatah zu in zeuh zeuh chu ka ching chho a, nun uluk thlarh thin kha ka duhdahtelh telh ani berin ka hria. Ka mumangah Asangi ka hmu fo a, kan inhriattirhatanga kan hun hman tawp ber thlengin ka ngaihtuahna ah awm loh lai a awm manglo. Ka phone number ka thlak loh avangin min rawn biak te hi ka ring thin a, areh hian a reh vang vang si. Anggu pawh theihtawp a chhuah tih ka hria, mahsechanchin min hrilh tur a nei thei bik lo. Ka haw ni chuan ka pa in min lo hmuaka, ina tlang lovin U Tea office ah kan kawi a, thiltih tul te min buaipui a, inkan thlen chuan khua a thim zui nghal a. Nidanga ka haw nen chuan a in ang tawhlo, ka chhungte chu an ngui riai in ka hria a, ka thiltihah khan ka inchhirhauh lo na in kan chhungkaw hlimna ka tibo tel chu pawi ka ti ani.

Court lama ka buaina chu kan tifel vek a,Asangi te lam chu an rawn lan loh avangin ka thubuai pawh tihtawp ani. Chawlhka neih loh avangin a tuk leh maiah thlawh thlak leh ka tum a, ka kal remchantawh loh takin tiin bazaar ah chuan ka han tei khawmuang a, ka chakkhai mamawhka lam zawh chuan haw tumin ka inkhalh chhuak a, ka tlan chhuak tan chauh tihah traffic a jam zui nghal a, bike ka lo keng zawk lo chu tifuh lo ka in tihle. Ka hawi kual na lamah ka dinna thlang kawngpuiah Asangi chu ka hmu ta heumai! Motor chu park na tur remchang ka zawng a, ka hmu mai lo. Ka thlir zuireng a, ka tlan chhuah theih veleh park na remchang fahran lo ka hmu a, ka hungfel a, ka tlan nghal a. Ka hmuhna lai chu ka thleng thla a, hmuh tur alo awmtawh lo. ka mitmai mai mai em ni dawn tia ka ngaihtuah lai tak chuan hmeichhepakhat nen ka awmna lam pan chuan an rawn kal leh a, min rawn hmuh thut aichuan tiin a langsar thei ang ber chuan ka lo ding a, min rawn hmu ve chuan kahria, mahse min hre angin a awm hauh lo, min pel dawn takngial a, “Asang…” kaaw ki chu a sang deuh viau in ka ring, a kalpui nu nen chuan an ding a, minrawn en a, a kalpuinu lam chu a hawi a, “Kal thuai thuai ang” a ti a, a kai a,an kal ta dawr dawr a. Ka thin in a tuar lo, ka um a,a ka kuai her sawka,”Lalrosang, min hre lo mi?” ka ti a, “Aw, ka hre ngai lo che, min lo hrethiamla kan kal phawt mai ang” ati a. A ni em em tawh lo, “Min hre ngai lo amaw?Hah! A tha e, keipawh hian vawiin atang ka hre ngai tawh lo a che” ka ti a, kasu her sawk a, ka kal nghal nal nal a, ka thinrim chuan van a tawng hial in karing.

Hmeichhia ka hmangaih ve hmasak ber ani a,ka theihnghilh leh tawh ngai lo ang, mahse hun reilo chhunga min hre duh tawhlo tu chu ka ngaihven a ka buaipui hi a tulna ka hre tawh bik lo. Katheihtawpin hna ka thawk anga, rilru na chuan ka awm reng bik tawp lo ang. Kanun tihchhiat nan ka lo hmang hman tep lehnghal a, ka tlu lovang tiin ka insehruh sauh sauh a. Ka chhungte beiseina ka tihchhiat mek chu ka din tha leh dawnani. Ka theihtawpin kan inlaichinna kha ka venghim ve in ka inhria a, kahmangaih em avangin mi ta tur anih hrereng chungin neih ka tum a, mahse kawngkhatmahin ka lam alo tang ve reng reng lo niin ka hre ta bawk a, tunah chuan kan kawngve ve kan zawh tawh aniang chu!

Nun thar zawh tuma beih chu thil namai lotak ani. Zantin mai hian ka mumangah Asangi kha ka hmu thin a, mangang deuhhian min lo en reng thin. Ka rilru chu ti paukhauh luiin theihnghilh chu ka tuma, ka bei bawk a, hmeichhe dang te pawh ka be veleh tan a. Ka thenawm lawkahhian college kala rawn awm unaua inluah an awm a, Nutei leh Rosangi an ni a,Lunglei khua an ni. Asangi kha hriatreng ka chak loh tehlul nen ka thenawmnuRosangi hming nen alo in ang leh chiah a, a amak ani. An unau chuan mi fel takhi an ni reuh a, Nutei hi a upa zawk a ni a, tawng duh leh fiamthu duh ve takmai a ni a, engmah enghelh hi a nei hran lo. A nau Rosangi erawh a u letlingthawk ani a, tawng tam lo tak, mize zawi leh thu tak raih mai hi a ni.Reiloteah kan innel ve vat a, office ka ban tlai pawhin an inah chaw ka ei foa, an mizia pawh ka hrechiang tulh tulh a ka ngainatna pawh a thuk ve telh telha ni. Zankhat chu ka mu lai hi kawngka kik thawmah ka harh hlawl a, thawm chuka han ngaithla chiang a, Rosangi aw ni tlatin ka hria a, kawng chu ka va hawnga, Rosangi chu khur bauh bauh hian a lo ding reng a, “U Val, ka lo riak theiangem?” a ti a. Ka kai lut a, thil awmzia chu ka han zawt a,”Ka u alo haw lova,naktuka an assignment submit tur kha a thiante nen an ti tlang a, u Melody tehnenah a riak a, I bula lo riak mai turin min tia, mahse ka zak a ka riah theihtho ka ring a, ka rawn kal duh lo a. Mahse thawm neuh neuh ka hre reng a, katilui thei tawh thlawt lo ani” a ti a. A mitmengah chuan hlauh na chu a la chambang in ka hria. Ka khumah chuan mu turin ka ti a, a tang ve nasa hle a, mahseka nawr luih avangin chuan a mu ta hram a, thutthlengah chuan ka mu thung a. kamuhil thei lawk lo a, Rosangi chu a muhil tawh in ka hria. A taksa ruangam chuka thlir dauh dauh a, a pian nalhzia chu ka hai hauh lo. Nau ang maiin ka lo enthin a, mahse zanin chu a dan a dang ta tlat, ngaihtuah loh tumin ka han inhersawn a, mahse thil dang reng ka ngaihtuah thei lo. khawvar dawn lamah chuan kalo muhil sek a, “U Val… khua a var tawh a, ka haw phei dawn ania aw” a rawn tia, ka han meng a, a mitmeng fiah kak chuan min lo melh ran a, a banah chuan kahan pawt a, ka bulah chuan ka han pawt thu a, “A la hma tho lo em ni?” ka ti a,zah hmel tak hian a kun deuh a, engdang sawi set set lo chuan ka han fawp a,min chhanglet mai lo, mahse ka tawp mai duh lo a, ka fawp zel a min chhangletve nge nge a. Kan awmdan chu hrechhuak thut ni awm takin min nam sawn dat a, ading a, “Ka va haw ange” a ti a, a tlanchhuak nghal a. Ka chetdan chu a mawichiah lo tih ka hria, mahse a nih tur chu ani zo hman vek tawh.

Chumi ni atang chuan Rosangi chuan min hlatsawt hian ka hria a, an ina ka kal pawh hian a phone a khawih loh pawhin laptopa thutchilh a, min ngaihsak ngailo. A tirah chuan engahmah ka ngai lova, mahsekarkhat vel chutia a awm chuan a laka ka rilru lo put tawh te kha a paih tir a,lehlamah chuan a awmdan avang hrim hrim chuan engemawti taka thungrulh ve chuka chak bawk a. Hetihlai hian ASangi kha ka theihnghilh hauh lo, mahse kahrechhuak khat khawp mai. A chanchin engmah ka hre zui ta lo bawk a, pasal anei tawh ngeiin ka ring.

