VOHBIK LALREMRUATA
VOHBIK LALREMRUATA
-Mami Lalhmangaihzuali Chawngthu
.
"Rema'n accident a tawk a, tunah Civil Hospital an panpui mek, kan rawn sawm ang che"
.
Ka thiannu Ampuii message ka chhiar zawh rual chiah chuan ka mutna atangin ka tho chhuak hlawl a, tih hmasak ber tur hre lo in dressing table hmaah chuan ka ding reng a, "Remruat, chhel takin aw"tiin ka phun sap a. Ka mittui chu a tlak lai pawh ka hre lo, ka han hru tawk a, wardrobe atangin ka jacket ka la chhuak a, scooty chahbi chu ka la a, ka tlan chhuak ta vang vang a. Khua chu a thim chhah deuh mup a, tlanna lam tur hrelo in ka tlan kual a, Rema ka ngaihtuahna chuan chawl miah lo hian min zui reng bawk a, ka han thaw kawk kawk a, keimah vang a ni tih chu ka thinlungah a chiang em em a, mahni inthiam lohna in min zui bawk a, ka dan sen loh ka mittui a rawn luang zung zung a.
.
"Vohbik Lalremruat ka nia"
.
Kan nui ham ham a.
.
"Hming chu Kalvari deuh ve.."ka lo ti sap a, zah hmel deuh hian min rawn melh a, ka lo then deuh tha a, za vak lo hian a nui ve hak a.
.
Ka thiannu Ampuii te thenawm mai ah an rawn insawn a, ktp thil tih nikhuaah kan inzui ta fo a, reiloteah thian tha tak kan ni chho ta mai a. Mipa nun tlang tak a ni a, tawng tam lo leh mi pawi sawi hlau tak a ni. Kan inzui nasa bawk a, kan mizia tha lai leh chhe lai pawh kan inhre thawkhat viau a, hmeichhe lama a lerh lohzia ka hrechiang hle bawk. A tleirawl tirah hmangaih tak a tawng a, chhungte thu inhmuh rem loh avangin an inthen a, mahse a la hmangaihzia chu hai rual a ni lo. Amah atang khan hmangaihna awmzia chu eng emaw chen ka hre ve in ka hria, mi rilru nghet te hlutzia pawh ka hriat phahin chutiang mite ngaihsanawmzia pawh ka zir chhuak hial a ni.
.
PART-I
.
“Vohbik tiin ka ko ve dawn miah lo che nia”ka tih chuan a nui var var a.
.
“Engtia min koh nge i duh deuh a?”a ti a, a nui deuh ralh a.
.
“Rema tiin ka ko dawn che”ka ti a.
.
“Rema… Rema maw.. A.. Sangpuii pawh khan min ko thin asin”a ti ban chat a.
.
“I bialnu hlui khan maw? Chuti chu ka duh leh lo”ka ti a. A nui chhuak ta hak hak a.
.
“A ho lutuk, ka duh daih zawk alawm, min ko hlen ang che”a ti a.
.
“I bialnu hlui I hrechhuak fo dawn tihna a ni dawn asin”ka tih chuan a kiu in min nghawk a.
.
“Min ko rawh, ka duh alawm, min kotu a zirte pawh hian kan duh ve thin bawk a” a han ti a.
.
Ka va melh a, min lo melh ve khiau a, ka hawisawn vat a.
.
“Ka tlai dawn, min thlah phawt rawh”ka ti a, engmah sawi lo in a thutna atang chuan a tho a, min zui ve nghal mai a.
.
Kan in kan thlen chuan thingpui in turin ka sawm a, tihtur dang a neih chhuanlamin a haw tlang a, a tlan liam thleng chuan ka thlir zui a, nidangah pawh lo inkawm fo tawh thin mah ila vawiin a kan inen dan ang khan kan la inen ngai lo tih ka hria. Ka lu chu ka han thing deuh nar nar a, ka lehkhabu ken chuan ka chal chu ka han tauh a, thil ni thei lo ngaihtuah hi ka sim vat a ngai.
.
Ka hmaa lehkhabu chhah zet chu ka keu kual sek a, darkar hnih ka thutpui tawh hnu pawhin phek khat pawh ka chhiar chhuak thei lo. Ka rilruah thil dang reng reng a lut thei lo. Ka phone ri-ah chuan ka phu zawk a, rang takin ka han ban a, Vohbik-a(Rema tiin kan ziak tawh ang) hming ka hming ka hmuh chuan ka phone chu ka khumah ka vawm thla tawp a, ka thin chu a phu nghal zaih zaih bawk a, engvanga chutianga awm nge ka nih tih pawh chu ka inhre lo. A ring quit hnu chuan ka han ban de de a, whatsapp message hi a rawn thleng nghal zat a.
.
“Ka rilru ang hi I pu ve tho tih ka hria a nia”
.
Chu message chu vawithum ngawt ka chhiar a, ka hmai sa hat hat chu ka kut chuan ka han dek a, engvangin nge chutia ka zah thar tak viau tih lah ka hre bawk si lo, ka lehkhabu kawm chu ka melh reng a, hun reilote chhung lekin mihring hi a in duh mai theih dawn em ni tihte chu ka ngaihtuah chhunzawm melh melh a.
.
Class nan hman loh hlau takin in atangin ka chhuak a, kan venga MZU bus dinna lam pan chuan thaw hlawp hlawp hian ka kal a, ka thleng tep tihin Rema chu an dawr atang hian a rawn chhuak thut a, tun ang hunah dawrah a awm ngai loh avangin ka phu deuh zawk nghe nghe. Min hmuh chuan a nui var var a, ka awmdan chiah erawh ka sawi thiam lo thung.
.
“Tinge ka call I pickup duh loh a? ka message pawh min reply silo”a ti a.
.
“Ka tlai tep, ka hmanhmawh lutuk”tih pah chuan kal pelh mai ka han tum a.
.
Ka banah chuan a lo man vat a, ka han tang deuh na a min man nghet kher mai.
.
“Ka thlah ang che. Ka zawhna kha min chhang phawt rawh”a ti a.
.
“Bus in ka kal thei reng alawm, thlah ka ngai lo.”ka ti a.
.
“Hminghlu, luhlul viau lo mai teh”a ti sap a.
.
“Rema, min thlah rawh, a chi loh emai, kan vengah lehnghal hetia in pawh vak hi a mawi lo ania”ka ti a, min thlah ve mai a.
.
“Enga tinge ka message I chhan loh?”a han tin awn leh a.
.
“A chhan chu ka chhang duh lo che a ni mai”ka ti a, ka kal ta daih a.
.
Bus a lo thlen chuan ka lut vat a, ka thutna thin pangngaiah chuan ka thu a, ka han maimitchhing vang vang a, a hmangaih hmasa theihnghilh miah lo chung chuan lo inkawp ta pawh ni ila nat hun ka nei tho ang. Class lak chhung te chu rei ka ti em em a, ka engtih mah chu a nuam thei lo. Chau hnepin in ka thleng a, ka inthlak zo chu ka khumah ka bawk thlawp a, ka chau takzet a ni.
.
“Da hlu….”
.
Ampuii aw tih hriain ka eih buai lo a, ka room-ah a rawn lut tlang dawn tih ka hriat chian em vang a ni. Kawngkhar a rawn inhawng thuai a.
.
“Nula ve si mu zawl zawl reng mai”tih pahin ka bulah chuan a rawn tlu ve nghal a.
.
“Ni tin rawn kal ve la a hahthlakzia chu I hre mai ang”ka ti a.
.
“Ke pawhin in kal chuang hleinem, a ho emai”a han ti leh tawl a.
.
“Nakumah I rawn luh ve hunah I hre mai ang”ka ti a, a nui hawr hawr a.
.
“Vohbika’n min lo ko a, an dawrah a lo awm a, tukinah thlah a tum che a I lo duh lo a ni maw?”a tih chuan ka lu chu ka lo bu nghat a.
.
“Engati leh ta nge? In in hnial leh tawh mi”a ti a.
.
“Chu lam pawh a ni lo, a hla si, a chi loh lutuk, a inthlahrunawm lutuk”
.
“A peih phawt te chuan a ho emai a”
.
“A… Chutiang a ni ngawt lo”ka ti a, ka han ang deuh zuau a, ka tawp ta daih a.
.
“Zanin chu ka inkhawm peih vak lo a, mahse Vohbika tan hun kha ni sia, kan tawiawm ve ngei a ngai leh awm si a. Ka ning tlat, a active ropui si, kan lo kawm ta kher kher a ni”a ti a, a nui deuh suk a.
.
“Ka hrilh dawn nia”ka tih chuan ka hnungah chuan a rawn beng ri dawt a.
.
“A chi loh lutuk ringawt, hrehawm a ti palh ang”a ti a, kan nui dun ta hawk hawk a.
.
Assignment ka ngah em avangin ka inkhawm hman lo va, Ampuii chu ka hrilh sa avangin min rawn sawm ka ring lo. Thleng ka sil zo ka room-a ka lut tur chiah chu Rema a rawn lut a, mak tih hmel deuh hian min en a.
.
“Tinge I la insiam loh a?”a ti a.
.
“Ka lo tum lo a zanin chu”
.
“Ampuii’n va sawm rawh min ti bawk sia”a ti a. Amah vek chuan, “Assignment a ngah lutuk a, ani chu a hman ta bawk si lo a, nang tal I inkhawm lohte chuan”a han tih zawm zat a.
.
Ka phone chu a rawn ri a, Ampuii a ni tih hriain ka la vat a.
.
“Chance ka pe ang cheu, bye bye”tih leh phone dah a rual a. Ka thin a tirim kher mai.
.
Lungawi vak lo chuan ka insiam a, fiamthuna hun a nih lohzia a hre lo a ni ngei ang. Inkhawm bana ka tan anih ngat chuan ka tlaivar a ngai hial ta ve ang.
.
Kan inkhawm chhung zawng pawh chuan ka haw huna ka tihtur chuan ka rilru a luah hneh hle a, thusawi pawh mumalin ka hre lo. Inkhawm kan ban meuh chuan a lo tlai leh duai tawh a, gate pawnah Rema chuan min lo nghak a, min hmuh chuan a lo nui sak a.
.
“Assignment chu ka lo tihpui ang che”a ti a, ka va melh chuan a lo then deuh tha a.
.
“Ka ti thei alawm, a ngai hleinem”ka ti a.
.
Ka banah min kai lawp a, min kalpui ta dawr dawr a. In kan thlen chuan ka inthlak a, Rema chuan sitting room-ah TV a lo en thung. Ka lehkhabu nen ka inpawm chhuak min hmuh chuan a lo tho vat a, ka lehkhabu chu a lo la vat a, dawhkanah chuan a lo rem fel zung zung a.
.
“Ka hre reng alawm, Ampuii’n min hrilh tho a, ka rawn sawm lui che anih kha”a ti a.
.
“I van sual”ka tih chuan ti fuh inti deuh hian min nuih a.
.
“Khawi nge ka lo tih ve ang, ka thiam zawng takte pawh a ni maithei a”a ti a.
.
“I thiam ngawt ang, I subject a nia lawm le”
.
“Anih chuan han rem fel la, ka lo pui ang che”
.
Ngawi reng chuan kan ti malh malh a, a lo hnehsawh phian lehnghal a, a ruk chuan ka nui deuh reng a, hlim ang taka lan erawh ka duh leh bau lo.
.
“Thingpui va lum la, hei chu ka lo zo mai ang”a ti a.
.
Thuawih tak chuan ka tho a, ka lum nghal a. Choka dawhkanah chuan thingpui chu kan in a, a pen ken lai chuan ka kut chu a rawn hawlh deuh sek a, ka no chu ka la a ka tho ta daih a. Min rawn zui zel a, ka hawi let a, a ding dat a.
.
“I van hlauhawm em em, min melh rum vel”
.
“Nge min zui zel a? I ninawm lutuk”
.
“Aw, ka ngai che ni ve mai a”
.
“Bleh..”
.
“Naupang chhia ang hian awm fo suh, haider luih hi I ngah lutuk a, I intibuai mai mai”a han ti a.
.
“Engmah haider luih ka neih lo. Ka duhdan takin ka nung bawk a, engmah ka duh loh dana tih pawh ka nei lo bawk”ka ti ta erh a.
.
A thaw hak a, dimte hian ka darah a vuan a, ka mitah chuan chiang tak hian min melh a.
.
“Hminghlu, ka duh takzet a ni. I hria tiraw?”a ti a.
.
