A BIRTHDAY PARTY IN HEAVEN

-


A BIRTHDAY PARTY IN HEAVEN




Zingkar boruak chu a nuam tehchiam lova, engemawti tak hian ka thinlung chu a su deuh dup a, ngaihtuahna mumal pu thei lovin ka phone a music player chu ka han hmetchhuak leh ringawt a. Ka lunglen veng veng hi chuan matheilovin “Place nearby”hi ka ngaithla ziah thin. Tum loh deuhin ka phone a ni zat lo lang chu kan scroll chho pawp a, ni zat lo lang avang chuan ka thu lai chu ka thochhuak zawk a, engtinnge ka theihnghilh theih zawk? Nizanah te khan engati nge thiante hnen atang pawhin kum dang ang lo taka hnemna thu ka dawn loh chu le tiin ka ngaihtuah a. Mahse hlim taka awm tur hian min duh ve tawh em em tih ka hria, chuvang chuan ka nat hlau in an ngawi tih ka hrethiam chawpchilh ta tho a. Ka drawer mawnga diary leh album chu lachhuakin ka thlir ta ngawih ngawih a, Zotluangpui, Vanah khan I birthday chu ropui takin in lawm ang tiraw? tiin ka phunchhuak sap a. Ka phone a lo ri ral ral a, tumah biak chak ka nei lo chiang khawp mai. Mahse phone screen a hming lo lang chu tudang nilovin Tluangpuia nu a lo ni. Tap zawih zawih in min rawn bia a, ka tapchhuak thei lo, ka mittui erawh biangah a luang zawih zawih thung a. Rei kan inbiak hmain Pa Zika chuan phone chu a lo laksak vat a, “Vawiin ni hian tumah lungngaia in dawm tur kan ni lo. Ani te chu ropui takin Vanah a birthday lawmsak a ni alawm, hrehawm tuar tawh lovin hlim takin a awm a, kan lungngaih hi a duh hauh lovang”tiin min rawn fuih a. Ni e, nuam takin pa angchhungah thlamuang takin a chawl tawh a ni hriatna chuan min rawn hnem chawpchilh ve nghal a.

“Kan thih hunah kan birthday hi vanah khian kan lawm ve tho angem le?”ka malchungah mu in van dum pawl riai chu a thlir a, “Lawm ka ring lo”ka tih chuan, “ah,, keichu lawm ka ring, a chhan chu kan chhungte tan a hrehawm duh dawn em asin. Chuvang chuan kan chhungte thinlung dam nan vanah chuan birthday chu lawm a ni ngei ngei ang”mahni inringtawk tak chuan a ti a. Tunhnaiah hian thih chungchang hi ka duh aiin a sawi tam riau mai a. Khawvel hi mawi riaua kan hriat lai leh kan nun pawh a hlim vanglai tak a ni a, chutih lai karah thihna chungchanga zawhna min zawt fo chu ka thin a ur ru teuh a, ka sawi lang lem lo. Kan haw kawngah pawh chuan thihna leh thawhlehna chungchang bawk a sawi a, chu phei chu ka ngaithla duh lova, a nuih a za viau lehnghal.

Zotluangpuia hi mi mak tak a ni ka ti fo thin a, khawvelah hian mi bik ni ve reng reng tur hian alo piang em ni ka ti fo thin. A kum phu lovin a puitling a, a thusawi tawh a sut leh ka hre ngai lova, a theih loh tur thu min tiam ngai lo. Vawikhat chu thil hoteah kan inhnial ve a, a tih sual nawn tawh loh tur thu min tiam turin ka ti a, chuta min chhanna chu vawiin ni thleng hian ka la hre reng, “Mihring ka nih ve miau avangin tisual nawn thei ka ni a, ka tisual nawn tawh lovang tih chu ka tiam thei lo che, mahse tisual nawn tawh lo turin theihtawp ka chhuah ang”tiin min chhang a. Vawiin ni thleng hian thutiam ka neih dawn apiangin ka tihhlawhtlin theih tur thil a ni em tih hi ka ngaihtuah hmasa thin. A nu leh pa innghahna a ni a, a naute entawn ani bawk. Mi fel tak hi an thi hma duh an ti thin a, chutiang chu a lo ni tak tak anih ngai chuan Zotluangpuia hi a tel ve a ni ngei ang.

Mihring danglam chak tak karah hian danglam ve mai mai ngai lo an awm a ni tih min rin tirtu chu amah kha a ni. Mi thusawiah a nghing mai mai ngai lova, a chhehvel boruak inthlak danglam hian a rilru sukthlek kha a danglamtir ngai lo. Mahni inringtawk takin khawvel kha a hmachhawn a, vawikhat chiah thu min tiam a, chu chu "Nghet takin min chelh la, ka inchhir tir ngai lo ang che. A vawikhatna atan mipa takin chu thu chu ka tiam a che" tih hi ani a, a thih ni thlengin chu a thutiam chu a vawng a ni. Mahse natna khuma hrehawm leh na tuara a awm lai khan a thutiam thin a tihpuitlin theih dawn tak loh avangin ngaihdam min dil a nih kha, a thu min tiam ti puitling tur khan a theihtawp a chhuah a, natna khumah pawh hnehtu nih tumin a bei ve bawk. A natna tuar kha ana em a, damchhuak leh tur khan theihtawp  chhuah ve mah se a hneh ta ngang si lova, keini aiin chung lam khian a lo duh tawh zawk a, kan chak ta lo a ni.
.
“Today is your birthday in heaven above,
My blessings I send on the wings of this dove.
Not just for today but everyday hereof.
Always loved, forever missed!
.
A birthday candle sits on your grave today
We miss you the same as when you first went away.
The angels are blessed to have you in HEAVEN
You’ve always been as lucky as the number seven.
.
Your photo has not moved from beside my bed.
The memories never died, 
They just came to an abrupt end.
There is so much more I know I should’ve said.”