Nihnih chhung chu inah haw lovin officelamah ka bur a, kan buai vangin ka riahchilh a, nithum naah chuan zanrei tawhtakah in lam panin ka inkhalh haw a, inchhung ka luh hma chuan Rosangi te inchu ka han melh zawk a, a lo inkalh a, tun ang hunah khawiah nge maw an awm tirilru chung chuan inchhungah ka lut a. Ka inbual nghal a, ka inbual zawh chuanrawng ka bawl chawp leh a, chaw ka eikham fel meuh chuan dar 12 a lo ri thuaktawh a, mut nghal mai chu ka la duh chiah loh avangin tv ka on a, ka en a, kalo muthlu ni ngei tur ani, ka phone ri chuan min tiharh a, number ka hriat ngailoh anih avangin ka pickup lo a. Mahse vawihnih lai a rawn call leh takah chuanka han pickup a, “Vala I ni em?” a rawn ti a, ka nih thu ka sawi chuan,”Hei innau Rosangi hi in rawn hruai mai dawn em ni? amah in a haw thei lo a” a rawn tia, ka harh chiang kawk a, an awmna te chu ka han zawt a, hmanhmawh deuhin katlan chhuak a. An awmna an sawina hmun ka va thlen chuan Rosangi leh hmeichhepathum hi an lo awm a, pakhat chu alo ding vat a, rawn phone tu kha a nih thu asawi a, Rosangi chu a rui chhe hle ani ang, a lo thu sawp niai a, ka kai tho a,a ding hlei thei lo, ka puaa, ka motor ah ka hruai lut a, ka in lam pan chuankan haw nghal a, a awmdan chuan min ti lungawi lo takzet a ni. Hmeichhe rui hika ngaisang lo hle a, ka bialnu atan phei chuan ka duh lo tawp thin. Rosangichu a tawngvai niah niah a, thutthlengah chuan ka muttir a, rei vaklo a mut hnuchuan a rawn tho chhuak a, a piah thuthlengah chuan ka thu a, ka melh reng a,“U Val, ka tibuai che a pawi ka ti lutuk” a ti a. ka ngawi reng a, “KA thiantekha phone lo tur che in ka ti asin mawle” a ti a, a kun ngal a,”Khawnge I u?”ka tih chuan a rawn hawi chhuak deuh a,”Niminah ka pa a tha lo zual a, a hawthut a, exam lai ka nih vangin ka haw ve thei silo a” a ti a, “Chutiang ni siengvanga lo rui bo mai mai nge I nih?” ka ti a, ka lungawi lohna chu hria se kaduh ani. Min chhang mai lo chuan ka in chu a han enkual a, “Hmeichhia lehnghalrui hi ka ngaisang lo ania, buaipui ngaiin awm tawh suh” ka han ti leh a, a thoa, kawi sawi deuh hlek hian a ding a,”Ka hria, a hria alawm, nang chu pastorfapa fel em em mai I ni miau a, kei hi chu hmeichhe pakhat ve mai, mahni rilrupawh sawichhuak ngam lo khawp a dawihzep ka ni. Chuan min buaipui na ah ka lawme, a thleng nawn tawh lo ang” a han ti a, a tawng chu a then a riat deuh nawknawk a, kawngka lam pan chuan a pai phei tuang tuang a, “Ding rawh” ka vin tuara, a ding zawt a, “Enge I rilru I sawichhuah ngam loh chu?”ka ti a, “I hriatkher angai lo” a ti a, min en ha a, ka pan phei a, dim lek lo chuan min chonamitah tak melh pah chuan ka fawp ta sawk sawk a, min nemsawn a tum a, min hnehlo chiang kher mai. Zirlai pek ve reng reng chu ka duh ani, ka fawp na telhtelh a, a tha chu thlah a tum bik lo, a tawp ah chuan ka han tawp a, a mitmengchapo tak kha engtinnge a awm tih hriat tumin ka han en a, mahse mittui a lotling pam mai a! Ka hrethiam lo hle mai, “U Val, ti em em hian em ni min lohmuhsit a?” a ti a, a tap ta zawih zawih a. Khawngaihna ka nei vat a, ka kuaha, a tap uar sauh a, “Rosang, ka hmusit lo che” ak ti a, “Ka hre vek min en danhi, hmeichhe easy deuh ah min ngai, mahse ka ni lo ania aw”a ti a, ka khawngaihthar ta riau mai. A tap hlat hlat reng a, ka awmah a hmai chu a phum a, ahnungah chuan ka chul heuh heuh a, a tap muhil ta aniang a reh ta hmak a.Khumah chuan ka mut tir a, tui takin a muhil bawrh bawrh a, kei erawh ka mut achhuak hauh lo. ka sana chu ka han en a, dar 2 alo pel tawh a, tlem tal mut thaka tih avangin ka han mu a, Rosangi awmdan chu ka ngaihtuah neuh neuh a,engvanga hetiang a awm hi nge anih ang?

Chawhmeh rim tui tak chuan min ti harh a,ka han hawi chuan Rosangi chuan rawng alo bawl mawlh mawlh a, ka mit chu a thipthum mai. Ka tho chhuak ve a, ka hmai te ka han phih a, Rosangi awmna lamahchuan ka va thu a,”U Val, keimah vangin mut pawh I mu tha thei awm lo”a tia,”Mu tha thei e, nidanga ka mut hun tho alawm” ka ti a, “U Val, ka zah hle maiche, min hrethiam hram rawh aw, a thleng nawn tawh lo ang” a ti a. A kut tinchu a khal niap niap a, hriatchhuah ka nei leh ta, a banah chuan ka vuan a,“Rosang, engvanga khatia rui nge I nih?” dam dap hian ka ti a, “Ka ngai lutukche a” a ti a, a biang chu a sen tan tan a,”Engmaw? Min ngai a maw?” ka ti a,“Um.. Ka vawikhat hmuhna atang tawh che khan ka rilru ah I awm reng, mahse kazah lutuk che. Ka tilang lova, chuan min duh ve pawh ka ring lo bawk a, karilru ah erawh I awm reng tho” a ti a. A sam chu a hnung lamah a han hui a,“Mahse min huat hmel takin I awm tlat si a” ka ti a, “Hlat theih dan tur chenia ka hriat vang alawm, I ina ka rawn riah zan khan, I muhil lai te kha kathlir reng che a, mahse hmeichhe pakhat hming I lam rik reng lai te khan karilru hi alo na vawng vawng asin” a ti a, “chutiang chuan ka awm amaw?”ka ti a,mak ka ti zawk,”Asang, ka hmangaih che, min kalsan suh” I ti a, hmangaih I neitih hrereng chung khan ka la infawh tir zui che a, nep ka in ti ngawih ngawihbawk ani” a ti a. Ka rin loh deuh thil a sawi avang chuan sawi tur hre lo vinka ngawi reng a,”Naktuk hian ka haw ve dawn a, ka haw tawh dawn vang chauh hiank rilru pawh ka sawi ngam ani” a han tih zawm leh a. A thutna atang chuan thawha tum a, ka lo vuan bet a,”Rosang, I sawi chu a dik alawm, hmeichhe pakhathmangaih tak chu ka lo nei ve tawh thin, mahse vawiin ni ah chuan ka tan engmaha ni tawh lo” ka ti a, “Min lo duh ve tak tak anih chuan ka lawm ngawt ang” kati a, “U Val, min duh let ve kher ka phut lo che ania, ka rilru ka sawi maiania”a ti a.