Ka lu chu ka thing a, ka khabeah chuan a rawn dawm a, amah chu en lo thei lo hian min siam a.
.
“Chiang deuhin min en rawh, I hrethiam duh lo lui nge I hre lo tak tak?”
.
Ka ngawi reng a, ka tal deuh at avang chuan min vawnna pawh chu a thlah a. Kan dinna bula thuthlengah chuan a thu hnawk a.
.
“I hmangaih hmasa theihnghilh lo leh la hmangaih reng chung chuan kan inkawp thei tak tak chuang lo ang. Ka thikthuchhiatzia chu ka sawi fo tawh kha, na tur ringawt a ngaihzawng neih ka duh lo”ka ti chhuak ta hlawl a.
.
“Ka la hmangaih reng tih chu ka sawi tawh reng reng em ni?”a ti sap a.
.
“A hriat vek alawm, tun thleng thlenga midang I la neih loh danah hian”ka ti a.
.
“Ka duh tak ka tawn leh tak loh vang pawh a ni maithei asin. Tunah ka tawng che a, ka rilru chu a danglam vekah lo ngai ta ila..?”
.
Ka va hawi a, min lo en reng a.
.
“Ka hre tawh bik lo le”mahni inringtawk lo zet hian ka ti a.
.
“Tihnat ka duh che I ring reng reng em?”a han ti leh a.
.
“Min tihnat chu I duh miah lo ang tih ka ring, mahse… Hun lo la awm zel turah kha nu kha lo lang ta si se, ka na tho maithei asin”
.
Ka bulah chuan a rawn thu a, duat tak hian min kuah a.
.
“Engati nge hun lo la kal tur avang chuan I buai a? Ngaihtuah buai vak a ngai hleinem, a tlachawpin chungte chu kan hmachhawn zel dawn alawm”a ti a. Amah vek chuan, “Min ring tawk la, chu chu a pawimawh ber chu a ni mai. Eng ang pawhin miin thil lo sawi mah se ka hnen atanga I hriat anih loh chuan engmah lo awih suh ang che”a ti a. Ka lu chu ka bu nghat a.
.
“Ka thikthu hi a chhe lo bikah ngai suh aw. A chhiat lutuk avangin mahni pawh hi na ka insiam fo ania”a ti a, nghet tak hian ka kuah let a.
.
PART-II
.
Ka nun chu hlimna thar ka tawn vang pawh a ni maithei, a zangkhai vah hian ka hria a. Engkimah Rema chuan min buaipuiin min ngaihsak em em reng a, ngaihsakna dawn tluka nuam hi a awm chuang lo ang. Ka phak ang tawk leh thiam ang tawkin keipawhin ka ngaihsakna chu ka lantir ve thin. Hun reilote chhung la inkawp mah ila inkawp tur dik tak kan ni tih theihin kan inpawh a, ni tin zantin inhmu chu kan inngainatna pawh a zual a ni ber. Exam mai hmabak ka nih avangin zan lamah chuan lehkha ka zir deuh chawt a, tlai lamah erawh thingpui in tur talin Rema chu a rawn kal thin. Tlai khat a rawn leng chu tv a en a, rawng ka bawlsan a, a thingpui tur ka siam zawh chuan ka v ape dawn a, a lo muthlu bam a, tiharh mai lo chuan ka en reng a, a hmel chu nidang zawng aiin ka hmu dangin ka hria.
.
“Tikhan min en reng dawn em ni?”a ti a, a nui huk a.
.
“I hah hmel hle mai vawiin tlai chu”ka ti a, thingpui chu ka pe a. Phak chap hian a lo ban a.
.
“Hah lo e, nizanah order ka siam a, ka lo meng rei deuh a, chuvang mai mai aniang”a ti a.
.
“Kan exam rei dawn si, ka ngaihsak tha hman silo che a, lo in enkawl tha viau ang che”ka ti a.
.
Ka biangah chuan a piai zeuh a.
.
“Min naupang chhe chei ziah suh”ka ti hlak a.
.
“Ka tan chuan hmeichhe naupang ang mai I ni reng alawm”a ti a.
.
“Rema..”
.
“Um..”
.
“Engtin nge hetia kan awm thut theih le.. A mak e.. Ka ngaihtuah leh thut thin”
.
“A chhan chu inkawp tur kan nih vang mawle. Nang hi chung lam khian ka tan a lo dah reng che a, chuvang chuan mipa dang lakah pawh min lo venhimsak char char alawm”a ti a.
.
Ka va melh chuan hlim hmel tak hian min lo melh de sar a.
.
“Lo inthen ta ila..”
.
“Shhh.. Chutiang chu sawi pawh sawi suh.. ‘ta ila’ tih pawh ka duh lo. Nang hi then che ka ngaihtuahnaah a awm lo hrim hrim. Nangmah pawhin min then ka duh chuang lo”a ti a.
.
A thingpui inna no ruak chu min pe a, ngawi rengin ka la a, ka tho a. No ka sil lai chuan ka hnung lam atangin ka kawngah a rawn kuah a, ka beng bul setah chuan a rawn thaw lum ham ham a.
.
“Hminghlu, ka tan hian I danglam bik lutuk, hetiang taka ka thinlung zawng zawnga ka vei leh ka ngaihsak hi tawn ka inrin ngai lo”a ti a.
.
“Mahse, hlauhthawnna hi ka la nei fo asin”ka tih chuan min kuah nghet sauh a.
.
“Hlauhthawn tur engmah a awm lo. Nang hi tuman an luahlan ngai lovang che”a ti a.
.
“Anih chuan ngaihtha deuhin ka awm thei anih chu”ka ti a, ka nui a.
.
“Keipawh ngaihtha taka awm ka duh, chu chu I mawhphurhna a ni ve thung ang”a ti a.
.
Ka lu chu ka bu nghat a.
.
Ka lehkhabu chhah zet chu ka han keu a, tukverh atanga thlifim rawh thaw heuh heuh chuan ka rilru pawh a tifim sawtin ka hria. Darkar hnih vel ka zir hnu chuan ka room tukverhah chuan lehkha pakhat hi a rawn tla lut nawlh a. Ka en liam mai a, chhar pawh ka tum lem lo. A hnu deuhah pakhat a rawn thlawk lut leh a, ka tho ta nge nge a. Thlawhna lem hmanga siam anih avangin thenawm naupang harh deuh thil tih ah ka ngai mai a. Mahse eng emaw ti tak hian en chakna riau ka nei a, ka han en chian chuan a chhungah thu a lo inziak a.
.
“Ka ngai lutuk che, hmeichhe naupangah chuan I ngaihawm ber”
.
Tukverhah chuan ka dak chhuak vat a, kan kawmchhakah chuan Rema chu a lo ding a, min hmuh chuan a nui var var a, min rawn bye bye lauh lauh a. Ka han bye let ve a, zai zirin lehkha zir leh tawh turin min ti a, amah pawh chu a kalsawn nghal a. Ka ngaihtuah zui loh theih loh hian awm dan a thiam em em a, chu mai mai pawh chuan keimahah chuan nghawng a nei thuk hle a, ka duhna te chu a zual zel a ni ber. Rilru hlim taka lehkha han zir chuan rilru te pawh a chak sawt hian ka hre thar a!
.
Hun a lo kal ve zel a, ka exam pawh ka zo fel ve ta. Ka exam zawh zan hian Rema pawh a rawn lang nghal vat a, hemi zan hian ka thian thenkhat exam zawh lawm a chaweikhawmte chu kan inah an rawn leng kawi a, a then an lo kai deuh tawh bawk nen haw mai lo chuan an awm ve ta reng a. An titi a tui tlang hlawm bawk a, tawngte chu an inchuh leh nak nak thin. Rema chuan a phone chu a bih ngar a, awmdan tur thiam a har duh ngei mai. A hnu deuhah chuan a tho nulh a, makti deuh tak hian ka hawi chho vat a.
.
“U Siami dawrah ka’n kal lawk ang e”a ti a.
.
“Eng nge I tih dawn?”ka tih chuan min chhang lo in a kal a.
.
Ka zui vat a, pawnah chuan kan ding a.
.
“Va lut rawh, I thiante an hrilhhai lutuk ang”a ti a.
.
“I rawn kal tawh dawn lo em ni?”ka ti a.
.
“Ka hmu tawh tho che lawm, va lut rawh, thiante I nei bawk sia, nuam lo an ti palh ang”a ti a.
.
Ka ngawi reng a, a awmdan teh thut avang chuan ka lawm chiah lo a ni.
.
“Ka lo be dawn che nia”a ti a, a motor-ah chuan a lut nghal a.
.
A tlan liam pawh thlir lovin inchhungah chuan ka lut ve nghal daih a. Ka thiante ho pawh haw tumin an lo tho chhuak mek a, ka la ui der viau na in an haw ta tho a. Ka room-ah chuan ka lut a, lehkhabu chhiar tur ka la chhuak a, ka phone ka switchoff a, ka chhiar ta daih a. Rei pawh ka chhiar hmanin ka hre lo, ka lo muhil mai a, ka room kawngkhar rawn inhawng de de-ah chuan ka harh hlawl a, ka nau chu a rawn lut a.
.
“A u, U Rema a rawn kal a, ka hmu duh a ti che a”a ti a.
.
“Dar engzat nge ni tawh a?”ka ti a.
.
“Dar 10 a ri chiah”tih pahin a chhuak leh nghal a.
.
Ka inngaihtuah fe hnuah ka tho ta nge nge a, sitting room-ah chuan Rema chu a lo thu tum bar a, min hmu lo ang hmakin tv chu a bih deuh ngar a. Ka nau bulah chuan ka thu a, inkhel chu tui lo zetin ka thlir ve ta reng a.
.
“U, thingpui lum la”ka nau in a tih chuan peih lo zetin choka lamah chuan ka pa rawn hei a. Dawhkan chu ka bawh a, thingpui lum chu a so hun ka nghak a. Rema chu ka bulah kal a, ka lo hre lo der tlat a.
.
“Tinge I phone I switchoff tlat a?”
.
Ka ngawi reng a.
.
“Mawh..?”
.
Ka tho a, thingpui chu ka siam mawlh mawlh a.
.
“Ka tihdik loh a awm chuan min ngaidam dawn nia”
.
Ka la ngawih reng avang chuan ka bulah a rawn ding a.
.
“Hminghlu..”a ti chang fak a.
.
“Eng nge?”ka ti bak hlar a.
.
“Ka thusawi I hria em?”
.
“Hria”
.
“Eng nge I thinrimpui ber?”a ti dam diai a.
.
“Engmah thinrimna ka nei lo”
.
“Ka haw vang kha em ni? Lungawi lo a awm ka duh miah lo ania”a ti a.
.
“Lungawi lohna ka nei lo”ka ti ta tlat a.
.
A thaw hak a. Chair chu a pawt chhuak a, a thu leh a, ka chetla chu min thlir reng a.
.
“I lungawi hma chuan ka haw lo ang”a ti a.
.
A bulah chuan ka thu a, kan ngawi dun ta reng a.
.
“I hrethiam lo mai mai nih kha, thinrim leh lungawi loa haw ka ni lo. Ka rawn be leh ang che ka tih kha, I phone I switchoff daih bawk si, min ti mangang alawm”a ti a.
.
Ka rilru a ti no zo leh vek, ka chil chu ka lem khalh a.
.
“Tha deuha inthlah ka duh zel ka tih kha, I lungawi loh hi ka phal lo hrim hrim. Hlim takin I awm tih hriat reng hi ka duh a ni”a ti a.
.
Ka kut chu a rawn vuan a, a hmer vawng vawng a.
.
“Ka tihpalh”ka ti ta sap a.
.
“A pawi lo, a pawi reng reng lo. Ka thiam loh hmasak alawm, a thleng tawh lo ang”a ti a.
.
Chumi zan atang chuan kan mizia kan inhrechiang lehzual a, ka luhlulzia leh kan chaklohna laite chu kan inhre tawn a, kan inzir tawn a ni ber. Mahse, mihring nun hi hlim reng turte, tluang purh reng turte a lo ni reng reng lo tih kan hre chho dawn chauh a lo ni.
.
PART-III
.
Kan exam zo kan chawlh chhung zawng chuan ka nutei ai kalin sikulah ka kal tlauh tlauh a, class 12 ka exam zawh atang khan kan chawlh apiangin heti hian ka kalsak ve thin a ni. A thawkte nen pawh kan innel em em tawh a, chawlh ka neih chuan ka hmel hmu turah an inngai deuh tawp tawh a ni. Ka nutei hi a hriselna a that lutuk loh avangin a hma angina a a hna a tlin ta lo deuh a, chutichung chuan amah ngeiin a naupangte chu enkawl a duh a, amah tih loh ah chuan kei hi a rin ve awmchhun ka ni leh mai a, aikal midang tumah a chhawr duh ngai lo.