Pawnah chuan ka thu hnawk a, Van lam chu ka hawi a, a hmaa ruah sur mai tura lang chu alo thiang kuar a, “Tluangpui, I birthday chu vanah khan in lawm ngei ang tih ka ring, Happy birthday”tiin ka phun sap a.
.
Beyond the door there’s peace I’m sure, and I know there will be no more tears in heaven.

Comments

Post a Comment

Popular posts from this blog

IRRESISTIBLE - 1

-
Image
One "Zanin hla zir tur a nih kha aw, ka lo sawm ang che" tih pahin a chhuak zui a. Ka quarter bul chiaha awm Pi Rami fanu Duhawmi a ni, ani hi inkhawm peih leh mi fel tak a ni a. Ka awm tirha min titlangneltu leh engkim ka sawi ngamna, ka thian tha tak ni zui ta a ni. Zohmun khuaah hian kum tir atangin ka awm tawh a, sorkarin Health Worker a lak tharte zingah tel vein he khuaah hian min dah a, a tirah chuan ka chhungten kal lo mai tura min duh avangin ka inngaihtuah ve nasa hle. Mahse, kan zirlai khan kan sir pakhat hian tihian a sawi thin a, "In rawn zir chhuah hunah chuan hmun hrang hrangah in la thawk darh ve anga, hmun nuam leh khawpui hian a daih dawn lo che u. Thingtlanga awm turte pawh in la ni ang, chung hunah chuan tlanchhe mai lovin kan thiamna mamawh ber bertute an ni tih hriain in hna tha takin in zawm tur a ni" a tih chu ka hre chhuak a. Chu chuan chakna thar min pein ka hna thawhna tur hmun pawh ka pawm ta thlap a ni. T
Read more

APRICITY (Part I )

-
Image
APRICITY -Mami Chawngthu "Ka beidawng tawh, hun tha ka pe hnem tawk tawh viau bawk e"  A bialnu chungchanga hetiang zawnga a sawi ka hriat vawikhatna! "Mahse, Akhum, hei chen in inkawp ve tawha, chuti maia inthen leh te chu a chi dawn mi?" Ka han ti ve ngial na a, awmzia a awm chuang lo. Ni e, ka thianpa hi ka hrechiang a, a tih tawh loh chu a nawrluih theih ngai loh.  "I inchhir vaih chuan ka buaipui peih dawn lo che nia" ka tih chuan a nui vei suk a. "Ka thutluknaah ka inchhir ngai lo tih i hriat kha" tih pahin a tho nghal a, a car chahbi min pek pahin,"Khalh teh, ka chau tlat" tiin a kalsawn nghal a.  Ka en vung vung a, kum 5 zet a lo kawp tawh Thanpuii a then ringawt chu ka la hrethiam thei lo. A rawn lehhawi thut a, ka thut ngaia ka lo la thu reng min hmuh chuan a dar a chhin zauh a, rang fe hian ka va umzui ve ta nghal a. Zanah U Faka a lo len avangin Akhuma min sawmna ka tihhlawht
Read more

IRRESISTIBLE- XVI

-
Image
Sixteen *Feli POV* Ruata nen bazarah kan inzui a, vawiin chu chawhma chiah kal a ngaih avangin chawhnu lamah bazaar na hun thawl ka nei thei hlauh a, Ruata nen zan lama kan sawi lawk tawh avangin kan chhuak tlang a ni. Thian anga min en theih dawn loh chuan ka kawm dawn lo che tiin a tir atangin ka sawi kha ania, a nuih a za viau lehnghal. Kan inrual tawk bawk a, nuam tihzawng la dang hek lo, tihian kan inkawm thei ta viau a nih hi. Ka duh ka lei zawh chuan MC ah Zampuii dawrah kan kawi leh a, nidang ang bawkin a lo buai lehpek hle. A thawmhnaw hi a dangdai thei bawk a, a nei rei hman ngai lo. “Lo thu ve phawt ru, thil kan ei dawn nia” a ti a, a eizawnnaah a chiang bawk a, a hausa ru zek tih ka hre reng. “A hausa lutuk, thil kan ei sak teuh dawn nia” Ruata bulah chuan ka ti a, a nui var var mai. “E, taka, Zoa chu enge a chanchin ni ta zel a?” customer te an kal hnu chuan kan bulah a rawn thu ve a. “Karkhat vel chu kan inbe tawh lo” ka lo ti chuai raih a.
Read more