Kan chawei chhung zawng chuan kan tawngtawh lo, ka ngaihtuah ngai tawh hauh loh Asangi chu ka thinlungah a rawn thara, zep rual ani lo, ka ngai em em a, engvanga ani kher heti taka hmangaih ngeka nih? Rosangi thleng seng thawmah chuan ka ngaihtuahna atang ka harh zawk a, “Rosang,bul tan ang” ka ti a, mak tih hmel takin min en reng a, “Min duh tih I sawi anilawm ni? tunah mai chuan ka hmangaih thei dawn lo che a, mahse ka tum chhinthei alawm” ka ti a, “Ka nghak thei che alawm, mahse I hmeichhe hmangaih kha kahriat ah chuan sawi chhuak suh ang che” a ti a. Ka remtih thu ka sawi a, hlimhmel takin a nui a, beisei loh tur beisei hian awmzia a nei lova, beiseina tharawm chu ka beisei zawk tur ah ka ngai.

Krismas a hnai ve ta hlea a, Rosangi nenpawh kum chanve dawn chu kan inkawp ve ta. A hmaa ka lo rin ang kha alo ni lo,hmeichhhe fel leh zaidam zet mai hi alo ni a, ka thinchhiatzia min hrechiang a,a dawhthei em em reng chu mak ka ti thin. Kei aiin a naupang daih a ,mahse kaninlaichinna ah hian a vawnghim tu ani mah zawk. Hlim takin min nuihtir fo a, kahun kal tawh engkim a hria a, chutichung chuan min hmangaih em em a, amahah hichuan ka nat nawn leh hi ka ring lo. Aizawl lamah Krismas chu hman ve ngei kaduh a, haw turin ticket pawh k tifel vek tawh a, Rosangi erawh an khua Lungleilamah a haw a, a pa a that vak loh avangin an chawlh hma deuhin a haw a ni.

Remchang a awm anih chuan zin ve ngei pawhka tum a, ka tana in huam em em reng hi a tan pawh ka in huam ve tial tial ani.

Thianpa Anggu nen kan han inhmu chu hun reitak inhmu lo kan ni bawk a, kan hlim dun a, sawi tur pawh kan ngah dun hle.Kumthar zawh lamah nupui neih a lo tum ve deuh hi alo ni a, ka lawmpui a,chutih rualin kawng engkima kan thurual tawh lo tur erawh chuan min ti lunghnurdeuh in ka hria. A nupui tur erawh ka duh pui tak mai ani a, hlim takin inneise ka duhsak a, hmangaih ber nei thei tura a awm chu ka lawmpui a ni. Krismaspawh kumdang nena a danglamna em em awm lovin kan hmang zo a, Lunglei lamah kaltuma ka in buatsaih lain Rosangi call ka dawng a, a pa chu Aizawl lamah an rawnphurh phei dawn thu a rawn sawi a, a serious viau anih ka ring. An lo thlenveleh a lo dawngsawng thei turin keipawh ka lo inbuatsaih a, an rawn thlen dawnhnai ah chuan Hospital lam pan chuan ka inkhalh chhuak a, kan thenawm nau awmve chu tlawh ve ka tum a ni. Ka va thlen chuan ka mi zawn chu ka hmu lawk lova,ka han zawh chian chuan an lo chhuak fel chiah hi alo ni a, a bengthlakloh thinngei mai. Pawnah chuan ka thu a, meizial ka lo pak khu vang vang a, no smokingzone alo ni a, min rawn man a, pawisa ka han chawi nghal zat bawk a, rei vak lohnuah chuan Rosangi te pawh an rawn thleng a, kan inhmu chu a mittui a tlingpam a, a thla aphang ve viau niin ka hria. A pa hmel chu ka han en a, ka rin aidaih a lo na a, mihring atang chuan rei daih hmel a pu in ka hre lo.

Ward ah kan indah fel tawh a, awm tam anphal loh avangin pawnah kan chhuak then a, hmeichhe lam ward atanga wheelchaira rawn in nawr chhuak mek chuan ka ke pen a ti tawp chawt a, ka hmuh sual anithei angem? Asangi kha ani chiang mai, ka hai miah lo ang! Rosangi chuan minkai a, kan in zui chhuak a, ka rilruah ka thil hmuh chu fiah ka duh a, mahseani tak tak ang tih ka hlau si, rilru hrehawm takin min siam nawn leh ang tihchu ka hlau ani.

Rilru khingbai zetin ka haw a, ka chaweilaiin Rosangi’n min rawn bia a, in lamah a chhungte hahdam rih tura antih thu arawn sawi a, chu chu keipawhin tha ka ti. A tuk leh lama inhmu turin kaninbiakna kan titawp ta a. Keipawh leng chhuak lo in ka mu a, mut erawh a chhuaklo viau mai. Thil tam tak ka ngaihtuah a, ka haider luih tlat pakhat awm chuAsangi hi ka hmangaih a, ka la theihnghilh lo ani tih hi. A tukah chuan hmatakah hospital lam ka pan a, Rosangi chu ka han bia a, an lokal mek thu minhrilh a, an rawn thlen hma chuan ka rilru kap tu lian tak kha chian ka duh ani.Hmeichhe ward chu ka han bih dek dek a, ka mi zawn chu ka hmu mai lo. Achhungah ka lut a, a kil lama mu chuan ka mit a la tlat a, ka va pan hnai ngenge a, ka hai lo a, ka ring sual lo. Ka tha te chu a zawi vekin kahria,”Mampui” ka ti sap a, a awmpuitu nula chu phawk fe hian a lo hawi a, “ValaI ni em?” a rawn ti a.

Hlauthawng deuh tak chuan ASangi chu ka han bih dek dek a, “Aw.. ka ni alawm” ka tia, thutna awlah chuan kathu a,”Mampuii cousin ka nia, Lily ka ni e. Mampuiihian I hming hi a lam reng zel asin, vawiin ni thleng hian nikhat chauh pawh Ihming lam lo hian ala awm lo asin” a ti a, a mittui  chu a hru zauh a,”Enge thil awmzia hi ni a?pasal a nei ta lo em ni?”ka ti a, “Aw, nei lo” a ti a, Asangi kut cher leh dangbam mai chu ka han hmer a, ka hriat thin kha a ang lo takzet a ni,”Thil awmziahi a vaiin hriat ka duh ani, engvanga khatih hunlai khan min hre duh lo ngeanih? Ka tuar hnem viau asin” ka han ti a. Chutih lai tak chuan ka phone a rawnri a, Rosangi a lo ni a, an rawn thlen tawh thu a rawn sawi a,  Lily bulah chuan ka thiannu pa damloh avangakal ka nih thu te chu ka han sawi a, a remchan veleh kal leh tura in sawi in kachhuahsan ta a, ka rilru erawh a luah hneh chiang kher mai. Rosangi te awmna kava thlen chuan an chhungte pawh an lo awm nual a, hma an sawn lutuk loh thu chuan lo sawi mek a, Rosangi nen chuan thuthlengah kan thu a, ka darah a lu anghat a, a muhil nghal mai a, zan lamah a mu tha lo anih ka ring.