.
“Lo chhuak lawk teh”
.
Ka class la zo chu Rema message ka hmu nghal a, office lam pan nghal lovin school compound pawnah chuan ka han chhuak a. A bike ah chuan a chuang a, min hmuh chuan a lo nui var var a.
.
“Ka patea fapa tunah khan Lengpuiah an rawn tum chiah a, an inah ka lo va thleng khalh dawn a, chaw ka ei nghal ang aw”a ti a.
.
A hmaa min hrilh lawk tawh anih avangin ka hnial hran lo, a helmet chu a han la thla a.
.
“Chaweikham veleh ka rawn phei nghal dawn nia”a han ti leh a.
.
“Um, I rei vaih..”ka ti a, a lo nui sak a.
.
“Va lut tawh rawh le, ka lo thlir liam ang che”a ti a.
.
Thuawih takin ka kal ve nghal mai bawk a, office-a ka lut tur chu Principal rawn chhuak tur nen kan han insu thal tawp lehnghal a, ka zak ngei mai. Kilkhat atang chuan Sir Mapuia chu a lo nui suk a, nui ring ngam silo hian a hmai chu a sen deuh hlar a, ka zah em avang chuan ka thu kun ta reng a.
.
“Min lo zui rawh”
.
Ka han hawi chhuah chuan Mapuia chu ka hmaah chuan a lo ding reng a, ngawi rengin ka zui a, school building thlanglamah chuan min kal pui zel a. Far thing buk leih bulah chuan kan ding a, thlifim a rawn thaw heuh heuh a.
.
“A van nuam em em…”ka tih chuan Mapuia chu a lo nui var var a.
.
“Ka hriat vang alawm ka hruai che”ti fuh inti zet hian a ti a. Amah vek chuan, “I zah a reh deuh huai em?”a ti zui zat a.
.
Ka lo nui ringawt a. Rei vak lo kan din hnu chuan office lamah kan let leh ta a, mi tawng tam lo tak Mapuia, ka nel theih ngai miah loh chu hemi ni atang hian kan innel ta em em mai a ni.
.
Nitin inhmua hmunkhata thawk chu kan lo innel duh khawp hi a lo ni a, Mapuia pawh chu kan in lama rawn len zui a ching ta hle a, veng inhnaih tak kan lo nih bawk avangin vawi tam tak min thlah haw bawk a, ka thiantha tak a ni ve ta reng mai.
.
Nikhat chu school lam pana ka kal lai chuan ka phone a rawn ri ral ral a, ka han en chuan Rema a lo ni. Ka pickup vat a.
.
“Thil hrilh tur pawimawh deuh mai ka nei che a, chhunah hunawl lo insiam la”a rawn ti nghal zat a.
.
Chutiang khawpa pawimawh a nih chuan tiin school canteen-a inhmuh mai a that ka ring a, chutiang tur chuan kan inbiakna chu kan titawp ta a. Chhun a nih chuan nidang ang bawkin Mapuia chuan thil ei turin min rawn sawm a, mahse Rema nen inhmuh kan tum avangin chhuanlam ka siam a, ka zui ta lo a. Rema’n min rawn call chhunzawm mai avangin canteen lam pan chuan ka chhuak nghal a. School gate bulah Rema chu a lo ding a, min hmuh chuan a lo nui var var a. An dawr lamah a buai zual lai anih avangin kan inhmu khat ve deuh bawk nen, a ngaihawm thar riau ten ka han hre thar bawk a.
.
“Hmundangah kal zawk ila, kan rei chuang nang”a han ti a.
.
Ka sana chu ka han bih zeuh a, darkar chanve vel chu hun ka la nei tih ka hria, hmanhmawh zetin bike-ah chuan ka lawn a, kan tlan ta nghal a. Kan tlan zel a, kan veng lamah kan kal tih ka hriat chuan a ngaihna ka hre lo hle a.
.
“Khawnge kan kal dawn?”ka ti hu a.
.
Rema chu a nui ri hak a, min chhang duh lo.
.
An dawr zawn kan thlen chuan a ding a, ka chhuk a, a bike a hun rem fel hnu chuan a rawn chhuk ve a. Dawr chhungah chuan min kai a. Inchung chhohna step kan pan lai chuan ka biangah min rawn fawp zeuh a.
.
“Engkim hi I tan veka ka ngaihtuah a ni”a ti sap a.
.
Ka thil hmuh avang chuan ka phu deuh zawk a, restaurant changkang zet mai a lo buaipui reng tih ka hriat chuan mak ka ti a, engkim mai chu a ropui a ni tawp mai.
.
Ka hmela mak tihna lo lang avang chuan a nui leh sak a.
.
“Kan pahnih tan bul lo tan hi ka duh a, I tui zawng a ni em ka hre lo a, mahse thalaiten kan mamawh em em chu hetiang hmun langsar si lo, hla si lo a chawlh thawvenna awm hi niin ka hria a, a ruk thei ang berin ka buaipui ve ngar ngar a ni. I duhzawng a nih ngei ka beisei”a ti a.
.
A kawngah chuan ka kuah a, min lo kuah let ve nghal zat a.
.
“Ka duhzawng tak a ni”ka ti a.
.
“Reiloteah palai rawn tirh ka duh dawn ania, min hnial lo la, rei ka rial lo ang”a ti a, ka lu chu ka bu nghat nghat a.
.
PART-IV
.
Class kan tan leh tawh avangin school lamah ka kal thei tawh lo va, nitin Tahril lamah ka liam a ngai leh tawh a. Rema pawh a restaurant hawn thar avangin a buai thei em em a, engkim a tha thei ang ber a duh avangin a hunawl zawng zawng pawh a dawr tan a hmang vek a, kan inhmu tawk tawk a ni ber. Mapuia erawh a rawn leng zui ta fo a, a chang chuan Rema hian a ngaimawh lek lek thin a, min tibuai zawnga a awm lem loh avangin han thinrim chiam ngaihna erawh a hre bik lo niin ka hria. Tlai khat ka class bang chu kan chuanna bus a chhiat avangin Vaivakawnah kan chhuk a, taxi hman mai tumin ka chang a. Chutih lai tak chuan ka bulah hian Mapuia chu a rawn ding hlawl a, kan inhmu chu kan rin lohna hmun tak anih vang a ni ang kan inen deuh hu a.
.
“Tinge hetah I din reng a?”
.
“Taxi ka chang alawm mawle”
.
“Lo chuang rawh ka lo thlah ang che”
.
“Aih, a ngai lo, taxi a haw mai a awlsam tho alawm”
.
Ka hnial tang tang hnu pawh chuan a tlan duh ta hauh lo a, hreh rilru tak chung chuan ka chuang ta nge nge a. Ka rilruah hian nuam tih lohna nasa tak ka nei a, a chhan erawh ka hre lo thung. Tlaia ei rawng ka bawl laite chuan engtin emaw tak hian ka awm a, ka rilru a nuam thei reng reng lo. Chaw kan eikham a, thlengte ka sil hnu chuan lehkha zir tumin ka room lam ka pan a, ka thleng hman tawk ang tih ah Rema whatsapp message a rawn thleng nghal a. Ka rilru nawm lohna chu ka hrechhuak dawn chiah niin ka hria.
.
“Kan pahnih tan theihtawp ka chhuah lai hian engtin tak nge I lo khawsak ve thin ang tih chu vawiin ah ka hre ta chiah, ka rilru hi a na a, awmdan thiam a har hle mai”
.
Vawihnih ka chhiar nawn a, ka thin chu a phu deuh dup dupin ka hria. Rema’n min hmu ngei a ni tih hrilh ka ngai hran lo a, a chiang tawk viau a ni. A number chu ka han dial a, call ngeia sawifiah chu thain ka hria a ni. Vawihnih a ring a, a ring quit a, a pickup duh lo. A rilru turte ka han ngaihtuah a, ka hrethiam em em a, mahse, ka insawifiahna tal ngaithla duh se engkim a fel mai chu ka ring a ni. Ka han dial leh ngat a, a la dawn lo emaw ka tih hnuah a la ve ta hram a, a aw ah chuan ngaihnobeina pakhatmah a awm lo.
.
“Rem, vawiin chungchang kha ka hrilhfiah thei che ania”tiin kan bus chhiat thu te, Mapuia nen kan inhmuh dante chu ka han hrilh a, a awih leh awih loh ka hre lo a, a ngaithla tih erawh ka hria.
.
“I awih loh chuan sawi tur dang ka hre lo, I thu thu ni mai”tiin phone chu ka dah a, ka mittui chu a rawn hnam sawk a, tinge chutianga ka awm ka hre lo.
.
Ka lehkhabu ka keu a, ka rilruah pakhatmah a lang lo. Ka khup leh ringawt a, khumah chuan ka mu zal a, mi rin loh nih hi a lo va na duh dawn em tihte chu ka ngaihtuah daih a. Minute 15 vel a ral leh hnu chuan ka nuin min rawn ko a, Rema rawn len thu a rawn sawi chuan ka khumah chuan ka thu nghal zawt a. Ka mit sen deuh ram avang chuan ka hmai ka han phih sawk sawk a, ka sam chu ka tuai puat a, hmanhmawh lutuk duh lovin sitting room lam ka pan a, ka nu leh pa ep zawngin Rema chu a lo thu a, a inngaihtuah muk hmel khawpin ka hria. A thutna bula Sofa single kan hunah chuan ka thu a, ka nu leh pa te nen an titi chu ka ngaithla reng a, a khat tawkin min rawn melh leh zauh thin tih ka hria. Rei vaklo hnuah ka nu leh pate chuan an room lamah min luhsan a, Rema chuan a bula thu tur chuan min han sawm a, ka kal mai duh lo. Ka banah a rawn kai a, a bulah chuan min thuttir a.
.
“Hminghlu, ka thinrimna kha a awm lo viau em ni?”a ti a.
.
Chhan ngaihna ka hre lo, ka ngawi reng a. A phone a rawn phawrh a, whatsapp ah lutin a phone chu min pe a. Sangpuii tih hming chuan message engemaw zat a lo thawn a, ka phu deuh zawk a.
.
“Khang message zozai kha chhang ta ila, engtin nge I ngaih ang?”a ti daih a.
.
“Ka thin a rim ang”ka ti a, ka tawt nghal up upin ka hria.
.
“Mahse, pakhat pawh kha ka chhang lo. A chhan chu nangmah ka hmangaih vang che a ni. I rilru tihnat ka duh lo a, min rinna tihchhiat hi ka duh lo bawk”a ti a. Amah vek chuan, “Ka ngaihsak tha hman lo che tih ka hria, hrehawm pawh ka ti. A tam thei ang ber I bula hun hman pawh ka duh lutuk, mahse I hriat angin tun dinhmunah chuan ka chhuak tam thei lo, chung zawng zawng pawh chu kan hmalam hun atan veka ti ka ni. Chu chu ka lo tisual a, thahnem ka ngaih lutuk avanga kan inkar a chhiat dawn ai chuan engkim hi ka titawp thei”a ti a. A thusawi peng tin mai chu uluk taka a ngaihtuah hnua a sawi tih chu ka hria.
.
“Rema, ka tihpalh lutuk, I thiam loh engmah a awm lo. Chutiang bawkin ka tan hun I neih tlemnaah hian vuina pawh ka nei lo. Mapuia chungchangah erawh ka thiam lo tih ka hria, I rilru natna tur khawpa ka lo awm avang pawhin pawi ka ti a, kan inkar tichhe thei engmah a awm ka phal tawh lo ang”ka ti a.
.
Min kuah a, a mize dam thlup mai kha ka hmu leh rang kher mai, ka biangah chuan a fawp zeuh a.
.
“Khapa kha engvanga thik em em nge ka nih ka hre lo, ka thik thlawt a ni”a ti hlawl a.
.
“Engah mah a tluk hleinem che”ka tih chuan a nui sak a.
.
“Kei aiin a pumrua kha a lian zawk a, ka cho lo deuh tlat a ni”a han ti fiamthu a.
.
“Ka ngai thei lutuk che”ka ti a, “Kei pawhin ka ngai thei lutuk che alawm, engtik lai mah pawh hian ka ngaihtuah che a, I hlim lo ang tih hi ka hlau ber”a ti a.
.