Chanchin danglam em em a awm hran lohavangin keipawh haw tur chuan min ti a, in awmpui theih vak ani lo bawk nen hawturin ka bike dahna lam chu ka pan a, mahse ka rilru ah thildang ka ngaithuahthei lo, ka let leh a, Asangi te awmna chu ka pan phei a, Lily chuan min lo hmua min lo ko vat a, Asangi chu a lo la muhil tho anih hmel,”Ti hian a muhil rengzel tihna em ni?”ka han ti a, ak ngaih chu a tha vak lo,”Muhil reng bik lo a,mahse ti hian a hahdam ber a, a damdawi hian a mut a ti chhuak anih ka ring”ati a, “Min han hrilh chhunzawm teh”thutna siamrem pah chuan ka ti a, “A tawizawngin sawi thuak thuak mai ila, a pasal neih tur lehkha kan tar hma ni chiahhian Sama khan sawn alo thlak tih kan han hria a, hemi kan hriat hun hi nilaizan inkhawm ah a nia, chhun atang Mampuii hi hmuh tur a awm lo hrim hrim a, kathu hriat thar chu hrilh tumin ka han be dawn a, a tlang thei reng reng lo. Kaninhlat loh avangin an inah ka phei nghal a, a chhuak alo ala haw lo tih an hrechiah a, kan chhung buai ta nghal a. A kalna tur awm ang kan hre bawk silo, kanbe thei bawk silo, kan mang a ang hle a, ka patea hi a zinlai ani nghe nghe a, aawm hi chuan a khuahkhirh na bawk a, a chuak thei lo tluk ani. Ka pateaawmlohlai chu remchangah alo la ve ani ang, a room ah ka kal vat a, a thawmhnawchu ka en a, kenchhuah aneih hmel lem loh avangin tlemin ka ngaih chu a tha a,mahse a thawm engmah hriat tur awm chuang lo. mahni rin dan ang ang chuan kanzawng mawl tawp a, zanlai ah call ka dawng a, chu chu Kolasib dai ah sumoaccident ah Mampuii chu a lo tel ve tih thu ani. kolasib lam pan turin a zan azan chuan kan chhuak a, nangmah nena inkar hretu ka nih avangin ka lakah talchuan sawi a neih ka ring ania, mahse chutia ka hnenah pawh sawi lova ngawirenga a lokal bo chu ka thin a rim a, ka khawngaih bawk si, ka hmuh hunah chuanka ankhum nasa ang tiin ka rilru in ka in hrosa thla mawlh mwlh a. Mahse a hmelka han hmu chiah chu ka kehsawm vek ani ber, a taksa alo sawh nasa hle a, a luhi an lo tuam luk a, a ke lam kan en a, an lo cher bawk a, a mit ko hi a vungvek bawk si, dik tak chuan Mampuii hi I hre tho a, an fa lak mai ania, mahsekeichuan ka patea fa tak te ai hian ka ngaina zawk ani. Ka pa nen chuan doctorhmu turin kan kal a, a rang lama Aizawl lam pan turin min lo ti a, a zan azanah kan chho leh ta nghal a ni.”

Asangi rawn che chuan Lily thusawi lai chua ti tawp a, “A in her duh aniang” tih pah chuan a han kuai her a, “Helai hikan thlen veleh doctor chuan alo en nghal vat a, zai nghal vat a ngai alo ti a,amah chu a rawn har deuh riai a, min ko ri chu ka hria a, thei leh thei lohian,”Lily, dam ka duh lo”a rawn ti a, a mittui chu a rawn baw zawih a, “Mampui,pasal I nei dawn lo, I dam hi a ngai ani” ka ti a, mahse a hmangaih ber a chanta si che a, a tan damchhan awm lovin a hre tawh ani. I phone number hi vawitam tak a hmetchhuak a, mahse a be ngam ngai lo che. A muthilh laiin rawn biakche ka tum a, mahse I lo hmang tawh bawk silo. Heti hian ani chu a accident naavang khan a hnungzang ruh a sawh khawlo a, a damchhungin a kal leh thei tawh dawn lo a, hlim taka I awm theih nanPathian hnenah a dil pui thin che. Chuvang chuan tun bak hi nangpawhin rawn hmutawh lo la, a rilru nat a belhchhah mai mai dawn a, min hrethiam aniang chu” ati a. A thusawi chhung zawng chuan ka lo thaw tha ngam lo, min hmangaihna hi kalo hrethiam lo ani. Lily vek chuan,”Mi zawng zawngin a pasal neih tur thulhanih leh vanga rilru naah an ngai vek a, a chhan dik tak chu kan chhungkaw hochauh in kan hria, ka patea lah a inthiam thei lo a, a tar bawih ani mai, engkimkha ama thiam loh ani miau a.” a ti a, huatna thinlung ka neih kha a lo tharleh a, dawta min puh a min man te, ka hmangaih ber nen min then hran dan te chuka rilru ah alo lang leh a, tin, keimah ka in haw thar ngawih ngawih bawk.

Nilengin inah ka awm a, chhuah chu ka chakhlawl lo ani. Asangi chu ka rilru ah a awm reng a, hmuh ngei chu ka duh ani.Hospital lam panin ka inkhawh chhuak leh a, ka chhungte zingah pawh hun kahmang thei lo. ka va thlen chuan an awmna chu ka pan ding nghal a, mahse ankhumah chuan midang an lo awm tawh. An khum bula mi chu ka han zawt a, an lochhuak tawh hi alo ni a, an in lama kal chu ka tum ta tho a. An in bulah reitawk tak ka ding a, ka huaisenna zawng zawng sawmkhwm in kawngka chu ka kik a,Asangi nu chuan kawng a rawn hawng a, min hmuh chuan mak ti emem hian a mengkawk a,”Vala…”a hmui ahup a, a mittui chu a tla nghal a, “Mampuii hian I hminghi a lam ngun thei lutuk asin, mahse , tunah chuan ..” a sawi zawm thei lo, atap ta hlawp hlawp a. An sitting room ah chuan kan thu a, thlanglam veranda ahchuan Asangi pa niin ka hria a thu a, a nu chuan a mittui hru pahin,”Kanthiltih rah kan seng anih hi, Mampuii hi ka lak dawn khan hmangaih taka ekawlturin ka intiam a, mahse a rilru natna bak kan thlen lo, kan chhungkaw hlimnapawh tunah chuan a bo ta vek anih hi” a ti a, “Khawngaihin ka hmu theiangem?”ka ti a, a room awmna chu min kawhhmuh a, min hruai a tum chuan ka duhlo. kawngka chu ka va hawng dek dek a, Asangi chu khumah alo mu a, a muhil loin ka hria,”Mampui” a rawn hawi a, “Val…”thawh mai a han tum a, a au thawt a,ka va kal vat a, “Mampui, min ngaidam rawh aw” ka ti a, ka khawngaih lutuk chutah ve mai ka chak ani. Muangchangin a rawn in her a,”Val, I tihsual engmah aawm hleinem, inthiam lo duh suh” mittui tling pam chuan a nui lui sak a,“Engtikahmah ka inngaidam tawh lovang” ka ti a, ka banah chuan a rawn vuana,”Ka chan tura ruat sa ani alawm, min hmangaih thin na zawng zawngah khanlawmna chang ka lo hre ngailo a, lawmthu hrilh che hi ka duh ani. hun remchanga awm hlauh chu ka lawm hle mai” a ti a. A mittui chu a hru zeuh a,”Engtikngekan tih huk dawn?”a ti a, a nui sak a,”Eng tih huk maw?” ka ti hluk a, “Kalawmpui lutuk che, hmeichhe fel tak I tawng a, thinlung takin ka lawm ani” a tia. Engtinnge maw Rosangi nen kan chungchang chu alo hriat zawk, “I ho emai” kahan ti ngawt a, “Engvanginnge khami ni khan min hriat duh loh?” ka ti a, amaimitchhing daih a,”Mawh… Khami ni atang khan theihnghilh che tumin ka beiasin, mahse ka hlawhtling ta chuang lo” ka ti a, “Min hua la, min kalsan la kati alawm” a ti a, “Engvangin?ka ti chang fak a,”Duhthlan tur dang nei ila ka tive tho asin. Mahse a awm silo a, I tuar lai hmuh kha ka thei tawh lo ani” atia, “Hun kal tawh ania sawi kha a sawt tawh chuang lo, enge I hnaah te I tluangmaw?”a ti a, ka tho hluai a,”I tan chuan hun kal tawh satliah ani maithei,mahse ka tan hian ani ve lo” ka ti a. Haw tumin ka in her a, a insut ri hraihri ka hriat chuan rang takin ka pan phei a, ka va kuah ta thlawp a, “Val, minngaihtuah suh, engkim a tha vek alawm”ati a, a hmui chu ka hup a,”Mampui,engkim hi siam that leh ka duh ani”ka ti a,”Nilo, anih tur ani vek tawh, kachhungte hmangaihna ka dawng a, hei hi ka tan a hlu lutuk. Nangpawh nangmahhmangaih em em tu I nei a, hlim takin awm rawh u” a ti a. Rosangi chu kahrechhuak ta zawk a, ka inthiam lo ru ve hle a, mahse Asangi zawng ka thinlungalo luah thuk em ani. Ka phone chu a rawn ri a, Rosangi alo ni a, Asangi chuanla turin min han mitmei a, tap deuh tiau hian ka awmna min rawn zawt a, a pathat loh thu leh kal nghal tura min duh thu a rawn sawi a, a mangan hmel hle a.Asangi chuan kal turin min ti a, kalsan chu ka hreh a, lehlamah Rosangi pathichhawngin a awm a, kal ngei angai bawk si, “Mampui, a theih vel ah ka lokalleh vat ang” ka ti a. Hospital lam pan chuan chak takin ka liam zui nghal a.