Zan rei tak thleng a len hnuah inngai tak chungin min hawsan a, a haw hnu pawh chuan ka ngai zui vang vang mai. In a thlen hnuah min rawn call leh thlap a, a hmaa ka rilru nawm lohna zawng zawng pawh a bo zo ta.
-Mami Lalhmangaihzuali Chawngthu
.
"Rema'n accident a tawk a, tunah Civil Hospital an panpui mek, kan rawn sawm ang che"
.
Ka thiannu Ampuii message ka chhiar zawh rual chiah chuan ka mutna atangin ka tho chhuak hlawl a, tih hmasak ber tur hre lo in dressing table hmaah chuan ka ding reng a, "Remruat, chhel takin aw"tiin ka phun sap a. Ka mittui chu a tlak lai pawh ka hre lo, ka han hru tawk a, wardrobe atangin ka jacket ka la chhuak a, scooty chahbi chu ka la a, ka tlan chhuak ta vang vang a. Khua chu a thim chhah deuh mup a, tlanna lam tur hrelo in ka tlan kual a, Rema ka ngaihtuahna chuan chawl miah lo hian min zui reng bawk a, ka han thaw kawk kawk a, keimah vang a ni tih chu ka thinlungah a chiang em em a, mahni inthiam lohna in min zui bawk a, ka dan sen loh ka mittui a rawn luang zung zung a.
.
"Vohbik Lalremruat ka nia"
.
Kan nui ham ham a.
.
"Hming chu Kalvari deuh ve.."ka lo ti sap a, zah hmel deuh hian min rawn melh a, ka lo then deuh tha a, za vak lo hian a nui ve hak a.
.
Ka thiannu Ampuii te thenawm mai ah an rawn insawn a, ktp thil tih nikhuaah kan inzui ta fo a, reiloteah thian tha tak kan ni chho ta mai a. Mipa nun tlang tak a ni a, tawng tam lo leh mi pawi sawi hlau tak a ni. Kan inzui nasa bawk a, kan mizia tha lai leh chhe lai pawh kan inhre thawkhat viau a, hmeichhe lama a lerh lohzia ka hrechiang hle bawk. A tleirawl tirah hmangaih tak a tawng a, chhungte thu inhmuh rem loh avangin an inthen a, mahse a la hmangaihzia chu hai rual a ni lo. Amah atang khan hmangaihna awmzia chu eng emaw chen ka hre ve in ka hria, mi rilru nghet te hlutzia pawh ka hriat phahin chutiang mite ngaihsanawmzia pawh ka zir chhuak hial a ni.
.
PART-I
.
“Vohbik tiin ka ko ve dawn miah lo che nia”ka tih chuan a nui var var a.
.
“Engtia min koh nge i duh deuh a?”a ti a, a nui deuh ralh a.
.
“Rema tiin ka ko dawn che”ka ti a.
.
“Rema… Rema maw.. A.. Sangpuii pawh khan min ko thin asin”a ti ban chat a.
.
“I bialnu hlui khan maw? Chuti chu ka duh leh lo”ka ti a. A nui chhuak ta hak hak a.
.
“A ho lutuk, ka duh daih zawk alawm, min ko hlen ang che”a ti a.
.
“I bialnu hlui I hrechhuak fo dawn tihna a ni dawn asin”ka tih chuan a kiu in min nghawk a.
.
“Min ko rawh, ka duh alawm, min kotu a zirte pawh hian kan duh ve thin bawk a” a han ti a.
.
Ka va melh a, min lo melh ve khiau a, ka hawisawn vat a.
.
“Ka tlai dawn, min thlah phawt rawh”ka ti a, engmah sawi lo in a thutna atang chuan a tho a, min zui ve nghal mai a.
.
Kan in kan thlen chuan thingpui in turin ka sawm a, tihtur dang a neih chhuanlamin a haw tlang a, a tlan liam thleng chuan ka thlir zui a, nidangah pawh lo inkawm fo tawh thin mah ila vawiin a kan inen dan ang khan kan la inen ngai lo tih ka hria. Ka lu chu ka han thing deuh nar nar a, ka lehkhabu ken chuan ka chal chu ka han tauh a, thil ni thei lo ngaihtuah hi ka sim vat a ngai.
.
Ka hmaa lehkhabu chhah zet chu ka keu kual sek a, darkar hnih ka thutpui tawh hnu pawhin phek khat pawh ka chhiar chhuak thei lo. Ka rilruah thil dang reng reng a lut thei lo. Ka phone ri-ah chuan ka phu zawk a, rang takin ka han ban a, Vohbik-a(Rema tiin kan ziak tawh ang) hming ka hming ka hmuh chuan ka phone chu ka khumah ka vawm thla tawp a, ka thin chu a phu nghal zaih zaih bawk a, engvanga chutianga awm nge ka nih tih pawh chu ka inhre lo. A ring quit hnu chuan ka han ban de de a, whatsapp message hi a rawn thleng nghal zat a.
.
“Ka rilru ang hi I pu ve tho tih ka hria a nia”
.
Chu message chu vawithum ngawt ka chhiar a, ka hmai sa hat hat chu ka kut chuan ka han dek a, engvangin nge chutia ka zah thar tak viau tih lah ka hre bawk si lo, ka lehkhabu kawm chu ka melh reng a, hun reilote chhung lekin mihring hi a in duh mai theih dawn em ni tihte chu ka ngaihtuah chhunzawm melh melh a.
.
Class nan hman loh hlau takin in atangin ka chhuak a, kan venga MZU bus dinna lam pan chuan thaw hlawp hlawp hian ka kal a, ka thleng tep tihin Rema chu an dawr atang hian a rawn chhuak thut a, tun ang hunah dawrah a awm ngai loh avangin ka phu deuh zawk nghe nghe. Min hmuh chuan a nui var var a, ka awmdan chiah erawh ka sawi thiam lo thung.
.
“Tinge ka call I pickup duh loh a? ka message pawh min reply silo”a ti a.
.
“Ka tlai tep, ka hmanhmawh lutuk”tih pah chuan kal pelh mai ka han tum a.
.
Ka banah chuan a lo man vat a, ka han tang deuh na a min man nghet kher mai.
.
“Ka thlah ang che. Ka zawhna kha min chhang phawt rawh”a ti a.
.
“Bus in ka kal thei reng alawm, thlah ka ngai lo.”ka ti a.
.
“Hminghlu, luhlul viau lo mai teh”a ti sap a.
.
“Rema, min thlah rawh, a chi loh emai, kan vengah lehnghal hetia in pawh vak hi a mawi lo ania”ka ti a, min thlah ve mai a.
.
“Enga tinge ka message I chhan loh?”a han tin awn leh a.
.
“A chhan chu ka chhang duh lo che a ni mai”ka ti a, ka kal ta daih a.
.
Bus a lo thlen chuan ka lut vat a, ka thutna thin pangngaiah chuan ka thu a, ka han maimitchhing vang vang a, a hmangaih hmasa theihnghilh miah lo chung chuan lo inkawp ta pawh ni ila nat hun ka nei tho ang. Class lak chhung te chu rei ka ti em em a, ka engtih mah chu a nuam thei lo. Chau hnepin in ka thleng a, ka inthlak zo chu ka khumah ka bawk thlawp a, ka chau takzet a ni.
.
“Da hlu….”
.
Ampuii aw tih hriain ka eih buai lo a, ka room-ah a rawn lut tlang dawn tih ka hriat chian em vang a ni. Kawngkhar a rawn inhawng thuai a.
.
“Nula ve si mu zawl zawl reng mai”tih pahin ka bulah chuan a rawn tlu ve nghal a.
.
“Ni tin rawn kal ve la a hahthlakzia chu I hre mai ang”ka ti a.
.
“Ke pawhin in kal chuang hleinem, a ho emai”a han ti leh tawl a.
.
“Nakumah I rawn luh ve hunah I hre mai ang”ka ti a, a nui hawr hawr a.
.
“Vohbika’n min lo ko a, an dawrah a lo awm a, tukinah thlah a tum che a I lo duh lo a ni maw?”a tih chuan ka lu chu ka lo bu nghat a.
.
“Engati leh ta nge? In in hnial leh tawh mi”a ti a.
.
“Chu lam pawh a ni lo, a hla si, a chi loh lutuk, a inthlahrunawm lutuk”
.
“A peih phawt te chuan a ho emai a”
.
“A… Chutiang a ni ngawt lo”ka ti a, ka han ang deuh zuau a, ka tawp ta daih a.
.
“Zanin chu ka inkhawm peih vak lo a, mahse Vohbika tan hun kha ni sia, kan tawiawm ve ngei a ngai leh awm si a. Ka ning tlat, a active ropui si, kan lo kawm ta kher kher a ni”a ti a, a nui deuh suk a.
.
“Ka hrilh dawn nia”ka tih chuan ka hnungah chuan a rawn beng ri dawt a.
.
“A chi loh lutuk ringawt, hrehawm a ti palh ang”a ti a, kan nui dun ta hawk hawk a.
.
Assignment ka ngah em avangin ka inkhawm hman lo va, Ampuii chu ka hrilh sa avangin min rawn sawm ka ring lo. Thleng ka sil zo ka room-a ka lut tur chiah chu Rema a rawn lut a, mak tih hmel deuh hian min en a.
.
“Tinge I la insiam loh a?”a ti a.
.
“Ka lo tum lo a zanin chu”
.
“Ampuii’n va sawm rawh min ti bawk sia”a ti a. Amah vek chuan, “Assignment a ngah lutuk a, ani chu a hman ta bawk si lo a, nang tal I inkhawm lohte chuan”a han tih zawm zat a.
.
Ka phone chu a rawn ri a, Ampuii a ni tih hriain ka la vat a.
.
“Chance ka pe ang cheu, bye bye”tih leh phone dah a rual a. Ka thin a tirim kher mai.
.
Lungawi vak lo chuan ka insiam a, fiamthuna hun a nih lohzia a hre lo a ni ngei ang. Inkhawm bana ka tan anih ngat chuan ka tlaivar a ngai hial ta ve ang.
.
Kan inkhawm chhung zawng pawh chuan ka haw huna ka tihtur chuan ka rilru a luah hneh hle a, thusawi pawh mumalin ka hre lo. Inkhawm kan ban meuh chuan a lo tlai leh duai tawh a, gate pawnah Rema chuan min lo nghak a, min hmuh chuan a lo nui sak a.
.
“Assignment chu ka lo tihpui ang che”a ti a, ka va melh chuan a lo then deuh tha a.
.
“Ka ti thei alawm, a ngai hleinem”ka ti a.
.
Ka banah min kai lawp a, min kalpui ta dawr dawr a. In kan thlen chuan ka inthlak a, Rema chuan sitting room-ah TV a lo en thung. Ka lehkhabu nen ka inpawm chhuak min hmuh chuan a lo tho vat a, ka lehkhabu chu a lo la vat a, dawhkanah chuan a lo rem fel zung zung a.
.
“Ka hre reng alawm, Ampuii’n min hrilh tho a, ka rawn sawm lui che anih kha”a ti a.
.
“I van sual”ka tih chuan ti fuh inti deuh hian min nuih a.
.
“Khawi nge ka lo tih ve ang, ka thiam zawng takte pawh a ni maithei a”a ti a.
.
“I thiam ngawt ang, I subject a nia lawm le”
.
“Anih chuan han rem fel la, ka lo pui ang che”
.
Ngawi reng chuan kan ti malh malh a, a lo hnehsawh phian lehnghal a, a ruk chuan ka nui deuh reng a, hlim ang taka lan erawh ka duh leh bau lo.
.
“Thingpui va lum la, hei chu ka lo zo mai ang”a ti a.
.
Thuawih tak chuan ka tho a, ka lum nghal a. Choka dawhkanah chuan thingpui chu kan in a, a pen ken lai chuan ka kut chu a rawn hawlh deuh sek a, ka no chu ka la a ka tho ta daih a. Min rawn zui zel a, ka hawi let a, a ding dat a.
.
“I van hlauhawm em em, min melh rum vel”
.
“Nge min zui zel a? I ninawm lutuk”
.
“Aw, ka ngai che ni ve mai a”
.
“Bleh..”
.
“Naupang chhia ang hian awm fo suh, haider luih hi I ngah lutuk a, I intibuai mai mai”a han ti a.
.
“Engmah haider luih ka neih lo. Ka duhdan takin ka nung bawk a, engmah ka duh loh dana tih pawh ka nei lo bawk”ka ti ta erh a.
.
A thaw hak a, dimte hian ka darah a vuan a, ka mitah chuan chiang tak hian min melh a.