Ka va thlen chuan Rosangi pa chu a lochatthla fel chiah a, an lo tap hawm hawm a, Rosangi ka hmuh chuan ka inthiamlo ve takzet ani. An chhungte inah ruang an la a, chutatang chuan Lunglei lamahphur phei tur a ni a, keipawh ruang zui ve tur chuan ka inbuatsaih a, tum lohdan in thil a thleng a, ka chawlh hun neih pawh buaina hlirin ka hmang ani.Rosangi chu ka kalsan lo tluk ani, a pa thihna chu a unau dangte ai pawhin atuar na a, hnem ngaihna pawh a awm lo. mahse ka kalsan thei miahlo a, ka bula aawm chuan a hahdam thu a sawi a, kalsan ngam pawh ani lo. Ka rilru hian mu lehmal pawh anei lo, lehlamah keimah vanga ramtuileiloa awm mek Lalrosangi kha kahrereng a, hetah lah min mamawh ngawih ngawihtu Rosangi a awm bawk si, hetianghian ka awm ang tih reng ka lo ringphak ngai lo. Nithum ka cham hnu chuan awmreng theih ani bik silo, ka hawsan ta a, mahse phone hmangin kan inbe reng a,ka thlahthlam lo. Ka rilru pakhatah erawh Asangi a awm reng a, va tlawh lehpawh ka duh viau a, mahse Rosangi lakah ka inthiam lo ve bawk si, ka hna zawmnan karkhat chiah chawlh ka nei tawh a, vawikhat tal erawh tlawh leh chu ka tumtho ani.

Keima tawkah ka buai ve em avangin Anggunen pawh kan inhmu khat hle a, a nupui neih a hnaih tawh bawk avangin ani alobuai ve nen, inhmuhna hun tha pawh kan nei thei lo. Huana hna ka thawh mawlhmawlh lai chuan a rawn lang hlawl a, ka hun tawng buaithlak ve tak tak avangaka tlawh theih loh thu chu ka lo hrilh a,”Thiana ka hrethiam che alawm, keimahtak zawk hian han tawiawm tur che hi ka nia, kan hun tawngin a lo zir lo vebawk nen tumah kan inpui thei lo anih hi” a ti a, in lamah kan in zui chho a.Ka inbual chhungin thingpui a lo lum a, ka inbual zawh chuan pawn ah thingpuiin pahin kan thu a, “Asangi I tlawh tawh em?” a ti a, ka tlawh tawh thu lehthil thleng mak ak tihzia chu ka hrilh a, “A bul berah chuan induh hun lo takaka lo induh kual vang vek ani”ka ti a, ka rilru tak pawh ani. A thingpui chu ahan lem khalh a,”Ka khawngaih khawp mai, chanchin ka lo hre lawk lo a, ka thiamloh a nihna chin pawh a awm ve tho. Mahse khatih lai khan lehkha an tar tur ththleng khan ka hre ta sia, a nihna takah chuan ka thianpa I nia, ka tha kha ana ve em ani”a ti a, “Thianpa, I thiam loh engmah a awm hleinem, ka thian I nihangin I tihtur I ti a ni mai a, I chunga thilthleng nise keipawhin ka ti ve thoang” ka ti a. Ngawi rengin thingpui chu kan in a, nikhat chiah Aizawlah chamnan hun ka nei tawh a, mahse ka hna zawm leh chu ka rilruk ber tawh lo. Zanhmasa lamah thutlukna chu ka lo siam ve deuh tawh avangin ka kawng zawh lam turchu zawh pawp mai ka duh ani. ka chhungte hnenah pawh ka la sawi lo a, mahsemin hnial hran chu ka ring lem lo, “Engtia awm chu nge I rilruk tak?” Angguchuan a han ti a, “Chhuk tawh loh ka tum phawt, engpawhnise helamah hna awm angang te ka dap ve anga”ka ti a,”A tha alawm, mi thiam te chu a chuan theih taktak hleinem. Ka kianga I ding thei tur pawh chu ka lawm hrim hrim” a ti a, kanu chu gate ah a rawn lut mek a, ka thianpa a hmuh chuan an phul hlut a, anthusawi pawh ka hre ber lo. KA rilru ah ka nuna hmeichhe awm pahnih te chu kalo ngaihtuah neuh neuh a, thutlukna siam zung zung hi a lo tha lo hle ani tihpawh ka hrechiang ta.

Ka hna zawm ka tum loh thu chu kan chaweilaiin ka sawi chhuak a, “A pawi loh chu, chhungkaw tlem te nisi awm kim lai kannei reng reng lo mai a, helamah te pawh I phak tawk hna te I zawng anga, a thavek e” ka rin loh takin ka pa chuan a ti khauh a, ka huphurh ber in chutianga atih avang chuan ka rilru pawh a nuam huai mai. Ka nu erawh chuan min chik hletih ka hria a, chhan a awm a ring ngei ang tih pawh ka hria. Chaweikham lamahchuan ka room ah ka awm a, Rosangi hnenah ka thutlukna chu hrilh a tha in kahria a, call waiting ah ka awm rei tak viau avangin guitar ka la chhuak a, kaplay san daih a. Ka nau te ka ko a, kan ti ho khat bawk a an lo phur khawp mai,kan duhtawka kan han zai hnu chuan mu turin min chhuahsan ta a. keipawh chhunlamah nisa ka do ve deuh avangin ka lu a na reng a, ka mu ve nghal mai a, mupah chuan ka phone ka en a, Rosangi miscall alo awm nual a. Ka han call back a,min lo vin nghal bawrh bawrh a, “Mi hi I ngaipawimawh lo” tih zawnga a la chuka lo duh vak lo a, kan in hau chu ani nghal deuh mai a, ka hna zawm ka tum lohthu ka sawi phei chuan a thinrim hle a. Nidanga min hnial ngam ngai lo khan minankhum ta chiam a, mahse a lusun rilru nat vangah ngaiin ka la na duh lem lo.Ka ngawi reng a, a thin chu a rim sauh sauh ni berin ka hria, phone chu a dahtau a, biak leh pawh ka tum chuang lo. A tukah chuan a lungawi veleh mai chu karing a ni.

Ka phone ri chuan min ti harh zawk a, a lahma viau in ka hre si a, tun ang hunah tunge ni ang tiin ka phone chu ka han ena, ka number hriat ngai loh ani. Ka silent a, ka muhil zui nghal a, ka harh lehmeuh chuan chawei a lo hun dawn der tawh. Ka tho a, ka in phih fai a,chanchinbu chu ka han chhiar thuak thuak a, chaw chu kan ei chhunzawm nghal a.Thawh veleh a chawei chu alo tui mawh deuh ani, ka kham vat a, meizu turin pawnlam ka pan nghal a. Ka nu chuan min rawn ko lauh lauh a, a phone ah Anggu chuanmin rawn biak a tum hi alo ni a, ka han pickup chuan,”I phone I la thei lo a”ati a, ka ipte ka han dap a, ka room ah ka lo la dah a ni ang, chhunah thawmhnawvel en a ngaih thu leh kal tura min rawn tih thu alo ni a. A lawmawm rualin kahuphurh angreng viau, thiante inneihna ah hi chuan a phusa pawla lo tan hi kaduhtawk viau a, mahse a thiantha ber ka nihna anga ka hlenchhuah ngai thil a nive miau bawk si.

Ka room ah ka han lut a, ka phone ah chuanmiscall a lo awm nual a, ka mutlaia min rawn call tu number pawh lo la awm foa, thil pawimawh anih takin tiin ka han call back a, a ring quit thak a, ka handial nawn leh a, hmeichhia hian alo la a,”Lily ka nia, Vala I ni em?”a ti a, kanih thu ka sawi a, Asangi chungah thil tha lo a thleng anih ka ring a, kahlauthawng hman hle,”Hnaih loh tur chea ka tih kha I zawm mai ka lo ring a, anatna bak engmah I pe lo” thinrim hmel tak chuan a han ti a, “Lily, tinat katum lo asin”ka ti a, chutianga min puh fo chu ka thin a rim thut ani,”Chutianganih ahnu, kha I bialnu nasa tak kha ka unaunu lo be tawh lo turin lo hrilh angche, atan a pawi viau tawh ang” a ti a, phone chu a dah nghal hmak a. Thilawmzia chu ka hrethiam lo hle, ka call leh pawh chuan a pickup tawh lo. Rosangichu ka call a, a la thei bawk silo. Ka thin chu a rim tung a, ka inthlak sawksawk a, Asangi hmuh chu ka duh ani. Anggu bulah kawina tur ka neih thu ka hrilha, Asangi te in lam chu ka pan nghal a, ka thlen chuan Lily chu a lo thu renga, a lawm lo tih a hmelah chuan ka hria, mahse ka haider luih a, thudik kahriat angai tlat ani. A chhungte an lo awm ve avang chuan engmah a sawi duhlova, room lamah min hruai a, a ngawi reng a, sawi mai tur ka hre bik lo.Asangi’n min lo hmuh chuan alo nui sak a, a phena a rilru natna chu ka hmuhhmaih teuh lo,”Enge thil awmzia hi min hrilh teh” ka ti thawr a, “Unaunu,engmah sawi angai lo ka tih kha”Lily melh pah chuan a ti a,”Ka tuar thei thlawtlo, engvangin nge I tawrh reng bik?”a lo ti a. Lily chuan Rosangi hnen atangaAsang’n call a dawn thin thu te chu a sawi a, a tirah chuan pawi a lo sawi bikhran lo, mahse kan in hauh deuh apiangin alo be thin a, la inbe fo turah min longai a nih hmel, inneih kan tum thute chu alo hrilh ani awm e. Ka hna zawm katum tawh loh chungchangah ASangi chu alo tawng hrep a, amah vangah ngaiin a loankhum hrep hi alo ni. ka thin chu a rim hle a, nungchang tha tia ka lo chhuanruk tehlul nen chutianga alo che chu mak pawh ka ti. Thil tam tak sawi fel tura awm tiin Asangi te in chu ka chhuahsan a, Anggu te nena kan bazaar pawh churilruah a thildang a awm a, rilru ipik urh in ka kal nileng ani ber.

In ka thlen veleh Rosangi chu biak tumin kahan dial leh a, a la dawn lo emaw ka tih hnuah a la ve ta hram a, “U Val,vawiinah Aizawl ah ka lo phei a, motor ka chuang fuh lo a, ka chau lutuk,naktukah inhmu mai ang” a ti a, han tih zui vak ngaihna awm ta lo a. Hmaichhanahngei hmuh chu a tha in ka hre ve ta tho a, a tuka hmu tur chuan kan ti ta a. Kamuthmunah chuan ka ngaihtuah neuh neuh a, Rosangi chetdan chuan ka thin a tirim telh telh a, engtinnge Asangi number pawh chu alo neih reng reng, ka phoneah lah ka save tawh silo. Engpawhnise amah ka hmuh hunah a chiang vek ang chu.Ka zing tho chu ka lu ana luk a, zan lam ka mut that theih lohna a rei ta deuha, min nghawng let ve taah ka ngai. Chawei loh ngawt chu ka pa in aphal lohthin avangin tlem ka ei a, chhuah ka duh dawn avangin huanah ka nu in ka hnatura a tuk chu ka thawk nghal mawlh mawlh a. Darkar hnih vel ka thawh chuan kazo ve mai a, tukverh atanga uluk taka ka nu in min lo thlir reng chu ka han hmua, a fapa hian engemaw tak helhkham ka nei ani tih hi a hai leh miah loh aniang. Ka ring sual lo hle tih inchhung ka luh chuan ka hre nghal a, “Bawiha,tunlai I awmdan hi ka hai miah lo ania”a lo ti nghal a, midang an awm tawh lobawk a, ka nu lakah hi chuan engmah ka zep theilo. Thil awmdan zawng zawng chua tawi thei ang berin ka han hrilh a, Asangi chanchin ka sawi lai chuan amittui chu a hru leh zauh thin a, Rosangi chanchinah ka lut leh a, ASangi chungaa thiltih erawh ka sawi lang lo. Ka sawi zawh chuan ka thawl huaiin ka hria a,ka nu anihna hi a lo lang ngei ngei thin,”Asangi chu ka va han khawngaih takem! Ka ngaina ve takzet asin, amaha a paltlang a tam emai, kan pawh ka duh minhruai ve ang che” a ti a. Remchang hmasa berah I kan dawn nia ka ti a, keipawhRosangi hmu tur chuan ka insiam zui ta nghal a.

Rosangi hmu turin a pu te in lam chu ka pana, ka va thlen chuan a lo inbual a, rei tawk tak ka nghak a, in chung lamahchuan zui turin min ti a, ka zui chho ve mai a, boruak engmah hrelo ang maichuan min bia a, thinrim ru teuh sa ka nih avang chuan a khawsak dan chu ka loning hman hle, “Asangi kha engvanga be thin nge I nih?” ka tih chuan a ka haua, mak tih hmel leh min hlauh hmel tak chuan min en reng a,”I chetdan a mawi lohle mai, hetiang I nih hi ka lo hre lo asin”ka ti a. A kun ngal a, “Katheihtawp ka chhuah ang tih ka tiam reng che kha bul kan tan dawn pawhin, mahseka rilru ka thlak tawh”ka ti a, min rawn en nghal vat a, “I hmangaih ber I hmulet leh bawk a, engatanmah min ti tawh lo ani maw?” a ti a, “Rosang, chutiangani lo, tihnat belh loh pawhin a tuar hnem tawh asin”ka ti a, “I lo la care ziaa lang reng alawm, a mah vangin I hna pawh I zawm duh tawh lo ania, ka tuarthei thlawt lo. I duh leh va pan leh nghal rawh” a ti a. Ka pan phei a, a kutchu khawih ka tum a, alo la sawn vat a,”Rosang, tha taka sawi ka duh ania” kati a, a ngawi reng a,”Asangi hnenah chuan let leh pawh tum ila min lo pawm tawhlovang. Mahse thawk lak ka duh, kan inkar hi tihtawp rih mai ka duh ani, I rilrutihnat hi ka tum ani lo, mahse kan hlim lo ve ve”ka ti a, “Engmah ka ngaithladuh lo”a ti a, a beng chu a hup tlat a. Ka kal mai duh bik lo, engkim chutihfel vek ka duh a ni,”Rosang, kan inthen hlen ang ka ti lo, mahse tunah chuanengmah hi ka ngaihtuah thei lo ani. Reilote tal chu min thlah zalen thei lo emni? ka han ti a, min rawn kuah thut a, “U Val, ka hmangaih lutuk avang chea kakuang lo ka lo nawr anih chuan min ngaidam rawh, chan che ka hlau em ani, mahseka hrethiam e, Asangi chu ka khin phak rual anilo” a ti a, a mittui chu ka hrua, “Rilru nuam deuhin awm rawh” a han ti leh a, ka hahdam ta huai mai.