.
“Hminghlu, ka duh takzet a ni. I hria tiraw?”a ti a.
.
Ka lu chu ka thing a, ka khabeah chuan a rawn dawm a, amah chu en lo thei lo hian min siam a.
.
“Chiang deuhin min en rawh, I hrethiam duh lo lui nge I hre lo tak tak?”
.
Ka ngawi reng a, ka tal deuh at avang chuan min vawnna pawh chu a thlah a. Kan dinna bula thuthlengah chuan a thu hnawk a.
.
“I hmangaih hmasa theihnghilh lo leh la hmangaih reng chung chuan kan inkawp thei tak tak chuang lo ang. Ka thikthuchhiatzia chu ka sawi fo tawh kha, na tur ringawt a ngaihzawng neih ka duh lo”ka ti chhuak ta hlawl a.
.
“Ka la hmangaih reng tih chu ka sawi tawh reng reng em ni?”a ti sap a.
.
“A hriat vek alawm, tun thleng thlenga midang I la neih loh danah hian”ka ti a.
.
“Ka duh tak ka tawn leh tak loh vang pawh a ni maithei asin. Tunah ka tawng che a, ka rilru chu a danglam vekah lo ngai ta ila..?”
.
Ka va hawi a, min lo en reng a.
.
“Ka hre tawh bik lo le”mahni inringtawk lo zet hian ka ti a.
.
“Tihnat ka duh che I ring reng reng em?”a han ti leh a.
.
“Min tihnat chu I duh miah lo ang tih ka ring, mahse… Hun lo la awm zel turah kha nu kha lo lang ta si se, ka na tho maithei asin”
.
Ka bulah chuan a rawn thu a, duat tak hian min kuah a.
.
“Engati nge hun lo la kal tur avang chuan I buai a? Ngaihtuah buai vak a ngai hleinem, a tlachawpin chungte chu kan hmachhawn zel dawn alawm”a ti a. Amah vek chuan, “Min ring tawk la, chu chu a pawimawh ber chu a ni mai. Eng ang pawhin miin thil lo sawi mah se ka hnen atanga I hriat anih loh chuan engmah lo awih suh ang che”a ti a. Ka lu chu ka bu nghat a.
.
“Ka thikthu hi a chhe lo bikah ngai suh aw. A chhiat lutuk avangin mahni pawh hi na ka insiam fo ania”a ti a, nghet tak hian ka kuah let a.
.
PART-II
.
Ka nun chu hlimna thar ka tawn vang pawh a ni maithei, a zangkhai vah hian ka hria a. Engkimah Rema chuan min buaipuiin min ngaihsak em em reng a, ngaihsakna dawn tluka nuam hi a awm chuang lo ang. Ka phak ang tawk leh thiam ang tawkin keipawhin ka ngaihsakna chu ka lantir ve thin. Hun reilote chhung la inkawp mah ila inkawp tur dik tak kan ni tih theihin kan inpawh a, ni tin zantin inhmu chu kan inngainatna pawh a zual a ni ber. Exam mai hmabak ka nih avangin zan lamah chuan lehkha ka zir deuh chawt a, tlai lamah erawh thingpui in tur talin Rema chu a rawn kal thin. Tlai khat a rawn leng chu tv a en a, rawng ka bawlsan a, a thingpui tur ka siam zawh chuan ka v ape dawn a, a lo muthlu bam a, tiharh mai lo chuan ka en reng a, a hmel chu nidang zawng aiin ka hmu dangin ka hria.
.
“Tikhan min en reng dawn em ni?”a ti a, a nui huk a.
.
“I hah hmel hle mai vawiin tlai chu”ka ti a, thingpui chu ka pe a. Phak chap hian a lo ban a.
.
“Hah lo e, nizanah order ka siam a, ka lo meng rei deuh a, chuvang mai mai aniang”a ti a.
.
“Kan exam rei dawn si, ka ngaihsak tha hman silo che a, lo in enkawl tha viau ang che”ka ti a.
.
Ka biangah chuan a piai zeuh a.
.
“Min naupang chhe chei ziah suh”ka ti hlak a.
.
“Ka tan chuan hmeichhe naupang ang mai I ni reng alawm”a ti a.
.
“Rema..”
.
“Um..”
.
“Engtin nge hetia kan awm thut theih le.. A mak e.. Ka ngaihtuah leh thut thin”
.
“A chhan chu inkawp tur kan nih vang mawle. Nang hi chung lam khian ka tan a lo dah reng che a, chuvang chuan mipa dang lakah pawh min lo venhimsak char char alawm”a ti a.
.
Ka va melh chuan hlim hmel tak hian min lo melh de sar a.
.
“Lo inthen ta ila..”
.
“Shhh.. Chutiang chu sawi pawh sawi suh.. ‘ta ila’ tih pawh ka duh lo. Nang hi then che ka ngaihtuahnaah a awm lo hrim hrim. Nangmah pawhin min then ka duh chuang lo”a ti a.
.
A thingpui inna no ruak chu min pe a, ngawi rengin ka la a, ka tho a. No ka sil lai chuan ka hnung lam atangin ka kawngah a rawn kuah a, ka beng bul setah chuan a rawn thaw lum ham ham a.
.
“Hminghlu, ka tan hian I danglam bik lutuk, hetiang taka ka thinlung zawng zawnga ka vei leh ka ngaihsak hi tawn ka inrin ngai lo”a ti a.
.
“Mahse, hlauhthawnna hi ka la nei fo asin”ka tih chuan min kuah nghet sauh a.
.
“Hlauhthawn tur engmah a awm lo. Nang hi tuman an luahlan ngai lovang che”a ti a.
.
“Anih chuan ngaihtha deuhin ka awm thei anih chu”ka ti a, ka nui a.
.
“Keipawh ngaihtha taka awm ka duh, chu chu I mawhphurhna a ni ve thung ang”a ti a.
.
Ka lu chu ka bu nghat a.
.
Ka lehkhabu chhah zet chu ka han keu a, tukverh atanga thlifim rawh thaw heuh heuh chuan ka rilru pawh a tifim sawtin ka hria. Darkar hnih vel ka zir hnu chuan ka room tukverhah chuan lehkha pakhat hi a rawn tla lut nawlh a. Ka en liam mai a, chhar pawh ka tum lem lo. A hnu deuhah pakhat a rawn thlawk lut leh a, ka tho ta nge nge a. Thlawhna lem hmanga siam anih avangin thenawm naupang harh deuh thil tih ah ka ngai mai a. Mahse eng emaw ti tak hian en chakna riau ka nei a, ka han en chian chuan a chhungah thu a lo inziak a.
.
“Ka ngai lutuk che, hmeichhe naupangah chuan I ngaihawm ber”
.
Tukverhah chuan ka dak chhuak vat a, kan kawmchhakah chuan Rema chu a lo ding a, min hmuh chuan a nui var var a, min rawn bye bye lauh lauh a. Ka han bye let ve a, zai zirin lehkha zir leh tawh turin min ti a, amah pawh chu a kalsawn nghal a. Ka ngaihtuah zui loh theih loh hian awm dan a thiam em em a, chu mai mai pawh chuan keimahah chuan nghawng a nei thuk hle a, ka duhna te chu a zual zel a ni ber. Rilru hlim taka lehkha han zir chuan rilru te pawh a chak sawt hian ka hre thar a!
.
Hun a lo kal ve zel a, ka exam pawh ka zo fel ve ta. Ka exam zawh zan hian Rema pawh a rawn lang nghal vat a, hemi zan hian ka thian thenkhat exam zawh lawm a chaweikhawmte chu kan inah an rawn leng kawi a, a then an lo kai deuh tawh bawk nen haw mai lo chuan an awm ve ta reng a. An titi a tui tlang hlawm bawk a, tawngte chu an inchuh leh nak nak thin. Rema chuan a phone chu a bih ngar a, awmdan tur thiam a har duh ngei mai. A hnu deuhah chuan a tho nulh a, makti deuh tak hian ka hawi chho vat a.
.
“U Siami dawrah ka’n kal lawk ang e”a ti a.
.
“Eng nge I tih dawn?”ka tih chuan min chhang lo in a kal a.
.
Ka zui vat a, pawnah chuan kan ding a.
.
“Va lut rawh, I thiante an hrilhhai lutuk ang”a ti a.
.
“I rawn kal tawh dawn lo em ni?”ka ti a.
.
“Ka hmu tawh tho che lawm, va lut rawh, thiante I nei bawk sia, nuam lo an ti palh ang”a ti a.
.
Ka ngawi reng a, a awmdan teh thut avang chuan ka lawm chiah lo a ni.
.
“Ka lo be dawn che nia”a ti a, a motor-ah chuan a lut nghal a.
.
A tlan liam pawh thlir lovin inchhungah chuan ka lut ve nghal daih a. Ka thiante ho pawh haw tumin an lo tho chhuak mek a, ka la ui der viau na in an haw ta tho a. Ka room-ah chuan ka lut a, lehkhabu chhiar tur ka la chhuak a, ka phone ka switchoff a, ka chhiar ta daih a. Rei pawh ka chhiar hmanin ka hre lo, ka lo muhil mai a, ka room kawngkhar rawn inhawng de de-ah chuan ka harh hlawl a, ka nau chu a rawn lut a.
.
“A u, U Rema a rawn kal a, ka hmu duh a ti che a”a ti a.
.
“Dar engzat nge ni tawh a?”ka ti a.
.
“Dar 10 a ri chiah”tih pahin a chhuak leh nghal a.
.
Ka inngaihtuah fe hnuah ka tho ta nge nge a, sitting room-ah chuan Rema chu a lo thu tum bar a, min hmu lo ang hmakin tv chu a bih deuh ngar a. Ka nau bulah chuan ka thu a, inkhel chu tui lo zetin ka thlir ve ta reng a.
.
“U, thingpui lum la”ka nau in a tih chuan peih lo zetin choka lamah chuan ka pa rawn hei a. Dawhkan chu ka bawh a, thingpui lum chu a so hun ka nghak a. Rema chu ka bulah kal a, ka lo hre lo der tlat a.
.
“Tinge I phone I switchoff tlat a?”
.
Ka ngawi reng a.
.
“Mawh..?”
.
Ka tho a, thingpui chu ka siam mawlh mawlh a.
.
“Ka tihdik loh a awm chuan min ngaidam dawn nia”
.
Ka la ngawih reng avang chuan ka bulah a rawn ding a.
.
“Hminghlu..”a ti chang fak a.
.
“Eng nge?”ka ti bak hlar a.
.
“Ka thusawi I hria em?”
.
“Hria”
.
“Eng nge I thinrimpui ber?”a ti dam diai a.
.
“Engmah thinrimna ka nei lo”
.
“Ka haw vang kha em ni? Lungawi lo a awm ka duh miah lo ania”a ti a.
.
“Lungawi lohna ka nei lo”ka ti ta tlat a.
.
A thaw hak a. Chair chu a pawt chhuak a, a thu leh a, ka chetla chu min thlir reng a.
.
“I lungawi hma chuan ka haw lo ang”a ti a.
.
A bulah chuan ka thu a, kan ngawi dun ta reng a.
.
“I hrethiam lo mai mai nih kha, thinrim leh lungawi loa haw ka ni lo. Ka rawn be leh ang che ka tih kha, I phone I switchoff daih bawk si, min ti mangang alawm”a ti a.
.
Ka rilru a ti no zo leh vek, ka chil chu ka lem khalh a.
.
“Tha deuha inthlah ka duh zel ka tih kha, I lungawi loh hi ka phal lo hrim hrim. Hlim takin I awm tih hriat reng hi ka duh a ni”a ti a.
.
Ka kut chu a rawn vuan a, a hmer vawng vawng a.
.
“Ka tihpalh”ka ti ta sap a.
.
“A pawi lo, a pawi reng reng lo. Ka thiam loh hmasak alawm, a thleng tawh lo ang”a ti a.
.
Chumi zan atang chuan kan mizia kan inhrechiang lehzual a, ka luhlulzia leh kan chaklohna laite chu kan inhre tawn a, kan inzir tawn a ni ber. Mahse, mihring nun hi hlim reng turte, tluang purh reng turte a lo ni reng reng lo tih kan hre chho dawn chauh a lo ni.
.
PART-III
.