Anggu te inneihna tur thilah nitin kanchhuak a, kan buai ve tawk hle a, an khua Tripura lama innei tur an nih avanginhelamah tihtur tul ang zawng zawng buaipui a ngai a, rin ai tih tur neuh neuhalo tam a. Ka mimal buaina te pawh ka theihnghilh ve lek lek fo! Rosangi chu areh vang vang a, a tha zel turah ka ngai a, Asangi pawh Lily hnen atang achanchin ka hria a, natna dangin a tlakbuak loh chuan a lawmawm ah ka ngai. Inneihnahmangin hun engemawtichen kan lo khawsakna Agartala chu kan thleng a, kanawmlai nen chuan a lo danglam tawh ngei mai. Ka rilruah Asangi alo lang hmasaber a, kan intawnna hmun ani a, ka ngaihlu a ni. An awmna thin chu ka va tlawha, ka khua chu a har hle a, kan hun hman dun kha reilo mahse he hmun ah ngeihian ani kha ka hmelhriat a, ani ka tawng kha ka vanduainaah ka lo ngai hmanhial a, ka inthiam lo ngawih ngawih ani. Inneihna pawh tluang takin kan hmangzo a, kan buai nileng bawk a ka phone chu khawihna hun pawh ka nei lo. ka muthmunah ka han hmet eng a, Rosangi u Nutei miscall a lo awm nual a, zan a reideuh tawh avangin ka call back ta lo. Ka muthilh bawrh bawrh ka in rin tehlulnen ka muhil thei mai lova, ka haw hunah Asangi chu hmuh vat ka duh ani.

Kan haw lam chu kan tluang lo angreng viaua, motor min sawhna ah ka I sawh sil ve deuh thum a, ka inbual zo a, ka mu tavang vang a, ka mumangah Rosangi ka lo hmu a, a hmel hi alo dang deuh bam a,khawih ka lo tum a, alo ral riai riai a, chutih lai chuan Asangi zawk hi alo hileh daih a, ka harh zawk a, a mak ka ti ngei mai. Zanriah eikham veleh chuan ASangihmu turin ka inkhalh chhuak nghal a, an in ka thlen chuan an lo awm ve nual a,lut mai ngam lovin pawnah chuan ka ding a. A hnu deuh ah Lily ka hmu a, ka kovat a, a rawn hawi phawk hra a,”Lily Asangi hmuh ka duh”ka ti nghal thuai a,ngawi rengin a kal a, ka zui a, inchhungah lut lovin an in chu kan hel a, huanlam ah kan lut phei a, kawngka hi alo awm a, tah chuan kan lut a, Asangi roombula luhna hi alo ni. Kan lut zel a, room chu kan va pawh mai a,”Chhungkawchaweikhawm kan nei a, I zah ka hlau a, ka hel pui che nih hi”Lily chuan a tia, amah vek chuan,”Mampuii chu ka va hruai ange, sitting room lamah a awm a”ati a, a kal ta nghal a. Room chhung chu ka enkual a, dressing table ah chuanframe mawi takah Asangi nena kan thlalak chu a in tar a, ka va kal hnai a, kala kang a,  chutih lai tak chuan Lilychuan Asangi chu a rawn nawr lut mek a, ka thil ken chu ka dahthla a,”Lily,Mampuii hi amaha biak lawk ka duh a”ka ti a, min chhan tum chuan a han ang deuhzuau a, “Unau, a tha alawm, ka ngaihtuahawm loh”Asangi chuan a lo ti a. Ngawireng chuan a chhuak ta nghal a, mahni inringtawk tak hian Asangi chuan,”Sawitur I neih chu han sawi la” a ti a. A hmaah chuan ka thingthi hnawk a,”Mampui,a tawp thlenga I kianga din a enkawl che hi ka duh ani”ka ti a, chhanna a awmlo, ka han dak chhuak a, a mittui chu a lo hru zeuh a,”Val, engmah I thiam loha awm lo ka tih kha, ka lakah hian bat pawh I nei lo. chuvang chuan a hma angkhan awm leh rawh. Ka hlim tawk viau keipawh ka ngaihtuah awm loh, hetia kachhungte kianga nun hman hi ka duh ani” a ti a. A kut chu ka la a, ka hum a, akhur der der a,”Tihsak theih che hi ka nei tam lo maithei, mahse, ka tanaengkim huam thin tan hian ka theihtawp chhuah ve hi ka duh ani”ka ti a. A kutchu a la sawn a, hmana luhlul zet hmel kha a pu leh tawh,”Val, ka sawi tawhkha, tihian ka hlim ber, min thlah zalen rawh”a ti a. Sawi leh tur pawh ka hrelo,“Asang, ka lo nghak tho ang che, chuan, ka beidawng dawn hauh lo ania”ka ti a,ka chhuak ta a. keimah min hnar a min duh loh vang ani lo tih ka hria, adinhmun avangin min beisei ngam tawh lo tih hi ka hrechiang a, a zawng zawnginkei hian ka hmangaih ani tih hi a la hre dawn ani.

In ka thlen hnu rei vak loah Nutei call kadawng a, ka zinlaia a call pawh kha ka lo theihnghilh ani tih ka hrechhuak tachauh a, ka han pickup vat a, “Mizorama chuan biak eih I lo har ta hle mai”a rawnti hlut a, ka zin thu hrilh pah chuan thupha ka han chawi ve luam a, “I lo lengphei hman em Aizawlah ka rawn phei a” ati a. Min han sawm chhuna kal loh chu kahreh ve deuh a, ka kal ta nge nge a. Ka va thlen chuan min lo welcome vat a,nidang ang bawkin a ri leh chul a, a chhungte an awm ve nual avangin room ahmin hruai daih a, ka rin loh tak thil ka han hmu leh ta nghal a, Rosangi chu alo mu bal a, drip alo khai a. A hmel pawh chu a dang hle in ka hria, “EngatingeRosangi hi”ka ti a, “Val, a zahthlak khawp mai, kan naui hian heti tak hian aloduh ang che tih hi ka ring phak lo”inthlahrun hmel deuh hian a ti a. Thilawmzia chu ka han zawt chiang a,”Ka rawn call zan che khan I zin tih pawh ka hreve lova, Lunglei atanga ka rawn phei ni tak ania, Rosangi pawh a hmelah engmahdanglam ka hmu hran lo, ka lo chik lutuk lo hrim hrim bawk a. Kan tlai chaweitur chu a rawn chhuahthlak loh avangin chawei ka siam zawh ah ko turin room hika pan a, khumah hian alo mu a, a bulah damdawi mum alo baw nuai a, amah kha kako harh thei bawk silo, kan buai ta nuai nuai a, damdawiin lamah kan inphur pheinghal a, doctor chuan minute 10 pawhin rawn tlai ula kan in chhan hman lo angan lo ti hial a, damdawi kha alo bar hnem viau aniang” a ti a, a aw a han thiana,”A harh chhuak lawk bawk lo nen ka mangang em em a, ka rawn call ta ringawt chea, in chanchin pawh engmah ka la hrelo nghe nghe a, mahse ka haw in ka hre tachauh ani. A lukham hnuaiah hian lehkha alo hnutchhiah a, I ta tur hi alo ziaka, thih chu alo tum ve hle ani.”a ti a, lehkha chu a rawn phawrh chhuak a,”Heihi ania, pek tur che nge pek loh tur che tih ka inngaihtuah nasa hman viau a,pek che hi tha in ka hria a ,chuvang ania leng tur a ka rawn sawm che”a ti a.Lehkha chu a lo chuar deuh hlek tawh a, ka han pawt mar deuh a, chhiar mai kahan tum a, Nutei chuan,”Val, I haw ah chhiar mai zawk ta che”a tih avang chuanka ak a, thingpui min lum a tum a, chu erawh ka hnial a, haw mai chu ka duhzawk a. Pawn thleng min rawn thlah a,”Val, mahni nau te hetianga an han awm chua zahthlak angreng khawp mai, mahse min hrethiam aniang chu, hrilh loh ngawtche chu ka inthiam bawk silo a” ati a, “Nute, I tihtur dik tak I ti alawm”ka tia. Kan in mangtha ta a.