Kan exam zo kan chawlh chhung zawng chuan ka nutei ai kalin sikulah ka kal tlauh tlauh a, class 12 ka exam zawh atang khan kan chawlh apiangin heti hian ka kalsak ve thin a ni. A thawkte nen pawh kan innel em em tawh a, chawlh ka neih chuan ka hmel hmu turah an inngai deuh tawp tawh a ni. Ka nutei hi a hriselna a that lutuk loh avangin a hma angina a a hna a tlin ta lo deuh a, chutichung chuan amah ngeiin a naupangte chu enkawl a duh a, amah tih loh ah chuan kei hi a rin ve awmchhun ka ni leh mai a, aikal midang tumah a chhawr duh ngai lo.
.
“Lo chhuak lawk teh”
.
Ka class la zo chu Rema message ka hmu nghal a, office lam pan nghal lovin school compound pawnah chuan ka han chhuak a. A bike ah chuan a chuang a, min hmuh chuan a lo nui var var a.
.
“Ka patea fapa tunah khan Lengpuiah an rawn tum chiah a, an inah ka lo va thleng khalh dawn a, chaw ka ei nghal ang aw”a ti a.
.
A hmaa min hrilh lawk tawh anih avangin ka hnial hran lo, a helmet chu a han la thla a.
.
“Chaweikham veleh ka rawn phei nghal dawn nia”a han ti leh a.
.
“Um, I rei vaih..”ka ti a, a lo nui sak a.
.
“Va lut tawh rawh le, ka lo thlir liam ang che”a ti a.
.
Thuawih takin ka kal ve nghal mai bawk a, office-a ka lut tur chu Principal rawn chhuak tur nen kan han insu thal tawp lehnghal a, ka zak ngei mai. Kilkhat atang chuan Sir Mapuia chu a lo nui suk a, nui ring ngam silo hian a hmai chu a sen deuh hlar a, ka zah em avang chuan ka thu kun ta reng a.
.
“Min lo zui rawh”
.
Ka han hawi chhuah chuan Mapuia chu ka hmaah chuan a lo ding reng a, ngawi rengin ka zui a, school building thlanglamah chuan min kal pui zel a. Far thing buk leih bulah chuan kan ding a, thlifim a rawn thaw heuh heuh a.
.
“A van nuam em em…”ka tih chuan Mapuia chu a lo nui var var a.
.
“Ka hriat vang alawm ka hruai che”ti fuh inti zet hian a ti a. Amah vek chuan, “I zah a reh deuh huai em?”a ti zui zat a.
.
Ka lo nui ringawt a. Rei vak lo kan din hnu chuan office lamah kan let leh ta a, mi tawng tam lo tak Mapuia, ka nel theih ngai miah loh chu hemi ni atang hian kan innel ta em em mai a ni.
.
Nitin inhmua hmunkhata thawk chu kan lo innel duh khawp hi a lo ni a, Mapuia pawh chu kan in lama rawn len zui a ching ta hle a, veng inhnaih tak kan lo nih bawk avangin vawi tam tak min thlah haw bawk a, ka thiantha tak a ni ve ta reng mai.
.
Nikhat chu school lam pana ka kal lai chuan ka phone a rawn ri ral ral a, ka han en chuan Rema a lo ni. Ka pickup vat a.
.
“Thil hrilh tur pawimawh deuh mai ka nei che a, chhunah hunawl lo insiam la”a rawn ti nghal zat a.
.
Chutiang khawpa pawimawh a nih chuan tiin school canteen-a inhmuh mai a that ka ring a, chutiang tur chuan kan inbiakna chu kan titawp ta a. Chhun a nih chuan nidang ang bawkin Mapuia chuan thil ei turin min rawn sawm a, mahse Rema nen inhmuh kan tum avangin chhuanlam ka siam a, ka zui ta lo a. Rema’n min rawn call chhunzawm mai avangin canteen lam pan chuan ka chhuak nghal a. School gate bulah Rema chu a lo ding a, min hmuh chuan a lo nui var var a. An dawr lamah a buai zual lai anih avangin kan inhmu khat ve deuh bawk nen, a ngaihawm thar riau ten ka han hre thar bawk a.
.
“Hmundangah kal zawk ila, kan rei chuang nang”a han ti a.
.
Ka sana chu ka han bih zeuh a, darkar chanve vel chu hun ka la nei tih ka hria, hmanhmawh zetin bike-ah chuan ka lawn a, kan tlan ta nghal a. Kan tlan zel a, kan veng lamah kan kal tih ka hriat chuan a ngaihna ka hre lo hle a.
.
“Khawnge kan kal dawn?”ka ti hu a.
.
Rema chu a nui ri hak a, min chhang duh lo.
.
An dawr zawn kan thlen chuan a ding a, ka chhuk a, a bike a hun rem fel hnu chuan a rawn chhuk ve a. Dawr chhungah chuan min kai a. Inchung chhohna step kan pan lai chuan ka biangah min rawn fawp zeuh a.
.
“Engkim hi I tan veka ka ngaihtuah a ni”a ti sap a.
.
Ka thil hmuh avang chuan ka phu deuh zawk a, restaurant changkang zet mai a lo buaipui reng tih ka hriat chuan mak ka ti a, engkim mai chu a ropui a ni tawp mai.
.
Ka hmela mak tihna lo lang avang chuan a nui leh sak a.
.
“Kan pahnih tan bul lo tan hi ka duh a, I tui zawng a ni em ka hre lo a, mahse thalaiten kan mamawh em em chu hetiang hmun langsar si lo, hla si lo a chawlh thawvenna awm hi niin ka hria a, a ruk thei ang berin ka buaipui ve ngar ngar a ni. I duhzawng a nih ngei ka beisei”a ti a.
.
A kawngah chuan ka kuah a, min lo kuah let ve nghal zat a.
.
“Ka duhzawng tak a ni”ka ti a.
.
“Reiloteah palai rawn tirh ka duh dawn ania, min hnial lo la, rei ka rial lo ang”a ti a, ka lu chu ka bu nghat nghat a.
.
PART-IV
.
Class kan tan leh tawh avangin school lamah ka kal thei tawh lo va, nitin Tahril lamah ka liam a ngai leh tawh a. Rema pawh a restaurant hawn thar avangin a buai thei em em a, engkim a tha thei ang ber a duh avangin a hunawl zawng zawng pawh a dawr tan a hmang vek a, kan inhmu tawk tawk a ni ber. Mapuia erawh a rawn leng zui ta fo a, a chang chuan Rema hian a ngaimawh lek lek thin a, min tibuai zawnga a awm lem loh avangin han thinrim chiam ngaihna erawh a hre bik lo niin ka hria. Tlai khat ka class bang chu kan chuanna bus a chhiat avangin Vaivakawnah kan chhuk a, taxi hman mai tumin ka chang a. Chutih lai tak chuan ka bulah hian Mapuia chu a rawn ding hlawl a, kan inhmu chu kan rin lohna hmun tak anih vang a ni ang kan inen deuh hu a.
.
“Tinge hetah I din reng a?”
.
“Taxi ka chang alawm mawle”
.
“Lo chuang rawh ka lo thlah ang che”
.
“Aih, a ngai lo, taxi a haw mai a awlsam tho alawm”
.
Ka hnial tang tang hnu pawh chuan a tlan duh ta hauh lo a, hreh rilru tak chung chuan ka chuang ta nge nge a. Ka rilruah hian nuam tih lohna nasa tak ka nei a, a chhan erawh ka hre lo thung. Tlaia ei rawng ka bawl laite chuan engtin emaw tak hian ka awm a, ka rilru a nuam thei reng reng lo. Chaw kan eikham a, thlengte ka sil hnu chuan lehkha zir tumin ka room lam ka pan a, ka thleng hman tawk ang tih ah Rema whatsapp message a rawn thleng nghal a. Ka rilru nawm lohna chu ka hrechhuak dawn chiah niin ka hria.
.
“Kan pahnih tan theihtawp ka chhuah lai hian engtin tak nge I lo khawsak ve thin ang tih chu vawiin ah ka hre ta chiah, ka rilru hi a na a, awmdan thiam a har hle mai”
.
Vawihnih ka chhiar nawn a, ka thin chu a phu deuh dup dupin ka hria. Rema’n min hmu ngei a ni tih hrilh ka ngai hran lo a, a chiang tawk viau a ni. A number chu ka han dial a, call ngeia sawifiah chu thain ka hria a ni. Vawihnih a ring a, a ring quit a, a pickup duh lo. A rilru turte ka han ngaihtuah a, ka hrethiam em em a, mahse, ka insawifiahna tal ngaithla duh se engkim a fel mai chu ka ring a ni. Ka han dial leh ngat a, a la dawn lo emaw ka tih hnuah a la ve ta hram a, a aw ah chuan ngaihnobeina pakhatmah a awm lo.
.
“Rem, vawiin chungchang kha ka hrilhfiah thei che ania”tiin kan bus chhiat thu te, Mapuia nen kan inhmuh dante chu ka han hrilh a, a awih leh awih loh ka hre lo a, a ngaithla tih erawh ka hria.
.
“I awih loh chuan sawi tur dang ka hre lo, I thu thu ni mai”tiin phone chu ka dah a, ka mittui chu a rawn hnam sawk a, tinge chutianga ka awm ka hre lo.
.
Ka lehkhabu ka keu a, ka rilruah pakhatmah a lang lo. Ka khup leh ringawt a, khumah chuan ka mu zal a, mi rin loh nih hi a lo va na duh dawn em tihte chu ka ngaihtuah daih a. Minute 15 vel a ral leh hnu chuan ka nuin min rawn ko a, Rema rawn len thu a rawn sawi chuan ka khumah chuan ka thu nghal zawt a. Ka mit sen deuh ram avang chuan ka hmai ka han phih sawk sawk a, ka sam chu ka tuai puat a, hmanhmawh lutuk duh lovin sitting room lam ka pan a, ka nu leh pa ep zawngin Rema chu a lo thu a, a inngaihtuah muk hmel khawpin ka hria. A thutna bula Sofa single kan hunah chuan ka thu a, ka nu leh pa te nen an titi chu ka ngaithla reng a, a khat tawkin min rawn melh leh zauh thin tih ka hria. Rei vaklo hnuah ka nu leh pate chuan an room lamah min luhsan a, Rema chuan a bula thu tur chuan min han sawm a, ka kal mai duh lo. Ka banah a rawn kai a, a bulah chuan min thuttir a.
.
“Hminghlu, ka thinrimna kha a awm lo viau em ni?”a ti a.
.
Chhan ngaihna ka hre lo, ka ngawi reng a. A phone a rawn phawrh a, whatsapp ah lutin a phone chu min pe a. Sangpuii tih hming chuan message engemaw zat a lo thawn a, ka phu deuh zawk a.
.
“Khang message zozai kha chhang ta ila, engtin nge I ngaih ang?”a ti daih a.
.
“Ka thin a rim ang”ka ti a, ka tawt nghal up upin ka hria.
.
“Mahse, pakhat pawh kha ka chhang lo. A chhan chu nangmah ka hmangaih vang che a ni. I rilru tihnat ka duh lo a, min rinna tihchhiat hi ka duh lo bawk”a ti a. Amah vek chuan, “Ka ngaihsak tha hman lo che tih ka hria, hrehawm pawh ka ti. A tam thei ang ber I bula hun hman pawh ka duh lutuk, mahse I hriat angin tun dinhmunah chuan ka chhuak tam thei lo, chung zawng zawng pawh chu kan hmalam hun atan veka ti ka ni. Chu chu ka lo tisual a, thahnem ka ngaih lutuk avanga kan inkar a chhiat dawn ai chuan engkim hi ka titawp thei”a ti a. A thusawi peng tin mai chu uluk taka a ngaihtuah hnua a sawi tih chu ka hria.
.
“Rema, ka tihpalh lutuk, I thiam loh engmah a awm lo. Chutiang bawkin ka tan hun I neih tlemnaah hian vuina pawh ka nei lo. Mapuia chungchangah erawh ka thiam lo tih ka hria, I rilru natna tur khawpa ka lo awm avang pawhin pawi ka ti a, kan inkar tichhe thei engmah a awm ka phal tawh lo ang”ka ti a.
.
Min kuah a, a mize dam thlup mai kha ka hmu leh rang kher mai, ka biangah chuan a fawp zeuh a.
.
“Khapa kha engvanga thik em em nge ka nih ka hre lo, ka thik thlawt a ni”a ti hlawl a.
.
“Engah mah a tluk hleinem che”ka tih chuan a nui sak a.
.
“Kei aiin a pumrua kha a lian zawk a, ka cho lo deuh tlat a ni”a han ti fiamthu a.
.
“Ka ngai thei lutuk che”ka ti a, “Kei pawhin ka ngai thei lutuk che alawm, engtik lai mah pawh hian ka ngaihtuah che a, I hlim lo ang tih hi ka hlau ber”a ti a.
.
Zan rei tak thleng a len hnuah inngai tak chungin min hawsan a, a haw hnu pawh chuan ka ngai zui vang vang mai. In a thlen hnuah min rawn call leh thlap a, a hmaa ka rilru nawm lohna zawng zawng pawh a bo zo ta.
PART-V
.
“Missionary turin inpe ta ila, engtinnge I ngaih ang?”
.
Chu message chhiar pah chuan ka nui vur vur a, hepa leh ngawt zel hi ka ti rilru a.
.
Exam ka zawh fel tawh avangin khawvel thiamna lama ka ke pen pawh a tawp zui ve tawh dawn a ni. Ka phu tawk hna ka hmuh leh ka thawk ang a, a nih loh chuan eizawnna tur ka dap ang tiin ka zirna atan chuan ka duh tawk leh ka tlin tawk ka zo ah ka inngai tawh.
.
KTP inkhawm zan a ni a, zan dang ang bawkin Rema nen kan inkhawm a, ban hnuah kan inlam panin kan inzui a, a hmel chu a ngui deuh bur hian ka hria a, vei nei hmel a pu bawkin ka hria. In kan thlen hnu chuan ka inthlak fel a, thingpui te ka lum a, zan dang ang lo takin kan boruak chu a rit churh mai hian ka hria. Thingpui chawi chungin Rema bulah chuan ka thu a, lehkha pakhat hi a lo pawt pharh mek a.
.
“Hei hi I hnena sawi ka hreh em em chu a ni, sawi ai chuan chhiar la a chiang in ka ring zawk a”a ti a, lehkha chu min pe a.
.
Ka han chhiar chuan Cambodia-a missionary-a a kalna tur lehkha a lo ni. Ka chhiar zo chu ka mit sulh a, lehkha chu ka hum ngawt ngawt a. Ka puakkeh mai dawn hian ka hria.
.
“Hminghlu..”
.
“Engmah sawi ka duh lo, tiang zawng kher kher hian engati nge I tih hi a ngaih?”
.
Ka tho thut a, rang takin ka banah a vuan a.
.
“Ka hnial ngam tawh ngang lo a ni, vawi tam tak a ni tawh, ka thi mai ang..Hming, ka thi mai ang”a ti tham tuak a.
.
“Ka lo beisei dan chuan…”ka mittui chu a rawn tla zawih a, ka sawi zawm thei tawh lo.
.
“Ka hria asin, keipawhin theihtawp chhuaha kan nawmsakna tur ngaihtuahin hun ka hmang ve reng a. Mahse ka nawmsakna tur ringawt ka zawn laiin Lalpan a tan min lo duh ve si, ka hnar ngun ve asin, ka tlanbo zel a, mahse, a na tawh lutuk a ni”a ti a.
.
“I hma I sial lutuk, tinge hetiang chung si a min lo kawp kher kher? “
.
“Ka hmangaih che hi ka tihsual chu a ni. I hrehawm hi ka phal lo asin, hrehawm taka I awm hi ka duh lo. MAhse, hmangaihna hi kan duh leh duh loa kan neih ngawt theih a ni lo a, ka hmuh hmasak ber atang chea vawiin ni thleng hian ka hmangaih tlat che hi engvang nge tiin chunglam pawh hi ka zawt ve fo asin. Nangnen hian kan innei ang a, fate kan nei ang a, chhungkua kan din ang tiin ka suangtuah thin. Chutih lai mek pawh chuan atana thawk tura min duhna hi nikhat pawh ka theihnghilh thei lo. I rilru tur hi ka hrethiam lutuk, I tan chuan hrehawmna hmuna min zui lut ringawt tur chuan thutlukna siam a har ang tih ka hria, chuvangin min thlah a ngai ta nih pawhin demna che leh vuina pakhatmah ka nei lo ang”a ti a.
.
Ka mittui chu a tla zawih zawih a, ka suangtuahna zawng zawng kha vawilehkhatah a bo ta vek mai.
.
“Ka hmangaih che a, ka hmangaih em avang che hian hrehawm I tuar ka phal lo. I duhthlanna hi ka zah em em a, eng pawh I thutlukna nise, ka pawm vek ang”a han ti leh a.
.
“Rema, tinge hetiang hian kan awm, ka van hrethiam lo tak em! Kan phak tawkah kohhranah rawngbawlna pawimawh tak kan chelh a, a duhzawnga nun tumin ruihhlo lakah leh mipat hmeichhiatna lakah pawh kan invawng him ve em em a, tinge a tawk mai lo em ni? Kal chhuah kher hi eng nge a tulna awm?”beidawng zet hian ka ti a.
.
“Chu zawhna chu vawiin ni thlenga ka zawhna, a chhanna ka la hmuh loh chu a ni”a ti a.
.
“Kan inthen hi pawi I ti miah lo em ni?”ka han tih chuan a hmela lungngaihna lo lang chhuak avang chuan ka zawt sual tih ka inria.
.
“Engtikah mah nang nena inthen hi ka duh ngai lo ang. Mahse, ka thutlukna avanga kan inthen hi a lo ngai ta nih chuan, ka vui lo ang”a ti a.
.
“Kei chu ka vui khawp ang, ka hrethiam ve thei thlawt lo a ni”ka ti a. Ka aw chu a chhuak chang chang a ni.
.
Ka mutnaah ka han ngaihtuah nawn leh a, ka dream zawng zawngte kha engtikahmah a lo thleng ve ngai dawn lo. Kal chhuak thei lo te pawhin mawhphurhna lian tak kan nei a, chu mawhphurhna chu keipawhin hlen ka duh, mahse heti zawng kher hian engati nge kan chungah a thlen bik? Ka thaw halh a, ka thinlung hi a ni lo zawngin a inher thawk ni ber hian ka hria.
.
Rema min biak pawh theihna zawng zawng ka titawp a, amah ngawtin duhthlanna a kalpui chu ka dem thar bawk a, min tihnat avanga tih nat letna sual lian pui mai hian min tibuai hneh kher mai. Mapuia nen kan inbe tam a, ka ipik luattuk ah vawi tam min chhuah pui bawk a, ka tan chuan ka thian a ni a, a bak erawh a awm lo. Tlai khat kan hawi thawthang kan haw lam chu kawnah Rema chu rin loh takin kan hmu a, ani pawhin chiang takin min rawn hmu ve tih ka hria. Ka hawi sawn nghal vat a, ka zah thar em em a, ka rilru a na bawk. A hmelah eng rilru nge a put ang atih hre turin ka melh ngam lo va, eng ang pawhin awm ila min dem loh tur thu erawh a sawi tawh a, a sawi ang ngeiin a awm bawk ang.
.
PART-VI
.
“Vawikhat chiah inhmu leh rawh u.. Mawh..”
.
Ampuii chuan a ngen hian min ngen a, Rema tan chuan ani bak pun tur an awm lo reng a ni.
.
“Engmah sawi tur kan nei tawh lo alawm”ka ti hul hak a.
.
“Chu pawh nise a kal hma hian vawikhat chiah inhmu leh ula, a bak chu ani pawhin a beisei lo ang”a ti a.
.
Chutiang ngawih ngawih a min ngen avang chuan hnial thlak tawp harsa ka ti a, keipawhin rem ka ti ve ta a ni. Zanah chuan inthlahrung takin a rawn leng nghal a, sawi tur a vang duh hle a, engkim mai chu a diklo vel vek niin ka hria.
.
“Hminghlu, I thutlukna chu engpawh nise min hrilh hreh suh ka tih kha, ka dem lo ang che tih pawh ka hrilh vek che kha, tinge ka biak theih loh tur chea engkim I tihtawp? Engati nge min hrilh mai loh? Ka tan hian a harsa ve asin, tha taka min thlah tal hi ka lo beisei ve asin”
.
A aw ah chuan rilru natna thuk tak a inphum tih hai rual a ni lo.
.
“I tan a awlsam zawk ka ring alawm”ka ti liam mai a.
.
“I hriatthiam hunah chuan a la fiah viau in ka ring, Hming, a tawp nana kan inhmuh rem itih avang hian ka lawm lutuk e. Lo hlim reng la, nangmah hmangaihtu tak I tawn a, hlim taka I hun I hman zel theih ka lo tawngtaipui thin ang che. Hming, ka hmangaih che a, ka hmangaih reng ang che, hei hi kan tawpna a lo nih si chuan, ka hmangaih che hi rinhlelh a awl ngwtin ka ring. Mahse, lei leh van lalber hi nang aia ka thlan awmchhun anih avang chauha hetianga awm hi ka ni tih min lo hriatsak hram dawn nia”a ti a.
.
A chhuak tur chu ka thlir reng a, khawvel nawmna hi duh nise a mamawh leh a duh apiang nei thei khawpa nuamsa ve tawk tak an ni tih ka hria, mahse chung ai pawh chuan Kraws kawng chu a thlang zawk miau si a, nep hi ka va inti tehlul em! Ka khum bulah chuan ka thingthi rawp a, kei hi engtiang taka nep nge ka lo nih le? Ka chapona hian khawi nge min thlenpui dawn? Ka mittui chu dan rual loh hian ka biangah a rawn luang a, ka tlawm a ni he hmunah hian, Lalpa ka tlawm e tiin ka tap chhuak ta zawih zawih a.
.
Ka phone ri ral ral chu mittui kar atangin ka han hmu phe ruai a, ka thiannu Ampuii a ni a, ka theihtawpa ka aw chu thup tumin ka han chhang a, Rema accident tawh thu min rawn hrilh ta a ni. Engkim mai hi ka mumang ni vekin ka hria a, Rema lu an tuamna var luk mai te chu a tak tak a ni ngei em ka hre lo, ka a chhuih a ni ber e.
.
“Hming, lo va mu hahdam rawh, engmah tihtheih kan neih chuan loh hi?”Ampuii chuan a ti a.
.
“Keimah vanga tuar a ni tih hi ka hrechiang lutuk. Ampui, ka sual vanga Rema’n a tuar hi ka rilru a na em a ni”ka ti a.
.
Min kuah a, kan in lam pana min haw pui chu ka hria, a bak ka hre tawh lo. Ka mu chu ka tap khur zawih zawih a, ka kehsawm vek hma loh chuan ka hmangaih berin a tirtu duhna hi ka hriatthiampui dawn lo a lo ni.
.
"Lalpa, duh taka i kohchhuah Vohbik Lalremruata hi tidam leh la, i kohchhuahna hmunah i rawng a bawl hi phalsak hram rawh. Kei ngei pawh hi min la phal sak ve anih chuan i duhna hmun apiangah ka kal ve zel ang"tiin mawlmang takin ka tawngtai a, ka hahdam nghal sawng sawng a, hrethiam duh ni ila a hma khan ka lo hrethiam thei tawh tur hi a ni a, luhlulna hian thil tha lo zawk a thlen thin tih chiang takin ka zirchhuak ta a ni.
.
A rawngbawl tur leh a ta liau liau ni tura alo buatsaih ka pasal duhtak ni ta Vohbik Lalremruata hi kei chuan khawvel hausakna leh nawmna nena neih ka lo tum thin a, mahse Pathian hian atan a lo vohbik hliah hliah a lo ni. Cambodia-a kan awm atangin kum 6 hmel kan hmu ve ta reng mai. Sum leh pai, ei leh inah nuamsa takin khawsa lo mah ila kan mamawh hi vawikhat pawh kan la nghei ngai lo va, fapa pahnih kan nei mek a, ringthar min la pek belh zel bawk a, hei baka hlimna thlan tur kan hre chuang lo. Mi bik, ka pasal min pe phaltu Pathian hi ka theihtawpin ka zui zel ang a, nupui tha tak nih hi vawiin ni thleng hian ka la tum a, ka inzir ve zel a ni.
.
"Ka hmangaih che a, ka fate pawh hi ka hmangaih em em a, mahse, chung zawng zawng ai chuan Pathian hi ka hmangaih a ni"ti thin tu pasal ka neih avang hian vawikhatmah ka la inchhir lo va, #VOHBIK LALREMRUATA hi chung lam remruatna liau liaua ka neih a ni. Harsatna karah pawh a hnung zui tura kan inpekna tihlawhtling tur hian kan bei zel ang a, 'a tawk tawh e' tia a hnena kan hahchawlh hun a thlen hma loh chuan a rawng hi kan bawl zel ang.
.
"Kawng hahthlak leh ralți a
Min hruai ni te pawh hianin
I rinawmzia min hmuhtir leh țhin"
.