Ka khumah chuan ka thu a, Rosangi lehkhachu ka han hawng a, a chhungah chuan hei hi alo inziak a-

U Val, a hmasa in min ngaidam rawh aw.Hetianga awm hi ka duh ngai miah loh thil ani thin asin, mahse enge damchhan kaneih ka hre tawh lo a ni. khawvela ka innghahna ka pa in min boralsan a,nangmahah ka innghah em em laiin min kalsan leh si, ka thinlung hi a na em a,thlakhlelh tur ka nei lo a ni.

Zalen taka awm kha I duh a, tunah chuankumkhua in zalen takin I awm thei tawh ang, vawikhat tal I hmangaih anga min enve hi ka lo beisei fo thin a, mahse a thleng ngai dawn lo anih hi tiraw? U Val,misual tak ka lo ni. Asangi hnenah khan ngaihdam min han dilsak dawn nia. Kha zan,a ahming lama I tangvaih zan atang khan tunge anih hre lo mah ila ka thikngawih ngawih a, I hmangaihna a dawng bik kha ka awt thin asin. A number hriattumin I phone ka en a, ka hmu lo. Mahse maw I in thianfai a I office hlana kabuaipui ni che khan, I diary ka hmu a, Asangi hming intlar thla ka hmuh khan kapuahkeh lo chauh ani. Phone number alo inziak kalh a, tu number nge tih erawh alang lo. Mahse rin ka neih avangin ka la a, ka rin ang ngeiin ASangi numberpawh chu alo ni a, eng rilru pu in nge ka biak kha ka hre lo, ka thik lutuk nakhan engmah pawisak min neihtir lo ani ber aniang chu. A hming sawi lo tur chea ka tih che kha nang chuan I vawng tluan a, mahse ka chan che a ngai lehta thohi hriatthiam har ka ti.

A tawp berah chuan min ngaidam ula, minngaidam mawlh mawlh ang che u”

Ka chhiar zo chu ka vai deuh bur in kahria, kei ve mai hi engvanga heti taka min lo duh nge maw anih le? A nunnalaksak lova a awm avang chuan Pathian hnenah lawmthu ka sawi mawlh mawlha,khatih lai khan lo thi ta se kumkhua in ka inthiam leh tawh ngai lovang.

Nihnih chhung ka khawsik tlun avangin pawnpawh ka chhuak thei lova, ka hrisel ve thin hle a, hetianga ka dam loh ve tawhhi chuan ka bet ve hle thin reng ani. A nithum naah chuan ka tho chhuak peih vea, pawnah nilum ka ai a, ka lo muhil dawn siar siar a, min ko tu awma ka hriatavangin ka han hawi chhuak a, Lily chu alo ding reng a. Asangi chungchangalokal ani emaw ka ti a, mahse ka damlo min rawn kan alo ni zawk. Engtinnge ahriat tih ka zawh chuan min ranwbiak a tum a, ka chhunten an lo pickup a, kadamloh thu an lo hrilh hi alo ni a,  “Asangienge a an?”ka ti a, a nui var var a,”Nangmah rawn kan lai che pawhin Asangiringawt I ngaihtuah a, hahdam ve la”a ti a, aka lo nui ve mai a. Thutak deuhzawk hian min en a,”Vala, Mampuii hi a tha chhuak tawh kher lo maithei a,chuvang chuan heti hian awm ula a tha zawk in ka hria, in pahnih hian inkawp lotur in ni te pawh aniange” a ti a, “Mampuii’n a rawn tir che ani maw? Lily, heihi lo hrilh rawh, min kal tir hi a duh takzet anih chuan dam leh ngei rawh se”ka ti a. Lily chuan beidawn hmel zet hian min en a,”In va luhlul dun ngawihngawih ve mawle”a ti a, thildang a sawi lo.

Lily lo len atanga nithum naah chuan ka damve ta vak a, inchhungah ka inkhung rei bawk a, ka ning ve hman hle. Leng chhuakturin ka insiam a, ka phone ah message a rawn thleng a, ka han chhiar chuanRosangi alo ni a,”U Val, dam vat rawh aw, keipawh ka dam tawh ania, ka lo mawlem ani, hlim takin awm ang che”tih hi a lo ni a. Ka han call nghal a, aw laideuh tak hian min lo chhang a, ka damlo tih engtinnge a hriat ka zawt a,”Kanhaw phei hma niin hmuh che ka chak lutuk a, ka u in alo call che a, I chhungtenI damloh thu an lo sawi a” a ti a, “U Val, thih chu ka tum nawn tawh lovang, kalo ngaihtuah tawi em ani. Mahse min lo tawngtaipui ve thin rawh aw” ati a.Duhsakna te min rawn hlan a, keipawh chuan ka thiam dan ang ang chuan ka lo fuihve a, remchanga inbe leh turin kan inbiakna chu kan titawp ta a. Ka len tumpawh chu ka thulh a, ka chhungte TV en na lamah ka kal a, chanchinthar an longaithla a, ka ngaihthla ve ta reng a. A zawh hnu chuan ka pa bulah chuan kahan insawn a, ka han ko a, a hre duh lawk lo lehnghal, ka han ko nawn leh a,atarmit chu a han ala thla a,”min dil duh I nei em ni?”a ti a, Asangi chungchangchu han sawi chhuah ka tum a,”Mama, I nu in engkim min hrilh tawh alawm, I sawihun hi ka lo ngaichang reng alawm. Engpawhnise ngun takin I ngaihtuah ve thochu ka ring, mipa inia, I thutlukna chu a dik turah ka ngai”a ti a.

Mahni ngawta kawng dap ai chuan nu leh pahriatpuinaa kal chu alo fuh dawn hle in ka hre thar a, ASangi rilru hneh chiahtunah chuan ka ngai ta. An inah ka chuangkai fo a, a pa nen pawh vawihnih velchu kan inkawm ve tawh. Ngaihdam min dil zan chuan ka hnuk a ulh a, pa luhlulleh mahni induh ve tawk tak ani thin a, ama sawi dan hi adik ka ring, ngaihdama dil ngai lo, mahni tha in ti leh dik in ti emem anih thin avangin. Full moonzan ani a, Lily ka sawm a, Asangi te inchungah kan thu a, thla en dan chu alunglenthlak hle a, Asangi hmaah chuan ka thingthi a,”Mampui, kan dam dunchhung zawng hmangaiha enkawl tur che hian ka intiam a, min hriatpui tu atanLily hi ni rawh se” ka ti a, “Val…’ a mittui chu a tling pam a,”Min hmangaihtih ka hria, mahse hetia kan awm hi a tawk ani, min nawrlui lo zawk mai rawh” ati a. A in rin loh lai chuan ka fawp thut a, Lily chu alo rak hlut a,”Engmahsawi suh, ka thu chu awih hle hle mai rawh, ka hmangaihna che hi I ring zo loem ni?”ka ti a, a rawn tap chhuak ta hawk hawk a, duat takin ka lo kuah hlehlea,”I va han a tak em” a ti sap a,”Ni e, ka hmangaihna che hian min ti a zotawh anih hi, engmah hi a mawi leh mawi lo pawh ka thliar thiam tawh lo” ka tia, Lily chuan a aw han thian karh karh a,”Awi ! keimah hi ka lo lai khawlo zodawn” a ti a, kan nui dar dar a.

Hringnun ah hian harsatna chi hrang hrangkan tawk thei a, keipawh ka nunkawng chu ka chhut ve neuh neuh a, kehsawm vekkhawpin hmangaihna pawh kan tahpui a, mahse tunah chuan ka hmangaih ber ka neilet tawh a. A kal thei emaw, kal thei lo emaw, ka hmangaihna a dang chuang lo.A  kal thei tawh lo anih pawhin ka ke hia ke ani anga, a tan ka ding tlat zel anga, kan khawvel ni hi kan  chhiar kim hunah pawh thihna lui dai puiturin Mampuii hi ka zui zel ang.