“Missionary turin inpe ta ila, engtinnge I ngaih ang?”
.
Chu message chhiar pah chuan ka nui vur vur a, hepa leh ngawt zel hi ka ti rilru a.
.
Exam ka zawh fel tawh avangin khawvel thiamna lama ka ke pen pawh a tawp zui ve tawh dawn a ni. Ka phu tawk hna ka hmuh leh ka thawk ang a, a nih loh chuan eizawnna tur ka dap ang tiin ka zirna atan chuan ka duh tawk leh ka tlin tawk ka zo ah ka inngai tawh.
.
KTP inkhawm zan a ni a, zan dang ang bawkin Rema nen kan inkhawm a, ban hnuah kan inlam panin kan inzui a, a hmel chu a ngui deuh bur hian ka hria a, vei nei hmel a pu bawkin ka hria. In kan thlen hnu chuan ka inthlak fel a, thingpui te ka lum a, zan dang ang lo takin kan boruak chu a rit churh mai hian ka hria. Thingpui chawi chungin Rema bulah chuan ka thu a, lehkha pakhat hi a lo pawt pharh mek a.
.
“Hei hi I hnena sawi ka hreh em em chu a ni, sawi ai chuan chhiar la a chiang in ka ring zawk a”a ti a, lehkha chu min pe a.
.
Ka han chhiar chuan Cambodia-a missionary-a a kalna tur lehkha a lo ni. Ka chhiar zo chu ka mit sulh a, lehkha chu ka hum ngawt ngawt a. Ka puakkeh mai dawn hian ka hria.
.
“Hminghlu..”
.
“Engmah sawi ka duh lo, tiang zawng kher kher hian engati nge I tih hi a ngaih?”
.
Ka tho thut a, rang takin ka banah a vuan a.
.
“Ka hnial ngam tawh ngang lo a ni, vawi tam tak a ni tawh, ka thi mai ang..Hming, ka thi mai ang”a ti tham tuak a.
.
“Ka lo beisei dan chuan…”ka mittui chu a rawn tla zawih a, ka sawi zawm thei tawh lo.
.
“Ka hria asin, keipawhin theihtawp chhuaha kan nawmsakna tur ngaihtuahin hun ka hmang ve reng a. Mahse ka nawmsakna tur ringawt ka zawn laiin Lalpan a tan min lo duh ve si, ka hnar ngun ve asin, ka tlanbo zel a, mahse, a na tawh lutuk a ni”a ti a.
.
“I hma I sial lutuk, tinge hetiang chung si a min lo kawp kher kher? “
.
“Ka hmangaih che hi ka tihsual chu a ni. I hrehawm hi ka phal lo asin, hrehawm taka I awm hi ka duh lo. MAhse, hmangaihna hi kan duh leh duh loa kan neih ngawt theih a ni lo a, ka hmuh hmasak ber atang chea vawiin ni thleng hian ka hmangaih tlat che hi engvang nge tiin chunglam pawh hi ka zawt ve fo asin. Nangnen hian kan innei ang a, fate kan nei ang a, chhungkua kan din ang tiin ka suangtuah thin. Chutih lai mek pawh chuan atana thawk tura min duhna hi nikhat pawh ka theihnghilh thei lo. I rilru tur hi ka hrethiam lutuk, I tan chuan hrehawmna hmuna min zui lut ringawt tur chuan thutlukna siam a har ang tih ka hria, chuvangin min thlah a ngai ta nih pawhin demna che leh vuina pakhatmah ka nei lo ang”a ti a.
.
Ka mittui chu a tla zawih zawih a, ka suangtuahna zawng zawng kha vawilehkhatah a bo ta vek mai.
.
“Ka hmangaih che a, ka hmangaih em avang che hian hrehawm I tuar ka phal lo. I duhthlanna hi ka zah em em a, eng pawh I thutlukna nise, ka pawm vek ang”a han ti leh a.
.
“Rema, tinge hetiang hian kan awm, ka van hrethiam lo tak em! Kan phak tawkah kohhranah rawngbawlna pawimawh tak kan chelh a, a duhzawnga nun tumin ruihhlo lakah leh mipat hmeichhiatna lakah pawh kan invawng him ve em em a, tinge a tawk mai lo em ni? Kal chhuah kher hi eng nge a tulna awm?”beidawng zet hian ka ti a.
.
“Chu zawhna chu vawiin ni thlenga ka zawhna, a chhanna ka la hmuh loh chu a ni”a ti a.
.
“Kan inthen hi pawi I ti miah lo em ni?”ka han tih chuan a hmela lungngaihna lo lang chhuak avang chuan ka zawt sual tih ka inria.
.
“Engtikah mah nang nena inthen hi ka duh ngai lo ang. Mahse, ka thutlukna avanga kan inthen hi a lo ngai ta nih chuan, ka vui lo ang”a ti a.
.
“Kei chu ka vui khawp ang, ka hrethiam ve thei thlawt lo a ni”ka ti a. Ka aw chu a chhuak chang chang a ni.
.
Ka mutnaah ka han ngaihtuah nawn leh a, ka dream zawng zawngte kha engtikahmah a lo thleng ve ngai dawn lo. Kal chhuak thei lo te pawhin mawhphurhna lian tak kan nei a, chu mawhphurhna chu keipawhin hlen ka duh, mahse heti zawng kher hian engati nge kan chungah a thlen bik? Ka thaw halh a, ka thinlung hi a ni lo zawngin a inher thawk ni ber hian ka hria.
.
Rema min biak pawh theihna zawng zawng ka titawp a, amah ngawtin duhthlanna a kalpui chu ka dem thar bawk a, min tihnat avanga tih nat letna sual lian pui mai hian min tibuai hneh kher mai. Mapuia nen kan inbe tam a, ka ipik luattuk ah vawi tam min chhuah pui bawk a, ka tan chuan ka thian a ni a, a bak erawh a awm lo. Tlai khat kan hawi thawthang kan haw lam chu kawnah Rema chu rin loh takin kan hmu a, ani pawhin chiang takin min rawn hmu ve tih ka hria. Ka hawi sawn nghal vat a, ka zah thar em em a, ka rilru a na bawk. A hmelah eng rilru nge a put ang atih hre turin ka melh ngam lo va, eng ang pawhin awm ila min dem loh tur thu erawh a sawi tawh a, a sawi ang ngeiin a awm bawk ang.
.
PART-VI
.
“Vawikhat chiah inhmu leh rawh u.. Mawh..”
.
Ampuii chuan a ngen hian min ngen a, Rema tan chuan ani bak pun tur an awm lo reng a ni.
.
“Engmah sawi tur kan nei tawh lo alawm”ka ti hul hak a.
.
“Chu pawh nise a kal hma hian vawikhat chiah inhmu leh ula, a bak chu ani pawhin a beisei lo ang”a ti a.
.
Chutiang ngawih ngawih a min ngen avang chuan hnial thlak tawp harsa ka ti a, keipawhin rem ka ti ve ta a ni. Zanah chuan inthlahrung takin a rawn leng nghal a, sawi tur a vang duh hle a, engkim mai chu a diklo vel vek niin ka hria.
.
“Hminghlu, I thutlukna chu engpawh nise min hrilh hreh suh ka tih kha, ka dem lo ang che tih pawh ka hrilh vek che kha, tinge ka biak theih loh tur chea engkim I tihtawp? Engati nge min hrilh mai loh? Ka tan hian a harsa ve asin, tha taka min thlah tal hi ka lo beisei ve asin”
.
A aw ah chuan rilru natna thuk tak a inphum tih hai rual a ni lo.
.
“I tan a awlsam zawk ka ring alawm”ka ti liam mai a.
.
“I hriatthiam hunah chuan a la fiah viau in ka ring, Hming, a tawp nana kan inhmuh rem itih avang hian ka lawm lutuk e. Lo hlim reng la, nangmah hmangaihtu tak I tawn a, hlim taka I hun I hman zel theih ka lo tawngtaipui thin ang che. Hming, ka hmangaih che a, ka hmangaih reng ang che, hei hi kan tawpna a lo nih si chuan, ka hmangaih che hi rinhlelh a awl ngwtin ka ring. Mahse, lei leh van lalber hi nang aia ka thlan awmchhun anih avang chauha hetianga awm hi ka ni tih min lo hriatsak hram dawn nia”a ti a.
.
A chhuak tur chu ka thlir reng a, khawvel nawmna hi duh nise a mamawh leh a duh apiang nei thei khawpa nuamsa ve tawk tak an ni tih ka hria, mahse chung ai pawh chuan Kraws kawng chu a thlang zawk miau si a, nep hi ka va inti tehlul em! Ka khum bulah chuan ka thingthi rawp a, kei hi engtiang taka nep nge ka lo nih le? Ka chapona hian khawi nge min thlenpui dawn? Ka mittui chu dan rual loh hian ka biangah a rawn luang a, ka tlawm a ni he hmunah hian, Lalpa ka tlawm e tiin ka tap chhuak ta zawih zawih a.
.
Ka phone ri ral ral chu mittui kar atangin ka han hmu phe ruai a, ka thiannu Ampuii a ni a, ka theihtawpa ka aw chu thup tumin ka han chhang a, Rema accident tawh thu min rawn hrilh ta a ni. Engkim mai hi ka mumang ni vekin ka hria a, Rema lu an tuamna var luk mai te chu a tak tak a ni ngei em ka hre lo, ka a chhuih a ni ber e.
.
“Hming, lo va mu hahdam rawh, engmah tihtheih kan neih chuan loh hi?”Ampuii chuan a ti a.
.
“Keimah vanga tuar a ni tih hi ka hrechiang lutuk. Ampui, ka sual vanga Rema’n a tuar hi ka rilru a na em a ni”ka ti a.
.
Min kuah a, kan in lam pana min haw pui chu ka hria, a bak ka hre tawh lo. Ka mu chu ka tap khur zawih zawih a, ka kehsawm vek hma loh chuan ka hmangaih berin a tirtu duhna hi ka hriatthiampui dawn lo a lo ni.
.
"Lalpa, duh taka i kohchhuah Vohbik Lalremruata hi tidam leh la, i kohchhuahna hmunah i rawng a bawl hi phalsak hram rawh. Kei ngei pawh hi min la phal sak ve anih chuan i duhna hmun apiangah ka kal ve zel ang"tiin mawlmang takin ka tawngtai a, ka hahdam nghal sawng sawng a, hrethiam duh ni ila a hma khan ka lo hrethiam thei tawh tur hi a ni a, luhlulna hian thil tha lo zawk a thlen thin tih chiang takin ka zirchhuak ta a ni.
.
A rawngbawl tur leh a ta liau liau ni tura alo buatsaih ka pasal duhtak ni ta Vohbik Lalremruata hi kei chuan khawvel hausakna leh nawmna nena neih ka lo tum thin a, mahse Pathian hian atan a lo vohbik hliah hliah a lo ni. Cambodia-a kan awm atangin kum 6 hmel kan hmu ve ta reng mai. Sum leh pai, ei leh inah nuamsa takin khawsa lo mah ila kan mamawh hi vawikhat pawh kan la nghei ngai lo va, fapa pahnih kan nei mek a, ringthar min la pek belh zel bawk a, hei baka hlimna thlan tur kan hre chuang lo. Mi bik, ka pasal min pe phaltu Pathian hi ka theihtawpin ka zui zel ang a, nupui tha tak nih hi vawiin ni thleng hian ka la tum a, ka inzir ve zel a ni.
.
"Ka hmangaih che a, ka fate pawh hi ka hmangaih em em a, mahse, chung zawng zawng ai chuan Pathian hi ka hmangaih a ni"ti thin tu pasal ka neih avang hian vawikhatmah ka la inchhir lo va, #VOHBIK LALREMRUATA hi chung lam remruatna liau liaua ka neih a ni. Harsatna karah pawh a hnung zui tura kan inpekna tihlawhtling tur hian kan bei zel ang a, 'a tawk tawh e' tia a hnena kan hahchawlh hun a thlen hma loh chuan a rawng hi kan bawl zel ang.
.
"Kawng hahthlak leh ralți a
Min hruai ni te pawh hianin
I rinawmzia min hmuhtir leh țhin"
Va han ngaihnawm tak
ReplyDeleteI story reng² hi chhiar a va manhla thei tak aw!!! Kristian love story phei hi chu a ngaihnawm takzet zet a ni. I story kalphung te lah hi story a ni tih hriat miah loh khawpin a ngaihnawmin, a lem ve bawk si lo . 🖤🖤🖤
ReplyDelete